Baýrammyrat Amanalyýewiç Hajymämmedow 1984-nji ýylyň 26-njy maýynda Balkan welaýatynyň Balkanabat şäheriniň Gumdag şäherçesinde doguldy. Milleti türkmen.

1990 — 1996-njy ýyllarda Balkanabat şäheriniň Gumdag şäherçesindäki 3-nji orta mekdepde okady.

1996 — 2001-nji ýyllarda Magtymguly adyndaky Türkmen döwlet uniwersitetiniň ýanyndaky öňki ylahyýet liseýinde okady.

2001 — 2005-nji ýyllarda Magtymguly adyndaky Türkmen döwlet uniwersitetinde okap, ony dilçi we edebiýatçy mugallym hünäri boýunça tamamlady. 

2005-2006-njy ýyllarda harby gullukda boldy. 2007 — 2009-njy ýyllarda Balkanabat şäheriniň Gumdag şäherçesindäki 4-nji orta mekdepde mugallym, mekdep müdiriniň terbiýeçilik işleri boýunça orunbasary, ozalky Gumdag şäher bilim bölüminiň işgärler boýunça hünärmeni wezipelerinde işledi.

2009 — 2011-nji ýyllarda «Türkmennebit» döwlet konserniniň «Burnebitgazhyzmat» müdirliginiň maddy-tehniki üpjünçilik bölüminiň esasy inženeri, işgärler bölüminiň esasy inženeri, müdirligiň kärdeşler arkalaşygy guramasynyň başlygy wezipelerinde işledi. 

2011 — 2016-njy ýyllarda hususy telekeçilik işi bilen meşgullandy, 2016-2018-nji ýyllarda Türkmenistanyň Senagatçylar we telekeçiler birleşmesiniň Balkan welaýat bölüminiň alyp baryjy hünärmeni, iş ýöredijisi wezipelerinde işledi. 

Türkmenistanyň Mejlisiniň VI,  VII çagyrylyşlarynyň deputaty. 

2018-nji ýylyň aprel aýyndan bäri Türkmenistanyň Mejlisiniň Durmuş syýasaty baradaky komitetiniň agzasy bolup işleýär. 

Maşgalaly, ýedi çagasy bar. 

Türkmenistanyň Senagatçylar we telekeçiler partiýasy tarapyndan dalaşgärlige hödürlenildi.