TÜRKMENISTANYŇ MEJLISINIŇ

 K A R A R Y

I-9-a

XXVI-1

Arçabil etrabynda Gökderede gurulýan çagalar sagaldyş merkezine 

"Beýik Serdar nesilleri çagalar sagaldyş merkezi" 

diýen ady dakmak hakynda

(Türkmenistanyň Mejlisiniň Maglumatlary, 2006 ý., № 3, 11-nji madda)

Türkmenistanyň Prezidenti Beýik Saparmyrat Türkmenbaşynyň ýolbaşçylygynda Garaşsyzlyk ýyllary içinde ýurdumyzda özboluşly milli bilim, saglygy goraýyş we beýleki pudaklaryň ulgamlary döredildi. Beýik Serdarymyzyň hut özüniň görkezmesi bilen dünýä ölçeglerine laýyk gelýän saglyk, bilim, sport binalary guruldy we şeýle binalaryň durklary täzelendi.

Türkmenistanyň Prezidenti Beýik Saparmyrat Türkmenbaşynyň saglygy goraýyş, bilim, syýahatçylyk we sport ulgamyny ösdürmek baradaky taýsyz tagallalaryny, sagdyn bedenli, ruhubelent nesli kemala getirmekde alyp barýan ýadawsyz aladalaryny aýratyn bellemek bilen, şeýle hem Türkmenistanyň saglygy goraýyş, bilim işgärleriniň haýyşlaryny nazara alyp, Türkmenistanyň Mejlisi karar edýär:

Türkmenistanyň Bilim ministrligi, Türkmenistanyň Saglygy goraýyş we derman senagaty ministrligi hem-de Türkmenistanyň Syýahat we sport baradaky döwlet komiteti tarapyndan Arçabil etrabynda Gökderede gurulýan çagalar sagaldyş merkezini "Beýik Serdar nesilleri çagalar sagaldyş merkezi" diýip atlandyrmaly.

     Türkmenistanyň Mejlisiniň Başlygy                                      Ö. Ataýew

Aşgabat şäheri

2006-njy ýylyň Ruhnama aýynyň 22-si

№ 56-III