Amanmyrat Şyhyýewiç Maşalaýew 1978-nji ýylyň 9-njy martynda Daşoguz welaýatynyň Saparmyrat Türkmenbaşy etrabynyň Parahat geňeşliginde doguldy. Milleti türkmen.

1985 — 1995-nji ýyllarda Saparmyrat Türkmenbaşy etrabyndaky 1-nji orta mekdepde okady.

1995 — 1999-njy ýyllarda Türkmen döwlet ykdysadyýet we dolandyryş institutynda okap, ony ýokary kwalifikasiýaly haryt öwreniji hünäri boýunça tamamlady.

2000-2001-nji ýyllarda Daşoguz şäherindäki 1-nji hünärment mekdebiň gaznaçy-hasapçysy wezipesinde işledi.

2001-2002-nji ýyllarda harby gullukda boldy.

2002-2003-nji ýyllarda Daşoguz şäher Awtoulag kärhanasynda hasapçy bolup işledi.

2003 — 2008-nji ýyllarda Daşoguz welaýatynyň Saparmyrat Türkmenbaşy etrabynyň Nebit kärhanasynyň I derejeli operatory bolup işledi.

2011-2012-nji ýyllarda Daşoguz welaýatynyň Zähmet we ilatyň iş bilen üpjünçiligi müdirliginiň Saparmyrat Türkmenbaşy etraby boýunça edara-kärhanalary hasaba almak we şertnama baglaşmak boýunça hünärmeni wezipesinde işledi.

2012 — 2014-nji ýyllarda Saparmyrat Türkmenbaşy etrabynyň zähmet we ilatyň iş bilen üpjünçiligi bölüminiň ilatyň iş bilen üpjünçiligi bölümçesiniň baş hünärmeni wezipesinde işledi.

2014 — 2017-nji ýyllarda Saparmyrat Türkmenbaşy etrabynyň zähmet we ilatyň iş bilen üpjünçiligi bölüminiň başlygynyň wezipesini ýerine ýetiriji wezipesinde işledi.

2017-nji ýyldan bäri Daşoguz welaýatynyň Saparmyrat Türkmenbaşy etrabynyň zähmet we ilatyň iş bilen üpjünçiligi bölüminiň başlygy wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Durmuş syýasaty baradaky komitetiniň agzasy.

Maşgalaly, bir çagasy bar.

Türkmenistanyň Demokratik partiýasy tarapyndan dalaşgärlige hödürlenildi.