Atageldi Amangeldiýewiç Musaýew 1983-nji ýylyň 4-nji martynda Daşoguz welaýatynyň Görogly etrabynyň Aksaraý geňeşliginde doguldy. Milleti türkmen.

1990 — 1992-nji ýyllarda Daşoguz welaýatynyň Daşoguz şäherindäki 2-nji orta mekdepde, 1992-1993-nji ýyllarda 13-nji orta mekdepde, 1993 — 1999-njy ýyllarda 22-nji orta mekdepde okady.

1999 — 2001-nji ýyllarda Daşoguz welaýatynyň Beki Seýtäkow adyndaky mugallymçylyk mekdebinde okap, ony başlangyç synp mugallymy, türkmen dili mugallymy hünäri boýunça tamamlady.

2001-2002-nji ýyllarda Daşoguz welaýatynyň Daşoguz şäherindäki 8-nji orta mekdebiň türkmen dili we edebiýaty mugallymy bolup işledi.

2002 — 2004-nji ýyllarda harby gullukda boldy.

2004-nji ýylyň maý — sentýabr aýlarynda Daşoguz welaýatynyň Daşoguz şäherindäki 8-nji orta mekdebiň türkmen dili we edebiýaty mugallymy bolup işledi.

2004 — 2009-njy ýyllarda Magtymguly adyndaky Türkmen döwlet uniwersitetinde okap, ony taryhçy, taryh we jemgyýeti öwreniş mugallymy hünäri boýunça tamamlady.

2009 — 2011-nji ýyllarda Daşoguz welaýatynyň Daşoguz şäherindäki 1-nji orta mekdebiň taryh mugallymy bolup işledi. 2011—2021-nji ýyllarda Türkmen oba hojalyk institutynyň Agronomçylyk fakultetiniň jemgyýeti öwreniş ylymlary kafedrasynda mugallym, kafedra müdiri wezipelerinde işledi.

2021 — 2023-nji ýyllarda Türkmenistanyň Milli Geňeşiniň Halk Maslahatynyň Sebitleýin ösüş, daşky gurşawy goramak we agrosenagat syýasaty baradaky komitetiniň agzasy wezipesinde işledi.

2023-nji ýylyň ýanwar aýyndan bäri Türkmen oba hojalyk institutynyň Agronomçylyk fakultetiniň Jemgyýeti öwreniş ylymlary kafedrasynyň mugallymy, Agranomçylyk fakultetiniň dekany wezipesinde işleýär. 

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Ylym, bilim, medeniýet we ýaşlar syýasaty baradaky komitetiniň agzasy.

2007-nji ýylda Garaşsyz, hemişelik Bitarap Türkmenistanyň ýaşlarynyň arasynda ylmy işler boýunça geçirilen bäsleşigiň ýeňijisi boldy. 2022-nji ýylda Türkmenistanyň «Watana bolan söýgüsi üçin» medaly bilen sylaglanyldy. 

Maşgalaly, üç çagasy bar.

Türkmenistanyň Demokratik partiýasy tarapyndan dalaşgärlige hödürlenildi.