TÜRKMENISTANYŇ MEJLISINIŇ

 K A R A R Y

I-3-б

I-9-a

Mary şäherinde gurulýan Ruhyýet köşgüne Beýik Saparmyrat Türkmenbaşynyň adyny dakmak hakynda

(Türkmenistanyň Mejlisiniň Maglumatlary, 2006 ý., № 3, 7-nji madda)

Garaşsyzlyk döwrüniň bary-ýogy 15 ýylynyň içinde Türkmenistanyň Prezidenti Beýik Saparmyrat Türkmenbaşynyň ýakyndan alada etmegi netijesinde dünýä ölçeglerine laýyk gelýän dürli medeni binalar guruldy, olar döwrebap enjamlaşdyryldy.

Türkmen halkynyň asylly ahlak gymmatlyklaryny berkarar etmek, ýaş nesli ata-babalarymyzyň mukaddes däp-dessurlaryna, Garaşsyzlygyň ýörelgelerine ygrarly bolmak ruhunda terbiýelemek syýasatyny ýöredýän Beýik Serdarymyzyň taýsyz tagallalary bilen gurulýan Ruhyýet köşgüniň ajaýyp binasy welaýatyň ýaşaýjylarynyň buýsanjyna öwrülýär.

Türkmenistanyň ilkinji we ömürlik Prezidenti Beýik Saparmyrat Türkmenbaşynyň halkymyzyň Altyn asyrynda ösüp gelýän nesli mukaddes Ruhnamanyň ruhunda sazlaşykly terbiýelemek, halkyň ruhy medeniýetini ýokarlandyrmak, milli we dünýä medeniýetiniň ruhy-ahlak gymmatlyklaryny döretmek baradaky ägirt uly hyzmatlaryny belläp, Türkmenistanyň Umumymilli «Galkynyş» hereketiniň Mary welaýat guramasyna girýän jemgyýetçilik guramalarynyň ýüztutmasyny, şeýle hem Mary welaýatynyň ýaşaýjylarynyň arzuw-isleglerini nazarda tutup, Türkmenistanyň Mejlisi karar edýär:

Mary şäherinde gurulýan Ruhyýet köşgüne Türkmenistanyň Prezidenti Beýik Saparmyrat Türkmenbaşynyň adyny dakmaly we ony "Marynyň Beýik Saparmyrat Türkmenbaşy adyndaky Ruhyýet köşgi" diýip atlandyrmaly.

     Türkmenistanyň Mejlisiniň Başlygy                                      Ö. Ataýew

Aşgabat şäheri

2006-njy ýylyň Alp Arslan aýynyň 11-i

№ 51-III