Gurbangeldi Jumamyradowiç Aşyrow 1986-njy ýylyň 28-nji awgustynda Ahal welaýatynyň Sarahs etrabynyň Kiçiaga obasynda doguldy. Milleti türkmen.

1993 — 1998-nji ýyllarda Ahal welaýatynyň Sarahs etrabyndaky 9-njy orta mekdepde, 1998 — 2003-nji ýyllarda Tejen şäherindäki Türkmen-türk mekdebinde okady.

2003 — 2006-njy ýyllarda Aşgabat şäherindäki Atamyrat Nyýazow adyndaky ýöriteleşdirilen bank mekdebinde okap, ony buhgalter hasaby we audit hünäri boýunça tapawutlanan diplom bilen tamamlady. 

2006 — 2008-nji ýyllarda harby gullukda boldy.

2008-2009-njy ýyllarda Türkmenistanyň «Senagat» paýdarlar täjirçilik bankynyň Sarahs etrap şahamçasynyň elektron tölegler boýunça hünärmeni bolup işledi. 2009 — 2011-nji ýyllarda Türkmenistanyň «Daýhanbank» döwlet täjirçilik bankynyň Ahal welaýat dolandyrmasynyň Sarahs etrap şahamçasynyň buhgalter hasaby we bank amallar geçiriş bölüminiň alyp baryjy buhgalteri, baş buhgalteriň orunbasary wezipelerinde işledi.

2011 — 2016-njy ýyllarda Türkmen döwlet maliýe institutynda okap, ony ykdysatçy hünäri boýunça tapawutlanan diplom bilen tamamlady.

2016—2017-nji ýyllarda Türkmenistanyň «Daýhanbank» döwlet täjirçilik bankynyň Ahal welaýatynyň Sarahs etrap şahamçasynyň buhgalter hasaby we hasabaty bölüminiň başlygy, baş buhgalteri wezipesinde işledi. 2017-2018-nji ýyllarda Türkmenistanyň «Daýhanbank» döwlet täjirçilik bankynyň Ahal welaýatynyň Sarahs etrap şahamçasynyň dolandyryjysynyň wezipesini wagtlaýyn ýerine ýetiriji bolup işledi. 

Türkmenistanyň Mejlisiniň VI, VII çagyrylyşlarynyň deputaty. 2018 — 2022-nji ýyllarda Türkmenistanyň Mejlisiniň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy, 2022—2023-nji ýyllarda Ykdysady meseleler baradaky komitetiniň başlygynyň orunbasary wezipesinde işledi. 

2023-nji ýylyň aprel aýyndan bäri  Türkmenistanyň Mejlisiniň Ykdysady meseleler baradaky komitetiniň agzasy wezipesinde işleýär.

Maşgalaly, üç çagasy bar. 

Türkmenistanyň Demokratik partiýasy tarapyndan dalaşgärlige hödürlenildi.