Bahar Hojamuradowna Seýidowa 1986-njy ýylyň 7-nji maýynda Lebap welaýatynyň Darganata etrabynyň Hojalyk geňeşliginde doguldy. Milleti türkmen.

1993 — 2002-nji ýyllarda Lebap welaýatynyň Darganata etrabyndaky 7-nji orta mekdepde okady.

2002 — 2004-nji ýyllarda Lebap welaýatynyň Darganata etrabynyň Magtymguly adyndaky daýhan birleşiginde kärendeçi bolup işledi.

2004 — 2009-njy ýyllarda Türkmen döwlet medeniýet institutynda okap, ony mekdep kitaphanalarynyň kitaphanaçysy hünäri boýunça tamamlady.

2009 — 2012-nji ýyllarda Lebap welaýatynyň Darganata etrabynyň medeniýet merkeziniň kitaphana bölüminiň kitaphanaçysy wezipesinde işledi. 2012 — 2014-nji ýyllarda Türkmenistanyň Demokratik partiýasynyň Darganata etrap komitetiniň partiýa guramaçysy, 2014 — 2016-njy ýyllarda Türkmenistanyň Demokratik partiýasynyň Türkmenabat şäher komitetiniň partiýa guramaçysy, bölüm müdiri wezipelerinde işledi.

2016 — 2018-nji ýyllarda Lebap welaýatynyň Türkmenabat şäher häkimliginiň Raýat ýagdaýlarynyň namalar ýazgysy bölüminiň müdiri wezipesinde işledi. 2018 — 2021-nji ýyllarda Türkmenistanyň Demokratik partiýasynyň Türkmenabat şäher komitetiniň bölümçe müdiri wezipesinde işledi.

2021 — 2023-nji ýyllarda Türkmenistanyň Milli Geňeşiniň Halk Maslahatynyň Ylym, bilim, sanly ulgam, sport we medeniýet baradaky komitetiniň başlygy wezipesinde işledi. 2023-nji ýylyň aprel aýyna çenli Türkmenistanyň Demokratik partiýasynyň Türkmenabat şäher komitetiniň bölümçe müdiri wezipesinde işledi.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. 2023-nji ýylyň 6-njy aprelinden bäri Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy wezipesinde işleýär.

2021-nji ýylda «Türkmenistanyň Garaşsyzlygynyň 30 ýyllygyna» atly Türkmenistanyň ýubileý medaly bilen sylaglanyldy. 

Maşgalaly, bir çagasy bar.