BIZIŇ ŞU GÜNÜMIZ HEM GELJEGIMIZ

     Türkmenistanyň Konstitusiýasyna esaslanýan döwletimiziň kanunçylyk namalarynda çagalaryň hukuklarynyň goragynyň kanuny esaslarynyň üpjün edilmegi meselelerine örän jogapkärli hem-de toplumlaýyn çemeleşilýär. Çagalaryň hukuklaryny, abadançylygyny üpjün etmek maksady bilen, hormatly Prezidentimiz 2023-nji ýylda «Türkmenistanda çagalaryň hukuklaryny durmuşa geçirmek boýunça 2023 — 2028-nji ýyllar üçin Hereketleriň milli meýilnamasyny» tassyklamak hakynda Karara gol çekdi. Milli meýilnamanyň kabul edilmegi ýaş nesil hakyndaky aladanyň döwlet syýasatynda aýratyn orun eýeleýändigine şaýatlyk edýär

     Wa­ta­ny­my­zyň äh­li künje­gin­de döw­re­bap mek­debe çen­li çaga­lar eda­ra­la­ry, bi­lim eda­ra­la­ry, dynç alyş, be­den­terbiýe sagaldyş toplum­la­ry guru­lýar. Ýaş ne­sille­riň döw­re­bap bi­lim alma­gy, ça­ga­lar­da ýo­ka­ry ah­lak sypat­la­ry­nyň, wa­tan­sö­ýü­ji­ligiň terbiýelenmegi ugrunda amat­ly dur­muş şert­le­ri döredilýär.

     Çaga­la­ryň sag­ly­gy­ny gora­mak­da, bag­ty­ýar dur­muş­da ýaşamagyn­da, jem­gy­ýet­de öz orun­la­ry­ny tap­ma­gyn­da, ählitarapla­ýyn ösü­şi­ni üp­jün et­mä­ge ze­rur şert­le­ri dö­ret­mek­de Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­lara he­ma­ýat ber­mek bo­ýun­ça ha­ýyr­-sa­ha­wat gaz­na­sy tarapyn­dan hem nus­ga­lyk iş­ler al­nyp ba­ryl­ýar. Gaz­na­nyň döredi­le­ni­ne köp wagt geçme­dik hem bol­sa dur­mu­şa ge­çi­ril­ýän iş­ler he­ma­ýa­ta mä­täç ça­ga­la­ryň yk­ba­ly­na, ola­ryň nurana geljeginiň üp­jün edil­me­gi­ne örän jogap­kär­li hem­-de toplumlaýyn esas­da çe­me­le­şi­lip, ýaş ne­sil ba­ra­da­ky çyn­la­kaý tagal­la­la­ryň tä­ze rö­wüş­de ýü­ze çyk­ma­sy­na öw­rül­di. Bu ugur­da ýe­ri­ne ýe­ti­ril­ýän yn­san­per­wer iş­ler hal­ka­ra de­re­je­sin­de hem uly gol­da­wa my­na­syp bol­ýar. 

     Hä­zir­ki dö­wür­de ber­ka­rar Watanymyz­da ýaş­la­ryň döre­di­ji­lik ukyp­la­ry­nyň ös­me­gi üçin hem­me şert­ler dö­re­dilýär. Ýurdumyzyň äh­li se­bitle­rin­de döwrebap Me­de­ni­ýet mer­kez­le­ri, kon­sert meý­dança­la­ry, sun­gat mek­dep­le­ri bi­na edi­lip, olar­da çaga­lar baş­lan­gyç, ýö­ri­te­leş­di­ri­len bi­lim hem­-de dö­re­di­ji­lik bi­len meş­gul­lan­ma­ga müm­kin­çi­lik alýar­lar. Bu bi­lim we me­deni­ýet ojak­la­ryn­da ýaş ze­hin­ler ýü­ze çy­ka­ryl­ýar, gel­jek­ki artist­ler, sazan­da­lar, su­rat­keş­ler terbiýelenýär. Ýa­kyn­da paýtag­ty­myz­da «Gü­neş­li» ça­ga­lar we ýet­gin­jek­ler mer­ke­zi­niň düý­bü­niň tutulma­gy hem Wata­ny­my­zyň gel­je­gi bo­lan ýaş ne­sil ba­bat­da Türk­me­nis­tan­da al­nyp ba­ryl­ýan giň ge­rim­li işle­riň aý­dyň güwäsi­ne öw­rül­di. To­mus pas­ly­nyň gel­megi bi­len bol­sa ýurdumy­zyň mek­dep okuw­çy­la­ry to­mus­ky dynç alyş möwsümine ga­dam bas­dy. Gü­neş­li gün­ler­de ýurdumy­zyň äh­li se­bit­le­rin­de he­re­ket ed­ýän ça­ga­lar sagaldyş-dynç alyş merkezlerin­de ça­ga­la­ryň sa­pa­ly dynç we döw­re­bap bilim­-ter­bi­ýe almak­la­ry üçin äh­li şert­ler döre­di­len­dir. 

     Türk­men hal­ky­nyň Mil­li Li­de­ri Gah­ryman Arkadagymyzyň, hor­matly Pre­zi­den­ti­miz Ar­ka­dag­ly Gahryman Ser­da­ry­my­zyň jan­la­ry sag, ömür­le­ri uzak bol­sun! Il-­ýurt bäh­bit­li, umumadamzat äh­mi­ýet­li alyp bar­ýan iş­le­ri ro­waç­lyk­la­ra beslensin! 

Nepes ROZYÝEW, Türkmenistanyň Mejlisiniň deputaty, 

Ylym, bilim, medeniýet we ýaşlar syýasaty baradaky komitetiniň agzasy.