ÝAŞULY NESLIŇ SARPASY

Düýn ýur­du­my­zyň äh­li ýe­rin­de bol­şy ýa­ly, Ýa­şu­lu­la­ryň halkara gü­ni Ahal we­la­ýa­tyn­da hem şatlyk-şow­hun­ly da­ba­ra­la­ra beslen­di. Baýram­çy­lyk da­ba­ra­la­ry ýur­du­myz­da pa­ra­sat­ly ýaşululary­my­zyň, mäh­rem ene­le­ri­mi­ziň sar­pa­sy­nyň be­lent­di­gi­niň aý­dyň su­but­na­ma­sy­na öw­rül­di.

Şat­lyk­ly gün­de Änew şä­he­rin­de ýaý­baň­lan­dy­ry­lan baý­ram­çy­lyk daba­ra­la­ry has-da ýat­da ga­ly­jy bol­dy. Me­de­ni­ýet öýün­de we­la­ýat derejesin­de ge­çi­ri­len da­ba­ra ýa­şu­ly nes­liň we­kil­le­rin­den baş­ga-da, welaýa­tyň eda­ra-kär­ha­na­la­ry­nyň iş­gär­le­ri, jem­gy­ýet­çi­lik gu­ra­ma­la­ry­nyň wekil­le­ri, ýaş­lar gat­naş­dy.

We­la­ýat hä­kim­li­gi­niň, jem­gyýet­çi­lik gu­ra­ma­la­ry­nyň hem-de welaýat Me­de­ni­ýet mü­dir­li­gi­niň bi­le­lik­de gu­ra­ma­gyn­da ge­çi­ri­len dabara­da baý­ram­çy­lyk gut­lag­lar aý­dyl­dy. Çy­kyş eden­ler Ýa­şu­lu­la­ryň hal­ka­ra gü­ni my­na­sy­bet­li ýag­şy­dan ýag­şy ar­zuw­la­ry­ny be­ýan et­mek bilen, jem­gy­ýe­ti­miz­de ag­zy­bir­li­gi pug­ta­lan­dyr­mak­da, ýaş ne­sil­le­ri watan­sö­ýü­ji­lik we yn­san­per­wer­lik ru­hun­da ter­bi­ýe­le­mek­de di­li se­na­ly ýa­şu­lu­la­ryň, kü­müş saç­ly mäh­rem ene­le­riň or­nu­nyň ulu­dy­gy­ny aý­ratyn bel­le­di­ler. 

Da­ba­ra­da Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rü­niň ajaýyp gün­le­rin­de giň­den bel­le­nil­ýän Ýaşu­lu­la­ryň hal­ka­ra gü­nü­niň ähmi­ýe­ti ha­kyn­da dur­lup ge­çil­di hem-de ýa­şuly nes­le aý­ra­tyn sy­lag-hormat ed­ýän ­Ar­ka­dag­ly Gah­ry­man Ser­da­ry­my­zyň we Gah­ry­man Arkada­gy­my­zyň ady­na al­kyş söz­le­ri aý­dyl­dy. 

Da­ba­ra­da we­la­ýa­ty­my­zyň äh­li ýe­rin­den ge­len di­li se­na­ly ýaşululara, mäh­rem ene­le­re we­la­ýa­tymy­zyň jem­gy­ýet­çi­lik gu­ra­ma­la­ry ta­ra­pyn­dan sow­gat­lar gow­şu­ryl­dy. We­la­ýa­ty­my­zyň me­de­ni­ýet we sungat us­sat­la­ry­nyň aý­dym-saz­ly çy­kyş­la­ry­na ut­ga­şan baý­ram­çy­lyk daba­ra­sy bu ýe­re ýyg­na­na­la­ryň toý şat­ly­gy­ny go­şa­lan­dyr­dy.

Resul IŞANGULYÝEW, 

Türkmenistanyň Demokratik partiýasynyň Ahal welaýat komitetiniň başlygy, Mejlisiň deputaty