Türkmenistanyň Mejlisiniň wekilleri Täjigistan Respublikasynyň Duşenbe şäherinde geçirilýän Merkezi Aziýa döwletleriniň 4-nji Parlamentara forumynyň «Suw, howa, ekologiýa howpsuzlygy sebitiň durnukly ösüşiniň binýadydyr»atly mejlisine gatnaşdylar.

Mejlisde Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy B.Myradowa çykyş edip, ýurdumyzda daşky gurşawy goramak, tebigy baýlyklardan netijeli peýdalanmak we «ýaşyl» ykdysadyýete geçmek boýunça durmuşa geçirilýän giň gerimli işler barada belläp geçdi. Ol Türkmenistanyň Prezidenti hormatly Serdar Berdimuhamedowyň parasatly ýolbaşçylygynda ekologiýa howpsuzlygyny üpjün etmegiň, howanyň üýtgemeginiň täsirini azaltmagyň we durnukly ösüş maksatlaryna ýetmegiň döwlet syýasatynyň ileri tutulýan ugurlarynyň hatarynda durýandygyny belledi. 

Şeýle hem gaýtadan dikeldilýän energiýa çeşmelerini ösdürmek, metan zyňyndylaryny azaltmak we daşky gurşawy goramak boýunça milli strategiýalaryň hem-de halkara başlangyçlaryň ähmiýeti nygtaldy. Türkmenistanyň bu ugurda alyp barýan işleriniň ekologiýa abadançylygyny üpjün etmäge we halkara hyzmatdaşlygy pugtalandyrmaga gönükdirilendigi barada durlup geçildi.

Mejlisiň ahyrynda oňa gatnaşyjylar daşky gurşawy goramak boýunça halkara borçnamalary ýerine ýetirmäge we ählumumy ekologiýa meseleleriň çözülmegine mynasyp goşant goşmaga ygrarlydyklaryny bellediler.

Türkmenistanyň Mejlisiniň wekilleri Täjigistan Respublikasynyň Duşenbe şäherinde geçirilýän Merkezi Aziýa döwletleriniň 4-nji Parlamentara forumynyň «Ykdysady integrasiýa, durnukly ösüş we sebitleýin hyzmatdaşlygyň giňeldilmegi» atly mejlisine gatnaşdylar.

Mejlise gatnaşyjylar Merkezi Aziýa döwletleriniň arasynda ykdysady hyzmatdaşlygy ösdürmegiň, maýa goýumlary çekmek üçin amatly şertleri döretmegiň hem-de ulag-logistika mümkinçiliklerinden netijeli peýdalanmagyň ähmiýetini bellediler. Şeýle hem sebitde durnukly ykdysady ösüşi üpjün etmekde parlamentara hyzmatdaşlygyň ornuna aýratyn üns berildi. Bu ugurda parlamentleriň kanunçykaryjylyk işinde tejribe alyşmagyň, ykdysady gatnaşyklary ösdürmäge gönükdirilen hukuk binýady kämilleşdirmegiň we özara bähbitli başlangyçlary goldamagyň möhüm ähmiýetini nygtadylar.

Mejlisde ýurdumyzyň Milli parlamentiniň wekili çykyş edip, Türkmenistanda daşky gurşawy goramak we howanyň üýtgemegine uýgunlaşmak, suw serişdelerini rejeli peýdalanmak, bäsdeşlige ukyply innowasion ykdysadyýeti kemala getirmek, sirkulýar ykdysadyýete geçmek, ähli pudaklara sanly ulgamy ornaşdyrmak hem-de adam maýasyny ösdürmek babatdaky işleriň döwlet tarapyndan, oňyn başlangyçlar bilen işjeňleşdirilýändigini belledi. 

Maslahatyň ahyrynda doganlyk döwletleriň wekilleriniň çykyşlarynda öňe sürlen täze we anyk teklipleriň, şeýle hem sebitara derejede durmuşa geçirilýän oňyn tejribeleriň gatnaşyjylar üçin örän ähmiýetli bolandygy bellenildi. Bu ýokary derejeli forumyň geljekde durnukly ykdysady ösüşi üpjün etmekde we halklaryň dost-doganlyk gatnaşyklaryny täze sepgitlere çykarmakda möhüm ähmiýete eýe boljakdygyna ynam bildirildi. 

Türkmenistanyň Mejlisiniň wekilleri Täjigistan Respublikasynyň Duşenbe şäherinde geçirilýän Merkezi Aziýa döwletleriniň 4-nji Parlamentara forumynyň «Parahatçylyk, sebit howpsuzlygy we parlament diplomatiýasyny ösdürmek» atly mejlisine gatnaşdylar.

Mejlise gatnaşyjylar forumyň parahatçylygy pugtalandyrmakda, sebit howpsuzlygyny üpjün etmekde we parlament diplomatiýasyny ösdürmekde  tejribeleri we pikir-garaýyşlary paýlaşmakdaky möhüm ähmiýetini bellediler.

Türkmenistanyň Mejlisiniň Halkara we parlamentara aragatnaşyklar baradaky komitetiniň başlygy M.Kulyýew çykyş edip, maslahatyň gün tertibine girizilen meseleleriň Merkezi Aziýanyň geljegi üçin örän möhümdigini, bu ugurda ýurdumyzyň hemişelik Bitaraplyk hukuk ýagdaýyna we hormatly Prezidentimiz Serdar Berdimuhamedowyň alyp barýan parahatçylyk söýüjilikli daşary syýasatyna esaslanyp, Birleşen Milletler Guramasynyň Baş Assambleýasynda energiýa serişdeleri we ulag üstaşyr geçelgeleri, parahatçylygy we özara ynanyşmagy pugtalandyrmak boýunça kabul edilen kararnamalaryň, hususan-da, «Merkezi Aziýa – parahatçylyk, ynanyşmak we hyzmatdaşlyk zolagy» atly Kararnamanyň sebitiň ýurtlarynyň arasyndaky syýasy-diplomatik, ykdysady we medeni hyzmatdaşlygy täze derejä çykarmakda halkara-hukuk binýady pugtalandyrmaga oňyn itergi berýändigini nygtady.

Mejlise gatnaşyjylar häzirki wagtda şeýle formatdaky hyzmatdaşlygyň çäklerinde parahatçylygy we howpsuzlygy hem-de ekologiýa abadançylygyny üpjün etmekde, hyzmatdaşlygyň hukuk esaslaryny berkitmekde, ulag geçelgelerini döretmekde we giňeltmekde, maýa goýum taslamalaryny amala aşyrmakda, energiýa serişdeleriniň elýeterliligini gazanmakda tagallalary birleşdirmegiň möhümdigini bellediler. Şeýle hem forumyň sebitde parahatçylygyň, durnukly ösüşiň we halklaryň dost-doganlyk gatnaşyklarynyň has-da berkemegine uly goşant goşjakdygyna ynam bildirildi. 

On October 29, 2026, Turkmen delegation led by the Chairperson of the Mejlis of Turkmenistan participated in the 4th Inter-Parliamentary Forum of Central Asian States, held in the city of Dushanbe of the Republic of Tajikistan «Unity for Peace, Security and Prosperity in Central Asia».

The main goal of the forum is to support the friendly relations established between the countries of the region at the parliamentary level and to elevate inter-parliamentary relations to a new level.

In speech at the opening ceremony of the inter-parliamentary forum the Chairperson of the Mejlis of Turkmenistan D.Gulmanova, thanked the Majlisi Milli of the Majlisi Oli of the Republic of Tajikistan for the high level of organization of the forum and expressed confidence that the Dushanbe meeting would provide an impetus to ensure the future development and prosperity of the region, develop inter-parliamentary relations, and exchange positive experiences of the active participation of parliamentarians in socio-economic development.

And also emphasized that, thanks to the efforts and consistent support of the Heads of state, international conferences such as the Inter-Parliamentary Forum of the Central Asian states open up new opportunities to further activate multifaceted cooperation in the region and coordinate the efforts of parliaments to ensure sustainable development.

It was noted that the Central Asian region has become one of the most important geopolitical and economic centers of the world, contributing to the strengthening of multilateral cooperation between countries, and is the main guarantor of stability. Turkmenistan's goals and objectives are aimed at ensuring peace, establishing dialogue between countries, and strengthening mutual trust.

During the forum, was emphasized the important role of the dialogue between women in Central Asian countries, as well as regional youth forums, scientific conferences, and cultural and sporting events in ensuring peace and regional security.