AGZYBIRLIK — BELENT MAKSATLARA BADALGA

Be­ýik Ga­raş­syz­ly­gy­my­zyň 33 ýyl­lyk baý­ra­my­nyň öňü­sy­ra­syn­da ýo­ka­ry de­re­je­de ge­çi­ri­len Türk­me­nis­ta­nyň Halk Mas­la­ha­ty­nyň no­bat­da­ky mej­li­si ýur­du­my­zyň dur­mu­şyn­da­ky mö­hüm jem­gy­ýet­çi­lik-sy­ýa­sy äh­mi­ýet­li wa­ka hök­mün­de iň tä­ze ta­ry­hy­my­za al­tyn harp­lar bi­len ýa­zyl­dy. Äh­li­halk fo­ru­my ber­ka­rar Wa­ta­ny­myz­da mil­li de­mok­ra­ti­ýa­nyň, asyr­la­ryň kä­mil­lik mek­de­bi­ni ge­çen ýol-ýö­rel­ge­le­ri­mi­ziň dün­ýä tej­ri­be­si­niň ga­za­nan­la­ry, umu­ma­dam­zat gym­mat­lyk­la­ry bi­len saz­la­şyk­ly ut­gaş­dy­ryl­ýan­dy­gy­ny, ös­dü­ril­ýän­di­gi­ni ja­ha­na ýaý­ýar. 

Ilkinji nobatda, Türkmenistanyň Halk Maslahatynyň mejlisiniň jemgyýetde agzybirligi berkitmekde möhüm ähmiýete eýedigini bellemek gerek. Umumymilli forum halk häkimiýetiniň kämil nusgasy hökmünde demokratik, hukuk we dünýewi döwletimizde häkimiýet bilen halkyň jebisligini üpjün etmäge mynasyp goşant goşýar. Türkmen halkynyň Milli Lideri Gahryman Arkadagymyzyň oýlanyşykly başlangyçlaryny üstünlikli dowam etdirýän hormatly Prezidentimiz Arkadagly Gahryman Serdarymyzyň parasatly baştutanlygynda kämil demokratik ýörelgeleriň işjeň durmuşa geçirilmegi guwandyryjydyr. 

Halkyň agzybirligini, jebisligini pugtalandyrmakda, taýsyz döredijilik ukyp-başarnygyny bir bitewi güýje öwürmekde möhüm ähmiýete eýe bolan, öz işinde demokratik, konstitusion ýörelgelere berk eýerýän hem-de halkyň bähbitlerine hyzmat edýän Türkmenistanyň Halk Maslahaty eziz Diýarymyzyň Garaşsyzlyk ýyllarynda gazananlaryny has-da berkitmegi baş maksat edinýär. Şeýle asylly maksada ýetmegiň ýollary ata Watanymyzyň köpugurly okgunly ösüşinde dürli ulgamlarda täze sepgitlere ýetmekde möhüm wezipeleri halk wekilleri bilen ara alyp maslahatlaşmak, olar babatda oňyn netijelere gönükdirilen çözgütleri kabul etmek ýaly tagallalarda jemlenýär. 

Bu babatda Halk Maslahatynyň nobatdaky mejlisinde garalan meseleler, öňde goýlan aýdyň wezipeler, kabul edilen ilhalar çözgütler täze taryhy eýýamda belent sepgitleri nazarlaýan berkarar Watanymyzyň geljeginiň nuranadygyna, röwşendigine bolan ählihalk ynamyny has-da berkidýär. Sebäbi Arkadagly Gahryman Serdarymyzyň Garaşsyz, hemişelik Bitarap Türkmenistan döwletimizi dünýä ylmynyň iň täze gazananlary hem-de innowasion tehnologiýalar, sanly ulgam esasynda ýokary depginde senagatlaşdyrmak, netijede, ata Watanymyzyň dünýäniň okgunly ösýän döwletleriniň hataryndaky mynasyp ornuny mundan beýläk-de pugtalandyrmak babatdaky ykdysady syýasaty, ilkinji nobatda, halkymyzyň, bagtyýar ýaşlarymyzyň abadan, eşretli ýaşaýyş-durmuşyna gönükdirilendir. Şeýle asylly maksat-tutumlary nazarlaýan ykdysady özgertmeler «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasyna», «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna», «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna», şeýle-de beýleki ulgamlaýyn, pudaklaýyn maksatnamalara daýanýar. Bu maksatnamalar azyk, ulag-logistika, tehnologiýa, energiýa we ekologiýa howpsuzlygyny üpjün etmek, milli önümlerimiziň dünýä bazarynda bäsleşige ukyplylygyny hem-de eksport mümkinçiliklerini ýokarlandyrmak ýaly wajyp wezipeleri öz içine alýar. Ýurdumyzyň ykdysady kuwwatynyň yzygiderli ýokarlanmagynda möhüm ähmiýete eýe bolan bu wezipeleriň üstünlikli durmuşa geçirilmegi zähmetsöýer halkymyzyň eşretli durmuşyny üpjün etmegiň baş şertidir. 

Türkmenistanyň Halk Maslahatynyň nobatdaky mejlisi «Pähim-paýhas ummany Magtymguly Pyragy» ýylynyň taryhy wakalarynyň hatarynda mynasyp orun aldy. «Döwlet adam üçindir!», «Watan diňe halky bilen Watandyr! Döwlet diňe halky bilen döwletdir!» diýen baş ýörelgelerimize berk eýermek arkaly üstünlikli amala aşyrylýan durmuş-ykdysady özgertmelerimiziň esasy maksadynyň ýurdumyzy gülletmekden, halkymyzyň bagtyýarlygyny has-da berkitmekden ybaratdygyny ýene bir ýola bütin aýdyňlygy bilen äşgär edýär. Munuň üçin merdana halkymyzyň, röwşen geljegimiziň eýeleri bolan ýaş nesillerimiziň Milli Liderimize hem-de Arkadagly Gahryman Serdarymyza bolan alkyşlary soňsuzdyr. Goý, Gahryman Arkadagymyzyň hemde hormatly Prezidentimiziň janlary sag, ömürleri uzak, döwletli işleri rowaç bolsun! 

Guwanç ÇENDIROW, 

Türkmenistanyň Magtymguly adyndaky Ýaşlar 

guramasynyň Balkan welaýat geňeşiniň başlygy, 

Mejlisiň deputaty.