Wezirgeldi Gazakbaýewiç Aşyrow 1971-nji ýylyň 28-nji noýabrynda Balkan welaýatynyň Bereket etrabynyň Bereket şäherinde doguldy. Milleti türkmen.

1979 — 1989-njy ýyllarda Bereket etrabyndaky 15-nji orta mekdepde okady. 

1989 — 1991-nji ýyllarda harby gullukda boldy. 1991-1992-nji ýyllarda Bereket şäherindäki çagalar we ýetginjekler döredijilik öýünde taryhy we ülkäni öwreniş gurnagynyň ýolbaşçysy wezipesinde işledi.

1992 — 1994-nji ýyllarda Balkan welaýatynyň Türkmenbaşy lukmançylyk orta okuw mekdebinde okap, ony laborant-feldşer hünäri boýunça tamamlady.

1994 — 2000-nji ýyllarda Myrat Garryýew adyndaky Türkmenistanyň Döwlet lukmançylyk uniwersitetinde okap, ony medisina öňüni alyş işi hünäri boýunça tamamlady.

2000-2001-nji ýyllarda Balkan welaýatynyň Arassaçylyk we keselleriň ýaýramagyna garşy göreşmek gullugynda bir ýyllyk kämilleşdiriş okuwyny geçip, gullugyň zähmet gigiýenasy bölümçesiniň sanitar lukmany wezipesinde işledi. 2001-2002-nji ýyllarda Balkan welaýatynyň Arassaçylyk we keselleriň ýaýramagyna garşy göreşmek gullugynyň çagalar we ýetginjekler gigiýenasy bölümçesiniň müdiri wezipesinde işledi. 2002 — 2005-nji ýyllarda Balkan welaýatynyň Arassaçylyk we keselleriň ýaýramagyna garşy göreşmek gullugynyň Bakteriologiýa barlaghanasynyň müdiri wezipesinde işledi. 

2005 — 2022-nji ýyllarda Balkan welaýatynyň Gyzylarbat etrabynyň Arassaçylyk we keselleriň ýaýramagyna garşy göreşmek gullugynyň başlygy wezipesinde işledi.

2022-nji ýylyň iýun aýyndan bäri Balkan welaýatynyň Arassaçylyk we keselleriň ýaýramagyna garşy göreşmek gullugynyň başlygynyň arassaçylyk-gigiýena meseleleri boýunça orunbasary wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy.

Maşgalaly, iki çagasy bar.

Türkmenistanyň Demokratik partiýasy tarapyndan dalaşgärlige hödürlenildi.