Mähriban Satybaldyýewna Kurambaýewa 1977-nji ýylyň 30-njy dekabrynda Daşoguz welaýatynyň Akdepe etrabynyň Ak altyn geňeşliginde doguldy. Milleti türkmen.

1984 — 1995-nji ýyllarda Akdepe etrabyndaky 12-nji orta mekdepde okady.

1995 — 1999-njy ýyllarda Döwletmämmet Azady adyndaky Türkmen milli dünýä dilleri institutynda okap, ony pars dili mugallymy, filolog hünäri boýunça tamamlady.

1999 — 2003-nji ýyllarda Akdepe etrabyndaky 12-nji orta mekdebiň türkmen dili we edebiýaty mugallymy bolup işledi.

2003 — 2010-njy ýyllarda Akdepe etrabyndaky 55-nji orta mekdebiň türkmen dili we edebiýaty mugallymy bolup işledi.

2010-2011-nji ýyllarda Gurbansoltan eje adyndaky etrabyň 6-njy çagalar bakja-bagynyň müdiri wezipesinde işledi.

2011 – 2022-nji ýyllar aralygynda Gurbansoltan eje adyndaky etrap bilim bölüminiň hünärmeni wezipesinde işledi.

2022-nji ýyldan bäri Daşoguz welaýatynyň Akdepe etrap bilim bölüminiň hünärmeni wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Halkara we parlamentara aragatnaşyklar baradaky komitetiniň agzasy.

Maşgalaly, bir çagasy bar.

Türkmenistanyň Demokratik partiýasy tarapyndan dalaşgärlige hödürlenildi.