YNSANPERWER ÝÖRELGELER ROWAÇLANÝAR

Türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň hem-de hor­mat­ly Pre­zi­den­ti­mi­ziň ta­gal­la­la­ry esa­syn­da ýurdu­myz­da ynsanper­wer ýö­rel­ge­le­re ýug­ru­lan nus­ga­lyk iş­ler ama­la aşy­ryl­ýar. Çaga­lar, ýaş­lar, ýag­ty gel­jek ba­ra­da­ky ala­da Wa­ta­ny­my­zy gül­le­dip ösdür­me­giň, jem­gy­ýe­ti­mi­zi jebis­leş­dir­me­giň esa­sy şert­le­riniň bi­ri hasaplan­ýar. Di­ýa­rymyz­da ça­ga­lar we ýaş­lar üçin my­na­syp dur­muş şert­le­ri­ni üp­jün et­mek, ola­ryň be­den hem-de ru­hy taý­dan sag­dyn bolma­gy­ny ga­zan­mak üçin giň ge­rim­li iş­ler bi­ti­ril­ýär. Şeý­le iş­le­re her bir ra­ýa­tyň my­na­syp go­şant goş­ma­gy­na aý­ra­tyn äh­mi­ýet be­ril­ýär. 

Ata-ba­ba­la­ry­myz­dan dowam edip gel­ýän yn­san­perwer­lik, ha­ýyr-sa­ha­wat­ly­lyk ýö­rel­ge­le­ri esa­syn­da Gahryman Arkadagymyzyň başlangy­jy bi­len Gurbanguly Berdimuhamedow adyn­da­ky Howandarlyga mä­täç ça­ga­la­ra he­ma­ýat ber­mek bo­ýunça ha­ýyr-sa­ha­wat gaz­na­sy­nyň dö­re­dil­me­gi ýaş ne­sil ha­kyn­da­ky ala­da­nyň aý­dyň nusgasydyr. 

Hor­mat­ly Pre­zi­den­ti­mi­ziň hem-de türk­men hal­ky­nyň Mil­li Lideriniň ta­gal­la­la­ry esa­syn­da ça­ga­la­ryň sag­ly­gy­ny go­ra­ma­ga niýet­le­nen hä­zir­ki za­man dü­züm­ler yzy­gi­der­li gur­lup, ula­nyl­ma­ga be­ril­ýär. Şu ýylyň mart aýynda paý­tag­ty­myz­da Gahryman Arkadagymyzyň ak pa­ta ber­me­gi bi­len düý­bi tu­tu­lan sag­ly­gy gora­ýyş eda­ra­la­ry­nyň bi­na­la­ry­nyň bi­ri­niň hut Hal­ka­ra pe­di­at­ri­ýa mer­ke­zi­di­gi­ni uly buý­sanç bi­len bel­le­mek bo­lar. 160 orun­lyk döw­re­bap luk­man­çy­lyk dü­zü­minde ýö­ri­te­leş­di­ri­len bar­lag­la­ry hem-de çyl­şy­rym­ly ope­ra­si­ýa­la­ry ge­çir­mä­ge müm­kin­çi­lik döre­di­ler. 

Türk­me­nis­ta­nyň Mej­li­si ta­ra­pyn­dan yn­san­per­wer başlan­gyç­la­ry­ny gol­da­mak hem-de bu ugur­da uly hyz­mat­la­ry bi­ti­ren ra­ýat­la­ry sy­lag­la­mak mak­sady bi­len, «Türk­me­nis­ta­nyň «Ar­ka­dag» me­da­ly­ny dö­ret­mek hakyn­da» Türk­me­nis­ta­nyň Ka­nu­ny­nyň ka­bul edil­me­gi haýyr-sa­ha­wa­ta bes­len­ýän iş­le­riň do­wa­mat-do­wam bol­ma­gy­nyň ka­nun­çy­lyk bin­ýa­dy­ny pug­talan­dy­rar. Arkadagly Gahryman Serdarymyzyň bu be­lent sy­lag bilen sy­lag­lan­ma­gy tä­ze ta­ry­hy eý­ýam­da ýur­du­myz­da dur­mu­şa geçirilýän yn­san­per­wer sy­ýa­satyň da­ba­ra­lan­ýan­dy­gy­nyň be­lent ykrarnama­sy­dyr. Ça­ga­la­ryň we ýaş­la­ryň iň go­wy bäh­bit­le­ri­niň hatyrasyna hal­ka­ra hyz­matdaş­ly­gy ös­dür­mek­de döw­le­tiň we jem­gy­ýe­tiň öňün­de bi­ti­ren aý­ra­tyn gör­nük­li hyz­mat­la­ry, bu iş­le­riň hal­ka­ra de­re­je­de yk­rar edil­me­gi­ne go­şan go­şant­la­ry üçin ýo­ka­ry yn­san­per­wer, adamkärçilik­li, kä­ri­ne, hal­ky­my­za, Ga­raş­syz Wa­ta­ny­my­za we­pa­ly bo­lan ra­ýatla­ryň ýo­ka­ry döw­let sy­la­gy bi­len sy­lag­lan­ma­gy jem­gy­ýe­ti­mi­ziň jebis­leş­me­gi­ni, yn­san­per­wer­li­giň da­ba­ra­lan­ma­gy­ny şert­len­di­rer.

Mäh­ri­ban hal­ky­my­zyň, hu­susan-da, bag­ty­ýar gel­je­gi­mi­zi guru­jy­lar bo­lan ýaş nes­liň aba­dan dur­mu­şy ug­run­da be­ýik iş­le­ri ama­la aşyr­ýan Mil­li Li­de­ri­mi­ziň hem-de Ar­ka­dag­ly Gah­ry­man Ser­da­ry­my­zyň jan­la­ry sag, ömürle­ri uzak bol­sun! 

Be­genç­gel­di BAÝ­RAM­MY­RA­DOW,

Türk­me­nis­ta­nyň Senagatçylar we te­le­ke­çi­ler par­ti­ýa­sy­nyň

Ahal we­la­ýat ko­mi­te­ti­niň başly­gy­nyň orun­ba­sa­ry,

Mej­li­siň deputaty.