Atamyrat Agamyradowiç Kössekow 1987-nji ýylyň 21-nji iýulynda Mary welaýatynyň Mary etrabynyň Saparmyrat Türkmenbaşy şäherçesinde doguldy. Milleti türkmen.

1994 — 2003-nji ýyllarda Mary şäherindäki 12-nji orta mekdepde okady.

2003 — 2005-nji ýyllarda Mary şäherindäki 1-nji hünärment mekdebinde okap, ony derňew-ölçeg, buraw gurallaryny abatlaýyş ussasy hünäri boýunça tamamlady.

2005 — 2007-nji ýyllarda harby gullukda boldy.

2007 — 2013-nji ýyllarda Mary döwlet elektrik stansiýasynyň ýylylyk awtomatika we ölçegler sehiniň birinji, ýokary derejeli slesary wezipelerinde işledi.

2013 — 2017-nji ýyllarda Ukrainanyň Wladimir Dal adyndaky Gündogar ukrain milli uniwersitetinde gaýybana okap, ony ykdysadyýetçi hünäri boýunça tamamlady.

2013—2014-nji ýyllarda Mary welaýat Alyjylar jemgyýetleri birleşiginiň işgärler boýunça hünärmeni, söwda bölüminiň esasy hünärmeni, bazarlar bölüminiň esasy hünärmeni, başlygynyň kömekçisi, 2014-nji ýylyň iýun — awgust aýlarynda Mary lomaý söwda bazasynyň başlygynyň orunbasary, 2014—2015-nji ýyllarda Baýramaly şäher önümçilik kärhanasynyň direktorynyň orunbasary, 2015-nji ýylyň ýanwar — sentýabr aýlarynda Baýramaly şäher önümçilik kärhanasynyň direktorynyň wezipesini ýerine ýetiriji, direktorynyň orunbasary wezipelerinde işledi. 

2016 — 2018-nji ýyllarda Mary welaýatynyň köpugurly sport toplumynyň hojalyk müdiri, direktorynyň orunbasary wezipelerinde işledi. 2018—2019-njy ýyllarda Mary welaýatynyň Bedenterbiýe we sport baradaky baş müdirliginiň direktorynyň orunbasary, Mary şäheriniň «Bagtyýarlyk» sport desgasynyň direktory bolup işledi. 2019—2020-nji ýyllarda Mary welaýatynyň Mary etrabynyň bedenterbiýe we sport baradaky bölüminiň başlygy, Mary etrabynyň «Mary» sport desgasynyň direktory bolup işledi.

2020—2023-nji ýyllarda Mary welaýatynyň Mary etrabynyň pensiýa gaznasy bölüminiň pensiýalar bölümçesiniň hünärmeni wezipesinde işledi.

2023—2025-nji ýyllarda Mary welaýatynyň Sakarçäge etrabynyň pensiýa gaznasy bölüminiň pensiýalar bölümçesiniň başlygy wezipesinde işledi. 

2025-nji ýylyň mart aýyndan bäri Mary welaýatynyň Baýramaly şäheriniň pensiýa gaznasy bölüminiň başlygynyň orunbasary, başlygyň wezipe borçlaryny wagtlaýyn alyp baryjy wezipesinde işleýär.

Türkmenistanyň Mejlisiniň VII çagyrylyşynyň  deputaty. Mejlisiň Kada-kanunçylyk baradaky komitetiniň agzasy.

Maşgalaly, iki çagasy bar.

Türkmenistanyň Agrar partiýasy tarapyndan dalaşgärlige hödürlenildi.