Maýa Annageldiýewna Hojyýewa 1975-nji ýylyň 16-njy ýanwarynda Ahal welaýatynyň Kaka etrabynyň Kaka şäherinde doguldy. Milleti türkmen.

1981 — 1991-nji ýyllarda Ahal welaýatynyň Kaka etrabyndaky 16-njy orta mekdepde okady.

1991 — 1995-nji ýyllarda Magtymguly adyndaky Türkmen döwlet uniwersitetinde okap, ony taryhçy, taryh mugallymy hünäri boýunça tamamlady.

1995 — 1997-nji ýyllarda Ahal welaýatynyň Kaka etrabyndaky 11-nji orta mekdepde taryh mugallymy bolup işledi.

1997 — 2003-nji ýyllarda Ahal welaýatynyň Kaka etrabyndaky matematika-fizika dersleri boýunça çuňlaşdyrylan mekdep-internatynda taryh mugallymy bolup işledi.

2003-2004-nji ýyllarda Ahal welaýatynyň Kaka etrabyndaky matematika-fizika dersleri boýunça ýöriteleşdirilen 1-nji orta mekdebiň müdiriniň okuw-terbiýeçilik işleri boýunça orunbasary bolup işledi.

2004 — 2009-njy ýyllarda «Abiwerd» taryhy-medeni döwlet goraghanasynda dürli wezipelerde işledi.

2009-njy ýylyň awgust aýyndan bäri Medeniýet ministrliginiň Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirliginiň garamagyndaky «Abiwerd» taryhy-medeni döwlet goraghanasynyň ýolbaşçynyň orunbasary wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Ylym, bilim, medeniýet we ýaşlar syýasaty baradaky komitetiniň agzasy.

Maşgalaly, iki çagasy bar.

Türkmenistanyň Demokratik partiýasy tarapyndan dalaşgärlige hödürlenildi.