IL SAGLYGY — ÝURT BAÝLYGY

     Berkarar döwletiň täze eýýamynyň Galkynyşy döwründe ynsan saglygyny goramak, adamlaryň ömrüni uzaltmak, keselleriň öňüni almak, sagdyn durmuş kadalaryny ornaşdyrmak, berk bedenli we ruhy taýdan kämil ýaş nesli kemala getirmek babatda ägirt uly işler amala aşyrylýar. Berkarar döwletiň täze eýýamynyň Galkynyşy döwründe uly ösüşlere, belent sepgitlere beslenýän ulgamlarda gazanylýan üstünlikleriň mizemez binýady adam hakyndaky aladadan gözbaş alýar. Jemgyýetde sagdyn durmuş ýörelgesini berkarar etmek, beden terbiýe-sagaldyş hereketini, lukmançylyk edaralaryndan başga-da, şypahana hem-de sport ulgamyny, syýahatçylyk we dynç alyş ulgamyny öz içine alýan döwrebap saglyk düzümini ösdürmek babatda edilýän işleriň ählisi raýatlarymyzyň bagtyýar ýaşaýşyny üpjün etmäge gönükdirilendir. 

     Garaşsyz Watanymyzy hemmetaraplaýyn sazlaşykly ösýän ýurda öwürmek maksady bilen, Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde milli saglygy goraýyş ulgamynyň döwrebaplaşdyrylýandygyny aýratyn nygtamak gerek. Lukmançylyk ylmynyň we tehnologiýalarynyň gazananlaryny, öňdebaryjy dünýä tejribesini ornaşdyrmak arkaly ýurdumyzyň saglygy goraýyş ulgamy halkara talaplaryna laýyk ösdürilýär. Dünýäniň ösen döwletleri, iri halkara guramalar bilen alyp barýan hyzmatdaşlygymyz hem milli saglygy goraýyş ulgamynyň ösüşine oňyn täsirini ýetirýär. Munuň özi saglygy goraýyş ulgamynyň kanunçylyk-hukuk binýadynyň kämilleşdirilýändiginiň, ylmyň we tehnologiýanyň täze gazananlarynyň ornaşdyrylmagy arkaly maddy enjamlaýyn binýadynyň berkidilendiginiň aýdyň subutnamasydyr.

     Ýurdumyzy sagdynlygyň we ruhubelentligiň ýurduna öwürmek babatda ägirt uly işleri amala aşyrýan Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin! 

Arazmyrat HANGELDIÝEW, Daşoguz şäheriniň Arassaçylyk we keselleriň ýaýramagyna garşy göreşmek gullugynyň başlygy, Türkmenistanyň Mejlisiniň deputaty.