Garaşsyz, hemişelik Bitarap Türkmenistan döwletimizde amala aşyrylýan beýik işlerde halkymyzyň bagtyýar durmuşy, ilkinji nobatda bolsa ýaş nesliň röwşen geljegi ugrundaky aladalar baş wezipeleriň hatarynda durýar. Ýurdumyzyň hukuk binýadyny kämilleşdirmek işini milli parlament esasy we möhüm wezipe edip öňe çykarýar. Çünki demokratik, hukuk we dünýewi döwletimiziň hukuk binýadyny döwrebap derejede kämilleşdirmek, ony halkara hukugyň umumy ykrar edilen kadalaryndan ugur alyp döwrebaplaşdyrmak häzirki döwrüň möhüm talaby hasaplanýar. 

Döwletimiziň ösüş maksatnamalarynyň, şol sanda «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» esasy ugurlarynda bilimde, ylymda we tehnikada gazanylan oňyn netijelere esaslanyp, milli bilim ulgamyny kämil derejede ösdürmek, ylymly, bilimli, giň gözýetimli, maksada okgunly, berk bedenli, sagdyn ruhly ýaşlary terbiýeläp ýetişdirmek, öň­debaryjy innowasion tehnologiýalardan baş çykarýan, ýokary derejeli hünärmenleri taýýarlamak işlerini amala aşyrmak derwaýys maksatlar hökmünde kesgitlenýär. 

Türkmenistanyň Mejlisiniň ýedinji çagyrylyşynyň altynjy maslahatynyň gün tertibine girizilen birnäçe kanunlar bilen bir hatarda, «Bedenterbiýe we sport hakynda» Türkmenistanyň Kanunyna üýtgetmeler we goşmaça girizmek hakynda», «Döwlet ylmy-tehniki syýasaty hakynda» Türkmenistanyň Kanunyna üýtgetmeler girizmek hakynda», «Ylmy edaralar hakynda» Türkmenistanyň Kanunyna üýtgetme girizmek hakynda», şeýle hem «Sportda dopinge garşy göreşmek hakynda» Türkmenistanyň Kanunyna üýtgetmeler girizmek hakynda» Türkmenistanyň Kanunlarynyň kabul edilmegi maksatnamalaýyn işleriň yzygiderliligini aýdyň görkezýär. 

Arkadagly Gahryman Serdarymyzyň ýaşlar syýasatynyň esasy ugurlaryna laýyklykda, geljegimiz bolan ýaş nesliň döwrebap bilim almagy, ylym bilen meşgullanmagy, sport çärelerine işjeň gatnaşmagy, watansöýüjiligiň we ynsanperwerligiň belent ruhunda terbiýelenmegi, ýurduň jemgyýetçilik durmuşynda alnyp barylýan işlere, özgertmelere goşant goşmagy, şeýle hem bilimdir tejribeleriniň ykdysady ösüşlere gönükdirilmegi ugrunda giň mümkinçilikler döredilýär. Kämilligiň sagdynlykdan gözbaş alýandygy şübhesizdir. Saglyk — munuň özi güýjüň, gözelligiň, bagtyýarlygyň we beýik sepgitlere ýetmäge ynamyň bir ýere jemlenmesi. Hut şonuň üçin hem ýaş nesliň bilim, ylym derejesini ýokarlandyrmak bilen birlikde, saglygyny goramak we dikeltmek boýunça edilýän aladalar döwlet syýasatynyň möhüm ugurlarynyň biri bolup durýar. 

Köpçülikleýin bedenterbiýäni we sporty ösdürmek, ulgamyň maddy-enjamlaýyn binýadyny pugtalandyrmak, türkmen sportunyň abraýyny halkara derejede ýokarlandyrmak babatda döwlet tarapyndan alnyp barylýan beýik işler oňyn netijesini berýär. Türkmenistanyň Konstitusiýasynyň esasy ýörelgelerinden ugur alýan bedenterbiýe we sport ulgamynyň hukuk binýady döwrüň talaplaryna hem-de halkara hukugyň umumy ykrar edilen kadalaryna laýyklykda kämilleşdirilýär. «Bedenterbiýe we sport hakynda» Türkmenistanyň Kanunyna üýtgetmeler we goşmaça girizmek hakynda» Kanunda maýyplygy bolan we saglyk mümkinçilikleri çäkli adamlaryň dürli derejeli halkara sport ýaryşlaryna, şol sanda Paralimpiýa oýunlaryna gatnaşmagyny düzgünleşdirmek we goldamak baradaky kadalar kämilleşdirildi. Şeýle hem bu ugurda ygtyýarly döwlet edarasynyň bedenterbiýe we sport bilen bagly hyzmatlary sertifikatlaşdyrmak babatda ygtyýarlylygyny gi­ňeltmek boýunça kadalar hukuk resminamasynda öz beýanyny tapdy. 

Türgenleşik geçirilýän fitnes zallaryny hem-de olardaky trenažýorlary tehniki howpsuzlyk düzgünlerine laýyk getirmek, şeýle hem bu ugruň tälimçileriniň tejribesini, bilimini, nazary we usuly taýdan taýýarlygyny düzgünleşdirmek babatda hyzmatlary sertifikatlaşdyrmak işini ýörite döwlet edarasynyň ygtyýarlygynda amala aşyrmak maksady bilen Kanuna girizilen goşmaça sporta ykbalyny baglanlaryň geljekde gazanjak üstünliklerini nazarlaýar. 

Türkmen halkynyň Milli Lideri Gahryman Arkadagymyzyň hem-de döwlet Baştutanymyzyň göreldesine eýerýän türkmen türgenleri halkara derejede geçirilýän sport ýaryşlarynda ýurdumyzyň abraýyny belende göterýärler. Şeýle ýaryşlarda ýüze çykýan gatnaşyklary döwrebaplaşdyrmaga gönükdirilen «Sportda dopinge garşy göreşmek hakynda» Türkmenistanyň Kanunyna üýtgetmeler girizmek hakynda» Kanun Bütindünýä dopinge garşy agentligi tarapyndan kabul edilen, 2021-nji ýylda güýje girizilen bu agentligiň täze Kodeksiniň hem-de Birleşen Milletler Guramasynyň Bilim, ylym we medeniýet meseleleri boýunça guramasynyň (ÝUNESKO) sportda dopinge garşy göreşmek hakynda Konwensiýasynyň kadalaryna laýyk gelýär. Has takygy, Türkmenistanyň Dopinge garşy göreşmek baradaky milli agentliginiň hukuk ýagdaýy, doping hökmany gözegçiligi we ony geçirmegiň şertleri baradaky kadalar, şeýle hem bedenterbiýe we sport guramalarynyň, sportuň görnüşleri boýunça milli federasiýalaryň hem-de türgenleriň borçlary Bütindünýä dopinge garşy agentliginiň Kodeksiniň talaplaryna laýyk getirildi we döwrebaplaşdyryldy. Sportda dopinge garşy kadalaryň bozulmagy bilen bagly jedelleriň Türkmenistanyň Dopinge garşy milli agentliginiň kadalaryna laýyklykda çözülýändigi kesgitlenildi. 

«Bedenterbiýe we sport hakynda» Türkmenistanyň Kanunyna üýtgetmeler we goşmaça girizmek hakynda», «Sportda dopinge garşy göreşmek hakynda» Türkmenistanyň Kanunyna üýtgetmeler girizmek hakynda» Kanunlaryň kabul edilmegi ýurdumyzda sagdyn durmuş ýörelgelerini, köpçülikleýin bedenterbiýäni we sporty ösdürmäge, türgenlerimiziň milli we halkara derejede geçirilýän ýaryşlara gatnaşyp, ýokary netijeleri gazanmagyna, döwletimiziň sport abraýynyň has ýokarlanmagyna uly itergi bermek bilen, täze üstünliklere giň ýol açýar. 

Bahar SEÝIDOWA, 

Türkmenistanyň Mejlisiniň Ylym, bilim, medeniýet 

we ýaşlar syýasaty baradaky komitetiniň başlygy.

Be­den­ter­bi­ýä­ni we spor­ty ös­dür­mä­ge, sag­dyn dur­muş ýö­rel­ge­si­ni iler­let­mä­ge, dur­muş-yk­dy­sa­dy dö­re­di­ji­li­ge iter­gi ber­ýän Türkmenistanyň Kons­ti­tu­si­ýa­syn­da kes­git­le­nen, jem­gy­ýe­tiň we döwletiň iň ýo­ka­ry gym­mat­ly­gy bo­lan ada­myň sag­ly­gy­ny go­ra­mak­da Garaşsyz, he­mi­şe­lik Bi­ta­rap Wa­ta­ny­myz­da uly iş­ler al­nyp ba­ryl­ýar. Sporty we köp­çü­lik­le­ýin be­den­ter­bi­ýe-sa­gal­dyş he­re­ke­ti­ni ös­dür­mek Gahryman Arkadagymyz ta­ra­pyn­dan ba­şy baş­la­nyp, hä­zir­ki wagtda hor­mat­ly Pre­zi­den­ti­mi­ziň baş­tu­tan­ly­gyn­da üs­tün­lik­li ama­la aşy­ryl­ýan döw­let sy­ýa­sa­ty­nyň mö­hüm ugur­la­ry­nyň bi­ri­dir. 

Berkarar döwletiň täze eýýamynyň Galkynyşy döwründe ynsan saglygyny goramak, sagdyn durmuş ýörelgelerini rowaçlandyrmak, bedenterbiýäni we köpçülikleýin sporty işjeňleşdirmek hem-de wagyz etmek babatda uly işler durmuşa geçirilýär. Eziz Diýarymyzda bedenterbiýäniň we sportuň ösdürilmegi, sagdyn durmuş ýörelgesiniň giňden wagyz edilmegi, her bir raýatyň beden, ruhy taýdan kämilleşmegi üçin ähli zerur şertler döredilýär. Türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň göreldesine eýerip, ýurdumyzda bedenterbiýe we sport bilen meşgullanýan adamlaryň, aýratyn-da, ýaşlaryň sany barha artýar. 

Milli kanunçylygymyzyň umumadamzat we milli gymmatlyklarynyň sazlaşykly utgaşmagy arkaly döwrebaplaşdyrylmagy hem-de halkara hukugynyň umumy ykrar edilen kadalaryna laýyklykda yzygiderli kämilleşdirilmegi bagtyýar raýatlarymyzyň bähbidinden ugur alýar. Häzirki wagtda bedenterbiýe we sport ulgamynda giň möçberli özgertmeler amala aşyrylýar, bu ugurda milli kanunçylygymyzy döwrebaplaşdyrmakda we kämilleşdirmekde öňdebaryjy ýörelgeler yzygiderli ornaşdyrylýar. Munuň şeýledigini «Pähim-paýhas ummany Magtymguly Pyragy» şygary astynda geçýän ýylymyzyň 13-nji iýulynda Türkmenistanyň Mejlisiniň ýedinji çagyrylyşynyň altynjy maslahatynda kabul edilen «Bedenterbiýe we sport hakynda» Türkmenistanyň Kanunyna üýtgetmeler we goşmaça girizmek hakynda», «Sportda dopinge garşy göreşmek hakynda» Türkmenistanyň Kanunyna üýtgetmeler girizmek hakynda» Türkmenistanyň Kanunlary hem tassyklaýar. Kabul edilen hukuk namalarynyň bedenterbiýäniň we sportuň mümkinçiliklerini netijeli peýdalanmaga, raýatlarymyzyň bedenterbiýe, sport bilen yzygiderli meşgullanmaga bolan isleglerini kanagatlandyrmaga, olaryň saglygynyň berkidilmegine gönükdirilendigi has-da guwandyryjydyr. 

Ata Watanymyzda bina edilen döwrebap sport desgalaryndan netijeli peýdalanyp, sportuň dürli görnüşleri bilen meşgullanýan ýaşlarymyzyň sanynyň artmagynyň netijesinde ata Watanymyzyň sport abraýy halkara derejesinde belende galýar. Döredilen mümkinçiliklerden ýerlikli peýdalanmagy başarýan türkmen türgenleri halkara bäsleşiklerde baýrakly orunlara mynasyp bolup, mukaddes ýaşyl Tugumyzy al-asmana galdyrýarlar. 

Türkmenistan adam hukuklary we azatlyklary boýunça esasy halkara resminamalara goşulmak bilen, şol resminamalaryň kadalaryny milli kanunçylyga işjeň ornaşdyrýar we şol kadalary ýerine ýetirmekde ygrarly bolmagynda galýar. Munuň şeýledigini kabul edilen Kanunlar hem tassyklaýar. Bedenterbiýe we köpçülikleýin sport bilen meşgullanmak, sagdyn durmuş ýörelgeleri häzirki döwürde tutuş jemgyýetimizi gurşap alyp, ýurdumyzyň ähli ulgamlarynda giň gerime eýe bolýar. Şoňa laýyklykda, eziz Diýarymyzda ýokary netijeli sporty ösdürmek, halkara derejeli ussat türgenleri taýýarlamak hem-de olaryň abraýly sport ýaryşlarynda üstünlikli çykyş etmeklerini gazanmak ugrunda geçirilýän toplumlaýyn işler öz netijesini berýär. Ata Watanymyzda milli kanunçylygymyzy kämilleşdirmäge, sport bilen meşgullanmaga döredip beren mümkinçilikleri we şertleri, şeýle hem adamlaryň saglygy ugrunda edýän aladalary üçin Milli Liderimize, hormatly Prezidentimize köp sagbolsun aýdýarys.

Ne­pes RO­ZY­ÝEW,

 Türk­me­nis­ta­nyň Mej­li­si­niň Ylym, bi­lim, 

me­de­ni­ýet we ýaş­lar sy­ýa­sa­ty ba­ra­da­ky 

ko­mi­te­ti­niň ag­za­sy.

В Дашогузе, как и во всех регионах страны, продолжаются различные культурно-просветительные мероприятия, «круглые столы», библиотечные и музейные выставки, концерты с участием талантливых артистов и признанных бахши, посвящённые 300-летию со дня рождения великого туркменского поэта, философа-мыслителя с мировым именем Махтумкули Фраги. 

В июне нынешнего года вступил в силу новый Закон Туркменистана «О культурном наследии Махтумкули Фраги», принятый национальным Парламентом – Меджлисом Туркменистана и подписанный уважаемым Президентом Сердаром Бердымухамедовым. Этот факт является конкретным подтверждением признания яркого и многогранного творчества великого поэта-классика Востока XVIII века, оставившего своим потомкам и всему человечеству бесценное литературное наследие, вошедшее в «золотой фонд» мировой культуры. Этот новый законодательный акт предусматривает принятие целевых государственных программ для изучения культурного наследия поэта, его бережного сохранения и популяризации. Особое внимание уделяется просвещению широкой общественности и, в частности, молодёжи, популяризации культурного наследия поэта-мыслителя в образовательных учреждениях. 

В этом году в северном регионе страны на сцене Государственного музыкально-драматического театра имени Нурмухаммеда Андалиба Дашогузского велаята состоялся показ новой литературно-художественной композиции «Magtymguly Pyragy – sözlär tili türkmeniň», поставленной творческой группой данного театра (режиссёр-постановщик, драматург – Бекмырат Халлыев, помощник режиссёра – Вейисгулы Рахманов, художник-декоратор – член Союза художников Туркменистана Чингиз Тораев). Образы главных героев Махтумкули Фраги, Менгли, Дурды шахира на сцене запечатлели артисты первой категории – Хемра Мухадов, Марал Аристанова, Тиркеш Гарлыев. Блистательно выступили также молодые артисты Лейли Реджепова, Гунча Тиркешова, Довран Мадалиев и другие. 

Сейчас идёт подготовка к песенно-музыкальному мероприятию «Magtymguly Pyragy – dünýäniň akyldary», которое состоится 8 августа на площади Махтумкули г.Дашогуз. 

Как известно провозглашение города Анау Ахалского велаята культурной столицей тюркского мира и Международной организацией тюркской культуры (ТЮРКСОЙ) 2024 года «Годом великого поэта и мыслителя Махтумкули Фраги» также стало незабываемым событием текущего года. В зале временных выставок Историко-краеведческого музея Дашогузского велаята развёрнута многоплановая тематическая экспозиция под названием «Бесценное достояние туркменского народа», посвящённая знаменательной дате – 300-летию со дня рождения великого туркменского поэта. На ней выставлено свыше двухсот разных по жанру и композиции работ талантливых живописцев. Свои лучшие творческие произведения также представили скульпторы и признанные мастера декоративно-прикладного искусства – ювелиры, гончары, ковровщицы из городов и этрапов северного региона. 

Всеми любимый поэт оставил потомкам и всему человечеству бесценное творческое наследие. Выдающегося мастера художественного слова Махтумкули называют поэтом на все времена. Его поэтические строки, ставшие афоризмами, наполненные философскими и гуманистическими идеями, передаются из поколения в поколение, учат нас быть настоящими патриотами, преданными своей Родине – самой главной святыне на земле. В свою очередь мы, депутаты национального Парламента – Меджлиса Туркменистана, систематически ведём работу по широкому разъяснению среди молодёжи и населения нового Закона Туркменистана «О культурном наследии Махтумкули Фраги». 

Расул Садуллаев, 

депутат Меджлиса Туркменистана

Halka daýanyp, halkyň hatyrasyna beýik işleri durmuşa geçirýän Türkmenistanyň Halk Maslahaty jemgyýet bilen döwletiň arasyndaky köpri bolup, Arkadagly Gahryman Serdarymyzyň baştutanlygynda barha berkidilýän milli döwletlilik ýörelgelerimizi dünýäde dabaralandyrýar. Gahryman Arkadagymyzyň belleýşi ýaly, biziň ählimiziň iň beýik maksadymyz jandan eziz görýän Watanymyzy beýik geljege tarap ynamly öňe alyp barmakdan ybaratdyr. Şoňa görä-de, mukaddes Watanymyzyň şanyna şan goşýan möhüm başlangyçlary wagyz etmek, halkymyzy belent maksatlara ruhlandyrmak jemgyýetçilik guramalarynyňdyr syýasy partiýalaryň wekilleriniň hem esasy borjudyr. 

Go­laý­da Türkmenistanyň Halk Maslahatynyň Prezidiumynyň kabul eden Kararyna laýyklykda, halkymyzyň bähbitlerine wekilçilik edýän ýokary wekilçilikli edaranyň — Halk Maslahatynyň nobatdaky mejlisini şu ýylyň 24-nji sentýabrynda çagyrmak bellenildi. «Pähim-paýhas ummany Magtymguly Pyragy» ýylynda uly ruhubelentlikde geçiriljek döwletli maslahatda il-ýurt bähbitli meseleler ilatyň ähli gatlaklarynyň wekillerini giň­den çekmek arkaly ara alnyp maslahatlaşylar, ýetilen sepgitlere ser salnyp, öň­de durýan möhüm wezipeler kesgitleniler. Şanly ýylda geçiriljek umumymilli forum dana Pyragynyň arzuwlan berkarar döwletlilik taglymatynyň gün-günden rowaçlanýandygynyň, türkmen döwletiniň kuwwatlanyp, dünýäde abraýly ornuny has-da pugtalandyrýandygynyň nyşanyna öwrüler. 

Häzirki wagtda degişli guramaçylyk topary Türkmenistanyň Halk Maslahatynyň mejlisini ýokary derejede geçirmäge guramaçylykly taýýarlyk görýär. Türkmenistanyň Halk Maslahatynyň düzümine welaýatlaryň we Aşgabat şäheriniň halk maslahatlary tarapyndan teklip edilýän jemgyýetçilik wekillerini hödürlemegiň Tertibine laýyklykda, Halk Maslahatynyň düzümine welaýatlar, Aşgabat şäheri boýunça jemgyýetçilik wekilleriniň sanawlary düzülýär. Türkmenistanyň Halk Maslahatynyň Diwany Mejlis bilen bilelikde ýurdumyzyň syýasy partiýalary, jemgyýetçilik guramalary hem bu möhüm jemgyýetçilik-syýasy çärä taýýarlyk görmek boýunça işlere işjeň gatnaşýarlar. 

Türkmen jemgyýetiniň agzybirligini, jebisligini berkidip, milli demokratiýany ösdürmekde gazanylýan üstünlikler Türkmenistanyň Halk Maslahatynyň Başlygy Gurbanguly Berdimuhamedowyň döredijilikli başlangyçlary, beýik işleri bilen berk baglanyşyklydyr. Milli Liderimiziň halk häkimiýetliligini pugtalandyrmakdaky tagallalary Watanymyzyň hemişelik Bitaraplygynyň we mukaddes Garaşsyzlygynyň esaslaryny barha berkidýär. 

2024-nji ýylyň 22-nji fewralynda geçirilen Türkmenistanyň Halk Maslahatynyň Prezidiumynyň mejlisinde Gahryman Arkadagymyz «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynyň» halk bähbitli belent maksatlaryny durmuşa geçirmek bilen bagly halk maslahatlarynyň, Mejlisiň agzalarynyň, jemgyýetçilik guramalarynyň wekilleriniň öňünde durýan wezipeleri kesgitledi. Mälim bolşy ýaly, bu resminama «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasyndan», «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyndan» ugur alnyp işlenip düzüldi. Senagatçylar we telekeçiler partiýasynyň işjeň agzalary hem «Türkmenistanyň Halk Maslahatynyň işiniň esasy ugurlary boýunça Türkmenistanyň Mejlisi, ministrlikler we pudaklaýyn dolandyryş edaralary hem-de jemgyýetçilik birleşikleri bilen bilelikde «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» durmuşa geçirmek boýunça ýerine ýetirilmeli işleriň we geçirilmeli çäreleriň Meýilnamasyny» ýerine ýetirmäge uly höwes bilen gatnaşýarlar. Olar hormatly Prezidentimiziň goldawlary netijesinde iri taslamalaryň ençemesine, şol sanda halkara, sebit ähmiýetli möhüm taslamalaryň amala aşyrylmagyna goşant goşmaga çalyşýarlar. 

Ýeri gelende bellesek, şu ýyl meýilnama laýyklykda, Halk Maslahatynyň kanun çykaryjylyk başlangyjyna bolan hukugy esasynda kanunçylygy kämilleşdirmek işleri guramaçylykly dowam etdirilýär. Türkmenistanyň Prezidentiniň öňe süren başlangyçlaryny, tabşyryklaryny hem-de kabul eden çözgütlerini kanunçylyk taýdan üpjün etmek boýunça çäreler görülýär. Kanun çykaryjylyk işiniň nazary we amaly meseleleri boýunça alymlaryň, hünärmenleriň, bilermenleriň Halk Maslahatynyň agzalary, Mejlisiň deputatlary bilen duşuşyklary guralýar. Halk Maslahatynyň geçen mejlisinde kabul edilen çözgütleriň, berlen tabşyryklaryň, döwlet Baştutanymyzyň 2024-nji ýylda ýurdumyzy ösdürmegiň esasy ugurlaryna degişli kabul eden Kararlarynyň, tabşyryklarynyň ýerine ýetirilişi, ýurdumyzy ösdürmegiň orta we uzak möhletli maksatnamalarynyň belent maksatlary, ileri tutulýan ugurlary barada maslahatlar geçirilýär. 

Türkmen telekeçileri öň­debaryjy tehnologiýalary, sanly ulgamy giň­den ornaşdyrmak, amatly işewürlik gurşawyny döretmek, ykdysadyýetiň döwlete dahylsyz bölegini ösdürmek ýaly möhüm wezipeleri abraý bilen ýerine ýetirmek ugrunda döwletimiziň alyp barýan syýasatyndan ruhlanyp, döredijilikli zähmet çekýärler. «Täze döwrüň ykdysady ösüş nusgasy, bu ilkinji nobatda, işewürlik gurşawyny döretmek, telekeçilik başlangyçlaryny goldamak bilen, hususy maýa goýumlarynyň köpelmegindedir. Biz geljekde hukuk ulgamynyň işewürlik üçin özüne çekijiligini üpjün etmeli» diýýän Gahryman Arkadagymyz telekeçiligiň döwlet tarapyndan goldanylmagyna aýratyn ähmiýet berýär. Hususyýetçilerimiz «Döwlet adam üçindir!», «Watan di­ňe halky bilen Watandyr! Döwlet di­ňe halky bilen döwletdir!» diýen ynsanperwer ýörelgelere eýerip, hususy pudagy we hyzmatlar ulgamyny ösdürmek, importyň ornuny tutýan önümçiligi, eksport ugurly senagaty goldamak, gurluşyk işlerini döwrebap alyp barmak, şäherleri ösdürmek boýunça strategik özgertmelere işjeň gatnaşýarlar. 

Türkmenistanyň Halk Maslahatynyň Başlygy Gurbanguly Berdimuhamedowyň jemgyýetimizde täze syýasy, hukuk garaýyşlary we medeniýeti kemala getirmek, milli döwletlilik ýörelgelerimizi ösdürmek, halkymyzy umumymilli maksatlaryň töwereginde jebisleşdirmek, agzybirligimizi pugtalandyrmak babatda möhüm işleri alyp barmalydygymyz hakynda beren tabşyryklaryndan ugur alyp, geljekde-de yhlasly işlejekdigimize, mukaddes Garaşsyzlygymyzyň şanly baýramynyň öňüsyrasynda geçiriljek döwletli maslahata taýýarlykly barjakdygymyza ynandyrýarys. 

Saparmyrat OWGANOW, 

Türkmenistanyň Senagatçylar we telekeçiler partiýasynyň 

Merkezi geňeşiniň başlygy, Mejlisiň deputaty.

Häzirki wagtda ýurdumyzyň syýasy-jemgyýetçilik durmuşynda möhüm waka öwrüljek Türkmenistanyň Halk Maslahatynyň nobatdaky mejlisini guramaçylykly hem-de ýokary derejede geçirmeklige giňden taýýarlyk görülýär. Täze taryhy eýýamda ýurdumyzda giňden ýaýbaňlandyrylan durmuş-ykdysady özgertmeleriň ileri tutulýan ugurlaryny kesgitlemekde we demokratik başlangyçlary mundan beýläk-de ösdürmekde bu maslahatyň ägirt uly taryhy ähmiýeti bar. 

Türk­men jem­gy­ýe­ti­ni do­lan­dyr­ma­gyň iň bir ga­dy­my institutlarynyň bi­ri bolan Halk Mas­la­ha­ty dö­wür­le­riň we ne­sil­leriň aýrylmaz ara­bag­la­ny­şy­gy­ny be­ýan edip hem-­de ata­-ba­ba­la­ry­my­zyň köp asyr­la­ryň do­wa­myn­da top­lan ta­ry­hy tej­ri­be­si­ni özün­de jem­le­mek bi­len, onuň mej­lis­le­rin­de wa­jyp ykdy­sa­dy, sy­ýa­sy me­se­le­ler ila­tyň giň gatlaklary­nyň gat­naş­mak­la­ryn­da ýa­şu­ly nes­liň we­kille­ri bi­len maslahatla­şyp çö­zü­lip­dir. Türk­men hal­ky he­mi­şe ýa­şu­ly nes­le aý­ra­tyn hor­mat bi­len ga­rap, il-­ýurt bäh­bit­li iş­ler­de ola­ryň baý dur­muş tej­ri­be­si­ne da­ýa­nyp­dyr we mas­lahat­ly çöz­güt­le­ri ka­bul edip­dir. Hä­zir­ki ta­ry­hy döwür­de halk de­mok­ra­ti­ýa­sy­nyň bu ha­ky­ky ýö­rel­ge­si ýur­du­my­zyň jemgy­ýet­çi­lik­-sy­ýa­sy dur­mu­şyn­da my­na­syp or­ny eýe­le­ýär we agzy­bir hal­ky­my­zyň ata-­ba­ba­la­ry­my­zyň pa­rasat­ly pä­him­le­ri­ne yg­rar­ly­dy­gy­ny ýe­ne­-de bir ge­zek aý­dyň tas­syk­la­ýar. 

Şu ýy­lyň 12­-nji iýu­lyn­da bo­lan Mi­nistr­ler Ka­bi­ne­ti­niň gi­ňiş­le­ýin mej­li­sin­de Arkadagly Gahryman Ser­da­ry­my­zyň Türk­me­nis­ta­nyň Halk Mas­la­ha­ty­nyň no­bat­da­ky mej­li­si­ni gura­ma­çy­lyk­ly ge­çir­mek ba­ra­da aýdan­la­ry Diýa­ry­myz­da mil­li de­mok­ra­ti­ýa­nyň döw­re­bap rö­wüş­de ama­la aşy­ryl­ýan­dy­gy­nyň aý­dyň mysal­la­ry­nyň bi­ri­dir. Onuň esa­sy mak­sa­dy ata-ba­ba­la­ry­my­zyň asyl­ly wes­ýet­le­ri­ne we­pa­lyly­gy­my­zyň ny­şa­ny bo­lan, türk­men hal­ky­nyň döw­le­ti do­lan­dyr­mak­da top­lan kö­pa­syr­lyk tej­ri­be­si­ne da­ýa­nyp, döw­let we jem­gy­ýet­çi­lik dur­mu­şy­nyň mö­hüm me­se­le­le­ri­ni çöz­mä­ge ila­ty­my­zyň yg­ty­ýar­ly we­kil­le­ri­niň giň­den gatnaş­ma­gy­ny üp­jün et­mek, jem­gy­ýe­tiň ag­zy­birli­gi­ni, je­bis­li­gi­ni ber­kit­mek, mil­li demokratiýany ös­dür­mek bo­ýun­ça ga­za­ny­lan üs­tün­lik­le­ri dö­re­di­ji­lik­li kä­mil­leş­dir­mek hem-­de halk häki­mi­ýe­ti­niň ýo­ka­ry we­kil­çi­lik­li edarasynyň – Türk­me­nis­ta­nyň Halk Mas­la­ha­ty­nyň no­batda­ky mej­li­si­ni gu­ra­ma­çy­lyk­ly ge­çir­mek ýa­ly we­zi­pe­le­ri çöz­mä­ge gö­nük­di­ri­len­dir. 

2023­-nji ýy­lyň ýan­wa­r aýyn­da döredilen Türk­me­nis­ta­nyň Halk Mas­la­ha­ty hal­ky­my­zyň bäh­bit­le­ri­ne we­kil­çi­lik ed­ýän ýo­ka­ry we­kil­çilik­li eda­ra­dyr. Onuň işi de­mok­ra­ti­ýa, aýan­lyk, ada­lat­ly­lyk, ka­nu­nyň hökmüro­wan­ly­gy, halka­ra hu­ku­gy­nyň umu­my yk­rar edi­len ka­da­lary­ny ile­ri tut­mak, ada­myň we ra­ýa­tyň ka­nunyň öňün­dä­ki deň­li­gi, ada­myň hukuk­la­ry­na we azat­lyk­la­ry­na hor­mat goý­mak, çöz­güt­le­ri er­kin ara alyp mas­la­hat­laş­mak we ka­bul etmek, jem­gy­ýet­çi­lik pi­ki­ri­ni na­za­ra al­mak ýaly ýö­rel­ge­le­re esas­lan­ýar. Türk­men hal­ky­nyň Mil­li Li­de­ri Gah­ry­man Ar­ka­da­gy­myz Türk­menis­ta­nyň Halk Mas­la­ha­ty­nyň mej­li­si­ni ça­gyrmak we gu­ra­ma­çy­lyk­ly ge­çir­mek ha­kyn­da 20-­nji iýul­da Türk­me­nis­ta­nyň Halk Mas­la­haty­nyň Pre­zi­diu­my­nyň Ka­ra­ry­na gol çek­di. Bu Ka­rar­da Türk­me­nis­ta­nyň Halk Mas­la­ha­tynyň no­bat­da­ky mej­li­si­ni 2024-nji ýy­lyň 24-­nji sent­ýab­ryn­da Aş­ga­bat şä­he­rin­däki Mas­la­hat köş­gün­de ge­çir­mek bel­le­nil­di. 

Hä­zir­ki wagt­da Türk­me­nis­ta­nyň Halk Masla­ha­ty­nyň mej­li­si­ne taýýar­lyk gör­me­giň barşyn­da onuň ag­za­ly­gy­na we­kil­le­ri saý­la­mak möhüm we­zi­pe­le­riň bi­ri bo­lup dur­ýar. Bu işde ýur­du­my­zyň sy­ýa­sy partiýa­la­ry­na, jem­gyýet­çi­lik bir­le­şik­le­ri­ne uly orun de­giş­li­dir. Biziň ata-babalarymyzyň jemgyýetçilik wekilleri bilen ählihalk ýygnaklaryny geçirip, ýurdumyzda iň wajyp syýasy, ykdysady meseleleri çözmek baradaky asylly däpler, kanunçylygymyzy kämilleşdirmek arkaly halk demokratiýasynyň halkyň wekilleri bilen bilelikde amala aşyrylmagy halkyň döwlet dolandyryşyna işjeň gatnaşmagy üçin giň mümkinçilikleri döredýär. 

Şunuň bilen baglylykda, Türkmenistanyň Halk Maslahatynyň düzümine wekilleri saýlamak boýunça alnyp barylýan işlere guramaçylyk-usulyýet taýdan ýardam berlip, ýurdumyzyň ösüşlerine saldamly goşant goşup, il içinde halal zähmet çekip, şahsy göreldesi bilen tapawutlanýan, abraýly, mynasyp adamlary saýlamak maksady bilen, obadyr şäherleriň ýaşaýjylarynyň, ýaşulularyň, syýasy partiýalaryň, jemgyýetçilik birleşikleriniň, etrap, şäher halk maslahatlarynyň ýygnaklarynda maslahata welaýatlardan we Aşgabat, Arkadag şäherlerinden gatnaşjaklary hödürlemek, seçip almak boýunça işler dowam edýär. Şeýle hem Türkmenistanyň Mejlisinde öňde duran ählihalk maslahatynyň gün tertibinde serediljek meseleler boýunça raýatlarymyzyň pikirleri, arzuw-islegleri öwrenilýär hem-de gelip gowuşýan teklipleri seljermek, umumylaşdyrmak we beýleki meseleler boýunça yzygiderli işleriň geçirilmegi dowam etdirilýär. 

Şunuň bilen birlikde, öňde duran ählihalk maslahatynyň halkymyzyň agzybirligini, jebisligini berkitmekdäki, milli demokratiýany mundan beýläk-de ösdürmekdäki, türkmen döwletiniň syýasy-jemgyýetçilik we döwlet gurluşynyň esaslaryny pugtalandyrmakdaky, raýat jemgyýetini berkarar etmekdäki taryhy ähmiýeti hakynda köpçülikleýin habar beriş serişdelerinde giňişleýin çykyşlar edilýär, «tegelek stoluň» başyndaky syýasy söhbetdeşlikler guralýar. «Türkmenistanyň Halk Maslahaty hakynda» Konstitusion Kanunyň düzgünlerini, maslahatyň taryhy ähmiýetini halkymyza giňden düşündirmek barada yzygiderli geçirilýän wagyz-nesihat duşuşyklaryna Türkmenistanyň Mejlisiniň deputatlary hem işjeň gatnaşýarlar. 

Ýurdumyzyň döwlet gurluşynyň esaslaryny kesgitleýän Konstitusiýanyň 3-nji maddasyna laýyklykda, Türkmenistanyň özygtyýarlylygy halk tarapyndan amala aşyrylýar, halk bolsa döwlet häkimiýetiniň ýeke-täk gözbaşydyr. Türkmenistanyň halky öz häkimiýetini gös-göni ýa-da wekilçilikli edaralaryň üsti bilen amala aşyrýar. 

Asyrlaryň synagyndan geçen milli däplerimize eýermek bilen geçirilýän Türkmenistanyň Halk Maslahatynyň mejlisiniň kabul edýän çözgütleri örän ähmiýetlidir. Çünki häzirki döwürde milli Liderimiziň beýik başlangyçlarynyň we taýsyz tagallalarynyň netijesinde, ýurdumyzyň ykdysadyýetini pudaklaýyn diwersifikasiýalaşdyrmak, innowasion senagatlaşdyrmak, ykdysady ösüşiň köpugurlylygyny gazanmak babatynda düýpli öňegidişlikler bilen birlikde, halk häkimiýetini kämilleşdirmek boýunça hem netijeli işler alnyp barylýar. 

Gahryman Arkadagymyzyň döwletlilik taglymaty adamzat jemgyýetiniň ösüşindäki ýetilen sepgitleri we türkmen halkynyň taryhy we milli mirasyny, häzirki zaman tejribesini hasaba almak we olary döwrümiziň nukdaýnazaryndan özleşdirmek esasynda işlenip düzülen ynsanperwer garaýyşlaryň ulgamydyr. Türkmenistanyň Halk Maslahatynyň nobatdaky mejlisiniň ýokary guramaçylyk derejesinde, üstünlikli geçirilmegine gönükdirilen resminamanyň kabul edilmegi milli Liderimiziň hem-de Arkadagly Gahryman Serdarymyzyň baştutanlygynda amala aşyrylýan özgertmeleriň üstünlikli durmuşa ornaşdyrylmagy boýunça netijeli işleriň alnyp barylýandygyny aýdyň şöhlelendirýär. 

Berkarar döwletiň täze eýýamynyň Galkynyşy döwründe kanunlarymyzyň döwrebap kämilleşdirilmeginde ýol-ýörelge görkezýän, ata Watanymyzy ösüşiň täze belentliklerine tarap alyp barýan hormatly Prezidentimize, milli Liderimize alkyşlarymyz çäksizdir. 

Serdar DUR­DY­ÝEW, 

Türkmenistanyň Mejlisiniň deputaty, Mejlisiň Ýerli wekilçilikli häkimiýet we öz-özüňi dolandyryş edaralary 

bilen işlemek baradaky komitetiniň agzasy

Hormatly Prezidentimiziň «Pähim-paýhas ummany Magtymguly Pyragy» ýylynyň 12-nji iýulynda geçiren Türkmenistanyň Ministrler Kabinetiniň giňişleýin mejlisinde Garaşsyzlygymyzyň 33 ýyllygynyň baýram edilýän günlerinde paýtagtymyz Aşgabatda geçiriljek Türkmenistanyň Halk Maslahatynyň nobatdaky mejlisine şu günlerden ýokary derejede taýýarlyk görmek baradaky tabşyryklary il-ýurt ähmiýetli döwletli işlere täzeçe badalga berdi. Munuň özi türkmen halkynyň Milli Lideri Gahryman Arkadagymyzyň «Döwlet adam üçindir!» atly ynsanperwer taglymatynyň Berkarar döwletiň täze eýýamynyň Galkynyşy döwründe has çuň mazmun bilen baýlaşýandygyny dabaralandyrýar. 

Türkmenistanyň Konstitusiýasynyň 61 -nji maddasynda bellenilişi ýaly, Türkmenistanyň Halk Maslahaty Türkmenistanyň halkynyň bähbitlerine wekilçilik edýän ýokary wekilçilikli edara bolup durýar. «Türkmenistanyň Halk Maslahaty hakynda» Konstitusion kanunyň 1-nji maddasynda Türkmenistanyň Halk Maslahatynyň Türkmenistanyň Garaşsyzlyk ýyllarynda gazananlaryny has-da berkitmek, ýurdumyzy ösüşiň has ýokary derejelerine çykarmak üçin ählihalk hereketini ýaýbaňlandyrmak, jemgyýetçilik-syýasy, durmuş-ykdysady, medeni-ynsanperwer we kanunçylyk-hukuk ulgamlarda täze sepgitlere ýetirmek, iň täze taryhymyzda gazanylan üstünlikleri wagyz etmek maksady bilen döredilýändigi beýan edilýär. 

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň 2024-nji ýylyň 20-nji iýulynda «Türkmenistanyň Halk Maslahatynyň mejlisini çagyrmak we guramaçylykly geçirmek hakynda» Türkmenistanyň Halk Maslahatynyň Prezidiumynyň Kararyna gol çekmegi hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» atly döwlet ideologiýasyny dabaralandyrdy. Karara laýyklykda, Türkmenistanyň Halk Maslahatynyň mejlisini ýokary derejede geçirmek boýunça guramaçylyk topary döredildi we onuň düzümi tassyklanyldy. Kararyň mazmunynda Türkmenistanyň Halk Maslahatynyň Diwanyna Türkmenistanyň Mejlisi bilen bilelikde Türkmenistanyň Halk Maslahatynyň mejlisine taýýarlyk görmek we ony geçirmek bilen bagly işlerde welaýatlaryň, etraplaryň hem-de şäherleriň halk maslahatlaryna guramaçylyk-usulyýet taýdan ýardam bermek we bu işleri utgaşdyrmak baradaky wezipeler kesgitlenildi. Şeýle hem welaýatlaryň we Aşgabat şäheriniň halk maslahatlary Türkmenistanyň Halk Maslahatynyň düzümine welaýatlaryň we Aşgabat şäheriniň halk maslahatlary tarapyndan teklip edilýän jemgyýetçilik wekillerini hödürlemegiň Tertibine laýyklykda, Türkmenistanyň Halk Maslahatynyň düzümine welaýatlar we Aşgabat şäheri boýunça jemgyýetçilik wekilleriniň sanawyny 2024-nji ýylyň 1-nji sentýabryna çenli Türkmenistanyň Halk Maslahatynyň Diwanyna bermek bellenildi. 

Bu bolsa Türkmenistanyň Halk Maslahatynyň demokratiýa, aýanlyk, adalatlylyk, kanunyň hökmürowanlygy, halkara hukugynyň umumy ykrar edilen kadalaryny ileri tutmak, adamyň we raýatyň kanunyň öňündäki deňligi, adamyň hukuklaryna we azatlyklaryna hormat goýmak, çözgütleri erkin ara alyp maslahatlaşmak we kabul etmek, jemgyýetçilik pikirini nazara almak ýaly ýörelgeleriniň durmuş hakykatynda öz beýanyny tapýandygyny görkezýär. 

Bilşimiz ýaly, Garaşsyzlyk ýyllarynda Türkmenistanyň Halk Maslahatynyň işi, wezipeleri we ygtyýarlyklary döwrüň talabyna laýyklykda yzygiderli kämilleşdirildi. Şunda Gahryman Arkadagymyzyň beýik tagallalary esasynda geçirilen konstitusion özgertmeler ýurdumyzyň ykdysadyýetiniň okgunly ösüşini üpjün etdi. Bu ösüşler bolsa agzybir halkymyzyň medeni-durmuş ýagdaýyny ýokary derejelere çykardy. 

Şanly Garaşsyzlygymyzyň 33 ýyllyk toýunyň baýram edilýän günlerinde geçiriljek Türkmenistanyň Halk Maslahatynyň nobatdaky mejlisi hem şöhratly milletimiziň döwleti dolandyrmakda toplan köpasyrlyk tejribesini çuň mazmun bilen baýlaşdyrar. Milli ykdysadyýetimiziň kuwwatynyň has artmagy, jemgyýetiň agzybirliginiň we jebisliginiň berkemegi, milli demokratiýanyň ösmegi ugrunda durmuşa geçirilen beýik işleri dabaralandyryp, ösüşiň täze sepgitlerini kesgitlär. 

Ýurdumyzy ösüşiň täze belentliklerine tarap alyp barýan Arkadagly Gahryman Serdarymyza, Gahryman Arkadagymyza berk jan saglyk, uzak ömür, il-ýurt bähbitli döwletli tutumlarynda uly rowaçlyklary arzuw edýäris. 

Bäşim ANNAGURBANOW, 

Türkmenistanyň Mejlisiniň deputaty, 

Türkmenistanyň Agrar partiýasynyň 

Merkezi geňeşiniň başlygy

Hormatly Prezidentimiziň ýurdumyzyň Ministrler Kabinetiniň “Pähim-paýhas ummany Magtymguly Pyragy” ýylynyň alty aýynyň jemlerine bagyşlanylyp, şu ýylyň 12-nji iýulynda geçirilen giňişleýin mejlisinde paýtagtymyzda Türkmenistanyň Halk Maslahatynyň nobatdaky mejlisini geçirmäge ýokary derejede taýýarlyk görmek barada beren tabşyryklaryndan ugur alyp, Türkmenistanyň Halk Maslahatynyň Prezidiumy 2024-nji ýylyň 20-nji iýulynda Türkmenistany Halk Maslahatynyň nobatdaky mejlisini 2024-nji ýylyň 24-nji sentýabrynda çagyrmak we ony Aşgabat şäherindäki Maslahat köşgünde geçirmek, şeýle-de, bu mejlisi ýokary derejede geçirmek boýunça guramaçylyk toparyny döretmek we onuň düzümini tassyklamak barada Karar kabul etdi. Şol gün hem paýtagtymyzyň häkimliginde Türkmenistanyň Halk Maslahatynyň nobatdaky mejlisini ýokary derejede geçirmek boýunça guramaçylyk toparynyň mejlisi boldy. 

Şu günler ýurdumyzyň ähli ýerinde öňde boljak bu möhüm çärä hemmetaraplaýyn taýýarlyk görmek boýunça işler alnyp barylýar. Türkmenistanyň Halk Maslahaty halkyň bähbitlerini araýan ýokary wekilçilikli edara bolmak bilen, öz işine halkyň wekilleriniň giňden gatnaşmagyny üpjün edýär, olar bolsa halkyň bähbitlerinden ugur alýarlar. Öňde duran wezipelere ýetmekde, il- ýurt bähbitli çözgütleri erkin ara alyp maslahatlaşmakda, kabul etmekde oňa uly orun degişlidir. «Türkmenistanyň Halk Maslahaty hakynda» Konstitusion kanunda bu işler anyk kesgitlenildi. 

Türkmenistanyň Halk Maslahatynyň şanly Garaşsyzlygymyzyň 33 ýyllygynyň uly toýunyň öň ýanynda geçiriljek nobatdaky mejlisinde garaljak meselelerdir kabul ediljek çözgütler halkymyzy bir maksada — ata Watanymyzyň mundan beýläk hem gülläp ösmegini, raýatlarymyzyň abadan we bagtyýar ýaşamagyny üpjün etmek, dünýäde parahatçylygy we howpsuzlygy gazanmak wezipesini amal etmäge birikdirer. 

Türkmenistanyň halk Maslahatynyň Baş baýramymyzyň öňüsyrasynda geçiriljek nobatdaky mejlisiniň ýurdumyzyň jemgyýetçilik we syýasy durmuşynda möhüm ähmiýete eýe bolup, Watanymyzyň ykdysady kuwwatyny, daşary syýasy abraýyny pugtalandyrmakda, halkyň ýaşaýyş derejesini has-da ýokarlandyrmakda giň gerimli işlere badalga boljakdygy şübhesizdir. 

Orazdurdy ABDYÝEW. 

Türkmenistanyň Mejlisiniň ylym, bilim, medeniýet we ýaşlar syýasaty baradaky komitetiniň agzasy.

Berkarar döwletiň täze eýýamynyň Galkynyşy döwrüniň ýyllary uly zähmet ýeňişlerine, taryhy wakalara beslenýär. Döwlet Baştutanymyzyň parasatly içeri we daşary syýasaty netijesinde Garaşsyz, baky Bitarap Türkmenistan döwletimiz ähli ugurlar boýunça ösüşli menziller bilen ynamly öňe barýar. Ýurdumyzyň dünýäniň ösen döwletleriniň hataryna goşulmagynda guwançly sepgitlere ýetilýär. 

Milli ykdysadyýetimiziň durnukly ösdürilmeginde elektroenergetika pudagyna möhüm orun degişlidir. Ýurt Baştutanymyzyň başda durmagynda bu möhüm pudakda ägirt uly işler durmuşa geçirilýär. Mary DES-niň çäginde kuwwaty 149,2 megawat bolan täze gaz turbina elektrik stansiýasy gurlup, ulanylmaga berildi. Şeýlelikde, ýurdumyzda elektrik energiýasynyň öndürilişini artdyrmakda möhüm ädim ädildi. 

Bilşimiz ýaly, halk hojalygynyň durnukly we sazlaşykly ösdürilmeginde uly orny eýeleýän elektroenergetika pudagyny ösdürmäge örän uly ähmiýet berilýär. Diňe bir Garaşsyz Türkmenistanymyzda däl, eýsem, sebitde iri desga bolan kuwwaty 1574 megawata deň täze elektrik stansiýasynyň işe girizilmegem milli ykdysadyýetimizi ösdürmekde guwançly waka bolupdy. 

Täze elektrik stansiýasynyň möhüm aýratynlyklarynyň birem onuň “ýaşyl tehnologiýalara” beslenenligindedir. Beýle diýildigi ýurdumyzda elektrik energiýasynyň öndürilişiniň birnäçe esse ýokarlanmagyna ýardam etjek bu desgada daşky gurşawa zyňylýan zyýanly galyndylaryň möçberiniň köp mukdarda azalandygyny aňladýar. Şeýle hem kämil tehnologiýaly bu elektrik stansiýasynyň önümçilik tehnologiýasynyň ykdysady tygşytlylygy üpjün etmekde giň mümkinçiliklere eýedigini bellemelidiris. Şeýle bu desganyň işe girizilmegi bilen Türkmenistan döwletimiziň arassa energiýa çeşmesini daşary ýurtlara eksport etmekdäki mümkinçiligi düýpli ýokarlandy. 

Arkadagly Gahryman Serdarymyzyň baştutanlygynda “Pähim-paýhas ummany Magtymguly Pyragy” ýylynda Garaşsyz Watanymyzyň ösüş-özgerişli bady artýar. Türkmen halky Beýik Garaşsyzlygymyzyň şanly 33 ýyllygynyň baýramyna zähmet sowgatly barmak maksady bilen döredijilikli zähmet çekýär. 

Merdan ORAZMEREDOW. 

TDEI-niň mugallymy, 

Türkmenistanyň Mejlisiniň deputaty.

Döwlet ähmiýetli işleri, il-ýurt bähbitli meseleleri halk köpçüligi, ýaşulular bilen ara alyp maslahatlaşmak — türkmen halkynyň asyrlar boýy dowam edip gelýän asylly däbi. Şöhratly ata-babalarymyzyň döwleti dolandyrmakda toplan köpasyrlyk tejribesine daýanyp, döwlet we jemgyýetçilik durmuşynyň möhüm meselelerini çözmäge halk köpçüliginiň işjeň gatnaşmagyny üpjün etmekde, jemgyýetiň agzybirligini berkitmekde, milli demokratiýany ösdürmek ugrundaky tagallalary üstünlikli durmuşa geçirmekde halkymyzyň bähbitlerini goraýan ýokary wekilçilikli edaranyň — Türkmenistanyň Halk Maslahatynyň orny örän uludyr. 

Şu günler ýurdumyzyň ähli künjeginde Türkmenistanyň Halk Maslahatynyň nobatdaky mejlisini täze taryhy zamanamyzyň belent ruhuna beslemek ugrundaky işlere giňden badalga berildi. Hut şu maksat bilen Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary hem-de welaýatymyzyň jemgyýetçilik guramalarynyň wekilleri bolup Türkmenistanyň Halk Maslahatynyň nobatdaky mejlisiniň guramaçylykly geçirilmegini üpjün etmek, şeýle-de ýurdumyzy hemmetaraplaýyn gülledip ösdürmek, halkyň hal-ýagdaýyny has-da gowulandyrmak bilen bagly teklipleri toplamak işlerine girişildi. Her gezek däp bolşy ýaly, Türkmenistanyň Halk Maslahatynyň nobatdaky mejlisinde ýurdumyzyň ähli ulgamlarynyň we pudaklarynyň işini kämilleşdirmeklige gönükdirilen maksatnamalary üstünlikli durmuşa geçirmek, ýurdumyzyň sebitlerini gyradeň ösdürmek, şeýle-de milli kanunçylygymyzy ösdürmek we ony halkara hukugynyň kadalaryna laýyklykda kämilleşdirmek bilen bagly möhüm meselelere seredilip, oňyn çözgütler kabul edilýär. 

Mukaddes Garaşsyzlygymyzyň şanly 33 ýyllyk baýramyny mynasyp garşylamaklyga taýýarlyk görülýän şu günki günlerde Watanymyzyň ösüşlerini has-da berkitmek, halk häkimiýetiniň kämil ulgamyny berkarar etmek we milli döwletlilik ýörelgelerimize esaslanýan ýurdumyzyň syýasy-jemgyýetçilik gurluşyny pugtalandyrmak babatynda alnyp barylýan işler biziň her birimizi buýsandyrýar. Ýaş nesillerimizde ata Watanymyza, halkymyza, milli däp-dessurlarymyza, Garaşsyzlygymyza, hemişelik Bitaraplygymyza bolan söýgini has-da pugtalandyrýar. Çünki Türkmenistan Watanymyz bu gün syýasy, ykdysady we medeni ösüşleri bilen dünýäniň ünsüni özüne çekýär. Munuň özi Gahryman Arkadagymyzyň peder ýoluny mynasyp dowam etdirýän hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen taryhy taglymatynyň iş ýüzünde amala aşyrylýandygynyň aýdyň güwäsidir. 

Türkmenistanyň Halk Maslahatynyň nobatdaky mejlisini ýokary derejede geçirmek babatda Gahryman Arkadagymyzyň we Arkadagly Gahryman Serdarymyzyň beren anyk tabşyryklaryndan ugur alyp, biz bu döwletli geňeşiň toý ruhuna beslenmegine saldamly goşant goşjakdygymyza ynandyrýarys. Biziň netijeli iş alyp barmagymyz ugrunda giň mümkinçilikleri döredip berýändigi üçin Gahryman Arkadagymyza we hormatly Prezidentimize köp sagbolsun aýdýarys. Arkadagly Gahryman Serdarymyzyň hem-de Gahryman Arkadagymyzyň janlary sag, belent başlary aman bolsun, alyp barýan il-ýurt bähbitli, dünýä nusgalyk tutumly işleri elmydama rowaçlyklara beslensin! 

Amangeldi HEZZIÝEW, 

welaýat häkimliginiň baş hünärmeni, 

Türkmenistanyň Mejlisiniň deputaty