Ýeňiş Sultanmuradowiç Haýytjanow 1988-nji ýylyň 9-njy maýynda Daşoguz welaýatynyň Görogly etrabynyň Bereket geňeşliginde doguldy. Milleti türkmen.

1995 — 2004-nji ýyllarda Daşoguz welaýatynyň Görogly etrabyndaky 40-njy orta mekdepde okady.

2006 — 2008-nji ýyllarda harby gullukda boldy.

2009 — 2014-nji ýyllarda Magtymguly adyndaky Türkmen döwlet uniwersitetinde okap, ony iňlis dili we edebiýaty mugallymy hünäri boýunça tamamlady.

2014 — 2021-nji ýyllarda Daşoguz welaýatynyň Görogly etrabyndaky 62-nji orta mekdebiň iňlis dili mugallymy bolup işledi.

2021 — 2023-nji ýyllarda Türkmenistanyň Milli Geňeşiniň Halk Maslahatynyň Halkara meseleler baradaky komitetiniň agzasy bolup işledi.

2023-nji ýylyň ýanwaryndan aprel aýyna çenli Daşoguz welaýatynyň Görogly etrabyndaky 38-nji orta mekdebiň müdiriniň wezipesini ýerine ýetiriji wezipesinde işledi.

2023-nji ýylyň aprel aýyndan bäri Daşoguz welaýatynyň Görogly etrabyndaky 38-nji orta mekdebiň müdiri wezipesinde  işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Ylym, bilim, medeniýet we ýaşlar syýasaty baradaky komitetiniň agzasy.

Maşgalaly, bir çagasy bar.

Türkmenistanyň Agrar partiýasy tarapyndan dalaşgärlige hödürlenildi.