Ýakup Otuzbaýewiç Atabaýew 1993-nji ýylyň 21-nji ýanwarynda Daşoguz welaýatynyň Boldumsaz etrabynyň Abadanlyk geňeşliginde doguldy. Milleti türkmen.

2000 — 2010-njy ýyllarda Boldumsaz etrabyndaky 62-nji orta mekdepde okady.

2011 — 2015-nji ýyllarda Russiýa Federasiýasynyň Sankt-Peterburg döwlet agrar uniwersitetinde okap, ony hukuk işi hünäri boýunça tamamlady.

2015 — 2017-nji ýyllarda harby gullukda boldy.

2018 — 2021-nji ýyllarda Daşoguz welaýatynyň Ruhubelent etrabyndaky 15-nji orta mekdebiň mugallymy wezipesinde işledi.

2021-nji ýyldan bäri Türkmenistanyň Magtymguly adyndaky Ýaşlar guramasynyň Daşoguz welaýatynyň Ruhubelent etrap Geňeşiniň başlygy wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Halkara we parlamentara aragatnaşyklar baradaky komitetiniň agzasy.

Maşgalaly.

Türkmenistanyň Demokratik partiýasy tarapyndan dalaşgärlige hödürlenildi.