Aşyr Hudaýnazarowiç Toýlyýew 1975-nji ýylyň 20-nji martynda Daşoguz welaýatynyň Boldumsaz etrabynyň Zähmetkeş geňeşliginde doguldy. Milleti türkmen.

1982 — 1992-nji ýyllarda Boldumsaz etrabyndaky 29-njy orta mekdepde okady.

1994 — 1998-nji ýyllarda S.A.Nyýazow adyndaky Türkmen oba hojalyk uniwersitetinde okap, ony inžener-meliorator hünäri boýunça tamamlady.

1998 — 2008-nji ýyllarda Boldumsaz etrabynyň Zähmetkeş geňeşliginde kärendeçi bolup işledi.

2016-2017-nji ýyllarda Türkmenistanyň Prezidentiniň ýanyndaky Döwlet gullugy akademiýasynyň ýerine ýetiriji ýerli häkimiýet we ýerli öz-özüňi dolandyryş edaralarynyň gullukçylarynyň hünärini ýokarlandyrmak okuwynyň diňleýjisi boldy.

2008-nji ýyldan bäri Boldumsaz etrabynyň Zähmetkeş geňeşliginiň Geňeşiniň hünärmeni bolup işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Daşky gurşawy goramak, tebigatdan peýdalanmak we agrosenagat toplumy baradaky komitetiniň agzasy.

Maşgalaly, dört çagasy bar.

Türkmenistanyň Demokratik partiýasy tarapyndan dalaşgärlige hödürlenildi.