TÜRKMENISTAN SOWET SOSIALISTIK RESPUBLIKASYNYŇ

KANUNY

Amnistiýa hakynda 

(Türkmenistan SSR-niň Ýokary Sowetiniň Maglumatlary, 1991 ý., № 1-2, 2- madda)

Türkmenistan Sowet Sosialistik Respublikasynyň Ýokary Soweti karar  edýär:

1. Agyr bolmadyk jenaýatlar edenligi hem-de şu Kanunyň 6-njy maddasynda görkezilen jenaýatlardan beýleki jenaýatlary edenligi üçin ilkinji gezek iş kesilen şu aşakdaky adamlary jeza çekmekden boşatmaly: 

1) kämillik ýaşyna ýetmedikleri;

2) aýallary;

3) I we II topar inwalidlerini;

4) ýaşy 60-dan geçen erkek adamlary;

5) internasional   borjuny  ýerine ýetirmek  bilen baglanyşykly uruş hereketlerine gatnaşan adamlary, SSR Soýuzynyň Ýaragly güýçlerinde, serhet we içerki goşunlarynda gulluk edýän döwründe ýaralanan (seňse-güň bolan)   adamlary, şeýle hem içeri işler organlarynyň,  ýangyn  söndüriji, halas ediji  komandalaryň  işgärleriniň gulluk wezipelerini  ýerine ýetirmekleri  bilen baglanyşykly ýaralanan (seňse-güň bolan) adamlaryny;

6) inçekeseliň açyk formalary bilen keselli adamlary.

2. Şu Kanunyň 1-nji maddasynda sanalyp geçilen adamlaryň şu Kanunyň güýje girizilmeginden ozal onuň  1-nji maddasynda görkezilen jenaýatlary edendikleri barada alnyp barylýan ähli derňew işlerini hem-de sudlaryň şol jenaýatlar hakynda entek garamadyk işlerini ýatyrmaly.

3. Şu aşakdaky jenaýatlary  (şu Kanunyň 6-njy maddasynda görkezilenlerden başga)  edenligi üçin ilkinji gezek sud edilen erkek adamlaryň:

1) seresapsyzlykdan jenaýat edip, onuň üçin azatlykdan mahrum etmek jezasy berlen;

2) bilkastlaýyn, ýöne agyr bolmadyk jenaýat edenligi üçin bäş ýyla çenli (bäşinji ýyly hem girýär) azatlykdan mahrum etmek jezasy berlen;

3) seresapsyzlykdan ýa-da bilkastdan jenaýat edenligi üçin, zähmete hökman çekmek arkaly azatlykdan mahrum etmek jezasy şertli berlen ýa-da azatlykdan mahrum etmek jezasy berlen, ýöne azatlykdan mahrum ediliş ýerlerinden zähmete hökman çekmek arkaly şertli boşadylan; 

4) seresapsyzlykdan ýa-da bilkastdan jenaýat edenligi üçin azatlykdan mahrum etmesiz düzediş işlerinde işletmek jezasy berlen erkek adamlaryň çekip   gutarmadyk  jeza   möhletiniň   ýarysyny  kemeltmeli.

4. Ogurlamak, eýelemek, rastrata etmek ýa-da gulluk ýagdaýyny hyýanatly  peýdalanmak arkaly  döwlet ýa-da  jemgyýetçilik emlägini  köp möçberlerde ýa-da aýratyn köp möçberlerde iýenligi üçin  (Türkmenistan SSR-niň Jenaýat kodeksiniň 90-njy maddasynyň dördünji bölegi, 93-nji maddasynyň üçünji bölegi we 95-nji maddasy)   azatlykdan  mahrum etmek jezasy berlen göwreli aýallaryň hem-de      çagaly aýallaryň çekip gutarmadyk jeza möhletiniň ýarysyny kemeltmeli.

5. Şu  Kanun sürgün  etmekden  we mejbury göçürmekden  beýleki goşmaça jezalara degişli däldir.

6. Şu  Kanunyň  1-nji  we  3-nji maddalarynda  sanalyp  geçilen adamlar   barada:

1) Türkmenistan SSR-niň Jenaýat kodeksiniň 71-nji maddasynda sanalyp   geçilen  (şu   Kanunyň  4-nji maddasynda görkezilenlerden başga) agyr jenaýatlary eden adamlar;

2) Türkmenistan SSR-niň Jenaýat kodeksiniň 98-nji maddasynda (döwlet, kooperatiw ýa-da jemgyýetçilik  emlägini gorkuzyp almak), 110-njy maddasynda  (enäniň ýaňy dogran çagasyny bilkastdan öldürmegi),   1201-nji maddasynda   (SPID keselini ýokaşdyrmak),  121-nji maddasynyň üçünji böleginde (bikanun abort etmek), 125-nji maddasynda (azgynçylyk hereketleri),  126-njy maddasynyň ikinji böleginde   (beçebazlyk),   149-njy maddasynda   (zähmet hakyndaky  kanunlary bozmak),  150-nji maddasynda (göwreli aýaly ýa-da emýän çagaly enäni işe  kabul  etmekden boýun gaçyrmak ýa-da işden çykarmak), 1501-nji maddasynda  (graždanlary tankyt   üçin  yzarlamak), 159-njy maddasynda (gorkuzyp almak), 1761-nji maddasynyň ikinji böleginde (söwda kadalaryny bozmak),   200-nji  maddasynda  (görnetin bikanun tussag etmek ýa-da tutup saklamak), 203-nji maddasynda  (göz-     görtele ýalan görkeziş bermek, ýalan zaklýuçeniýe bermek ýa-da nädogry terjime etmek), 204-nji maddasynda (görkeziş bermekden, zaklýuçeniýe bermekden ýa-da terjime etmekden boýun gaçyrmak ýa-da ýüz döndermek), 205-nji maddasynda (sud-derňew organlaryna barylmagyna päsgel bermek), 206-njy maddasynda (aýyplanýanyň, şaýadyň ýa heläkçilik çekeniň ýalan görkeziş bermäge ýa-da ekspertiň ýalan zaklýuçeniýe bermäge, ýa-da terjimeçiniň nädogry terjime etmäge mejbur edilmegi ýa-da şol adamlaryň bermit bilen aldalmagy), 2093-nji maddasynda (düzediş-zähmet edarasynyň administrasiýasynyň talaplaryna zandyýamanlyk bilen boýun egmezlik), 210-njy maddasynda (tussaglykdan bikanun boşatmak), 216-njy maddasynyň ikinji böleginde (milisiýa işgärine ýa-da halk družinaçysyna garşylyk görkezmek), 2371-nji maddasynyň üçünji we dördünji böleginde (göz-görtele jenaýatçylykly ýol bilen ele salnan emlägi satyn almak ýa-da satmak), 239-njy maddasynda (kemala gelmedikleri jenaýatly işe çekmek), 2391-nji maddasynda (kemala gelmedikleri pýançylyk etmäge çekmek), 2392-nji maddasynda (kemala gelmedikleri kelle aýlaýjy dermanlyk serişdeleri we beýleki serişdeleri medisina dahylsyz maksatlar üçin ulanmaga çekmek), 243-nji maddasynyň ikinji we üçünji böleginde (transport serişdelerini alyp gaçmak), 249-njy maddasynyň birinji böleginde (atylýan ýaragy; söweş ok-därilerini we partlaýjy maddalary bikanun götermek, saklamak, satyn almak, ýasamak we satmak), 259-njy maddasynda (ösdürilip ýetişdirilmegi gadagan edilen tirýek haşhaşyny we kenebi (meňi) ekmek ýa-da ösdürip ýetişdirmek), 2592-nji maddasynda (narkotiki serişdeleri ulanmaga yrmak), 2593-nji maddasynda (narkotiki serişdeleri ulanmakdan ötri neşehanalaryň guralmagy ýa-da saklanylmagy), 2594-nji maddasynda (ýag berýän haşhaşy we kenebi (meňi) bikanun ekmek ýa-da ösdürip ýetişdirmek), 260-njy maddasynda (jelephana saklamak we oýnaşlary duşuryjylyk), 265-nji maddasynda (mazaryň hormatyny gaçyrmak) göz öňünde tutulan jenaýatlary eden adamlar barada amnistiýa ulanylmaýar.

7. Amnistiýa   saklamak düzgünini  ýa-da  jeza  çekmegiň  tertibini zandyýamanlyk   bilen   bozýan  adamlar   barasynda,   şeýle hem   özleri barada öň amnistiýa ýa günä geçmek çäreleri ulanylan adamlar barasynda ulanylmaýar.

8. Azatlykdan mahrum etmek jezasy berlip, weneriki kesellerden,  arakkeşlikden we  neşekeşlikden  bejertmegiň doly  kursuny geçmedikler barada amnistiýa diňe degişli kesel bejeriş kursy tamamlanandan soň ulanylýar.

9. Şu Kanun kabul edilen gününden güýje girýär we ol dört aýyň dowamynda  ýerine ýetirilmelidir.

Türkmenistan  SSR-niň Prezidenti                         S. NYÝAZOW

  Aşgabat şäheri

  1991-nji ýyl, 8-nji ýanwar   

  №  369 - XII