Ýur­du­myz­da me­de­ni­ýet ul­ga­my­nyň äh­li ugur­la­ry bi­len bir ha­tar­da,­ teatr ­sun­ga­ty­ny ös­dürmä­ge hem uly üns be­ril­ýär. Mu­nuň şeý­le­di­gi­ne teatr­ us­sat­la­ry­my­zyň hal­ka­ra de­re­je­de yzy­gider­li ga­zan­ýan üs­tün­lik­le­ri we 14­-16-njy no­ýabr­da paý­tag­ty­myz­da ge­çi­ri­len «Bag­ty­ýar­lyk döw­rü­niň ­teatr­ sun­ga­ty» at­ly IV hal­ka­ra fes­ti­wal hem şa­ýat­lyk ed­ýär. Bir­nä­çe döw­let­le­riň ­teatr to­par­la­ry­nyň gat­naş­ma­gyn­da ge­çen bu fes­ti­wal Garaşsyz, Bi­ta­rap Türk­me­nis­tan bi­len dün­ýä döw­let­le­ri­niň ara­syn­da mede­ni-yn­san­per­wer gat­na­şyk­la­ry, şeý­le hem äh­li ugur­lar­da­ky ysnyşykly we ne­ti­je­li hyz­mat­daş­ly­gy ös­dür­mek­de mö­hüm äh­mi­ýet­li çä­re bol­dy. 

«Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döwlet­dir!» di­ýip, hal­ky­myzy tä­ze üs­tün­lik­le­re ruh­lan­dyr­ýan Ar­ka­dag­ly Gah­ry­man Ser­da­ry­my­zyň tu­tum­ly iş­le­ri mun­dan beý­läk-de ro­waç­lyk­la­ra bes­len­sin! 

Akmämmet ANNAMANOW, 

Türkmenistanyň Mejlisiniň deputaty, 

Aşgabat şäherindäki ýöriteleşdirilen 30-njy 

orta mekdebiň müdiri.

Türkmen halkynyň milli medeni ösüşi ençeme taryhy şahsyýetler bilen baglydyr. Bu ösüşde olaryň ýerine ýetiren hyzmatlaryna, gadyr-gymmatyna mynasyp baha bermek halkyň duýgy-düşünjesine, pishologiýasyna, pähim-paýhasyna, tutuş ruhy dünýäsine hormat goýmakdyr. Türkmen edebiýatynyň ösüş taryhynda esasy orun Magtymguly Pyraga degişlidir. Parasatly şahyr türkmen edebiýatyny many-mazmun taýdan baýlaşdyran, halkylygy, milliligi ösdürip, durmuş bilen baglanyşdyran beýik söz ussadydyr. Magtymguly Pyragy sözüň güýji, gudraty bilen şygryýet äleminde ady arşa galan beýik akyldar şahyrdyr. Magtymgulynyň şygryýet älemi — türkmen edebiýatynyň buldurap akýan, çuňňur mana we çeper söze teşne kalplary gandyrýan çeşmesi. Bu çeşme gözbaşyny Oguz han Türkmenden, Gorkut ata Türkmenden, Görogly beg Türkmenden alyp gaýdyp, ata-babalarymyzyň ýol-ýörelge edinen ynsanperwerliginden, ahlak we edep ýörelgelerinden, yşkdan we gözellikden ylham alýar. Şahyryň belent adamkärçilik baradaky garaýyşlary, çuň manyly öwüt-ündewleri Berkarar döwletiň täze eýýamynyň Galkynyşy döwründe täze hyruç, täze ylham bilen gurşalan bagtyýar türkmen halkynyň kalbynda ruhubelentlik, çäksiz joşgun döredýär. 

Akyldar şahyrymyzy dünýä tanaýar. Onuň şygyrlary ençeme dillere terjime edilip, dünýä halklarynyň kalbyndan hem orun alýar. Türkmen milletini dünýä tanadan şahyra goýulýan hormat-sarpa bu günki gün ýurdumyzda belentde durýar. Magtymguly Pyragynyň doglan gününiň 300 ýyllygyna ýokary derejede taýýarlyk görülýändiginiň özi munuň aýdyň subutnamasydyr. Munuň özi akyldar şahyrymyzyň edebi mirasyny ýene-de bir gezek içgin seljermek, ony dünýä jemgyýetçiliginde giňden wagyz etmek üçin anyk we netijeli ädimdir. 

ÝUNESKO tarapyndan 1992- nji ýylda esaslandyrylyp, häzirki wagta çenli üstünlikli durmuşa geçirilen «Dünýäniň hakydasy» halkara maksatnamasyna akyldar şahyrymyz Magtymguly Pyragynyň golýazmalar ýygyndysynyň goşulmagy milli edebiýatymyzyň häzirki wagtda pajarlap ösýän taryhyna ajaýyp täzelik bolup girýär. Bu çözgüt şu ýylyň 24-nji maýynda Birleşen Milletler Guramasynyň Bilim, ylym we medeniýet meseleleri boýunça Ýerine ýetiriji Geňeşiniň 216-njy mejlisinde kabul edildi. Munuň özi akyldar şahyryň nusgawy şygyrlarynyň dünýäde ykrar edilendiginiň aýdyň beýanyna öwrüldi. 

Magtymguly atamyzyň: 

Bir suprada taýýar kylynsa aşlar, 

Göteriler ol ykbaly türkmeniň — diýip, halkymyzyň agzybirligi, jebisligi hakda eden arzuwlary bu günki gün biziň bagtyýar günlerimizde wysal bolýar. Bu gün ykbaly belentliklere göterilen Türkmenistan Watanymyz parahatçylyk, asudalyk, agzybirlik höküm sürýän kuwwatly, baky berkarar ýurda öwrülýär. Akyldar şahyry belentden wasp edýän paýhasnama bolsa bagtyýarlygy hasyl ediji Milli Liderimiziň halkymyza ýüzlenmesi bolup ýaňlanýar. 

Gahryman Arkadagymyzyň köňül kelamyndan çykan şygyrlar bagtyýarlygyň hasyl bolýan zamanynda belentden ýaňlanyp, her birimiziň ýüreklerimizden orun alýar. 

Hormatly Prezidentimiziň tagallasy bilen, nusgawy şahyrymyzyň 300 ýyllyk toýunyň belleniljek günleri indi daşda däl. Şunuň bilen baglanyşykly geçiriljek ylmy maslahatlar, medeni çäreler Magtymguly Pyragynyň adamzadyň ruhy medeni gymmatlyklarynda tutýan ornuny ýene bir gezek açyp görkezer. Goý, nusgawy şahyrlarymyzyň döredijiligini dünýä ýaýmakda giň möçberli işleri amala aşyrýan türkmen halkynyň Milli Lideri Gahryman Arkadagymyzyň we hormatly Prezidentimiziň janlary sag, ömürleri uzak bolsun, tutumly işleri baky rowaç alsyn!

Ýakup ATABAÝEW, 

TMÝG-niň Ruhubelent etrap geňeşiniň başlygy, 

Türkmenistanyň Mejlisiniň deputat

Üstümizdäki ýylyň ­ «Arkadag Serdarly bagtyýar ýaşlar ýyly» diýlip yglan edilmegi ýaşlara uly ynam bildirilýändigini aýdyňlygy bilen subut etdi. Ýurdumyzyň ýaşlarynyň öz ukyp-başarnyklaryny doly açmaklary, özlerini kämilleşdirmek üçin ähli mümkinçilikleri döretmek bilen, ýaş nesliň terbiýesine aýratyn üns berilýär. Dünýäniň öňdebaryjy tejribelerinden ugur alnyp, ruhy taýdan kämil, berk bedenli, giň dünýä garaýyşly ýaş nesilleri terbiýelemek giň gerim alýar. Çünki, ýaşlar jemgyýetimiziň hereketlendiriji güýji, döwletimiziň daýanjy, eziz Watanymyzyň buýsanjy hasaplanylýar. Bu täze taryhy eýýamda olaryň gazanýan üstünlikleri Garaşsyz, hemişelik Bitarap ýurdumyzyň durmuş-ykdysady ösüşleriniň ilerlemegine uly goşant bolýar. 

Berkarar döwletiň täze eýýamynyň Galkynyşy döwründe Arkadag Serdarly bagtyýar ýaşlar ýylynda Gahryman Arkadagymyzyň, Arkadagly Gahryman Serdarymyzyň baştutanlygynda ýaşlaryň durmuşynda taryha altyn harplar bilen ýazyljak buýsançly wakalar bolup geçýär. Ynha, şeýle taryhy ähmiýetli wakalaryň biri hem şu gün welaýatymyzda öz işine başlan Merkezi Aziýanyň we Hytaýyň ýaşlar forumydyr. Taryhy ähmiýetli waka boljak bu forum ýurdumyzyň ähli ýaşlarynyň göwün guşuny ganatlandyrdy. Möhüm ähmiýetli bu foruma Türkmenistan döwletimiziň ykdysadyýetiniň dürli pudaklarynda we beýleki ulgamlarynda zähmet çekýän hünärmenler, talyp we meýletinçi ýaşlar, şeýle hem HHR-iň, Gazagystanyň, Gyrgyzystanyň, Täjigistanyň we Özbegistanyň ýaş wekilleri gatnaşýarlar. 

«Beýik Ýüpek ýolunyň täze eýýamy» atly bu forumyň gün tertibi halklaryň we ýurtlaryň arasynda netijeli hyzmatdaşlygy, gatnaşyklary ösdürmäge gönükdirilendir. Onda Beýik Ýüpek ýoluny dikeltmekde ýaşlaryň orny bilen bagly bu meselede parahatçylygy, dostlugy, birek-birege hormat goýmagy, ysanperwerligi pugtalandyrmakda Türkmenistan döwletimiziň alyp barýan tejribesi öwreniler. Şeýle-de, howanyň üýtgemegi, daşky gurşawyň durnuklylygy, bilim, ylym, innowasiýalar, medeniýet we sungat ýaly ulgamlarda döwletara hyzmatdaşlygyny berkitmek ugrundaky meselelere serediler. Forumda diplomatik ýollar arkaly halkara parahatçylygyny pugtalandyrmak işinde ýaşlaryň mümkinçiliklerini giňeltmäge mümkinçilikler dörediler. 

Halkara hyzmatdaşlygyny ösdürmegiň derwaýys ýollaryny kesgitleýän bu forum oňa gatnaşýan ýurtlaryň ýaşlarynyň arasyndaky netijeli gatnaşyklarynyň giň gerim almagyna täze mümkinçilikleri döreder. Häzirki döwrüň möhüm meseleleri boýunça köp taraplaýyn gepleşikleri ösdürmekde giň gözýetimli, uly durmuş mümkinçilikli we dünýägaraýyşly, düýpgöter täzeçe hem-de özara kabul ederlikli ýörelgeleri öňe sürmäge ukyply ýaşlara aýratyn orun berilýär. Ýurdumyz Birleşen Milletler Guramasynyň bilimiň bütin dünýäde ösdürilmegine we ýaşlar bilen bagly meseleleriň toplumlaýyn çözülmegine gönükdirilen Durnukly ösüş maksatnamasynda bellenilen wezipeleriň üstünlikli durmuşa geçirilmegine uly goşant goşýar. Häzirki wagtda ýurdumyzda sanly bilim ulgamyny ösdürmegiň Konsepsiýasyny, Türkmenistanda tebigy we takyk ylmy ugurlara degişli dersleri okatmagy kämilleşdirmek esasy wezipeleriň biri bolup durýar. 

Ýaşlaryň durmuşyndaky şeýle ösüşler-özgerişlikler Gahryman Arkadagymyzyň, Arkadagly Gahryman Serdarymyzyň saýasynda ak ertirlere sary ynamly barýan bagtyýar, köňülleri eziz Watanymyza bolan buýsançdan doly, hyjuwly ýaşlary okamaga, öwrenmäge, döretmäge, gurmaga ruhlandyrýar. 

Berkarar döwleti täze eýýamynyň Galkynyşy döwründe ýaşlary terbiýelemekde, zehinli ýaşlary ýüze çykarmakda, ýaşlaryň arasynda wagyz-nesihat işlerini geçirmekde ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli alyp barýan işleri hemişe rowaçlyklara beslensin!

 Maksat JANMYRADOW. 

Türkmenistanyň Magtymguly adyndaky Ýaşlar guramasynyň welaýat geňeşiniň başlygy, Türkmenistanyň Mejlisiniň deputaty

Garaşsyz, baky Bitarap Türkmenistanymyzy ähli ugurlar boýunça ösdürmekde döwlet Baştutanymyzyň badalga berýän tutumly işleriniň bady ýyl saýyn artýar. Ýurdumyzda amala aşyrylýan düýpli özgertmeler, sanly ykdysadyýetiň giňden ornaşdyrylmagynda gazanylýan üstünlikler Garaşsyz Watanymyzyň depginli ösüşine netijeli mümkinçilikleri açýar. Şeýle işlerde dürli maksatly binalary we desgalary gurmakda ýetilýän sepgitlerem bellärliklidir. Güneşli Diýarymyzda alnyp barylýan gurluşyklar dogrusynda gürrüň açylanda Gahryman Arkadagymyzyň başlangyjyndan gözbaş alyp, Arkadagly Serdarymyzyň ýolbaşçylygy da gurluşygy dowam etdirilýän Arkadag şäherini ýatlamak ýakymlydyr. “Akylly” şäherligi, ekologiýa babatda arassalygy bilen tapawutlanýan Arkadag şäheri nusgalyk şäherdir. 

Ajap eýýamymyzyň bu täze şäheriniň  öňde baryjy sanly, maglumat-aragatnaşyk hem-de “ýaşyl” tehnologiýalara esaslanýan “akylly” şäheriň aýdyň nusgasydygy guwandyrýar. Arkadag şäheriniň ekologiýa babatda arassalygy nygtalanda, bu ýerdäki desgalaryň gurluşygynda ekologik taýdan arassa materiallaryň ulanylandygy bellärliklidir. Şeýle hem nusgalyk şäherde täze elektrobuslaryň we elektromobil taksileriň ýolagçylara ýokary hilli hyzmaty hem “ýaşyl” tehnologiýalara esaslanýar. 

Dogrusy, bu döwrebap täze şäher barada näçe gürrüň etseň edip oturmaly. Arkadag şäheriniň ýene bir aýratynlygynam nygtamalydyrys. Kanun esasynda döwlet ähmiýetli şäher diýen aýratyn hukuk derejesine eýe bolan täsin şäheriň birinji tapgyrynyň gurlup, ulanmaga berilmegi taryhy waka boldy. Bu tapgyryň çäklerinde bu ýerde medeni-durmuş we beýleki maksatly binalaryň we desgalaryň 336-sy guruldy. “Akylly” şäheriň gurluşygynyň ikinji tapgyryna ak pata berilmegi ýerine ýetirilmeli tutumly işleriň rowaçlanmagynda möhüm ädim boldy. 

Artyk BÄŞIMOW. 

Mary etrap häkimliginiň senagat, gurluşyk we beýleki pudaklary bölüminiň arhitektory, Türkmenistanyň Mejlisiniň deputaty.

Hormatly Prezidentimiziň parasatly ýolbaşçylygynda döwlet derejesinde alnyp barylýan beýik işler buýsanjyňa buýsanç goşýar. Şu ýylyň 24-nji sentýabrynda türkmen halkynyň Milli Lideri Türkmenistanyň Halk Maslahatynyň Başlygy Gurbanguly Berdimuhamedowyň baştutanlygynda üstünlikli geçirilen Türkmenistanyň Halk Maslahatynyň mejlisi hem taryhy waka boldy. Garaşsyz, baky Bitarap Türkmenistan döwletimiziň durmuşyndaky syýasy ähmiýetli bu waka ata-babalarymyzdan miras galan ýörelgämiz bolup, milli demokratiýamyzyň täze many-mazmun bilen baýlaşdyrylmagydyr. Gahryman Arkadagymyzyň, Arkadagly Gahryman Serdarymyzyň bu taryhy mejlisde çykyş etmekleri halkymyzy, diýseň, buýsandyrdy. Çünki, häzirki wagtda milli parlametimiziň işini has-da döwrebap derejelere çykarmakda, täze Kanunlary işläp taýýarlamakda, öňden bar bolan Kanunlara üýtgetmeler we goşmaçalar girizmekde Türkmenistanyň Halk Maslahatynyň mejlisi beýik işleri durmuşa geçirýär. 

Türkmenistanyň Halk Maslahatynyň mejlisiniň ýokary guramaçylykly geçirilmegi hormatly Prezidendimiziň il-ýurt bähbitli, döwlet ähmiýetli alyp barýan beýik işleriniň halkymyzyň ýaşaýyş-durmuşyny has-da ýokarlandyrýandygynyň aýdyň güwäsidir. Türkmenistanyň Mejlisiniň deputaty hökmünde şu syýasy ähmiýetli waka gatnaşmak maňa-da miýesser etdi. Bu taryhy wakada kalbymyzy uly buýsanja beslän aýratyn bellemeli zatlaryň biri hormatly Prezidentimize Türkmenistanyň iň ýokary tapawutlandyryş derejesiniň — «Altyn Aý» altyn nyşanyny gowşurmak bilen Türkmenistanyň Gahrymany diýen hormatly adyň dakylmagy boldy. 

Türkmenistanyň Halk Maslahatynda Gahryman Arkadagymyzyň, Arkadagly Gahryman Serdarymyzyň eden taryhy çykyşlaryny, kabul edilen Kararlaryň, çözgütleriň many-mazmunyny il arasynda wagyz etmek bilen yhlasly zähmet çekjekdigimize tüýs ýürekden ynandyrýarys. Il-günümizi baky bagtyýarlyga ýetiren Milli Liderimiziň, hormatly Prezidentimiziň janlary sag, ömürleri uzak bolsun, il-gün bähbitli işleri hemişe rowaçlyklara beslensin! 

Merdan ORAZMEREDOW. 

Türkmenistanyň döwlet Energetika institutynyň mugallymy, Türkmenistanyň Mejlisiniň deputaty.

Gahryman Arkadagymyzyň mukaddes başlangyçlaryny ýol-ýörelge edinen Arkadagly Gahryman Serdarymyzyň taýsyz tagallasy bilen ösüşleriň täze basgançaklaryna çykýan eziz Diýarymyz baky bagtyýarlyk ýoluna düşüp, ynamly gadamlar bilen öňe barýar. Şeýle ösüşli döwrüň şu ýyly — Arkadag Serdarly bagtyýar ýaşlar ýyly aýratyn şan-şöhrata eýe bolýar. Çünki, ýaş nesle uly ynam bilen garalýan bu ýyl halkymyzda, aýratynam, ýaşlarda ýokary ruhy joşguny döretdi. Munuň özi bolsa ösüşli gadamlaryň batlanmagyna itergi berdi. Netijede, halk hojalygynyň ähli pudaklarynda ýokary görkezijileriň gazanylmagy üpjün edilýär. Şeýle bolansoň halkymyzyň hal-ýagdaýy yzygiderli gowulaşýar. 

Arkadag Serdarly bagtyýar ýaşlar ýyly taryhy wakalaryň ýylyna öwrülýär. Aýratynam, şu ýylyň sentýabr aýy ajaýyp şanly günlere beslendi. Türkmenistanyň Halk Maslahatynyň mejlisiniň ýokary guramaçylykly derejede geçirilmegi we mejlisde ýurdumyzy durmuş-ykdysady we medeni babatda geljekde has-da ösdürmek babatynda kalplarda buýsanç duýgusyny döreden halk bähbitli çözgütleriň we kararlaryň kabul edilmegi hemmeleri guwandyrdy. 

Şol mejlisde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we hormatly Prezidentimiz Serdar Berdimuhamedowyň eden maksatnamalaýyn taryhy çykyşlary halkymyzyň has röwşen geljegine gönükdirildi. Şeýle bolansoň ol çykyşlar şowhunly el çarpyşmalar bilen garşylanyldy. Hormatly Prezidentimize Türkmenistanyň iň ýokary tapawutlandyryş derejesiniň — “Altyn Aý” nyşanynyň gowşurylmagy we Arkadagly Serdarymyza Türkmenistanyň Gahrymany adynyň dakylýandygynyň yglan edilmegi bütin türkmen halkynda kanagatlanmak duýgusyny döretdi. 

Goý, türkmen halkyny has nurana günlere alyp barmak bilen Diýarymyzy baky bagtyýarlyga öwürýän Gahryman Arkadagymyzyň, Arkadagly Gahryman Serdarymyzyň başlary dik, tutumly işleri hemişe rowaç bolsun! 

Jumamuhammet ŞIRMÄMMEDOW. 

Wekilbazar etrabyndaky 35-nji orta mekdebiň müdiri, 

Türkmenistanyň Mejlisiniň deputaty

Garaşsyz, Bitarap Watanymyz hormatly Prezidentimiz Arkadagly Gahryman Serdarymyzyň parasatly baştutanlygynda täze ösüşlere eýe bolýar. Halkymyzyň abadan, asuda ýaşamagy üçin ähli mümkinçilikler, şertler döredilýär. Ýurdumyzyň sebitlerini gurşap alan toplumlaýyn özgertmeler durmuşa geçirilýär. Türkmenistan Watanymyzy dünýä ýüzi parahatçylygyň, ösüşiň, birek-birege ynanyşmagyň Watany hökmünde tanaýar. 

Ýurdumyzda iri möçberli maýa goýum taslamalarynyň durmuşa geçirilmegi netijesinde obalar özgerýär, senagat önümçiligi giňeldilýär. Türkmenistan bu gün agrar döwlet bolmakdan, ösen senagat ýurduna öwrülýär. 

Gahryman Arkadagymyzyň parasatly baştutanlygynda başy başlanan we hormatly Prezidentimiz Arkadagly Gahryman Serdarymyzyň üstünlikli dowam etmeginde ýurdumyzda täze şäherlerdir obalar döreýär, häzirki zaman zawodlardyr fabrikler, önümleri gaýtadan işleýän kärhanalar we ýyladyşhanalar açylyp ulanylmaga berilýär. Şunlukda, täze iş orunlary döredilýär, şeýle hem raýatlarymyzyň bagtyýar ýaşamaklary, okamaklary, işlemekleri we dynç almaklary üçin ähli şertler döredilýär. 

Berkarar döwletiň täze eýýamynyň Galkynyşy döwründe hormatly Prezidentimiziň tagallalary netijesinde ýurdumyzda oba hojalygy ösdürmekde hem uly işler durmuşa geçirilýär. Ýurdumyzyň ähli sebitlerinde azyk, maldarçylyk, et we süýt senagaty kärhanalarynyň önümçilik kuwwatlyklaryny artdyrmak üçin döredilýän amatly şertler ykdysadyýetimiziň bu möhüm pudagynyň düşewüntliliginiň artmagyny üpjün edýär. 

Döwlet Baştutanymyzyň Arkadag Serdarly bagtyýar ýaşlar ýylynyň 24-nji sentýabrynda geçirilen Türkmenistanyň Halk Maslahatynyň mejlisindäki taryhy çykyşynda oba hojalygynda gazanylýan oňyn netijeleri bahalandyrmak bilen: «Pudagy has ýokary sepgitlere çykarmak üçin welaýatlaryň toprak-howa şertlerine laýyk gelýän, ylmy taýdan esaslandyrylan usullar ulanylýar. Ýerleriň melioratiw ýagdaýyny gowulandyrmak, önüm öndürijileri höweslendirmek boýunça anyk işler durmuşa geçirilýär. Bu ugurda alnyp barlan işleriň netijesinde ýurdumyzyň zähmetsöýer gallaçylary şu ýyl hem bol bugdaý hasylyny ösdürip ýetişdirip, azyk bolçulygyny döretmäge öz mynasyp goşantlaryny goşdular. 

Ýurdumyzyň oba hojalygyny we daşky gurşawy goramagy düýpli özgertmek maksady bilen, biz ýakynda Oba hojalyk we daşky gurşawy goramak ministrliginiň binýadynda Oba hojalyk ministrligini hem-de Daşky gurşawy goramak ministrligini döretdik» diýip, ösüşlerimizi beýan edýän birnäçe buýsançly mysallary getirdi. 

Häzirki döwürde ýurdumyzda suwarymly ekerançylyk babatda ägirt uly tejribe toplanylyp, suw hojalyk taslamalary durmuşa geçirilýär. Ýerleriň hasyllylygyny ýokarlandyrmak, täze tarp ýerleri özleşdirmek boýunça giň möçberli taslamalar amala aşyrylýar. Meliorasiýanyň öňdebaryjy usullary ulanylýar. Ekerançylary mineral dökünler bilen üpjün edýän himiýa senagaty ýokary depginler bilen ösdürilýär, öňdebaryjy tehnologiýalar, ylmy işläp taýýarlamalar işjeň ornaşdyrylýar. Bularyň ählisi ata-babalarymyzyň ýerden peýdalanmagyň köpasyrlyk tejribesini, oba hojalyk pudagynyň kuwwatyny artdyrmak üçin ygtybarly esasa öwrülýär.

Şunda oba hojalygyny tehniki we tehnologik taýdan döwrebaplaşdyrmak wezipeleri innowasion esasda, «Türkmenistanda 2019-2025-nji ýyllarda sanly ykdysadyýeti ösdürmegiň Konsepsiýasyny» nazara almak arkaly çözülýär. 

Hormatly Prezidentimiziň taryhy Karary bilen Oba hojalyk ministrliginiň Ylmy-barlag däneçilik institutynyň, Ylmy-barlag ekerançylyk institutynyň, Ylmy-barlag pagtaçylyk institutynyň bellenen tertipde döredilmegi bolsa ýurdumyzda oba hojalyk ekinleriniň hasyllylygyny ýokarlandyrmak we olaryň tohumçylyk işini ylmy esasda ulgamlaýyn alyp barmak boýunça işleri has-da kämilleşdirmek babat-da döwrebap mümkinçilikleriň yzygiderli üpjün edilýändiginiň aýdyň beýany boldy. 

Ýeri gelende bellesek, ýurdumyzda dürli oba hojalyk önümleriniň, şol sanda gök-bakja ekinleriniň we miweleriň öndürilýän möçberiniň artdyrylmagy bazar bolçulygyny döretmäge, ilatyň ýokary hilli, ekologiýa taýdan arassa azyk önümlerine bolan islegini doly kanagatlandyrmaga ýardam edýär. 

Arkadagly Gahryman Serdarymyzyň taryhy Karary bilen bugdaýy, pagtany we gant şugundyryny gaýtadan işlemekden alynýan iýmlik önümleriň 50 göterimini öndürijilere döwlet tarapyndan düzgünleşdirilýän bahalardan satmagyň ýola goýulmagy, ýurdumyzda bu ekinleriň hasyllylygyny ýokarlandyrmaga hem-de hojalyklardaky mallaryň iým üpjünçiligini gowulandyrmaga şertleri döretdi. Şular barada aýdylanda, ýurdumyzda oba senagat toplumynyň düzümlerini döwrebaplaşdyrmaga, olary täze tehnikalar bilen üpjün etmäge, şol sanda oba hojalyk önümlerini gaýtadan işleýän kärhanalary, mineral dökünleri öndürýän zawodlary gurmaga gönükdirilýän maýa goýumlaryň yzygiderli artdyrylýandygyny bellemek diýseň buýsançly. 

Oba milli maksatnamasyny durmuşa geçirmegiň çäklerinde oba hojalygynda uly özgertmeler amala aşyrylýar. Oba ilatynyň ýaşaýyş-durmuş şertleri gowulanyp, maddy üpjünçiligi barha ýokarlanýar. Bugdaý we pagta önümlerini öndürmek bilen bir hatarda, ýeralma, gant şugundyry, şaly hem-de beýleki gök önümlerini, däneli hem-de bakja ekinlerini ýetişdirmek üçin ýerler bölünip berilýär, täze bagçylyklar, üzümçilikler döredilýär. Şeýle-de ýurdumyzda maldarçylyk, guşçulyk, balykçylyk, ýüpekçilik we oba hojalygynyň beýleki görnüşleri yzygiderli ösdürilýär. 

Şu nukdaýnazardan, milli kanunçylygyň üsti «Döwlet ýer kadastry hakynda», «Däneçilik hakynda», «Pagtaçylyk hakynda», «Medeni ösümlikleriň genetik gorlaryny ýygnamak, gorap saklamak we rejeli peýdalanmak hakynda», «Ekologiýa howpsuzlygy hakynda», «Oba hojalygyny ösdürmegi döwlet tarapyndan düzgünleşdirmek hakynda», «Öri meýdanlar hakynda», «Ösümlikleri goramak hakynda», «Ýerleriň meliorasiýasy hakynda», «Weterinariýa işi hakynda», «Daýhan hojalygy hakynda», «Maldarçylykda tohumçylyk işi hakynda», «Daýhan birleşikleri hakynda», «Ösümlik dünýäsi hakynda» Türkmenistanyň Kanunlary we Ýer, Suw, Tokaý kodeksleri bilen ýetirildi. 

Goý, ene toprakdan bagt tapýan ýer eýeleri, kärendeçiler hakynda uly alada edýän, ata Watanymyzda azyk bolçulygyny döredýän, ýurdumyzy ösen senagat ýurduna öwürýän hormatly Prezidentimiziň, türkmen halkynyň Milli Lideri Gahryman Arkadagymyzyň janlary sag, ömürleri uzak, halkymyzyň bagtyýarlygyna, sebitiň we dünýäniň parahatçylygyna gönükdirilen sahawatly işleri hemişe rowaç bolsun! 

Bäşim ANNAGURBANOW, 

Türkmenistanyň Mejlisiniň deputaty, 

Türkmenistanyň Agrar partiýasynyň başlygy

8-nji noýabrda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň nobatdaky mejlisini geçirdi. Onda harby we hukuk goraýjy edaralarda şu ýylyň on aýynda ýerine ýetirilen işleriň jemleri jemlenildi. 

Gahryman Arkadagymyzyň «Ömrümiň manysynyň dowamaty» atly kitabyndaky: «Barly gymyzam, bakylygymyzam, beýikligimizem, bitewüligimizem şu Watanymyz, halkymyz bilen bagly. Öňümizde bu mukaddes Watanyň has abadan geljegi üçin bilelikde, birlikde — agzybirlikde geçmeli ýollarymyz, külterlemeli menzillerimiz, dowam etmeli döwlet dessurlarymyz bar» diýen sözleriniň şu ýylyň on aýynda ýerine ýetirilen işleriň jemlerine bagyşlanan Döwlet howpsuzlyk geňeşiniň nobatdaky mejlisinde berlen hasabatlar bilen berk utgaşýandygyna göz ýetirmek juda guwandyryjy. 

Ilki bilen, Döwlet howpsuzlyk geňeşiniň sekretary, goranmak ministri hasabat berdi. Ol Milli goşunyň düzüm böleklerine sanly ulgamy ornaşdyrmak, harby gullukçylaryň hünär derejesini ýokarlandyrmak, şeýle hem Ýaragly Güýçlerde çagyryş boýunça harby gullugy geçýän harby gullukçylary harby gullukdan boşatmak we Türkmenistanyň raýatlarynyň harby gulluga nobatdaky çagyrylyşyny guramaçylykly geçirmek babatda alnyp barylýan işler barada aýtdy. 

Hormatly Prezidentimiz Serdar Berdimuhamedow hasabaty diňläp, esgerleriň hem-de harby talyplaryň arasynda türkmen halkynyň harby ýörelgeleri esasynda, Watana bolan söýgi we watançylyk ruhunda terbiýeçilik işlerini guramak bilen baglanyşykly tabşyryklary berdi. Munuň özi Gahryman Arkadagymyzyň «Ömrümiň manysynyň dowamaty» atly kitabyndaky: «Kämil şahsyýet bolup ýetişmekde, adamzada mahsus bolan duýgynyň ilkinjisi ata Watana, ene topraga bolan söýgüdir. Watansöýüjiligiň ýüze çykmasy halal zähmetiň bilen Watanyň şan-şöhratyna mynasyp goşant goşmakdadyr» diýen pentlerine berk eýerilýändiginiň iş ýüzündäki görkezijisidir. 

Soňra ýurdumyzyň harby we hukuk goraýjy edaralarynyň ýolbaşçylary garamaklaryndaky düzümler tarapyndan şu ýylyň ýanwar — oktýabr aýlarynda ýerine ýetirilen işleriň jemleri barada hasabatlaryny berdiler. 

Mejlisiň barşynda hormatly Belent Serkerdebaşymyz häzirki döwrüň talaplarynyň hem-de Watanymyzy ösdürmegiň ileri tutulýan strategik ugurlarynyň kazyýet-hukuk ulgamynyň mundan beýläk-de kämilleşdirilmegini şertlendirýändiginden ugur alyp, «Türkmenistanyň kazyýetleriniň kazylaryny wezipä bellemek we wezipeden boşatmak hem-de olara hünär derejelerini bermek hakynda» Permana gol çekdi. 

Gahryman Arkadagymyzyň «Türkmenistan — Bitaraplygyň mekany» atly kitabynda: «...mert pederlerimiziň şöhratly ýoluny mynasyp dowam etmek Watan goragçylarynyň her biriniň mukaddes borjudyr. Bu mukaddes borjy abraý bilen bir kem siz ýerine ýetirmek merdana harby gullukçylarymyz üçin belent mertebedir. Watan goragy olaryň bütin durmuşyna, kalbynyň senasyna, ýürek urgusyna öwrülmelidir» diýip ýazýar. Bu sözler her birimiziň Watan öňündäki perzentlik borjumyzdyr.

Arkadag Serdarly bagtyýar ýaşlar ýylymyzda gözel durmuşymyzyň goýnunda bolýan täze-täze wakalar, şatlykly habarlar göwnüňi joşdurýar, berkarar döwletlilige bolan buýsanjyňy artdyrýar. «Ösüş biziň alyp barýan syýasatymyzyň baş maksadydyr» diýip nygtaýan hormatly Prezidentimiziň parasatly baştutanlygynda täze taryhy eýýamda gurmak, döretmek ajaýyp ýyllaryň goýnunda il-ýurt bähbitli beýik işlere ulaşýar. 

Bagtyýar halkymyz türkmen halkynyň Milli Lideriniň hem-de Arkadagly Gahryman Serdarymyzyň pähim-paýhasa esaslanýan oýlanyşykly içeri we daşary syýasatynyň netijesinde Garaşsyz, hemişelik Bitarap ýurdumyzda amala aşyrylýan beýik işlere, ajaýyp wakalara tüýs ýürekden guwanyp ýaşaýar. 

Diline, dinine, milletine, ýaşaýan ýerine, ynanç-ygtykatlaryna seretmezden, ynsan nesliniň ählisiniň ýüreginde bir arzuw bar. Bu arzuw — asudalyk, parahatçylyk islegi. Türkmenistan döwletimiziň milli özygtyýarlylygyna eýe bolup, dünýä arenasynda özbaşdak daşary syýasat ýöredip ugran ilkinji günlerinden bäri türkmen diplomatiýasy dünýäde parahatçylygy pugtalandyrmak ugrunda irginsiz gözlegleri amala aşyrýar. 

Bir akyldaryň: «Gowy adamlar özlerini, güýçli adamlar maşgalalaryny, beýik şahsyýetler bolsa halklaryny bagtly edýärler» diýip belleýşi ýaly, Gahryman Arkadagymyzyň başyny başlan tutuş dünýä halklarynyň bagtyýar durmuşda ýaşamagy ugrunda öňe süren taglymatlary hem-de bize ata-babalarymyzdan miras galan ynsanperwerlik, hoşniýetli goňşuçylyk ýaly halkymyzyň asylly däplerine esaslanýan daşary diplomatiýasy bu gün dünýä jemgyýetçiliginde giň seslenmä eýe boldy. 

Munuň ýene bir aýdyň subutnamasyna ýakynda Gahryman Arkadagymyzyň Hytaý Halk Respublikasyna, Gazagystan Respublikasyna we hormatly Prezidentimiziň Türkiýe Respublikasyna amala aşyran iş saparlarynyň dowamynda kabul edilen resminamalaryň mysalynda hem ýene bir ýola aýdyň göz ýetirdik. Bu kabul edilen resminamalarda beýan edilýän wezipeler, geljekde döwletleriň durmuş-ykdysady ösüşiniň ileri tutulýan ugurlaryna, ýurduň milli bähbitlerine doly laýyk gelýän hyzmatdaşlygy hil taýdan täze derejä çykarmaga, dilimiziň, taryhymyzyň, medeniýetimiziň umumylygyna hem-de özara bähbitlere, deňhukuklylyga esaslanýan gatnaşyklaryň yzygiderli ösdürilýändigini we geljekde-de ynamly ösdüriljekdigini görkezýär. 

Häzirki täze taryhy eýýamda Watanymyzy syýasy, ykdysady, medeni taýdan ösdürmekde, binagärlik we şähergurluşyk işini ýokary derejelere ýetirmekde, ýaşamak üçin has oňaýly şertler döredilen döwrebap obalary, şäherçeleri, şäherleri gurmakda, durmuşymyzyň ähli ugurlaryna sanly ulgamy, ýokary tehnologiýalary ornaşdyrmakda, sebitleri hemmetaraplaýyn we gyradeň ösdürmekde hem giň gerimli işler alnyp barylýar. 

Şeýle-de Diýarymyz gurýan, döredýän we iri taslamalary üstünlikli amala aşyrýan döwlet hökmünde bu gün dünýä jemgyýetçiliginde uly seslenmä eýe bolýar. Biz bu hakykata Arkadag Serdarly bagtyýar ýaşlar ýylynyň 3-nji noýabrynda hormatly Prezidentimiziň gatnaşmagynda energetika we durmuş düzüminiň täze desgalarynyň ulanmaga berilmeginde we düýbüniň tutulmagynda hem ýene bir ýola magat göz ýetirdik. 

Balkan welaýatynyň Türkmenbaşy etrabynyň çäginde täze döwrebap elektrik stansiýasynyň, şeýle hem etrabyň Guwlymaýak şäherçesinde medeni-durmuş maksatly binalaryň düýbüniň tutulmagy, Mary — Ahal ugry boýunça ýokary woltly asma elektrik geçirijisiniň hem-de Türkmenbaşydaky nebiti gaýtadan işleýän zawodlar toplumynda iki sany gaz turbina desgasynyň dabaraly açylmagy Garaşsyz ýurdumyzyň gurýan, döredýän, iri taslamalary üstünlikli amala aşyrýan, kuwwatly döwlet hökmündäki abraýyny has-da belende göterdi. Bu taryhy wakalar Türkmenistanyň elektrik energetika pudagynyň maksatnamalaýyn ösdürilýändigini we sebitleri özgertmek boýunça syýasatyň üstünlikli dowam etdirilýändigini görkezdi. 

Şeýle işleriň netijesinde, ýurdumyzda ýaşlara mahsus bolan we ata-babalarymyzyň ruhy gymmatlyklaryny özünde jemleýän binýada esaslanýan ýaşlar baradaky döwlet syýasatynyň üstünlikli durmuşa geçirilýändigini aýdyň duýmak bolýar. Onuň netijesinde Watanymyza, halkymyza, ajaýyp milli däp-dessurlarymyza wepaly, bilim we terbiýe almaga, sport bilen meşgullanmaga, hünär öwrenmäge, halal zähmet çekmäge höwesli, ruhubelent, synmaz erkli bagtyýar ýaşlar kemala gelýär.

Hut şol sebäpli hem bu döwrüň gadyr-gymmatyny, bereket hümmetini ýaş nesillere doly hem dogry düşündirmek, olarda beýik Watana bolan söýgini, ene-ata bolan hormaty, nesilleriň öňündäki jogapkärçilik duýgusyny terbiýelemek bolsa biziň beýik borjumyz we esasy wezipämizdir. 

Umuman, ata Watanymyz Türkmenistan bize ykbaldan ýeten uly paýdyr. Bu mährem toprakda türkmeniň köňül telwasy, ýüreginiň ýylysy, üwrelen sallançagyň bady, ene hüwdüsiniň hoş owazy jemlenendir. 

Milletimiziň mertebesini, halkymyzyň hormatyny, döwletimiziň derejesini dabaralandyrmak baradaky kämil başlangyçlaryň gözbaşynda duran Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli döwletli tutumlary hemişe rowaçlyklardan-rowaçlyklara beslensin! 

Ýazpolat KERIÝEW, 

Türkmenistanyň Mejlisiniň deputaty, 

Türkmenistanyň Magtymguly adyndaky 

Ýaşlar guramasynyň Merkezi geňeşiniň başlygy.

Arkadag Serdarly bagtyýar ýaşlar ýylynda uly üstünliklere beslenip geçirilen Türkmenistanyň Halk Maslahatynyň mejlisine ýurdumyzyň ýaşlarynyň gatnaşmagy, olara Watanymyzyň syýasy durmuşynda orun berilmegi ýaşlarymyzyň tutýan orunlarynyň ýokarydygyna şaýatlyk edýär. Bu mejlisde eden çykyşynda Gahryman Arkadagymyz Garaşsyzlygyň biziň göterilen ykbalymyzdygyny belläp, ösüşlerimiziň binýadyny berkden tutmagyň, döwletimiziň geljegi bolan ýaşlary ak ýollara ugrukdyrmagyň baş maksadymyzdygyny nygtady. Şeýle-de, Gahryman Arkadagymyz: “Ýaşlar baradaky döwlet syýasatymyz ýaş raýatlaryň hukuklaryny, azatlyklaryny, döwlet kepilliklerini üpjün etmäge we olary goldamaga gönükdirilen durmuş-ykdysady, syýasy, medeni, guramaçylyk hem-de hukuk çäreleriniň ulgamyny öz içine alýar” diýip nygtap, Watanymyzyň kuwwaty, abraý-mertebesi hem-de beýik geljegi bolan ýaşlarymyzyň alyp barýan işlerine ýokary baha berýändigini, olaryň halkymyzyň daýanjydygyny aýtmak bilen, biz, ýaşlara uly ynam bildirdi.

Ýaşlar Garaşsyz döwletimizi hemmetaraplaýyn ösdürmäge, onuň kuwwatyny artdyrmaga öz mynasyp goşantlaryny goşýarlar. Ýurdumyzda ýaşlar baradaky döwlet syýasaty bu ugurda hereket edýän milli kanunçylyk esasynda amala aşyrylýar. Häzirki döwürde ýaşlaryň hukuklaryny we azatlyklaryny üpjün etmekde uly işler amala aşyrylýar we geljekde-de has amatly şertleri döretmek göz öňünde tutulýar. Döwletimiziň hem-de jemgyýetimiziň ykdysady, syýasy we medeni durmuşyna ýaşlaryň doly derejede gatnaşmagy üçin zerur bolan şertleriň ählisi meýilleşdirilýär.

Saparmyrat ÇARŞAKOW. 

Türkmengala etrap alyjylar jemgyýetiniň ykdysatçysy, Türkmenistanyň Mejlisiniň deputaty.

“Maru-Şahu jahan”, 09.11.2023