Tuwakgylyç Döwletgylyç ogly Weliýew 1995-nji ýylyň 18-nji iýulynda Balkan welaýatynyň Bereket etrabynyň Bereket şäherinde doguldy. Milleti türkmen.

2002 — 2012-nji ýyllarda Balkan welaýatynyň Bereket etrabyndaky 19-njy ýöriteleşdirilen orta mekdepde okady.

2013 — 2018-nji ýyllarda Ýagşygeldi Kakaýew adyndaky Halkara nebit we gaz uniwersitetinde okap, ony inžener-gurluşykçy hünäri boýunça tamamlady.

2018 — 2020-nji ýyllarda harby gullukda boldy. 2020-2021-nji ýyllarda «Balkangazüpjünçilik» müdirliginiň «Etreketrapgaz» gaz edarasynyň gazy hasaba alýan we ýerleýän birinji derejeli inženeri, soňra müdirligiň «Bereketetrapgaz» gaz hojalyk edarasynyň daşarky we ýerasty gaz geçirijiler gullugynyň ussasy bolup işledi.

2021-2022-nji ýyllarda «Balkangazüpjünçilik» müdirliginiň  «Bereketetrapgaz» gaz hojalyk edarasynyň içerki öýler gullugynyň ussasy bolup işledi.

2022-2023-nji ýyllarda Türkmenistanyň Senagatçylar we telekeçiler partiýasynyň Balkan welaýat komitetiniň guramaçylyk we syýasy işler bölüminiň müdiri bolup işledi.

2023-nji ýylyň sentýabr aýyndan bäri Türkmenistanyň Senagatçylar we telekeçiler partiýasynyň Balkan welaýat komitetiniň başlygynyň orunbasary bolup işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Ykdysady meseleler baradaky komitetiniň agzasy.

Maşgalaly, iki çagasy bar.

Türkmenistanyň Senagatçylar we telekeçiler partiýasy tarapyndan dalaşgärlige hödürlenildi.