TÜRKMENISTANYŇ KANUNY

«Türkmenistanyň Garaşsyzlygynyň 25 ýyllygyna

bagyşlanyp geçirilen dabaraly harby ýörişe gatnaşyja»

atly Türkmenistanyň ýubileý medalyny döretmek hakynda

(Türkmenistanyň Mejlisiniň Maglumatlary, 2016 ý., № 1, 54-madda)

1-nji madda. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medalyny döretmeli.

2-nji madda. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly hakynda Düzgünnamany tassyklamaly (goşulýar).

3-nji madda. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medalynyň we onuň plankasynyň ýazgylaryny tassyklamaly (goşulýar).

Türkmenistanyň                                            Gurbanguly

     Prezidenti                                                      Berdimuhamedow

Aşgabat şäheri.

2016-njy ýylyň 26-njy marty.

№ 369-V.

«Türkmenistanyň Garaşsyzlygynyň 25 ýyllygyna

bagyşlanyp geçirilen dabaraly harby ýörişe gatnaşyja»

atly Türkmenistanyň ýubileý medalynyň

DÜZGÜNNAMASY

1. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly Türkmenistanyň Garaşsyzlygyny, çäk bitewiligini, konstitusion gurluşyny goramakda, Watanymyzyň goranmak kuwwatyny berkitmekde we howpsuzlygyny üpjün etmekde göreldeli gullugy bilen tapawutlanan, şeýle hem Türkmenistanyň Garaşsyzlygynyň                     25 ýyllygyna bagyşlanyp geçirilen dabaraly harby ýörişe işjeň gatnaşan we ýörişiň ýokary derejede guramaçylykly geçirilmegine şahsy goşantlaryny goşan harby gullukçylary we işgärleri sylaglamak maksady bilen döredildi.

2. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly bilen Türkmenistanyň döwlet Garaşsyzlygyny berkitmekde we gorap saklamakda, Watanymyzyň goranmak kuwwatyny pugtalandyrmakda, Watan goragçylaryny mertlik we watansöýüjilik ruhunda terbiýelemekde hyzmatlary üçin Türkmenistanyň Ýaragly Güýçleriniň harby gullukçylary, şeýle hem Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşan we dabaraly harby ýörişi ýokary derejede guramaçylykly geçirmäge goşant goşan Türkmenistanyň Goranmak ministrliginiň, Türkmenistanyň Içeri işler ministrliginiň, Türkmenistanyň Milli howpsuzlyk ministrliginiň, Türkmenistanyň Döwlet serhet gullugynyň, şeýle hem beýleki hukuk goraýjy we harby edaralarynyň harby gullukçylary we işgärleri sylaglanylýar.

3. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly bilen Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşan we dabaraly harby ýörişi ýokary derejede guramaçylykly geçirmäge goşant goşan we işjeň gatnaşan hem-de:

- Türkmenistanyň Garaşsyzlygyny pugtalandyrmaga, döwletimiziň goranmak kuwwatyny ýokarlandyrmaga, Watanymyzyň hem-de onuň raýatlarynyň howpsuzlygyny we asudalygyny üpjün etmäge şahsy goşant goşanlar;

- milli Ýaragly Güýçlerimiziň ýokary derejedäki söweşjeň taýýarlygyny üpjün etmekde, harby gullukçylary ýokary watançylyk ruhunda terbiýelemekde, goşunda ýokary düzgün-tertibi ýola goýmakda we dostlugy pugtalandyrmakda hyzmatlary bitirenler sylaglanylýar.

4. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly bilen sylaglananlara medal we onuň şahadatnamasy gowşurylýar.

5. «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly döşüň çep tarapyndan dakylýar we Türkmenistanyň «Garaşsyz, Baky Bitarap Türkmenistan» ýubileý medalyndan soň ýerleşdirilýär.

«Türkmenistanyň Garaşsyzlygynyň 25 ýyllygyna

bagyşlanyp geçirilen dabaraly harby ýörişe gatnaşyja»

atly Türkmenistanyň ýubileý medalynyň

ÝAZGYSY

«Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly güberçek görnüşinde ýerine ýetirilen sekizburçlukdan ybarat. Sekizburçly ýyldyzyň burçlarynyň her birinde ýaşyl reňkli syrçalanan nagyş şekillendirilen. Onuň merkezinde umumy diametri 32 mm bolan tegelekleriň ikisi ýerleşdirilen, diametri 22 mm bolan oýulyp şekillendirilen ýerligi altyn çaýylan içki tegelekde Türkmenistanyň ýaşyl reňkli syrçalanan kartasy, merkezinde güberçek görnüşde altyn çaýylan Türkmenistanyň Garaşsyzlygynyň 25 ýyllygyny aňladýan rim sanlary bilen «XXV» diýen ýazgy şekillendirilen. Içki tegelegiň daşynda ýerligi ak syrça bilen örtülen, ini 5 mm bolan halkanyň ýokarky böleginde «GARAŞSYZ, BAKY BITARAP TÜRKMENISTAN» diýen altyn çaýylan ýazgy, aşaky böleginde bolsa, zeýtun agajynyň biri-biri bilen kesişýän şahalarynyň ikisiniň şekilleri ýerleşdirilen. Ýazgy bilen zeýtun şahalarynyň arasynda sekizburçly ýyldyz ýerleşdirilen.

Ýubileý medalynyň arka tarapynyň merkezi böleginde umumy diametri 20 mm tegelegiň içinde güberçek görnüşindäki bäş ýyldyzly ýarym aýyň şekili şekillendirilip, tegelegiň töweregi boýunça geçýän, ini 1 mm tegelegiň daşynda bolsa, güberçek görnüşindäki «Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medaly» diýen ýazgy ýerleşdirilen.

Ýubileý medalynyň umumy diametri 44 mm.

Ýubileý medaly halkajyk arkaly ini 28 mm, beýikligi 15 mm bolan iki gapdaly kertikli, gönüburçluk görnüşindäki kolodka birleşdirilýär. Kolodkanyň esasy meýdanynda güberçek görnüşinde aýtyn çaýylan sekizburçluk ýerleşdirilen. Sekizburçlugyň üstünde iki sany gylyç atanaklaýyn we olaryň üstünde bolsa tegelek görnüşinde galkan ýerleşdirilen. Galkanyň merkezi böleginde zeýtun agajynyň iki sany şahalary daşyna aýlanan sekizburçluk ýerleşdirilip, sekizburçlugyň merkezi böleginde bolsa, bäş ýyldyzly ýarym aý şekillendirilen.

Ýubileý medaly we onuň kolodkasy misiň we nikeliň garyndysyndan ýasalyp, ýüzüne altyn çaýylýar.

Kolodkanyň arka tarapynda medaly geýime dakmak üçin           ildirgiç bar.

«Türkmenistanyň Garaşsyzlygynyň 25 ýyllygyna

bagyşlanyp geçirilen dabaraly harby ýörişe gatnaşyja»

atly Türkmenistanyň ýubileý medalynyň plankasynyň

ÝAZGYSY

«Türkmenistanyň Garaşsyzlygynyň 25 ýyllygyna bagyşlanyp geçirilen dabaraly harby ýörişe gatnaşyja» atly Türkmenistanyň ýubileý medalynyň plankasynyň düşegi ýaşyl reňkli syrça bilen örtülen. Onuň esasy meýdanynda güberçek görnüşinde altyn çaýylan sekizburçluk ýerleşdirilen. Sekizburçlugyň üstünde iki sany gylyç atanaklaýyn we olaryň üstünde bolsa tegelek görnüşinde galkan ýerleşdirilen. Galkanyň merkezi böleginde zeýtun agajynyň iki sany şahalary daşyna aýlanan sekizburçluk ýerleşdirilip, sekizburçlugyň merkezi böleginde bolsa, bäş ýyldyzly ýarym aý şekillendirilen.

Plankanyň daşky gyrasyna altyn çaýylýar.

Ýubileý medalynyň plankasynyň ölçegi inine 24 mm we beýikligine 10 mm bolup, ol mis bilen nikeliň garyndysyndan ýasalýar.