Nurgeldi Babageldiýewiç Meredow 1982-nji ýylyň 27-nji maýynda Daşoguz welaýatynyň Saparmyrat Türkmenbaşy etrabynyň Aýböwür geňeşliginde doguldy. Milleti türkmen. Türkmenistanyň Demokratik partiýasynyň agzasy.

1989 — 1998-nji ýyllarda Saparmyrat Türkmenbaşy etrabyndaky 77-nji orta mekdepde okady.

1998 — 2002-nji ýyllarda Saparmyrat Türkmenbaşy etrabyndaky 77-nji orta mekdebiň garawuly bolup işledi.

2002 — 2004-nji ýyllarda harby gullukda boldy.

2007-nji ýylyň ýanwar — sentýabr aýlarynda Daşoguz welaýatynyň Saparmyrat Türkmenbaşy etrabynyň «Aýböwür» daýhan birleşiginiň kärendeçisi bolup işledi.

2007 — 2012-nji ýyllarda Magtymguly adyndaky Türkmen döwlet uniwersitetinde okap, ony türkmen dili we edebiýaty mugallymy hünäri boýunça tamamlady.

2012 — 2016-njy ýyllarda Saparmyrat Türkmenbaşy etrabyndaky 77-nji orta mekdebiň türkmen dili we edebiýaty mugallymy, soňra Saparmyrat Türkmenbaşy etrabyndaky 93-nji orta mekdebiň müdiriniň terbiýeçilik işleri boýunça orunbasary wezipelerinde işledi.

2016 — 2018-nji ýyllarda Saparmyrat Türkmenbaşy etrabyndaky 17-nji orta mekdebiň müdiriniň wezipesini wagtlaýyn ýerine ýetiriji wezipesinde işledi.

2018 — 2021-nji ýyllarda Saparmyrat Türkmenbaşy etrabyndaky daşary ýurt dillerine ýöriteleşdirilen 94-nji orta mekdebiň müdiriniň wezipesini wagtlaýyn ýerine ýetiriji wezipesinde işledi.

2021-nji ýyldan bäri Daşoguz welaýatynyň Saparmyrat Türkmenbaşy etrabyndaky daşary ýurt dillerine ýöriteleşdirilen 94-nji orta mekdebiň müdiri wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Ykdysady meseleler baradaky komitetiniň agzasy.

Maşgalaly, üç çagasy bar.

Türkmenistanyň Demokratik partiýasy tarapyndan dalaşgärlige hödürlenildi.