TÜRKMENISTANYŇ MEJLISINIŇ

K A R A R Y

Lebap welaýatynda gurlan saglygy goraýyş anyklaýyş merkezine Türkmenistanyň Prezidenti Beýik Saparmyrat Türkmenbaşynyň 

adyny dakmak hakynda

(Türkmenistanyň Mejlisiniň Maglumatlary, 2005 ý., № 4, 35-nji madda)

Türkmenistanyň Prezidenti Beýik Saparmyrat Türkmenbaşynyň ýolbaşçylygynda Garaşsyz Türkmenistan döwletimiz gülläp ösýär, halkyň ýaşaýyş derejesi ýokarlanýar. Eziz Serdarymyzyň atalyk aladalary netijesinde ýurdumyz ösen ykdysadyýetli, medeniýetli döwlete öwrüldi.

Sarpasy Belent Beýik Saparmyrat Türkmenbaşy Garaşsyzlyk ýyllarynda özboluşly milli saglygy goraýyş pudagyny döretdi. Beýik Serdarymyzyň hut özüniň görkezmesi bilen dünýä ölçeglerine laýyk gelýän saglyk binalary - dürli saglyk merkezleri, hassahanalar guruldy, bejeriş we şypahana edaralarynyň durky täzelendi, olar döwrebap enjamlaşdyryldy, täze derman öndürýän kärhanalar işe girizildi.

Türkmenistanyň Prezidenti Beýik Saparmyrat Türkmenbaşynyň saglygy goraýyş ulgamyny ösdürmek baradaky taýsyz tagallalaryny aýratyn bellemek bilen, ilata edilýän lukmançylyk hyzmatynyň derejesini mundan beýläk-de ýokarlandyrmakda, keselleri öz wagtynda anyklap öňüni almakda anyklaýyş merkeziniň welaýatyň ilatynyň durmuşynda möhüm ähmiýetiniň bardygyny, şeýle hem Lebap welaýatynyň ilatynyň isleg-arzuwlaryny, saglygy goraýyş edaralarynyň işgärleriniň haýyşlaryny, Lebap welaýatynyň häkimliginiň towakganamasyny nazarda tutup, Türkmenistanyň Mejlisi karar edýär:

Lebap welaýatynda gurlan saglygy goraýyş anyklaýyş merkezine Türkmenistanyň Prezidenti Beýik Saparmyrat Türkmenbaşynyň adyny dakmaly we ony «Beýik Saparmyrat Türkmenbaşy adyndaky Lebap saglygy goraýyş anyklaýyş merkezi» diýip atlandyrmaly.

Türkmenistanyň  Mejlisiniň Başlygy                                  Ö. Ataýew

Aşgabat şäheri

2005-nji ýylyň Bitaraplyk aýynyň 7-i

№ 37-III