Muhammetberdi Taňrygulyýewiç Geldimämmedow 1979-njy ýylyň 15-nji martynda Balkan welaýatynyň Esenguly etrabynyň Esenguly şäherinde doguldy. Milleti türkmen.

1986 — 1996-njy ýyllarda Esenguly etrabyndaky 1-nji orta mekdepde okady.

1996 — 2000-nji ýyllarda Magtymguly adyndaky Türkmen döwlet uniwersitetinde okap, ony fizika-matematika mugallymy hünäri boýunça tamamlady. 

2000-2001-nji ýyllarda Esenguly etrabyndaky 1-nji orta mekdebiň fizika mugallymy wezipesinde işledi.

2001-2002-nji ýyllarda harby gullukda boldy.

2003 — 2005-nji ýyllarda Esenguly etrabyndaky 1-nji orta mekdebiň fizika mugallymy wezipesinde işledi.

2005 — 2007-nji ýyllarda Esenguly etrabyndaky 11-nji orta mekdebiň fizika-matematika mugallymy wezipesinde işledi.

2007 — 2019-njy ýyllarda Esenguly etrabyndaky 1-nji orta mekdebiň fizika-informatika mugallymy, mekdep müdiriniň terbiýeçilik işleri boýunça orunbasary, müdiriň wezipesini wagtlaýyn ýerine ýetiriji wezipelerinde işledi.

2019-njy ýyldan 2023-nji ýylyň aprel aýyna çenli Esenguly etrabyndaky 1-nji orta mekdebiň fizika-informatika mugallymy wezipesinde işledi.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy.

2023-nji ýylyň aprel aýyndan bäri Türkmenistanyň Mejlisiniň Kada-kanunçylyk baradaky komitetiniň agzasy wezipesinde işleýär.

Maşgalaly, iki çagasy bar.

Türkmenistanyň Demokratik partiýasy tarapyndan dalaşgärlige hödürlenildi.