TARYHY FORUM

     Dün­ýä sy­ýa­hat­çy­ly­gy­nyň mer­je­ni ha­sap­la­nyl­ýan «Awa­za» mil­li sy­ýahat­çy­lyk zo­la­gyn­da Bir­le­şen Mil­let­ler Gu­ra­ma­sy­nyň Deň­ze çy­kal­ga­sy bol­ma­dyk ösüp bar­ýan döw­let­ler bo­ýun­ça üçün­ji mas­la­ha­ty­nyň we oňa ugur­daş beý­le­ki çä­re­le­riň üs­tün­lik­li ge­çi­ril­me­gi Ber­ka­rar döw­le­tiň tä­ze eý­ýa­my­nyň Gal­ky­ny­şy döwrü­niň ta­ry­hy wa­ka­la­ry­nyň bi­ri bol­dy.

     Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde geçirilen bu uly forum Garaşsyz, hemişelik Bitarap Türkmenistanyň dünýädäki şan-şöhratyny, at-abraýyny öňküdenem belende göterdi. Hemişelik Bitaraplygymyzyň şanly 30 ýyllygy bellenilýän Halkara parahatçylyk we ynanyşmak ýylynda şeýle umumadamzat bähbitli çäräniň biziň ýurdumyzda guralmagy ata-babalarymyzdan dowam edip gelýän ynsanperwerlik, dostluk, hoşniýetlilik ýörelgelerine esaslanýan Bitaraplyk taglymatynyň, döwletimiziň parahatçylyk, ynanyşmak, abadançylyk we hyzmatdaşlyk babatdaky ýörelgeleriniň rowaçlyklara beslenýändigini görkezdi. Muny Arkadagly Gahryman Serdarymyzyň her on ýyldan bir gezek geçirilýän halkara forumda eden taryhy çykyşynda: «Parahatçylyk, ynanyşmak, Bitaraplyk düşünjeleri biziň üçin özara aýrylmaz bagly bolup, Türkmenistanyň alyp barýan syýasatynyň manysyny we düýp mazmunyny düzýär» diýen sözleri hem aýdyň tassyklaýar. 

     Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynda kabul edilen Hereketleriň Awaza maksatnamasy, Awaza syýasy Jarnamasy, şeýle-de beýleki çözgütler ýurtlaryň has-da ýakynlaşmagynda, durnukly ösüşe ýetmeginde möhüm ähmiýetli bolar. Öz işini Birleşen Milletler Guramasynyň esaslandyrylmagynyň 80 ýyllygyna, Garaşsyz Türkmenistanyň hemişelik Bitaraplygynyň 30 ýyllygyna, Halkara parahatçylyk we ynanyşmak ýylyna bagyşlan halkara forumyň dünýä taryhyna altyn harplarda ýazyljakdygyny ynam bilen aýtsa bolar. 

Amangeldi HEZZIÝEW, Le­bap we­la­ýat hä­kim­li­gi­niň baş hünär­me­ni, Türk­me­nis­ta­nyň Mej­li­si­niň de­pu­ta­ty