TÜRKMENISTANYŇ 

K A N U N Y

«Türkmenistanyň garaşsyzlygynyň 11 ýyllygyna»

ýubileý medalyny döretmek hakynda

(Türkmenistanyň Mejlisiniň Maglumatlary¸ 2002 ý.¸ № 4¸ 78-madda)

l. «Türkmenistanyň garaşsyzlygynyň 11 ýyllygyna» ýubileý medalyny döretmeli.

2. «Türkmenistanyň garaşsyzlygynyň 11 ýyllygyna» ýubileý medaly hakyndaky Düzgünnamany tassyklamaly.

3. «Türkmenistanyň garaşsyzlygynyň 11 ýyllygyna» ýubileý medalynyň teswirini tassyklamaly.

4-nji bölüm güýjüni ýitiren. - 07.12.2005 ý. № 29-III Türkmenistanyň  Kanuny.

Türkmenistanyň                                           Saparmyrat

Prezidenti                                                      Türkmenbaşy

Aşgabat şäheri

2002 -nji ýylyň 15-nji oktýabry 

№ 140-II 

«Türkmenistanyň Garaşsyzlygynyň 11 ýyllygyna» 

ýubileý medalynyň

DÜZGÜNNAMASY

l. «Türkmenistanyň Garaşsyzlygynyň 11 ýyllygyna» atly ýubileý medaly beýik Garaşsyzlygyň şanly 11 ýylynyň dowamynda ata Watanymyzyň we jemgyýetimiziň öňünde halal zähmeti bilen uly hyzmatlary bitiren adamlary sylaglamak üçin döredilýär.

2. «Türkmenistanyň Garaşsyzlygynyň 11 ýyllygyna» atly ýubileý medaly bilen Garaşsyz Türkmenistanyň raýatlary sylaglanylýar.

«Türkmenistanyň Garaşsyzlygynyň 11 ýyllygyna» atly ýubileý medaly bilen Türkmenistanyň Prezidenti tarapyndan daşary ýurtly raýatlar hem sylaglanylyp bilner.

3. «Türkmenistanyň Garaşsyzlygynyň 11 ýyllygyna» atly ýubileý medaly bilen:

- Garassyz, Bitarap Türkmenistanyň ykdysady kuwwatyny pugtalandyrmak, ylmy-bilimi, medeniýeti-sungaty, saglygy goraýşy hem-de durmuşyň beýleki ähli pudaklaryny ösdürmek boýunça Türkmenistanyň Prezidentiniň «Türkmenistanda durmuş-ykdysady özgertmeleriň 2010-njy ýyla çenli döwür üçin baş ugry» Milli maksatnamasyny abraýly durmuşa geçirmekde gazanan ajaýyp üstünlikleri we ýokary hyzmatlary üçin;

Garaşsyz döwletimiziň goranmak ukybyny berkitmäge, raýatlaryň howpsuzlygyny we kanunçylygy üpjün etmek işine goşan uly şahsy goşandy üçin; 

- Altyn asyryň altyn nesillerini ata Watana söýgi we oňa wepalylyk, mertlik, halallyk, ruhubelentlik sypatlarynda terbiýelemek işinde görkezen ýokary hyzmatlary üçin sylaglanylýar.

4. Şu sylaga mynasyp bolan adamlara «Türkmenistanyň Garaşsyzlygynyň 11 ýyllygyna» atly ýubileý medaly we şahadatnama gowşurylýar.

5.«Türkmenistanyň Garaşsyzlygynyň 11 ýyllygyna» atly ýubileý medaly bilen sylaglanan adamlar kanunçylykda bellenilen halatlarda we tertipde ýeňilliklerden peýdalanýarlar.

«Türkmenistanyň Garaşsyzlygynyň 11 ýyllygyna» ýubileý medalynyň

ýazgysy

Ýubileý medaly sekiz burçluk görnüşdedir.

Medalyň diametri 45 mm.

Medalyň tegeleginiň merkezinde Türkmenistanyň Prezidenti Beýik Saparmyrat Türkmenbaşynyň barelýef şekiliniň arkasynda Günüň şöhleleri ýerleşdirilendir. Ol şöhleler medalyň tegeleginiň bütin çägine ýaýradylyp ýerleşdirilendir.

Medalyň tegeleginiň içinde «Türkmenistanyň Garaşsyzlygynyň 11 ýyllygyna» diýen ýazgy güberçek görnüşinde ýerleşdirilendir. Tegelegiň aşaky böleginde zeýtun ýapraklaryndan bolan şekil ýarymhalka görnüşde ýerleşdirilendir.

Tegelegiň töweregindäki sekizburçlugyň ýokarky, iki gapdaldaky we aşaky burçlarynda bäş ýyldyzly aýyň şekili ýerleşdirilendir, beýleki dördüsinde bolsa güberçek çyzyklar bardyr.

Medalyň tegelegi halkajyk arkaly 90 sm uzynlygy bolan zynjyr bilen birikdirilýär.

Medal gymmatbahaly metallardan ýasalandyr.

Medalyň arka tarapynda «Türkmenistanyň Prezidenti Beýik Saparmyrat Türkmenbaşydan» diýen ýazgy ýerleşdirilendir. Ýazgynyň ýokarsynda 5 ýyldyzly aýyň şekili hem bar.