DÖWLETLILIGIŇ MIZEMEZ BINÝADY

Her ýy­lyň 18-nji few­ra­lyn­da bellenilýän Türk­me­nis­ta­nyň diplomatik iş­gär­le­ri­niň gü­ni türk­men diplo­mat­la­ry­na we ola­ryň alyp barýan asyl­ly iş­le­ri­ne döw­let de­re­je­sin­de go­ýul­ýan belent sar­pa­nyň nyşa­nydyr. Berkarar Watanymyz üs­tün­lik­li dur­mu­şa ge­çir­ýän da­şa­ry syýa­satyn­da Mil­li Li­de­ri­mi­ziň baş­lan­gy­jy bi­len dün­ýä­de gyz­gyn gol­daw ta­pan «Ösüş ar­ka­ly pa­ra­hat­çy­lyk» ýö­relge­si­ni, «Dia­log ― parahatçylygyň ke­pi­li» di­ýen pel­se­pä­ni öňe sür­ýär. 

Hä­zir­ki wagt­da Türk­me­nis­tan dünýä­niň dür­li döw­let­le­ri we iri halka­ra gu­ra­ma­la­ry bi­len ne­ti­je­li dip­lo­ma­tik hyz­mat­daş­ly­gy ýo­ka­ry dere­je­de ösdür­ýär. Bu ugur­da Ar­ka­dag­ly  Gah­ryman Ser­da­ry­my­zyň umu­ma­dam­zat bäh­bit­li baş­lan­gyç­la­ry­nyň äh­mi­ýe­ti örän ulu­dyr. 2022-nji ýy­lyň 9-njy dekab­ryn­da hor­mat­ly Pre­zi­den­ti­mize «Türk­me­nis­ta­nyň us­sat dip­lo­ma­ty» di­ýen ta­pa­wut­lan­dy­ryş ny­şa­ny­nyň gow­şu­ryl­ma­gy ýa­ly buýsan­dy­ry­jy wa­ka­lar döw­let Baş­tu­ta­ny­my­zyň hoş­ni­ýet­li da­şa­ry syýasaty ama­la aşyr­mak­da­ky üs­tün­lik­li iş­le­ri­ne, mil­li dip­lo­ma­ti­ýa­my­zyň ok­gun­ly ösü­şi­ne be­ril­ýän my­na­syp ba­ha­dyr. 

Ýur­du­my­zyň da­şa­ry sy­ýa­sat ugru­nyň bin­ýa­dy hök­mün­de saý­lanyp al­nan he­mi­şe­lik Bi­ta­rap­ly­gy­myz dün­ýä bi­le­le­şi­gi­niň iň iri we ab­raý­ly gu­ra­ma­sy bo­lan Bir­le­şen Mil­letler Gu­ra­ma­sy ta­ra­pyn­dan 1995-nji ýy­lyň 12-nji de­kab­ryn­da yk­rar edi­lip, 2015-nji ýy­lyň 3-nji iýu­nyn­da ka­bul edilen BMG-niň Baş As­samb­le­ýasy­nyň «Türk­me­nis­ta­nyň he­mi­şe­lik Bita­rap­ly­gy» at­ly Ka­rar­na­ma­sy bi­len ikin­ji ge­zek tas­syk­lan­yldy. Garaşsyz Türk­me­nis­tan da­şa­ry sy­ýa­sat ug­run­da he­mi­şe­lik, oňyn we işjeň Bi­ta­rap­lyk hu­kuk ýag­da­ýy­ny sakla­ýar. Ol hal­ka­ra pa­ra­hat­çy­ly­gy­ny we dur­nuk­ly­ly­gy ber­kit­mä­ge, da­şary ýurt döw­let­le­ri we hal­ka­ra guramala­ry bi­len dost­luk­ly, deň­hu­kuk­ly we öza­ra bäh­bit­li gat­na­şyk­la­ry ösdür­mä­ge gö­nük­di­ri­len­dir. Hor­mat­ly Pre­zi­den­ti­mi­ziň baş­tu­tan­ly­gyn­da hemi­şe­lik Bi­ta­rap­lyk ýö­rel­ge­si­ne esaslan­ýan da­şa­ry sy­ýa­sa­ty­myz halkara gi­ňiş­li­gin­de uly gol­da­wa eýe bol­dy. Türk­me­nis­tan özü­niň hemişe­lik Bita­rap­lyk hu­kuk ýag­da­ýyn­dan ge­lip çyk­ýan hu­kuk­la­ry­na we borç­la­ry­na yg­rar­ly bo­lup gal­mak bi­len, ab­raý­ly hal­ka­ra gu­ra­ma­la­ry, husu­san-da, Bir­le­şen Mil­let­ler Gu­ra­ma­sy, onuň dü­züm­le­ýin eda­ra­la­ry, beý­le­ki halka­ra gu­ra­ma­la­ry bi­len iş­jeň hyz­matdaş­ly­gy ös­dür­ýär. 

Se­bit­de ýe­ke-täk­li­gi bi­len ta­pa­wutlan­ýan BMG-niň Mer­ke­zi Azi­ýa üçin öňü­ni alyş dip­lo­ma­ti­ýa­sy bo­ýun­ça se­bit mer­ke­zi­niň gö­zel paýtagtymyzda açyl­ma­gy bi­ziň döw­le­ti­mi­ziň BMG ta­ra­pyn­dan parahatçy­lyk­sö­ýü­ji, bu gu­ra­ma­nyň Ter­tip­na­ma­syn­dan ge­lip çyk­ýan ýörel­ge­le­re yg­rar­ly döw­let di­ýip yk­rar et­me­gi­niň ýe­ne-de bir aý­dyň mysa­ly­dyr. Bu mer­ke­ziň işi se­bit­de halkara gatnaşyklaryň, özara bähbitli hyzmatdaşlygyň saz­la­şykly do­wam et­me­gini gazanmaklyga gönükdirilen­dir. 

Gah­ry­man Ar­ka­da­gy­my­zyň we Ar­ka­dag­ly Gah­ry­man Serdarymyzyň parasatly hem-de oý­lany­şyk­ly sy­ýasy baş­lan­gyç­la­ry özüniň ne­ti­je­li­li­gi­ni eý­ýäm bir­nä­çe ge­zek hal­ka­ra gi­ňiş­ligin­de su­but et­di. Ge­çen ýyl­la­ry­my­za ser sa­la­ny­myz­da, Gah­ry­man Ar­kada­gy­my­zyň tek­li­bi bi­len 2021-nji ýy­ly «Hal­ka­ra pa­ra­hat­çy­lyk we yna­nyşmak ýy­ly» diýip yg­lan et­mek bo­ýunça BMG-niň Baş As­samb­le­ýa­sy­nyň ýö­ri­te Kararnama­sy ka­bul edi­lip­di. Gah­ry­man Ar­ka­da­gy­myz bu başlan­gy­jy öňe sür­mek ar­ka­ly dur­nuk­ly ösü­şe, asu­da we pa­ra­hat dur­mu­şa ýet­mek üçin öza­ra yna­nyş­ma­gyň wa­jyp­dy­gy­na dün­ýä bi­le­le­şi­gi­niň ün­sü­ni çek­di. Dün­ýä jem­gy­ýet­çi­li­gi bol­sa bu Ka­rar­na­ma­nyň ka­bul edilme­gi­ni biragyzdan gol­dap­dy. 

Mil­li dip­lo­ma­ti­ýa­my­zyň mak­sat­la­ry bi­len saz­laş­ýan hal­ky­my­zyň pa­ra­satly­lyk, döw­le­ti do­lan­dyr­mak tag­ly­ma­ty, türk­men bi­ta­rap­ly­gy­nyň yn­san­perwer ýö­rel­ge­le­ri ýur­du­my­zyň da­şa­ry sy­ýa­sy ug­ru­nyň ma­ny-mazmu­ny­ny aý­dyň kes­git­le­ýär. Türk­me­nis­ta­nyň oňyn baş­lan­gyç­la­ry­nyň hal­ka­ra kada­na­ma­lar de­re­je­sin­de öz be­ýa­nyny tap­ma­gyn­da, adam­zat ösü­şi­niň mö­hüm şer­ti bo­lan dur­nuk­ly ösü­şiň, hoş­ni­ýet­li gat­na­şyk­la­ryň da­ba­ralan­ma­gyn­da bol­sa pa­ra­hat­çy­ly­gyň we­kil­le­ri­niň, mil­li diplomatiýamy­zyň iş­jeň­li­gi­niň my­na­syp pa­ýy bar. 

Türk­men dip­lo­ma­ti­ýa­sy­ny ýe­ňiş­li men­zil­ler­de öňe alyp bar­ýan türkmen hal­ky­nyň Mil­li Lideri Gahryman Arkada­gymyzyň, Arkadagly Gahryman Ser­da­ry­my­zyň jan­la­ry sag, ömür­le­ri uzak bol­sun, il-ýurt bähbit­li alyp bar­ýan tu­tum­ly işleri he­mi­şe ro­waç­lyk­la­ra bes­len­sin! Türkmen dip­lo­mat­la­ry­my­zyň, gel­jek­ki hal­ka­ra­çy hü­när­men­le­ri­mi­ziň ata Wa­ta­ny­my­zyň dün­ýä de­re­je­sin­dä­ki ab­ra­ýy­nyň art­ma­gy ug­run­da çekýän yh­las­ly zäh­met­le­ri my­rat tap­syn! 

Merdan DOSMEDOW, 

Türkmenistanyň Demokratik partiýasynyň welaýat komitetiniň başlygy, Türkmenistanyň Mejlisiniň deputaty.