Nepes Janmuradowiç Rozyýew 1989-njy ýylyň 25-nji iýunynda Lebap welaýatynyň Hojambaz etrabynyň Beşir şäherçesiniň Güneş obasynda doguldy. Milleti türkmen. 

1996 — 2005-nji ýyllarda Hojambaz etrabyndaky 20-nji orta mekdepde okady.

2005-2006-njy ýyllarda Jumaguly Mämedow adyndaky daýhan birleşiginiň kärendeçisi bolup işledi.

2007 — 2009-njy ýyllarda harby gullukda boldy.

2009-2010-njy ýyllarda Türkmenabat şäher häkimliginiň Gurbansoltan eje adyndaky 1-nji hünär tehniki okuw mekdebinde okap, ony buhgalter-kompýuter operatory hünäri boýunça tamamlady.

2010 — 2014-nji ýyllarda Täjigistan Respublikasynyň Sadreddin Aýni adyndaky Täjik döwlet mugallymçylyk uniwersitetinde okap, ony matematika-fizika hünäri boýunça tamamlady.

2014 — 2019-njy ýyllarda Hojambaz etrabyndaky 10-njy orta mekdebiň fizika-astronomiýa mugallymy bolup işledi. 2019 — 2022-nji ýyllarda Hojambaz etrabyndaky 14-nji orta mekdebiň müdiriniň okuw işleri boýunça orunbasary wezipesinde işledi.

2022—2023-nji ýyllarda Lebap welaýatynyň Hojambaz etrabyndaky 20-nji orta mekdebiň müdiri wezipesinde işledi.

2023-nji ýylda Türkmenistanyň Mejlisiniň VII çagyrylyşynyň deputatlygyna saýlanyldy. Mejlisiň Ylym, bilim, medeniýet we ýaşlar syýasaty baradaky komitetiniň agzasy.

2023-nji ýylyň 25-nji aprelinden bäri Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň agzasy wezipesinde işleýär.

Maşgalaly, üç çagasy bar.

Raýatlar topary tarapyndan dalaşgärlige hödürlenildi.