Hatyça Muratowna Mustakowa 1974-nji ýylyň 11-nji fewralynda Lebap welaýatynyň Türkmenabat şäherinde doguldy. Milleti türkmen.

1981 — 1991-nji ýyllarda Türkmenabat şäherindäki 30-njy orta mekdepde okady.

1991 — 1995-nji ýyllarda Seýitnazar Seýdi adyndaky Türkmen döwlet mugallymçylyk institutynda okap, ony taryh mugallymy hünäri boýunça tamamlady.

1995 — 1999-njy ýyllarda Türkmenabat şäheriniň «Miras» önümçilik kärhanasynyň iş dolandyryjysy wezipesinde işledi.

2000 — 2005-nji ýyllarda Türkmenabat şäherindäki 29-njy «Hazyna» çagalar bagynyň terbiýeçisi wezipesinde işledi. 2005 — 2007-nji ýyllarda Türkmenabat şäherindäki 39-njy «Ülker» çagalar bakja-bagynyň müdiriniň wezipesini wagtlaýyn ýerine ýetiriji bolup işledi.

2007-2025-nji ýyllarda Türkmenabat şäherindäki 39-njy «Ülker» çagalar bakja-bagynyň müdiri wezipesinde işledi.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy.

2025-2026-njy ýyllarda Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň agzasy wezipesinde işledi.

2026-njy ýylyň mart aýyndan bäri Lebap welaýat Baş bilim müdirliginiň ýanyndaky döwlet umumybilim edaralarynyň mugallymlarynyň we mekdebe çenli çagalar edaralarynyň terbiýeçileriniň hünär derejesini ýokarlandyryş merkeziniň hünärmeni wezipesinde işleýär.

Mejlisiň Adam hukuklaryny we azatlyklaryny goramak baradaky komitetiniň agzasy.

Maşgalaly, iki çagasy bar.

Türkmenistanyň Demokratik partiýasy tarapyndan dalaşgärlige hödürlenildi.

100-nji «Baýramaly» saýlaw okrugy boýunça

Orazdurdy Abdyýewiç Abdyýew

Orazdurdy Abdyýewiç Abdyýew 1971-nji ýylyň 3-nji noýabrynda Mary welaýatynyň Wekilbazar etrabynyň Mülkbükri geňeşliginde doguldy. Milleti türkmen. 

1978 — 1988-nji ýyllarda Wekilbazar etrabyndaky 12-nji orta mekdepde okady. 

1988 — 1993-nji ýyllarda Magtymguly adyndaky Türkmen döwlet uniwersitetinde okap, ony taryhçy, taryh mugallymy hünäri boýunça tamamlady.

1993 — 2011-nji ýyllarda Wekilbazar etrabyndaky 21-nji orta mekdebiň taryh mugallymy, 2011 — 2013-nji ýyllarda Türkmenistanyň Döwlet energetika institutynyň jemgyýeti öwreniş ylymlary kafedrasynyň mugallymy, 2013-2014-nji ýyllarda Wekilbazar etrabyndaky 31-nji orta mekdebiň taryh mugallymy, 2014-2015-nji ýyllarda Baýramaly etrap bilim bölüminiň işgärler boýunça hünärmeni, 2015-nji ýylyň ýanwar — sentýabr aýlarynda Mary welaýat Baş bilim müdirliginiň işgärler boýunça hünärmeni, 2015 — 2021-nji ýyllarda S.A.Nyýazow adyndaky Türkmen oba hojalyk uniwersitetiniň Baýramaly agrosenagat orta hünär okuw mekdebiniň mugallymy bolup işledi.

2021 — 2023-nji ýyllarda Türkmenistanyň Milli Geňeşiniň Halk Maslahatynyň Sebitleýin ösüş, daşky gurşawy goramak we agrosenagat syýasaty baradaky komitetiniň agzasy wezipesinde işledi.

2023-nji ýylyň ýanwar — aprel aýlarynda S.A.Nyýazow adyndaky Türkmen oba hojalyk uniwersitetiniň Baýramaly agrosenagat orta hünär okuw mekdebiniň mugallymy bolup işledi.

Türkmenistanyň Mejlisiniň VII çagyrylyşynyň deputaty.

2023-2026-njy ýyllarda Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň agzasy wezipesinde işledi.

2026-njy ýylyň mart aýyndan bäri S.A.Nyýazow adyndaky Türkmen oba hojalyk uniwersitetiniň Baýramaly agrosenagat orta hünär okuw mekdebiniň mugallymy bolup işleýär.

2022-nji ýylda Türkmenistanyň «Watana bolan söýgüsi üçin» medaly bilen sylaglanyldy.

Maşgalaly, üç çagasy bar. 

Türkmenistanyň Demokratik partiýasy tarapyndan dalaşgärlige hödürlenildi.