Arslan Hudaýberdiýewiç Haýydow 1992-nji ýylyň 28-nji ýanwarynda Mary welaýatynyň Tagtabazar etrabynyň Erden geňeşliginde doguldy. Milleti türkmen. 

1999 — 2009-njy ýyllarda Tagtabazar etrabyndaky 5-nji orta mekdepde okady. 

2009-2010-njy ýyllarda Tagtabazar etrabynyň «Daýhan» daýhan birleşiginde kärendeçi bolup işledi. 

2011-2012-nji ýyllarda harby gullukda boldy.

2013-2014-nji ýylda «Polimeks Inşaat» kompaniýasynyň Aşgabatdaky gurluşyklarynda işçi bolup işledi.

2014 — 2019-njy ýyllarda Türkmen oba hojalyk institutynda okap, ony agronom hünäri boýunça tamamlady. 

2019 — 2021-nji ýyllarda Tagtabazar etrabynyň pagta arassalaýjy kärhanasynyň agronomçylyk bölüminiň hünärmeni wezipesinde işledi.

2022-nji ýylyň fewral aýyndan bäri Türkmenistanyň Demokratik partiýasynyň Tagtabazar etrap komitetiniň sanly tehnologiýalar we maglumat howpsuzlygy boýunça EHM-iň operatory wezipesinde işleýär.

Türkmenistanyň Mejlisiniň VII çagyrylyşynyň deputaty. Mejlisiň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy.

Maşgalaly, bir çagasy bar.

Türkmenistanyň Demokratik partiýasy tarapyndan dalaşgärlige hödürlenildi.