Laçyn Haýdarowa 1977-nji ýylyň 18-nji iýulynda Lebap welaýatynyň Dänew etrabynyň Maý geňeşliginde doguldy. Milleti türkmen.

1984 — 1994-nji ýyllarda Dänew etrabyndaky 10-njy orta mekdepde okady.

1995-nji ýylyň ýanwaryndan Dänew etrabyndaky 17-nji «Kepderi» çagalar bakja-bagynda terbiýeçi bolup işledi.

1995-nji ýylyň dekabryndan Dänew etrabyndaky 16-njy orta mekdepde gurnakçy bolup işledi.

1996 — 2000-nji ýyllarda Seýitnazar Seýdi adyndaky Türkmen döwlet mugallymçylyk institutynda okap, ony informatika we hasaplaýyş tehnikasy mugallymy hünäri boýunça tamamlady.

2000-2001-nji ýyllarda Türkmenabat şäherindäki «Gurbansoltan eje» adyndaky işçi kadrlary taýýarlaýan 1-nji okuw merkezinde elektron hasaplaýyş maşynynyň operatory hünäri boýunça mugallym bolup işledi.

2008 — 2014-nji ýyllarda Dänew etrabyndaky ýöriteleşdirilen 19-njy orta mekdepde matematika we informatika mugallymy bolup işledi. 2014 — 2017-nji ýyllarda Dänew etrabynyň Seýdiniň nebiti gaýtadan işleýän zawodynyň garamagyndaky «Erteki» çagalar bakja-bagynda terbiýeçi-usulçy bolup işledi. 2017 — 2022-nji ýyllarda Dänew etrabyndaky 22-nji çagalar bagynyň müdiriniň wezipesini wagtlaýyn ýerine ýetiriji bolup işledi. 

2022-nji ýylyň fewral aýyndan bäri Dänew etrabynyň 22-nji «Erteki» çagalar bakja-bagynyň müdiri wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Ykdysady meseleler baradaky komitetiniň agzasy.

Maşgalaly, üç çagasy bar.

Türkmenistanyň Agrar partiýasy tarapyndan dalaşgärlige hödürlenildi.