2023-nji ýylyň 13-15-nji noýabrynda Türkmenistanyň Mejlisiniň wekiliýeti Belgiýa Patyşalygyna iş saparyny amala aşyrdy. 

Meýilnama laýyklykda Mejlisiň wekilleri «Zenanlar parahatçylyk we howpsuzlyk» atly ählumumy gün tertibini durmuşa geçirmekde we zenanlaryň ykdysady mümkinçiliklerini ýokarlandyrmakda Ýewropa Bileleşiginiň degişli düzümleri bilen tejribe alyşmak maksady bilen Merkezi Aziýa ýurtlarynyň zenanlarynyň dialogynyň agzalarynyň maslahatyna gatnaşdylar.

Halkara maslahatyň dowamynda zenanlaryň hukuklaryny üpjün etmek we mümkinçiliklerini giňeltmek hem-de olaryň parahatçylygy, howpsuzlygy üpjün etmekdäki ornuny ýokarlandyrmak boýunça maslahatlaşmalar geçirildi.