Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň ýolbaşçylygynda 9-njy ýanwarda geçirilen guramaçylyk döwlet toparynyň mejlisinde öňde goýlan wezipeleri ýerine ýetirmek maksady bilen, 2025-nji ýylyň 15-nji ýanwarynda Türkmenistanyň Mejlisiniň Ýerli wekilçilikli häkimiýet we öz-özüňi dolandyryş edaralary bilen işlemek baradaky komitetiniň başlygy Maksatberdi Gurbanow, Türkmenistanyň Gyzyl Ýarymaý Milli Jemgyýetiniň başlygy Maral Açilowa, «Edebiýat we sungat» gazetiniň baş redaktory Ogulmaýsa Allaberdiýewa Ahal welaýatyna iş saparyny amala aşyrdylar. 

Iş saparynyň dowamynda Gahryman Arkadagymyzyň hem-de Hormatly Prezidentimiz Arkadagly Gahryman Serdarymyzyň ýurdumyzyň kada-kanunçylyk işini kämilleşdirmek barada öňde goýan wezipelerini ýerine ýetirmek, şeýle hem 2025-nji ýylyň «Halkara parahatçylyk we ynanyşmak ýyly» diýlip atlandyrylmagynyň we ýylyň nyşanynyň many-mazmunyny ilatyň arasynda wagyz-nesihat etmek, Ahal welaýatynyň ýaşaýjylaryndan parahatçylyk we ynanyşmak ýörelgelerini pugtalandyrmak, bu ýörelgeleri kanunçylykda berkitmek we  kämilleşdirmek maksady bilen, teklipleri öwrenmek boýunça Gökdepe etrabynyň Yzgant şäherçesindäki Mälikguly Berdimuhamedow adyndaky Medeniýet köşginde duşuşyk geçirildi. 

Täsirli geçen duşuşyga dürli ugurlarda zähmet çekýän bagtyýar raýatlar, il sylagly ýaşulular, kümüş saçly eneler, welaýat, etrap, şäher halk maslahatlarynyň, Geňeşleriň agzalary, arçynlar, bilim işgärleri hem-de ýaşlar gatnaşdylar. 

Bu maslahatda çykyş edenler 2025-nji ýylyň «Halkara parahatçylyk we ynanyşmak ýyly» diýlip yglan edilmegi we Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça hormatly Prezidentimiziň Permanyna laýyklykda döredilen guramaçylyk döwlet toparynyň mejlisinde öňde goýlan wezipeler, Diýarymyzyň dünýäde parahatçylygy, howpsuzlygy, durnukly ösüşi üpjün etmekde öňe sürýän başlangyçlarynyň goldanylmagy hem-de Bitaraplyk hukuk ýagdaýynyň kanunçylykda berkidilmeginiň möhüm ähmiýeti barada giňişleýin gürrüň berdiler. 

Maslahatda Türkmenistanyň Mejlisiniň Ýerli wekilçilikli häkimiýet we öz-özüňi dolandyryş edaralary bilen işlemek baradaky komitetiniň başlygy Maksatberdi Gurbanow özüniň çykyşynda «Türkmenistanyň hemişelik Bitaraplygynyň şanly 30 ýyllygyny şöhratlandyrmak maksady bilen, şeýle hem Gahryman Arkadagymyzyň ýiti zehininden, jöwher paýhasyndan dörän, parahatçylygyň, ynanyşmagyň we dost-doganlygyň ähmiýetini, onuň gadyr-gymmatyny giňden açyp görkezýän «Türkmenistan – parahatçylygyň we ynanyşmagyň Watany» atly ajaýyp goşgusyndan ugur alyp, köp sanly raýatlarymyzdan gelip gowşan teklipler esasynda Türkmenistanyň Mejlisiniň karary bilen 2025-nji ýyl «Halkara parahatçylyk we ynanyşmak ýyly» diýlip yglan edildi» diýip, belläp geçdi. Şeýle hem parahatçylyk we ynanyşmak ýörelgelerini pugtalandyrmak, bu ýörelgeleri kanunçylykda berkitmek we kämilleşdirmek maksady bilen, raýatlarymyzyň tekliplerine, erk-islegine döwletimiz tarapyndan uly hormat goýulýandygyny nygtady. 

Maslahatda çykyş eden il sylagly ýaşulynyň hem-de halk maslahatynyň agzasynyň çykyşlary has-da täsirli boldy. Olardan Ahal welaýat halk maslahatynyň agzasy Musamuhammet Berdiýew özüniň çykyşynda ählumumy parahatçylygy, howpsuzlygy we durnukly ösüşi üpjün etmek, döwletleriň arasynda özara ynanyşmagy berkitmek, dünýä ýurtlaryny we halklaryny parahatçylyga, dost-doganlyga çagyrmak boýunça Bitarap Watanymyzyň edýän asylly tagallalarynyň, maksatlarynyň ýurdumyz üçin bähbitleri, tutuş adamzat üçin ähmiýeti barada  durup geçdi. Türkmenistanyň Halk Maslahatynyň hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanynda döredilen ýaşulular Geňeşiniň agzasy Gurbangeldi Aýlyýew bolsa maslahata gatnaşyjylaryň adyndan çykyş edip, her bir millet baradaky aladanyň biziň aňyrdan gelýän milli däp-dessurlarymyzdan gözbaş alýandygy, döwletimiz tarapyndan geçirilýän her bir işi tüýs ýürekden goldaýandyklary hakynda beýan etdi.

 Şeýle mazmundaky çäreleriň dowamy Ahal welaýatynyň dürli künjeklerinde, Ak bugdaý etrabynyň Änew şäher medeniýet öýünde, Bäherden  etrabynyň Akdepe obasynda ýerleşýän 31-nji orta mekdepde, Kaka etrabynyň Gowşut obasynda ýerleşýän 28-nji orta mekdepde geçirildi. 

Maslahatlara gatnaşyjylar halkymyzyň eşretli, bagtyýar durmuşda ýaşamagy üçin ähli mümkinçilikleri döredýän  Hormatly Prezidentimiz Arkadagly Gahryman Serdarymyza, milletimiziň howandary Gahryman Arkadagymyza tüýs ýürekden çykýan alkyşlaryny beýan etdiler. 

Hormatly Prezidentimiziň Permany bilen döredilen 2025-nji ýylyň «Halkara parahatçylyk we ynanyşmak ýyly» diýlip yglan edilmegi we Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça guramaçylyk döwlet toparynyň mejlisinde Gahryman Arkadagymyzyň öňde goýan wezipelerini ýerine ýetirmek maksady bilen, şu ýylyň 15-nji ýanwarynda Türkmenistanyň Mejlisiniň Ykdysady meseleler baradaky komitetiniň başlygy Guwançmyrat Agaýew, Türkmenistanyň Parahatçylyk gaznasynyň müdiriýetiniň başlygy Maýsa Saryýewa, «Türkmenistan» gazetiniň baş redaktory Kakamyrat Rejepow, «Aşgabat» gazetiniň baş redaktory Annamyrat Mämmedow Aşgabat şäherine iş saparyny amala aşyrdylar. 

Saparyň dowamynda 2025-nji ýylyň «Halkara parahatçylyk we ynanyşmak ýyly» diýlip atlandyrylmagynyň we ýylyň nyşanynyň many-mazmunyny ilatyň arasynda wagyz-nesihat etmek, döwletleriň arasynda özara ynanyşmagy berkitmek, dünýä ýurtlaryny we halklaryny parahatçylyga, dost-doganlyga çagyrmak, bu ýörelgeleri kanunçylykda berkitmek babatda raýatlaryň tekliplerini öwrenmek boýunça Aşgabat şäher häkimliginiň binasynda maslahat duşuşygy geçirildi.

Maslahata ýurdumyzyň ykdysadyýetiniň dürli ugurlarynda zähmet çekýän bagtyýar raýatlar, il sylagly ýaşulular, kümüş saçly eneler, Mejlisiň deputatlary, jemgyýetçilik guramalarynyň wekilleri, şäher we etrap halk maslahatlarynyň agzalary, bilim, saglyk, sport ulgamlarynyň işgärleri hem-de ýaşlar gatnaşdylar.

Maslahatda çykyş edenler hemişelik Bitaraplygymyzyň şanly 30 ýyllyk baýramy mynasybetli öňde durýan wezipeler, Halkara parahatçylyk we ynanyşmak ýyly mynasybetli ýurdumyzda göz öňünde tutulýan çäreleri ýokary derejede geçirmek boýunça işlere badalga berilmegi, şeýle hem Garaşsyz, hemişelik Bitarap Türkmenistanyň parahatsöýüjilikli içeri we daşary syýasatynyň bu günki gün dünýä jemgyýetçiligi tarapyndan ykrar edilýändigi, bu işleriň sakasynda bolsa Gahryman Arkadagymyzyň hem-de Arkadagly Gahryman Serdarymyzyň taýsyz tagallalarynyň durandygy barada nygtadylar. 

Maslahatda Türkmenistanyň Mejlisiniň Ykdysady meseleler baradaky komitetiniň başlygy Guwançmyrat Agaýew Hormatly Prezidentimiziň Permanyna laýyklykda döredilen guramaçylyk döwlet toparynyň şu ýylyň 9-njy ýanwarynda geçirilen mejlisinde Gahryman Arkadagymyzyň Halkara parahatçylyk we ynanyşmak ýylyny ýokary derejede guramaçylykly geçirmek barada möhüm wezipeleri öňde goýandygyny belledi. Şeýle hem Gahryman Arkadagymyzyň ýurdumyzyň kada-kanunçylyk işini kämilleşdirmek, ilatyň arasynda wagyz-nesihat işlerini giňden ýola goýmagyň möhümdigi, Halkara parahatçylyk we ynanyşmak ýylynyň dowamynda Türkmenistanyň parahatçylyk we ynanyşmak ýörelgelerine daýanýan daşary syýasatynyň hukuk esaslaryny berkitmek maksady bilen, degişli kadalaşdyryjy hukuk namalaryny işläp taýýarlamak meselelerine bellenilen tertipde seretmek barada aýdanlarynyň belent wezipeler bolup durýandygyny nygtady.

Aşgabat şäher halk maslahatynyň başlygy, Türkmenistanyň Hormatly il ýaşulusy Gurbannazar Ataýew özüniň çykyşynda Türkmenistanyň Halk Maslahatynyň alyp barýan işiniň ählihalk bähbitli möhüm wezipeleri çözmekde örän ýokary ähmiýete eýedigine ünsi çekdi, şeýle hem welaýat, etrap, şäher halk maslahatlarynyň agzalarynyň, Türkmenistanyň Mejlisiniň deputatlarynyň, jemgyýetçilik guramalaryň we syýasy partiýalaryň agzalarynyň hem-de bagtyýar raýatlarymyzyň öňde durýan wezipeleri üstünli durmuşa geçirmekde yhlasly zähmet çekjekdiklerine ynandyrdy.

Şeýle mazmundaky maslahatlar Aşgabat şäheriniň Berkararlyk we Köpetdag etrap häkimliklerinde hem geçirildi. 

Maslahatlara gatnaşanlar Türkmenistan döwletimiziň halkara at-abraýyny has-da belende galdyrmak, halkymyzyň eşretli, bagtyýar durmuşda ýaşamagyny üpjün etmek ugrunda beýik işleri alyp barýan, umumadamzat ähmiýetli parahatçylyk söýüjilikli başlangyçlary öňe sürýän Hormatly Prezidentimiz Arkadagly Gahryman Serdarymyza, Gahryman Arkadagymyza tüýs ýürekden çykýan alkyşlaryny beýan etdiler.

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň ýolbaşçylygynda 2025-nji ýylyň 9-njy ýanwarynda geçirilen guramaçylyk döwlet toparynyň mejlisinde öňde goýlan wezipeleri ýerine ýetirmek maksady bilen, şu ýylyň 15-nji ýanwarynda Türkmenistanyň Mejlisiniň Kada-kanunçylyk baradaky komitetiniň başlygy Batyr Baýlyýew, Türkmenistanyň Magtymguly adyndaky Ýaşlar guramasynyň Merkezi Geňeşiniň başlygy Ýazpolat Keriýew, «Adalat» gazetiniň baş redaktory Maksat Nuryýew Balkan welaýatyna iş saparyny amala aşyrdylar. 

Iş saparynyň dowamynda Gahryman Arkadagymyzyň  hem-de Hormatly Prezidentimiz Arkadagly Gahryman Serdarymyzyň ýurdumyzyň kada-kanunçylyk işini kämilleşdirmek barada öňde goýan wezipelerini ýerine ýetirmek, şeýle hem 2025-nji ýylyň «Halkara parahatçylyk we ynanyşmak ýyly» diýlip atlandyrylmagynyň we ýylyň nyşanynyň many-mazmunyny halkyň arasynda wagyz etmek, Türkmenistanyň hemişelik Bitaraplygynyň şanly 30 ýyllygynyň giňden dabaralandyryljak ýylynda  geçiriljek giň gerimli çäreler, parahatçylyk söýüjilikli ýörelgeleri milli kanunçylykda has-da berkitmek maksady bilen, raýatlaryň tekliplerini öwrenmek boýunça Türkmenbaşydaky nebiti gaýtadan işleýän zawodlar toplumynyň medeni sport toplumynda duşuşyk maslahaty geçirildi. 

Maslahata ýaşuly nesliň wekilleri,  Mejlisiň deputatlary, welaýat, etrap, we şäher halk maslahatlarynyň, Geňeşleriň agzalary, arçynlar,  döwlet edaralarynyň işgärleri hem-de ýaşlar gatnaşdylar. 

Maslahatda Hormatly Prezidentimiz Arkadagly Gahryman Serdarymyzyň 2025-nji ýylyň Halkara parahatçylyk we ynanyşmak ýyly» diýlip yglan edilmegi we Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça guramaçylyk döwlet toparyny döretmek hakynda Permanyna we Türkmenistanyň Halkara parahatçylyk we ynanyşmak ýylynyň dowamyndaky işleriniň we ileri tutýan ugurlarynyň Konsepsiýasyna laýyklykda durmuşa geçirilmeli çäreler, dünýäde parahatçylygyň we ylalaşygyň pugtalandyrylmagy üçin tagallalary birleşdirýän, ählumumy ösüşiň, abadançylygyň hem­de rowaçlygyň bähbitlerine oňyn bitaraplyk, parahatçylyk söýüjilik, hoşniýetli goňşuçylyk syýasatyny alyp barýan Garaşsyz, hemişelik Bitarap döwlet hökmünde eziz Watanymyzyň halkara derejede eýeleýän orny barada giňişleýin çykyşlar edildi. 

Maslahatyň dowamynda Türkmenistanyň Mejlisiniň Kada-kanunçylyk baradaky komitetiniň başlygy Batyr Baýlyýew özüniň çykyşynda Hormatly Prezidentimiziň parasatly ýolbaşçylygynda ýurdumyzyň milli kanunçylygyny kämilleşdirmek babatda durmuşa geçirilýän işleriň döwletiň we jemgyýetiň durmuşynyň ähli ulgamlarynda ýaýbaňlandyrylan giň möçberli özgertmeleri kanunçylyk taýdan üpjün etmäge, halkymyzyň hal-ýagdaýynyň has-da gowulandyrylmagyny gazanmaga, ýurdumyzyň kanunçylyk-hukuk binýadyny mundan beýläk-de kämilleşdirmäge ýardam edýändigini belledi. 

Maslahatda Balkan welaýat halk maslahatynyň başlygy Begmyrat Garryýew özüniň çykyşynda Garaşsyz, Bitarap Türkmenistanyň Gahryman Arkadagymyz tarapyndan işlenilip taýýarlanylan daşary syýasy strategiýasynyň – parahatçylyk söýüjilik, açyklyk, hoşniýetli halkara hyzmatdaşlyk ýörelgeleriniň hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýändigini nygtady. Türkmenistanyň Mejlisiniň kararyna laýyklykda, 2025­nji ýylyň «Halkara parahatçylyk we ynanyşmak ýyly» diýlip yglan edilmeginiň esasynda Gahryman Arkadagymyzyň «Türkmenistan — parahatçylygyň we ynanyşmagyň Watany» atly ajaýyp şygrynyň belent ruhunyň bardygyny belledi.

Şeýle hem edilen çykyşlarda Türkmenistanyň hemişelik Bitaraplygynyň şanly 30 ýyllyk baýramynyň, Halkara parahatçylyk we ynanyşmak ýylynyň çäreleriniň taryhy hem-de syýasy taýdan möhüm ähmiýete eýedigi we olaryň dünýäde parahatçylygy, durnukly ösüşi pugtalandyrmak ugrunda edilýän ählumumy tagallalara uly goşant bolup durýandygy bellenildi.

Şeýle maslahatlar Balkan welaýat häkimliginde, Türkmenbaşy etrap medeniýet öýünde hem geçirildi. 

Maslahatlara gatnaşanlar ata Watanymyzy we halkymyzy agzybirlikde rowana ak ýollar bilen ösüşiň täze belentliklerine alyp barýan  Hormatly Prezidentimiz Arkadagly Gahryman Serdarymyzyň, Gahryman Arkadagymyzyň janlarynyň sag, belent başlarynyň aman, il-ýurt bähbitli, umumadamzat ähmiýetli tutumly işleriniň rowaç bolmagyny tüýs ýürekden arzuw etdiler. 

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň guramaçylyk döwlet toparynyň mejlisinde ýurdumyzyň kada-kanunçylyk işini kämilleşdirmek barada öňde goýan wezipelerini ýerine ýetirmek, şeýle hem 2025-nji ýylyň «Halkara parahatçylyk we ynanyşmak ýyly» diýlip atlandyrylmagynyň we ýylyň nyşanynyň many-mazmunyny ilatyň arasynda wagyz-nesihat etmek maksady bilen, 2025-nji ýylyň 15-nji ýanwarynda Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy Bahar Seýidowanyň, Türkmenistanyň Kärdeşler arkalaşyklarynyň Milli merkeziniň başlygy, Türkmenistanyň Zenanlar birleşiginiň Merkezi Geňeşiniň başlygy Oguljennet Berdiliýewanyň, «Dünýä edebiýaty» žurnalynyň baş redaktory Rahmet Gylyjowyň gatnaşmagynda Lebap welaýatynda wagyz-nesihat duşuşyklary geçirildi.

Türkmenabat şäher häkimliginiň mejlisler zalynda geçirilen duşuşyga il sylagly ýaşulular, mährem eneler, Türkmenistanyň Mejlisiniň deputatlary, welaýat, etrap we şäher halk maslahatlarynyň agzalary, Lebap welaýat, etrap we şäher häkimlikleriniň jogapkär işgärleri, welaýatyň edaralarynyň we kärhanalarynyň wekilleri, syýasy partiýalaryň, jemgyýetçilik birleşikleriniň ýolbaşçylary we arçynlar gatnaşdylar. Duşuşykda Gahryman Arkadagymyzyň ýurdumyzyň kada-kanunçylyk işini kämilleşdirmek barada öňde goýan wezipelerini ýerine ýetirmek, Türkmenistanyň Mejlisi tarapyndan Halkara parahatçylyk we ynanyşmak ýyly mynasybetli Türkmenistanyň parahatçylyk we ynanyşmak ýörelgelerine daýanýan daşary syýasatynyň hukuk esaslaryny berkitmek maksady bilen alnyp barylýan işler, Bitaraplygymyzyň şanly 30 ýyllyk baýramy mynasybetli öňde durýan wezipeler barada çykyşlar diňlenildi.

Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy Bahar Seýidowa öz çykyşynda Türkmenistanyň Bitaraplyk hukuk ýagdaýynyň milli kanunçylykda berkidilmeginiň möhüm ähmiýetini nygtady.

Türkmenistanyň Halk Maslahatynyň Ýaşulular Geňeşiniň agzasy Ereş Talybow öz çykyşynda döwleti dolandyrmagyň demokratik ýörelgelerini mundan beýläk-de kämilleşdirmek boýunça Gahryman Arkadagymyzyň, Hormatly Prezidentimiz Arkadagly Gahryman Serdarymyzyň alyp barýan syýasatynyň ilatymyz tarapyndan doly goldawa eýe bolýandygyny belledi.

Türkmenabat şäheriniň ýaşaýjysy, «Zenan Kalby» ordeniniň eýesi, kümüş saçly ene Ogulboldy Çopanowa öz çykyşynda bu şanly ýylymyzyň şygary – türkmen halkymyzyň ýürek sesidir, kalbynyň owazydyr. Parahatçylyk-bütin dünýäniň arzuwy, ynsanyýet kowmunyň arzuwy, biz eneleriň arzuwydyr. Bu günki gün türkmeniň ykbal sallançagynda eneleriň hüwdileri, Gahryman Arkadagymyzyň, Arkadagly Gahryman Serdarymyzyň parasatly pähimleri, paýhaslar ummany bilen nesilleri nurana ertelere, milleti baky bagtyýarlyga atarýar, diýip belläp geçdi.

Şeýle duşuşyklar Dänew etrabynyň medeniýet öýünde, Darganata etrabynyň Gazojak şäherindäki çagalar sungat mekdebinde hem geçirildi. 

Duşuşyklara gatnaşyjylar Halkara parahatçylyk we ynanyşmak ýyly mynasybetli geçiriljek dabaralaryň eziz Diýarymyzyň hemişelik Bitaraplygynyň şanly 30 ýyllygy bilen utgaşýandygyna aýratyn ünsi çekip, munuň 2025-nji ýylyň ähmiýetini has-da artdyrjakdygyny, onuň şöhratly taryhymyza altyn harplar bilen ýazyljakdygyny nygtadylar.

Maslahatlara gatnaşyjylar halkymyzyň eşretli, bagtyýar durmuşda ýaşamagy üçin ähli mümkinçilikleri döredýän Hormatly Prezidentimiz Arkadagly Gahryman Serdarymyza, Gahryman Arkadagymyza tüýs ýürekden çykýan alkyşlaryny beýan etdiler.