TÜRKMENISTAN SSR ÝOKARY SOWETINIŇ 

 K A R A R Y

Türkmenistan SSR-niň Çärjew oblastynda Dostluk raýonyny döretmek hakynda

(Türkmenistan SSR Ýokary Sowetiniň Maglumatlary, 1991 ý., № 1-2, 26-madda)

Türkmenistan Sowet Sosialistik Respublikasynyň Ýokary Soweti karar edýär:

1. Türkmenistan SSR-niň Çärjew oblastynda merkezi Dostluk posýologynda bolan Dostluk raýonyny döretmeli.

Kerki şäher Sowetiniň Amyderýa, Dostluk posýoloklaryny, Kerki raýonynyň Lenin oba Sowetini, Hojambaz raýonynyň Tallymerjen, Hojahaýran, Çarşaňňy  raýonynyň  Kommunar, Daşrabat oba Sowetlerini Dostluk raýonynyň sostawyna goşmaly.

2. Hojambaz raýonynyň  SSSR-niň 60 ýyllygy oba Sowetiniň Jeýhun, Lenin baýdagy, Egriýagyr posýoloklaryny Dostluk raýonynyň Amyderýa posýolok   Sowetiniň  administratiw tabynlygyna bermeli.

3. Täze  raýonyň territoriýasynda ýerleşen saýlaw okruglary boýunça saýlanan  halk deputatlarynyň degişlilikde Kerki şäher, Hojambaz we Çarşaňňy raýon   Sowetleriniň deputatlaryndan ybarat Dostluk raýonynda halk deputatlarynyň raýon Sowetini döretmeli.

4. Halk deputatlarynyň Kerki  şäher, Dostluk, Hojambaz, Caşaňňy raýonlarynyň Sowetleriniň we Hojambaz raýonynyň SSSR-niň 60 ýyllygy oba Sowetiniň normadan az sanly sostawda işlemegine kadadan çykma hökmünde rugsat etmeli.

5. Türkmenistan SSR Ýokary Sowetiniň Prezidiumynyň 1987-nji ýylyň 18-nji maýyndaky № 820-XI Ukazy bilen tassyklanan Türkmenistan SSR-niň posýoloklarynyň Spisogyna (TSSR Ýokary Sowetiniň Wedomostlary, 1987 ý., №  14, 65-nji madda)  degişli üýtgetmeleri girizmeli.

             Türkmenistan SSR 

        Ýokary Sowetiniň Başlygy                                    S. Myradow 

Aşgabat şäheri

1991-nji ýylyň 10-njy ýanwary 

№ 393 - XII