Intizar Dowrankulyýewiç Awlýakulyýew 1980-nji ýylyň 8-nji aprelinde Lebap welaýatynyň Çärjew etrabynyň Bitik geňeşliginde doguldy. Milleti türkmen.

1986 — 1996-njy ýyllarda Lebap welaýatynyň Çärjew etrabyndaky 42-nji orta mekdepde okady.

1997-nji ýylyň ýanwar — sentýabr aýlarynda Çärjew etrabyndaky 42-nji orta mekdebiň çagalar hereketiniň guramaçysy bolup işledi.

1997 — 2001-nji ýyllarda Seýitnazar Seýdi adyndaky Türkmen döwlet mugallymçylyk institutynda okap, ony başlangyç synp mugallymy we terbiýeçi hünäri boýunça tamamlady.

2001 — 2010-njy ýyllarda Çärjew etrabyndaky 19-njy orta mekdebiň uzaldylan günli toparynyň terbiýeçisi, zähmet, çyzuw mugallymy, başlangyç synp mugallymy wezipelerinde işledi. 2010 — 2014-nji ýyllarda Çärjew etrabyndaky 3-nji orta mekdebiň müdiriniň terbiýeçilik işleri boýunça orunbasary, Çärjew etrabynyň bilim bölüminiň hünärmeni, Çärjew etrabyndaky 3-nji orta mekdebiň müdiriniň wezipesini wagtlaýyn ýerine ýetiriji wezipelerinde işledi. 2014 — 2019-njy ýyllarda Çärjew etrabyndaky 3-nji orta mekdebiň müdiri, başlangyç synp mugallymy wezipelerinde işledi. 2019 — 2022-nji ýyllarda Çärjew etrabyndaky ýöriteleşdirilen 21-nji orta mekdebiň müdiriniň wezipesini wagtlaýyn ýerine ýetiriji, müdiri, müdiriň terbiýeçilik işleri boýunça orunbasary wezipelerinde işledi. 

2022-nji ýyldan bäri Lebap welaýatynyň Çärjew etrabyndaky 61-nji orta mekdebiň müdiri wezipesinde işleýär.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Durmuş syýasaty baradaky komitetiniň agzasy.

Maşgalaly, üç çagasy bar.

Raýatlar topary tarapyndan dalaşgärlige hödürlenildi.