Türkmenistanyň Mejlisi (Parlamenti) kanun çykaryjy häkimiýeti amala aşyrýan wekilçilikli edaradyr

TÜRKMENISTANYŇ MEJLISI
Türkmençe
Русский English
Baş sahypa
Mejlis hakynda
Mejlis barada
VII çagyrylyşynyň deputatlarynyň
sanawy
Düzümi we gurluşy
Mejlisiň komitetleri
Mejlisiň deputatlary
Kanunçylyk
Kodeksler
Kanunlar
Mejlisiň kararlary
Konstitusion kanuny
Halkara
Halkara hyzmatdaşlyk
Dostluk toparlary
Täzelikler
Habarlar
Täzelikler
Çykyşlar we makalalar
Türkmenistanyň mejlisinde alnyp barylýan işler
Türkmenistan

TÜRKMENISTANYŇ MEJLISI

Baş sahypa
Mejlis hakynda
Mejlis barada
VII çagyrylyşynyň deputatlarynyň
sanawy
Düzümi we gurluşy
Mejlisiň komitetleri
Mejlisiň deputatlary
Kanunçylyk
Kodeksler
Kanunlar
Mejlisiň kararlary
Konstitusion kanuny
Halkara
Halkara hyzmatdaşlyk
Dostluk toparlary
Täzelikler
Habarlar
Täzelikler
Çykyşlar we makalalar
Türkmenistanyň mejlisinde alnyp barylýan işler
Türkmenistan Habarlaşmak üçin
Türkmençe
Русский English
Baş sahypa / Habarlar / Täzelikler / Türkmenistanyň Prezidenti Mýanmanyň Premýer-ministri bilen duşuşdy

Habarlar

Täzelikler Çykyşlar we makalalar Türkmenistanyň mejlisinde alnyp
barylýan işler
Aşgabat ş., Garaşsyzlyk şaýoly, 110
info@mejlis.gov.tm
(+9912) 21-47-92
(+9912) 92-45-60
Habarlaşmak üçin
11.12.2025

Türkmenistanyň Prezidenti Mýanmanyň Premýer-ministri bilen duşuşdy

Встреча Президента Туркменистана с Премьер-министром Мьянмы

Meeting of the President of Turkmenistan with the Prime Minister of Myanmar

Şu gün hormatly Prezidentimiz Serdar Berdimuhamedow ýurdumyzda geçirilýän giň gerimli çärelere gatnaşmak maksady bilen paýtagtymyza gelen Mýanma Bileleşigi Respublikasynyň Premýer-ministri Nýo So bilen duşuşdy.

Döwlet Baştutanymyz belent mertebeli myhmany mähirli mübärekläp, Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli geçiriljek halkara foruma gatnaşmak baradaky çakylygy kabul edendigi üçin minnetdarlyk bildirdi hem-de Mýanmanyň Premýer-ministriniň bu ýokary wekilçilikli foruma gatnaşmak üçin Türkmenistana amala aşyrýan şu gezekki saparynyň ähmiýetini belledi.

Mýanmanyň Premýer-ministri bildirilen myhmansöýerlik üçin hoşallygyny beýan edip, Türkmenistanyň Bitaraplyk ýörelgeleriniň dünýä nusgalykdygyny, ählumumy parahatçylygy we ynanyşmagy pugtalandyrmaga gönükdirilen halkara forumyň hem munuň aýdyň subutnamasydygyny belledi hem-de onuň netijeleriniň sebitde we dünýäde dostlukly gatnaşyklaryň ilerledilmegine uly goşant goşjakdygyna ynam bildirdi. Premýer-ministr Nýo So döwlet Baştutanymyzy we ähli türkmen halkyny Halkara Bitaraplyk güni, Türkmenistanyň hemişelik Bitaraplygynyň 30 ýyllygy bilen gutlady.

Arkadagly Gahryman Serdarymyz hoşniýetli sözler üçin minnetdarlyk bildirip, Türkmenistanyň Aziýa — Ýuwaş umman sebitiniň döwletleri bilen gatnaşyklary ösdürmäge uly ähmiýet berýändigini belledi. Şunuň bilen birlikde, Türkmenistan bilen Mýanmanyň arasynda syýasy-diplomatik, söwda-ykdysady, medeni-ynsanperwer gatnaşyklary ösdürmek üçin giň mümkinçilikleriň bardygyna üns çekildi. Hormatly Prezidentimiz ýurdumyzyň diňe bir ikitaraplaýyn derejede däl, eýsem, abraýly halkara guramalaryň, ilkinji nobatda, Birleşen Milletler Guramasynyň çäklerinde-de işjeň hyzmatdaşlygy goldaýandygyny nygtady. Döwlet Baştutanymyz Mýanmanyň Premýer-ministriniň saparynyň dowamynda Türkmenistanyň ykdysady kuwwaty, önümçilik we eksport mümkinçilikleri bilen ýakyndan tanşyp biljekdigini aýdyp, ýurdumyzyň dürli ugurlarda ikitaraplaýyn hyzmatdaşlygy ýola goýmaga, Mýanmanyň özara bähbitli hyzmatdaşlyk babatda anyk tekliplerini goldamaga taýýardygyny tassyklady.

Duşuşygyň ahyrynda hormatly Prezidentimiz Serdar Berdimuhamedow we Mýanma Bileleşigi Respublikasynyň Premýer-ministri Nýo So birek-birege berk jan saglyk, abadançylyk, jogapkärli döwlet işlerinde üstünlikleri arzuw etdiler.

Сегодня Президент Сердар Бердымухамедов встретился с Премьер-министром Республики Союз Мьянма Ньо Со, прибывшим в туркменскую столицу для участия в масштабных мероприятиях, проводимых в нашей стране.

Тепло поприветствовав и поблагодарив высокого гостя за принятое приглашение принять участие в Международном форуме по случаю Международного года мира и доверия, Международного дня нейтралитета и 30-летия постоянного нейтралитета Туркменистана, глава государства отметил значение нынешнего визита Премьер-министра Мьянмы в нашу страну для участия в этом представительном Форуме.

Высказав признательность за оказанное гостеприимство, глава Правительства дружественного государства подчеркнул, что политика нейтралитета Туркменистана является примером для всего мира, а нынешний Международный форум, нацеленный на укрепление всеобщего мира и доверия, – яркое тому свидетельство. Выразив уверенность, что его итоги станут большим вкладом в продвижение дружественных отношений в регионе и в мире, Премьер-министр Ньо Со поздравил Президента Сердара Бердымухамедова и весь туркменский народ с Международным днём нейтралитета и 30-летием постоянного нейтралитета Туркменистана.

Поблагодарив за добрые слова, глава государства отметил, что наша страна придаёт огромное значение развитию отношений с государствами Азиатско-Тихоокеанского региона. Вместе с тем акцент был сделан на наличии широких возможностей для наращивания партнёрства с Мьянмой в политико-дипломатической, торгово-экономической и культурно-гуманитарной сферах.

Президент Сердар Бердымухамедов также подчерк­нул, что наша страна выступает за активное взаимодействие не только в двустороннем формате, но и в рамках авторитетных международных организаций, прежде всего Организации Объединённых Наций.

Наряду с этим глава государства отметил, что в ходе нынешнего визита Премьер-министр Мьянмы сможет ознакомиться с экономическим потенциалом, производственными и экспортными возможностями Туркменистана. В данной связи была подтверждена готовность туркменской стороны к налаживанию двустороннего сотрудничества в различных сферах, а также поддержанию конкретных предложений дружественной страны по установлению взаимовыгодного партнёрства.

В завершение встречи Президент Сердар Бердымухамедов и Премьер-министр Республики Союз Мьянма Ньо Со адресовали друг другу пожелания крепкого здоровья, благополучия и успехов в ответственной государственной деятельности.

Today, President Serdar Berdimuhamedov met with Prime Minister of the Republic of the Union of Myanmar Nyo Soe, who arrived in the Turkmen capital to participate in large-scale events held in our country.

Having warmly welcomed and thanked the distinguished guest for accepting the invitation to participate in the International Forum on the occasion of the International year of peace and trust, International neutrality day, and the 30th anniversary of permanent neutrality of Turkmenistan, the head of state noted the significance of the current visit of Prime Minister of Myanmar to our country to participate in this representative Forum.

Expressing gratitude for the hospitality, the head of government of the friendly state emphasized that policy of neutrality of Turkmenistan is an example for the entire world, and the current International forum, aimed at strengthening global peace and trust, is a clear example of this. Expressing confidence that its results will greatly contribute to the advancement of friendly relations in the region and globally, Prime Minister Nyo Soe congratulated President Serdar Berdimuhamedov and the entire Turkmen people on International neutrality day and the 30th anniversary of permanent neutrality of Turkmenistan.

Thanking for the kind words, the head of state noted that our country attaches great importance to developing relations with states in the Asia-Pacific region. At the same time, he emphasised the extensive opportunities for expanding partnership with Myanmar in the political, diplomatic, trade, economic, cultural, and humanitarian spheres.

President Serdar Berdimuhamedov also emphasised that our country advocates for active cooperation not only bilaterally, but also within authoritative international organisations, primarily the United Nations.

The head of state also noted that during his current visit, the Prime Minister of Myanmar will be able to become familiar with economic potential, production, and export capabilities of Turkmenistan. In this regard, the Turkmen side reaffirmed its readiness to establish bilateral cooperation in various areas and to support the specific proposals of friendly country for establishing a mutually beneficial partnership.

At the end of the meeting, President Serdar Berdimuhamedov and Prime Minister of the Republic of the Union of Myanmar Nyo Soe wished each other good health, prosperity, and success in their responsible government duties.

MEŇZEŞ HABARLAR

Aşgabatda Türkmenistanyň hemişelik Bitaraplygynyň 30 ýyllygy mynasybetli Halkara forum geçirilýär

Şu gün paýtagtymyzyda Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli Halkara forum geçirilýär. Oňa dünýä döwletleriniň, halkara we sebit guramalarynyň ýokary derejeli wekiliýetleri gatnaşýarlar.

Birleşen Milletler Guramasynyň Baş Assambleýasynyň Kararnamalary bilen üç gezek ykrar edilen hemişelik Bitaraplyk hukuk derejesi Türkmenistanyň daşary syýasy doktrinasynyň esasyny düzýär. Dünýä jemgyýetçiligi tarapyndan goldanylan bu hukuk ýagdaýy parahatçylyk dörediji döwlet hökmünde ýurdumyzyň eýeleýän ornuny pugtalandyrdy.

Oňyn bitaraplyk dünýä proseslerinden çetleşme bolman, eýsem, parahatçylyk we ynanyşmak ýörelgelerine esaslanýan işjeň strategiýadyr. Ýurdumyzyň daşary syýasaty sebitde we onuň çäkleriniň daşynda durnuklylyga, howpsuzlyga we özara düşünişmäge ýardam bermäge gönükdirilip, BMG-niň ýörelgelerine doly laýyk gelýär.

Türkmenistan halkara hukugynyň kadalaryna we BMG-niň Tertipnamasynyň düzgünlerine berk eýerýär. Türkmen bitaraplygy gapma-garşylyklaryň öňüni almak üçin diplomatik, syýasy we ykdysady gurallaryň işjeň ulanylmagyny göz öňünde tutýar.

Merkezi Aziýada Türkmenistanyň oňyn bitaraplygy sebit durnuklylygynyň we hoşniýetli goňşuçylygyň möhüm şerti bolup hyzmat edýär. Ýurdumyz sebit we halkara gün tertibiniň derwaýys meseleleriniň ylalaşykly çözgütlerini işläp taýýarlamak we netijeli dialog ugrunda yzygiderli çykyş edýär.

...Ir bilen Halkara foruma gatnaşýan ýokary derejeli wekiliýet baştutanlary paýtagtymyzdaky Bitaraplyk binasyna gül desselerini goýdular. Her bir gül dessesi ýurdumyzyň daşary syýasy ugruna we onuň BMG-niň Baş Assambleýasynyň Kararnamalary bilen berkidilen hemişelik Bitaraplyk hukuk derejesine goýulýan çuňňur hormatyň aýdyň nyşanyna öwrüldi.

12.12.2025

Garaşsyz, hemişelik Bitarap Türkmenistanyň halkyna

Eziz watandaşlar!
Hormatly adamlar!

Sizi Halkara Bitaraplyk güni, şeýle hem Türkmenistanyň hemişelik Bitaraplygynyň şanly 30 ýyllyk baýramy mynasybetli tüýs ýürekden gutlaýaryn.

Türkmenistan Garaşsyzlygy ykrar edilen ilkinji günlerden daşary syýasat ugruny we halkara gatnaşyklar ulgamyna goşulmagyň milli ýoluny saýlap alyp, 1995-nji ýylyň 12-nji dekabrynda dünýä bileleşiginiň örän ýokary syýasy goldawy hem-de Birleşen Milletler Guramasynyň Baş Assambleýasy tarapyndan taryhy Kararnamanyň kabul edilmegi bilen, hemişelik Bitaraplyk hukuk ýagdaýyna eýe boldy. Bitaraplyk Aziýanyň we Ýewropanyň çatrygynda, Beýik Ýüpek ýolunyň merkezinde ýerleşen ýurdumyza daşary syýasat strategiýasy boýunça giň gerimli halkara hyzmatdaşlygy ösdürmek, ählumumy parahatçylyk, howpsuzlyk, durnukly ösüş babatda halkara bileleşigiň tagallalaryna hemmetaraplaýyn goldaw berýän we jebisleşdirýän başlangyçlary öňe sürmek hem-de durmuşa geçirmek üçin täze mümkinçilikleri açdy.

Uzak bolmadyk döwürde eziz Watanymyzyň iň täze taryhyna şan-şöhratly sahypalar ýazylyp, Bitarap ýurdumyz dünýäde ygtybarly hyzmatdaşa, parahatçylygyň merkezine öwrüldi. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň öňe süren halkara başlangyçlary bilen Aşgabat şäherinde Birleşen Milletler Guramasynyň Merkezi Aziýa üçin öňüni alyş diplomatiýasy boýunça sebit merkezi açyldy. Türkmenistan birnäçe gezek Birleşen Milletler Guramasynyň Baş Assambleýasynyň wise-başlyklygyna hem-de bu guramanyň düzümlerine agzalyga saýlandy.

BMG-niň Baş Assambleýasynyň Halkara parahatçylyk we ynanyşmak ýylynda geçirilen 79-njy sessiýasynyň 61-nji plenar mejlisinde «Türkmenistanyň hemişelik Bitaraplygy» atly Kararnamanyň üçünji gezek kabul edilmegi türkmen halkynyň müňýyllyklardan gözbaş alýan hem-de umumadamzat gymmatlygyna öwrülen Bitaraplyk ýörelgelerine, döwletimiziň Ýer ýüzünde ählumumy parahatçylygy we ösüşi üpjün etmäge gönükdirilen ynsanperwer, parahatçylyk hem-de ynanyşmak syýasatyny rowaçlandyrmak ugrundaky başlangyçlaryna berlen ýokary bahadyr. Bularyň ählisi biziň demokratik, hukuk we dünýewi döwletimiziň saýlap alan ýolunyň dogrudygyny, onuň bütin dünýä üçin ähmiýetiniň örän uludygyny ýene-de bir gezek tassyk edýär.

Hormatly adamlar!

Berkarar döwletiň täze eýýamynyň Galkynyşy döwründe biz halkara borçnamalara hem-de halkara hukugyň ýörelgelerine berk we gyşarnyksyz eýerip, ýurdumyzyň geosyýasy we geoykdysady mümkinçiliklerini parahat durmuşyň, döredijilikli ösüşiň, özara bähbitli hyzmatdaşlygyň bähbidine durmuşa geçirýäris. Daşary syýasat strategiýamyza laýyklykda, Birleşen Milletler Guramasy, Ýewropa Bileleşigi, Şanhaý Hyzmatdaşlyk Guramasy, Garaşsyz Döwletleriň Arkalaşygy, Ýewropada Howpsuzlyk we Hyzmatdaşlyk Guramasy, Goşulyşmazlyk Hereketi, Yslam Hyzmatdaşlyk Guramasy ýaly abraýly halkara guramalar, Aziýa — Ýuwaş ummany sebiti, Orta we Ýakyn Gündogar, Ýewropa we Amerika ýurtlary bilen gatnaşyklary has-da pugtalandyrmaga uly ähmiýet berýäris. «Awaza» milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň ýokary derejede geçirilmegi hem-de bu guramanyň Baş Assambleýasynyň 80-nji sessiýasynyň 18-nji plenar mejlisinde «Awaza syýasy Jarnamasy» atly Kararnamanyň biragyzdan kabul edilmegi, Gahryman Arkadagymyz tarapyndan Arkadagyň ak ýoly bilen Serhetabat — Hyrat gaz geçirijisiniň gurluşygyna badalga berilmegi parahatçylyk, dost-doganlyk hem-de hyzmatdaşlyk syýasatyny alyp barýan döwletimiziň halkara abraýynyň ýokarydygyny, Bitaraplygymyzyň ähmiýetiniň tutuş dünýä bileleşigi üçin hem örän uludygyny tassyklaýan taryhy wakalardyr.

Eziz watandaşlar!

Garaşsyzlyk we Bitaraplyk ata Watanymyzyň binýadynyň baş sütünleridir, ähli ösüşlerimiziň hem-de üstünliklerimiziň gözbaşydyr. Biz «Watan diňe halky bilen Watandyr! Döwlet diňe halky bilen döwletdir!» diýen ýörelgämizden ugur alyp, Bitarap ýurdumyzyň iň bagtly adamlaryň ýaşaýan, kuwwatly, demokratik, hukuk döwleti bolmagyna gönükdirilen ägirt uly işleri amala aşyrýarys. Mähriban halkymyzyň gurujylyk we döredijilik güýji, watansöýüjilik buýsanjy bilen täze, döwrebap obadyr şäherleriň gurluşygyny depginli dowam etdirýäris, iri senagat, energetika, ulag-kommunikasiýa düzümlerini döredýäris. Bütin dünýäde abadançylygyň hem-de bagtyýarlygyň bähbidine gönükdirilen bu işler Bitarap Türkmenistany ykdysady taýdan kuwwatly döwlet hökmünde ykrar etdirip, ählumumy parahatçylygyň we durnukly ösüşiň hatyrasyna giň halkara hyzmatdaşlygy pugtalandyrmaga ýardam berýär.

Hormatly adamlar!
Eziz watandaşlar!

Sizi Halkara Bitaraplyk güni, şeýle hem bütin dünýäde giňden dabaralandyrylýan taryhy ähmiýetli baýram — Türkmenistanyň hemişelik Bitaraplygynyň şanly 30 ýyllygy bilen ýene-de bir gezek tüýs ýürekden gutlaýaryn! Size berk jan saglyk, asuda we abadan durmuş, egsilmez bagtyýarlyk, Bitarap Watanymyzyň mundan beýläk-de gülläp ösmegi ugrunda alyp barýan işleriňizde uly üstünlikleri arzuw edýärin. Goý, Bitaraplyk, parahatçylyk söýüjilik, hoşniýetli goňşuçylyk we dost-doganlyk ýörelgelerini öňe sürýän berkarar Watanymyzyň dünýädäki at-abraýy has-da belende galsyn!

Türkmenistanyň Prezidenti 
Serdar BERDIMUHAMEDOW.

11.12.2025

Türkmenistanyň Prezidentiniň San-Tome we Prinsipi Demokratik Respublikasynyň Prezidenti bilen duşuşygy

Şu gün hormatly Prezidentimiz Serdar Berdimuhamedow Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli dabaralara gatnaşmak üçin ýurdumyza sapar bilen gelen San-Tome we Prinsipi Demokratik Respublikasynyň Prezidenti Karlos Manuel Wila Nowa bilen duşuşdy.

Döwlet Baştutanymyz Prezident Karlos Manuel Wila Nowany mähirli mübärekläp, Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli geçiriljek halkara foruma gatnaşmak baradaky çakylygy kabul edip, ýurdumyza sapar bilen gelendigi üçin minnetdarlyk bildirdi.

San-Tome we Prinsipi Demokratik Respublikasynyň Prezidenti foruma gatnaşmaga çakylyk hem-de bildirilen myhmansöýerlik üçin hoşallygyny beýan edip, sebitde we dünýäde parahatçylygyň pugtalandyrylmagy ugrunda çykyş edýän Bitarap Türkmenistanda saparda bolmagyň özi üçin uly hormatdygyny aýtdy, şeýle hem pursatdan peýdalanyp, hormatly Prezidentimizi Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli tüýs ýürekden gutlady.

Hormatly Prezidentimiz dostlukly ýurduň döwlet Baştutanynyň bu ýokary wekilçilikli foruma gatnaşmagynyň onuň Türkmenistanyň Bitaraplyk syýasatyny goldaýandygynyň we parahatçylyk ýörelgelerine berýän möhüm ähmiýetiniň görkezijisi bolup durýandygyny aýdyp, halkara forumyň ählumumy parahatçylygy, ynanyşmak medeniýetini pugtalandyrmakda, häzirki zamanyň derwaýys meseleleriniň çözgütlerini bilelikde işläp taýýarlamakda möhüm ähmiýete eýe boljakdygyny belledi. Döwlet Baştutanymyz Prezident Karlos Manuel Wila Nowanyň ýurdumyza saparynyň netijeleriniň Türkmenistan bilen San-Tome we Prinsipi Demokratik Respublikasynyň arasyndaky ikitaraplaýyn gatnaşyklaryň giňeldilmegine täze itergi berjekdigine ynam bildirdi.

Bellenilişi ýaly, Türkmenistan Birleşen Milletler Guramasy tarapyndan üç gezek ykrar edilen Bitaraplyk hukuk ýagdaýy esasynda daşary ýurt döwletleri bilen dostlukly gatnaşyklary alyp barýar. Bu ugurda ýurdumyz Afrika döwletleri bilen gatnaşyklaryň geljeginiň uludygyny göz öňünde tutup, sebitiň ýurtlary bilen hyzmatdaşlygy ösdürmäge aýratyn üns berýär. Şunuň bilen baglylykda, hormatly Prezidentimiz Türkmenistan bilen San-Tome we Prinsipi Demokratik Respublikasynyň arasynda syýasy-diplomatik, söwda-ykdysady, medeni-ynsanperwer ugurlarda hyzmatdaşlygy ösdürmegiň uly mümkinçilikleriniň bardygyna ünsi çekdi.

Döwlet Baştutanymyz Prezident Karlos Manuel Wila Nowanyň şu ýylyň awgustynda «Awaza» milli syýahatçylyk zolagynda geçirilen Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyna gatnaşandygyny belläp, bu saparyň iki ýurduň arasyndaky gatnaşyklaryň taryhynda möhüm ähmiýetli waka bolandygyny aýtdy. Hormatly Prezidentimiz ýurdumyzyň hemişelik Bitaraplygynyň şanly baýramynyň giňden bellenilýän günlerinde dostlukly ýurduň döwlet Baştutanyny paýtagtymyz Aşgabat şäherinde kabul edýändigine kanagatlanma bildirip, şu gezekki saparyň üstünliklere beslenip, Türkmenistan bilen San-Tome we Prinsipi Demokratik Respublikasynyň arasyndaky gatnaşyklary mundan beýläk-de berkitmäge goşant goşjakdygyna ynam bildirdi.

Netijeli häsiýetde geçen duşuşygyň ahyrynda söhbetdeşler iki ýurduň hem köptaraplaýyn hyzmatdaşlygy giňeltmäge ygrarlydygyny tassyklap, birek-birege alyp barýan jogapkärli döwlet işlerinde mundan beýläk-de üstünlikleri arzuw etdiler.

11.12.2025

Türkmenistanyň Prezidenti Yrak Respublikasynyň Prezidenti bilen duşuşdy

Şu gün hormatly Prezidentimiz Serdar Berdimuhamedow Halkara parahatçylyk we ynanyşmak ýyly hem-de Türkmenistanyň hemişelik Bitaraplygynyň 30 ýyllygy mynasybetli guralýan halkara foruma gatnaşmak üçin ýurdumyza gelen Yrak Respublikasynyň Prezidenti Abdul Latif Raşid bilen duşuşdy.

Hormatly Prezidentimiz belent mertebeli myhmany paýtagtymyz Aşgabatda mähirli mübärekläp, Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli geçirilýän halkara foruma gatnaşmaga çakylygy kabul edip, ýurdumyza sapar bilen gelendigi üçin minnetdarlyk bildirdi hem-de onuň bu ýokary wekilçilikli foruma gatnaşmagynyň Prezident Abdul Latif Raşidiň Türkmenistanyň durmuşa geçirýän Bitaraplyk syýasatyny goldaýandygyny, dünýäde parahatçylygyň ilerledilmegine möhüm ähmiýet berýändigini görkezýändigini nygtady.

Dostlukly ýurduň Lideri hoşniýetli sözler üçin hoşallygyny beýan edip, Türkmenistana ilkinji gezek gelýändigini belledi hem-de dünýäde parahatçylygy, ynanyşmagy pugtalandyrmaga gönükdirilen başlangyçlary öňe sürýän Bitarap Türkmenistanyň gazanýan üstünliklerine ýokary baha berdi. Şeýle-de ol Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli hormatly Prezidentimizi, ähli türkmen halkyny tüýs ýürekden gutlady.

Döwlet Baştutanymyz halkara forumyň ählumumy parahatçylygy berkitmekde, halklaryň arasynda ynanyşmak medeniýetini pugtalandyrmakda, häzirki döwrüň meseleleriniň bilelikdäki çözgüdini işläp taýýarlamakda wajyp esas boljakdygyna, Prezident Abdul Latif Raşidiň ýurdumyza şu saparynyň netijeleriniň Türkmenistan bilen Yrak Respublikasynyň arasyndaky ikitaraplaýyn gatnaşyklaryň giňeldilmegine täze itergi berjekdigine ynam bildirdi. Nygtalyşy ýaly, Türkmenistan bilen Ýakyn Gündogar ýurtlarynyň arasynda ýola goýlan gatnaşyklaryň taryhy asyrlara uzaýar. Häzirki wagtda bu hyzmatdaşlygy ösdürmek Türkmenistanyň daşary syýasatynyň ileri tutulýan ugurlarynyň biridir.

Türkmenistan bilen Yrak Respublikasynyň arasyndaky dostluga, birek-birege hormat goýmaga, özara ynanyşmaga esaslanýan gatnaşyklar yzygiderli giňeldilýär. Biziň ýurtlarymyz ikitaraplaýyn derejede hem-de abraýly halkara guramalaryň, ilkinji nobatda, Birleşen Milletler Guramasynyň çäklerinde işjeň hyzmatdaşlyk edýärler. Şunuň bilen baglylykda, döwlet Baştutanymyz iki ýurduň arasynda dürli ugurlarda hyzmatdaşlygy has-da giňeltmek üçin uly mümkinçilikleriň bardygyny belläp, ýurdumyzyň ony mundan beýläk-de giňeltmäge taýýardygyny tassyklady

Duşuşygyň ahyrynda hormatly Prezidentimiz Serdar Berdimuhamedow we Yrak Respublikasynyň Prezidenti Abdul Latif Raşid iki ýurduň dostlukly gatnaşyklary ösdürmäge ygrarlydygyny tassyklap, birek-birege berk jan saglyk, jogapkärli döwlet işlerinde üstünlikleri arzuw etdiler.

11.12.2025