Türkmenistanyň Mejlisi (Parlamenti) kanun çykaryjy häkimiýeti amala aşyrýan wekilçilikli edaradyr
TÜRKMENISTANYŇ MEJLISI
Türkmençe
Türkmenistanyň Mejlisi (Parlamenti) kanun çykaryjy häkimiýeti amala aşyrýan wekilçilikli edaradyr
TÜRKMENISTANYŇ MEJLISI
2025-nji ýylyň 23-nji aprelinde Türkmenistanyň Mejlisiniň Başlygy D.Gulmanowa Horwatiýa Respublikasynyň Türkmenistanda täze bellenen Adatdan daşary we Doly ygtyýarly Ilçisi Hrwoýe Swetanowiçden Ynanç hatyny kabul etdi.
Milli Parlamentiň ýolbaşçysy döwlet Baştutanymyzyň adyndan diplomaty jogapkärli wezipä bellenilmegi bilen gutlap, oňa iki ýurduň arasyndaky däp bolan dostlukly gatnaşyklary we hyzmatdaşlygy pugtalandyrmak işinde üstünlikleri arzuw etdi.
Duşuşygyň dowamynda Ilçi ýurdumyzyň içeri we daşary syýasatynyň ileri tutulýan ugurlary, milli Parlamentiň düzümi hem-de ykdysadyýetde, medeni-durmuş ulgamlarynda amala aşyrylýan maksatnamalaýyn özgertmeleri kanunçylyk taýdan üpjün etmek babatda alnyp barylýan işler bilen tanyşdyryldy.
Taraplar iki ýurduň arasyndaky syýasy-diplomatik gatnaşyklaryň häzirki derejesi, parahatçylygy ilerletmek, ýurtlaryň we halklaryň arasyndaky ynanyşmagy berkitmek, hoşniýetli hyzmatdaşlygyň gerimini giňeltmek işlerinde tagallalary birleşdirmegiň ähmiýeti barada pikir alyşdylar.
Şunuň bilen birlikde, ikitaraplaýyn esasda ýola goýlan parlamentara hyzmatdaşlygyň ösdürilmeginiň türkmen-horwat gatnaşyklarynyň mazmunyny baýlaşdyrmaga ýardam etjekdigi bellenildi. Şeýle hem Parlamentara hyzmatdaşlygyň netijeliliginiň ýokarlanmagynda ikitaraplaýyn esasda döredilen parlamentara dostluk toparlaryna möhüm ornuň degişlidigi barada aýdyldy.
23 апреля 2025 года Председатель Меджлиса Туркменистана Д.Гулманова приняла верительную грамоту от назначенного Чрезвычайного и Полномочного Посла Республики Хорватия в Туркменистане Хрвое Светановича.
Руководитель национального Парламента от имени Главы государства поздравила дипломата с назначением на ответственную должность, пожелала ему успехов в работе по укреплению традиционных дружеских отношений и сотрудничества между двумя странами.
В ходе встречи Посол был ознакомлен с приоритетными направлениями внутренней и внешней политики нашей страны, составом национального Парламента, а также деятельностью, проводимой по законодательному обеспечению реализуемых программных реформ в экономической, культурной и социальной сферах.
Стороны обменялись мнениями о состоянии политико-дипломатических отношений между двумя странами, важности объединения усилий в деле содействия миру, об укреплении доверия между странами и народами, расширении масштабов доброжелательного сотрудничества.
При этом было отмечено, что развитие межпарламентского сотрудничества, налаженного на двусторонней основе, будет способствовать обогащению содержания туркмено-хорватских отношений. Отмечено, что важная роль в повышении эффективности межпарламентского сотрудничества принадлежит группам межпарламентской дружбы, созданным на двусторонней основе.
On April 23, 2025, the Chairperson of the Mejlis of Turkmenistan, D. Gulmanova, received Credentials from the newly appointed Ambassador Extraordinary and Plenipotentiary of the Republic of Croatia to Turkmenistan Hrvoje Cvetanović.
On behalf of the Head of State, the Chairperson of the National Parliament congratulated the diplomat on his appointment to the responsible position and wished him success in strengthening the traditional friendly relations and cooperation between two countries.
During the meeting, the Ambassador has briefed on the priorities of our country's domestic and foreign policy, the composition of the national Parliament, and the works done along legally supporting the program-based reforms implementing in the economic, cultural, and social spheres.
The parties exchanged views on the current state of political and diplomatic relations between two countries, the importance of joining efforts in promoting peace, strengthening trust between countries and peoples, and expanding the scope of friendly cooperation.
In this regard, noted the development of inter-parliamentary cooperation established on a bilateral basis would contribute to enriching the content of Turkmen-Croatian relations. Also mentioned the inter-parliamentary friendship groups established on a bilateral basis play an important role in increasing the effectiveness of inter-parliamentary cooperation.
2025-nji ýylyň 23-nji aprelinde Türkmenistanyň Mejlisiniň wekiliýetiniň Gruziýa iş saparynyň dowamynda Gruziýa-Türkmenistan parlamentara dostluk toparynyň başlygy Dawid Matikaşwiliniň ýolbaşçylygyndaky topar agzalary bilen duşuşygy boldy.
Duşuşygyň barşynda Türkmenistanyň we Gruziýanyň döwlet Baştutanlarynyň tagallalary netijesinde, iki ýurduň arasyndaky hyzmatdaşlygyň işjeň ösdürilýändigi, şol sanda parlament ugry boýunça netijeli gatnaşyklar üçin täze mümkinçilikleriň döredilýändigi bellenildi.
Türkmen tarapy ýurdumyzyň içeri we daşary syýasatynyň ileri tutulýan ugurlary, milli Parlamentiň düzümi hem-de dürli ulgamlarda amala aşyrylýan giň gerimli durmuş-ykdysady özgertmeleri kanunçylyk taýdan üpjün etmek boýunça alnyp barylýan işler bilen tanyşdyrdy.
Söhbetdeşlikde parlamentara dialogyň iki ýurduň arasyndaky hyzmatdaşlygy pugtalandyrmagyň möhüm bölegine öwrülendigi we ikitaraplaýyn esasda döredilen parlamentara dostluk toparlarynyň kanun çykaryjylyk işinde we parlament diplomatiýasyny ösdürmekde tejribe alyşmaga mümkinçilikleriň artdyrylýandygy aýratyn bellenildi.
Şeýle hem parlamentara dostluk toparlarynyň işiniň ilerledilmeginiň geljekde ikitaraplaýyn we köptaraplaýyn hyzmatdaşlyk gatnaşyklaryň ösdürilmegine giň ýol açmaga itergi berjekdigi bellenildi.
Duşuşygyň ahyrynda taraplar kanun çykaryjylyk ulgamynda tejribe alyşmak işini dowam etdirmäge taýýardyklaryny beýan etdiler.
2025-nji ýylyň 23-nji aprelinde Türkmenistanyň bilen Gruziýanyň arasynda ikitaraplaýyn esasda döredilen parlamentara dostluk toparlarynyň duşuşygyna gatnaşmak üçin bu ýurduň paýtagty Tbilisi şäherine iş saparyny amala aşyrýan Türkmenistanyň Mejlisiniň wekiliýetiniň Gruziýanyň Parlamentiniň Başlygy Şalwa Papuaşwili bilen duşuşygy boldy.
Duşuşygyň barşynda iki ýurduň arasynda ýola goýlan ygtybarly gatnaşyklary parlament diplomatiýasynyň esasynda goldamak maksady bilen, Parlamentleriň arasynda guralýan ikitaraplaýyn saparlaryň möhüm ähmiýeti bellenildi.
Gruziýanyň Parlamentiniň Başlygy hemişelik Bitarap döwlet hökmünde Türkmenistanyň halkara giňişlikde öňe sürýän başlangyçlarynyň uly goldawa eýe bolýandygyny hem-de Türkmenistan bilen Gruziýanyň ikitaraplaýyn we köptaraplaýyn esasda ýola goýlan gatnaşyklary mundan beýläk-de kämilleşdirmäge uly gyzyklanma bildirýändigini nygtady.
Taraplar geljekde parlamentara hyzmatdaşlygyň ösdürilmegine ýardam berjek Parlamentara dostluk toparlarynyň işiniň kämilleşdirilmeginiň, ugurdaş komitetleriň, ýaş we zenan parlamentarileriň arasyndaky gatnaşyklaryň işjeňleşdirilmeginiň hem-de parlamentler derejesinde duşuşyklaryň we maslahatlaryň yzygiderli geçirilmeginiň ähmiýeti barada pikir alyşdylar.
Hormatly halkara foruma gatnaşyjylar!
Eziz adamlar!
Sizi Türkmenistanyň başlangyjy esasynda «Halkara parahatçylyk we ynanyşmak ýyly» diýlip yglan edilen 2025-nji ýylyň bahar paslynyň ajaýyp günlerinde ýurdumyzyň ykdysadyýetine daşary ýurt maýa goýumlaryny çekmek boýunça Malaýziýanyň Kuala-Lumpur şäherinde geçirilýän halkara göçme forumyň öz işine başlamagy bilen tüýs ýürekden gutlaýaryn. Bu halkara göçme forumy ýokary derejede geçirmäge döredilen mümkinçilikler üçin Malaýziýanyň Hökümetine minnetdarlyk bildirýärin. Forumyň maýa goýumlary çekmekde özara bähbitli hyzmatdaşlygy giňeltmäge we işjeň gatnaşyklary ösdürmäge itergi berjekdigine ynanýaryn.
Garaşsyz, hemişelik Bitarap Watanymyzyň ykdysadyýetiniň ýokary depginde ösmegini üpjün etmek we işjeň maýa goýum syýasatyny alyp barmak, halkymyzyň ýaşaýyş-durmuş şertlerini has-da gowulandyrmak maksady bilen, biz giň gerimli döwlet maksatnamalaryny, ýurt we sebit maksatly iri taslamalary durmuşa geçirýäris. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda» daşary ýurt maýa goýumlaryny giňden çekmek ileri tutulýan ugurlaryň biri bolup durýar. Bu babatda ýurdumyzda hukuk binýady halkara ülňülere laýyklykda döwrebaplaşdyrylýar, daşary ýurtly maýa goýujylar üçin ýeňillikler we kepillikler göz öňünde tutulýar. Abraýly halkara maliýe guramalary hem-de banklar bilen ysnyşykly hyzmatdaşlyk ýola goýulýar.
Hormatly halkara foruma gatnaşyjylar!
Hanymlar we jenaplar!
Häzirki döwürde Türkmenistan ykdysadyýetiň öňdebaryjy pudaklary bolan ýangyç-energetika, gurluşyk we senagat, himiýa, ulag-aragatnaşyk pudaklaryny hem-de hususy pudagy ösdürmek babatda uzak geljegi nazarlaýan taslamalary durmuşa geçirýär. Şeýle taslamalary halkara maýadarlar we hyzmatdaşlar bilen bilelikde amala aşyrmaga uly ähmiýet berýär.
Energetika döwleti bolan Türkmenistan ýangyç-energetika pudagynyň mümkinçiliklerini yzygiderli ösdürýär. Ýurdumyzda alnyp barylýan energetika syýasatyna laýyklykda, bu pudaga uly möçberde maýa goýum serişdeleriniň gönükdirilmegi geologiýa-gözleg, buraw işleriniň netijeliliginiň ýokarlanmagyna, nebitiň we gazyň çykarylyşynyň artdyrylmagyna mümkinçilik döredýär. Munuň özi gaýtadan işleýän senagatyň hem sazlaşykly ösüşini üpjün edýär. Diýarymyzda nebitiň we gazyň çykarylýan möçberini artdyrmak maksady bilen, Hazar deňziniň türkmen böleginde hem-de gury ýerde özara bähbitli şertlerde birnäçe daşary ýurt kompaniýalary bilen Önümi paýlaşmak hakynda ylalaşyklar esasynda hyzmatdaşlyk amala aşyrylýar we geljekde bu işleriň depginini güýçlendirmek ileri tutulýan ugurlaryň biri bolmagynda galýar.
«Galkynyş» gaz känini özleşdirmek, Türkmenistan — Owganystan — Pakistan — Hindistan gaz geçirijisiniň we Türkmenistan — Owganystan — Pakistan ugry boýunça ulag geçelgeleriniň hem-de energiýa geçirijileriniň gurluşygyny netijeli dowam etdirmek häzirki wagtda öňde goýlan möhüm wezipelerdir. Bu taslamalaryň üstünlikli durmuşa geçirilmegi ýangyç-energetika pudagynyň diwersifikasiýa ýoly bilen ösdürilmegine, sebitde energetika howpsuzlygynyň üpjün edilmegine saldamly goşant goşar.
Soňky ýyllarda ýurdumyzda ösen senagat pudagy kemala gelýär. Öndürilýän önümleriň hilini ýokarlandyryp, bäsdeşlige ukyplylygyny artdyrmak, önümçilige häzirki zaman tehnologiýalaryny ornaşdyrmak bilen birlikde, bu işlerde ekologik howpsuzlygyň talaplaryny berjaý etmek hem esasy şertleriň biri bolup durýar. Türkmenistanyň ykdysadyýetine daşary ýurt maýa goýumlaryny çekmek boýunça halkara forumyň dowamynda oňa gatnaşýanlar uglewodorod ýataklaryny özleşdirmek, gaz geçirijileriň eksport mümkinçilikleri, tebigy gazy gaýtadan işlemek we gazhimiýa pudagyna maýa goýumlary çekmegiň ileri tutulýan ugurlary barada tejribe alşarlar diýip pikir edýärin. Gurluşyk, ulag, maglumat-aragatnaşyk tehnologiýalary, senagat önümçiligi, oba hojalygy, dokma we azyk önümleriniň eksporty, metanyň hem-de kömürturşy gazynyň zyňyndylaryny azaltmak, «ýaşyl» energetika ýaly möhüm ugurlar boýunça olaryň degişli teklipleri hödürlejekdigine ynanýaryn.
Hormatly halkara foruma gatnaşyjylar!
Hanymlar we jenaplar!
Sizi Malaýziýanyň Kuala-Lumpur şäherinde geçirilýän halkara forumyň öz işine başlamagy bilen ýene-de bir gezek tüýs ýürekden gutlaýaryn. Siziň ähliňize alyp barýan işleriňizde uly üstünlikleri arzuw edýärin.
Türkmenistanyň Prezidenti
Serdar BERDIMUHAMEDOW.