Merdan Hudaýberenowiç Dosmedow 1975-nji ýylyň 4-nji oktýabrynda Lebap welaýatynyň Hojambaz etrabynyň Burdalyk geňeşliginde doguldy. Milleti türkmen.

1982 — 1992-nji ýyllarda Hojambaz etrabyndaky 17-nji orta mekdepde okady.

1992 — 1997-nji ýyllarda Türkiýe Respublikasynyň Gazi uniwersitetinde okap, ony mugallymçylyk hünäri boýunça tamamlady.

1998 — 2000-nji ýyllarda Hojambaz etrabyndaky 17-nji orta mekdebiň terbiýeçisi, 2000 — 2003-nji ýyllarda başlangyç synp mugallymy, 2003 — 2005-nji ýyllarda Hojambaz etrabyndaky 9-njy orta mekdebiň matematika mugallymy, 2005 — 2007-nji ýyllarda Hojambaz etrabyndaky 17-nji orta mekdebiň müdiriniň okuw işleri boýunça orunbasary, 2007 — 2009-njy ýyllarda Hojambaz etrabyndaky 17-nji orta mekdebiň informatika mugallymy, 2009 — 2011-nji ýyllarda Hojambaz etrabyndaky 15-nji orta mekdebiň müdiriniň okuw işleri boýunça orunbasary, 2011 — 2013-nji ýyllarda Hojambaz etrabyndaky 18-nji orta mekdebiň müdiriniň wezipesini wagtlaýyn ýerine ýetiriji, 2013 — 2015-nji ýyllarda Lebap welaýat Baş bilim müdirliginiň hünärmeni wezipelerinde işledi. 2015-2016-njy ýyllarda Hojambaz etrabyndaky 15-nji orta mekdebiň müdiriniň wezipesini wagtlaýyn ýerine ýetiriji bolup işledi.

2016-njy ýylyň noýabr aýyndan bäri Türkmenistanyň Demokratik partiýasynyň Lebap welaýat komitetiniň başlygy wezipesinde işleýär.

Türkmenistanyň Mejlisiniň VI, VII çagyrylyşlarynyň deputaty, Türkmenistanyň Mejlisiniň Ýerli wekilçilikli häkimiýet we öz-özüňi dolandyryş edaralary bilen işlemek baradaky komitetiniň agzasy.

2022-nji ýylda Türkmenistanyň «Watana bolan söýgüsi üçin» medaly bilen sylaglanyldy.

Maşgalaly, bäş çagasy bar. 

Türkmenistanyň Demokratik partiýasy tarapyndan dalaşgärlige hödürlenildi.