Gadam Meretkulyýewiç Hemraýew 1968-nji ýylyň 23-nji ýanwarynda Lebap welaýatynyň Saýat etrabynda doguldy. Milleti türkmen. 

1975 — 1985-nji ýyllarda Lebap welaýatynyň Saýat etrabyndaky 5-nji orta mekdepde okady. 

1986 — 1988-nji ýyllarda harby gullukda boldy.

1988 — 1994-nji ýyllarda Myrat Garryýew adyndaky Türkmenistanyň Döwlet lukmançylyk uniwersitetinde okap, ony bejeriş işi hünäri boýunça tamamlady. 1994 — 1996-njy ýyllarda Myrat Garryýew adyndaky Türkmenistanyň Döwlet lukmançylyk uniwersitetinde internaturany geçdi.

1997 — 2004-nji ýyllarda Lebap welaýat köpugurly hassahanasynyň metodist lukmany bolup işledi. 2004 — 2008-nji ýyllarda Lebap welaýat köpugurly hassahanasynyň şikesler nokadynyň trawmatolog lukmany bolup işledi. 2008 — 2017-nji ýyllarda Türkmenabat şäherindäki 2-nji saglyk öýüniň baş lukmanynyň bejeriş işleri boýunça orunbasarynyň wezipesini ýerine ýetiriji bolup işledi. 

2017-2018-nji ýyllarda Lebap welaýatynyň hemaýata mätäçligi anyklaýjy toparynyň başlygy wezipesinde işledi. 

2018-nji ýyldan bäri Lebap welaýat Saglygy goraýyş müdirliginiň başlygynyň bejeriş işleri boýunça orunbasary wezipesinde işleýär. 

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Durmuş syýasaty baradaky komitetiniň agzasy.

2020-nji ýylda Türkmenistanyň «Watana bolan söýgüsi üçin» medaly bilen sylaglanyldy. 

Maşgalaly, üç çagasy bar. 

Türkmenistanyň Demokratik partiýasy tarapyndan dalaşgärlige hödürlenildi.