BELENT MAKSATLAR ROWAÇLANÝAR

     Gahryman Arkadagymyzyň, Arkadagly Gahryman Serdarymyzyň taýsyz tagallalary bilen Halkara parahatçylyk we ynanyşmak ýylynda ykdysady hyzmatdaşlyga güýçli itergi berilýär.Ýurdumyzda amala aşyrylýan özgertmeler we degişli kanunçylyk binýady milli ykdysadyýetiň durnukly ösüşini üpjün

etmäge ýardam edýär. Eziz Diýarymyzda we daşary ýurtlarda geçirilýän halkara forumlardyr maslahatlar bolsa ykdysady hyzmatdaşlygy ilerletmekde uly ähmiýete eýe bolýar. 

     Içerki bazary ýokary hilli we ekologik taýdan arassa önümler bilen üpjün etmekde hem­de ýurdumyzyň eksport mümkinçiliklerini artdyrmakda hususy pudaga uly orun degişlidir. Döwletimiz häzirki döwürde telekeçiligi ösdürmek üçin zerur bolan kanunçylyk binýadyny berkidýär. Türkmenistanyň Konstitusiýasynda milli ykdysadyýetimizi häzirki zaman bazar gatnaşyklary esasynda ösdürmek bellenilýär. Esasy Kanunymyzyň degişli bölüminde ykdysadyýetiň  bazar gatnaşyklary ýörelgelerine esaslanýandygy hakynda kadalar kesgitlenilýär hem­de döwletiň telekeçiligi höweslendirýändigi we goldaýandygy, kiçi we orta işewürligiň ösmegine ýardam edýändigi nygtalýar. 

     Tebigy baýlyklaryň uly gorlaryna, kuwwatly senagat düzümlerine eýe bolan, geografik taýdan amatly ýerleşýän hemişelik Bitarap Türkmenistan öz mümkinçiliklerine esaslanyp, bütin adamzadyň abadançylygyny üpjün etmäge gönükdirilen taslamalary durmuşa geçirmek ugrunda tagallalary birleşdirmäge ymtylýar. Şu ýylyň 19­njy martynda ýurdumyzda geçirilen «Halkara parahatçylyk we ynanyşmak ýyly: durnukly ösüşi üpjün etmekde sebitara­ykdysady hyzmatdaşlygyň orny» atly halkara forumda Gahryman Arkadagymyzyň hem­de 4­nji aprelde Özbegistanyň Samarkant şäherinde guralan «Merkezi Aziýa­Ýewropa Bileleşigi» görnüşindäki birinji sammitde hormatly Prezidentimiziň öňe süren teklipleri bu hakykaty dolulygyna tassyklaýar. 

     Oýlanyşykly alnyp barylýan daşary ykdysady syýasat  Bitarap Watanymyzyň durnukly ösüşiniň derwaýys ugry bolup durýar. Türkmenistan daşary ykdysady gatnaşyklaryny yzygiderli ösdürmek bilen, halkara söwda, maýa goýum we tehnologik işlere işjeň gatnaşýar. Yzygiderli esasda geçirilýän halkara forumlar özara tejribe alyşmakda we hyzmatdaşlygyň täze gözýetimlerini kesgitläp, asylly maksatlara ýetmekde möhüm meýdança bolup hyzmat edýär. Dünýä döwletleriniň, halkara maliýe düzümleriniň, abraýly kompaniýalaryň wekilleriniň ýurdumyzda durmuşa geçirilýän taslamalara uly gyzyklanma bildirmegi milli ykdysadyýetimiziň ösüşleriniň, ýurdumyzyň ýeten sepgitleriniň bütin dünýäde ykrar edilýändigini tassyklaýar. Dost­doganlyk we hoşniýetli hyzmatdaşlyk ýörelgeleri esasynda Watanymyzyň gülläp ösmegi, halkymyzyň abadan durmuşyň hözirini görüp ýaşamagy üçin taýsyz tagallalary edýän Gahryman Arkadagymyzyň  Arkadagly  Gahryman Serdarymyzyň  janlary sag, ömürleri uzak bolsun!

Begençgeldi BAÝRAMMYRADOW,

Türkmenistanyň Mejlisiniň Ykdysady meseleler 

baradaky komitetiniň agzasy.