Türkmenistanyň Mejlisi (Parlamenti) kanun çykaryjy häkimiýeti amala aşyrýan wekilçilikli edaradyr

TÜRKMENISTANYŇ MEJLISI
Türkmençe
Русский English
Baş sahypa
Mejlis hakynda
Mejlis barada
VII çagyrylyşynyň deputatlarynyň
sanawy
Düzümi we gurluşy
Mejlisiň komitetleri
Mejlisiň deputatlary
Kanunçylyk
Kodeksler
Kanunlar
Mejlisiň kararlary
Konstitusion kanuny
Halkara
Halkara hyzmatdaşlyk
Dostluk toparlary
Täzelikler
Habarlar
Täzelikler
Çykyşlar we makalalar
Türkmenistanyň mejlisinde alnyp barylýan işler
Türkmenistan

TÜRKMENISTANYŇ MEJLISI

Baş sahypa
Mejlis hakynda
Mejlis barada
VII çagyrylyşynyň deputatlarynyň
sanawy
Düzümi we gurluşy
Mejlisiň komitetleri
Mejlisiň deputatlary
Kanunçylyk
Kodeksler
Kanunlar
Mejlisiň kararlary
Konstitusion kanuny
Halkara
Halkara hyzmatdaşlyk
Dostluk toparlary
Täzelikler
Habarlar
Täzelikler
Çykyşlar we makalalar
Türkmenistanyň mejlisinde alnyp barylýan işler
Türkmenistan Habarlaşmak üçin
Türkmençe
Русский English
Baş sahypa / Habarlar / Täzelikler / Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Arkadag şäheriniň gurluşygynyň ikinji tapgyrynda alnyp barylýan işler bilen tanyşdy

Habarlar

Täzelikler Çykyşlar we makalalar Türkmenistanyň mejlisinde alnyp
barylýan işler
Aşgabat ş., Garaşsyzlyk şaýoly, 110
info@mejlis.gov.tm
(+9912) 21-47-92
(+9912) 92-45-60
Habarlaşmak üçin
10.01.2026

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Arkadag şäheriniň gurluşygynyň ikinji tapgyrynda alnyp barylýan işler bilen tanyşdy

Национальный Лидер туркменского народа, Председатель Халк Маслахаты Туркменистана Герой-Аркадаг ознакомился с ходом строительства второй очереди нового города

The National Leader of the Turkmen people, Chairman of the Halk Maslahaty of Turkmenistan, Hero Arkadag, familiarized himself with the progress of implementing the second phase of the new city

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow milli binagärlik sungatynyň aýdyň nyşany hökmünde ykrar edilen Arkadag şäherine iş saparyny amala aşyryp, onuň gurluşygynyň ikinji tapgyrynda alnyp barylýan işleriň maksatnamasy we gurulmagy meýilleşdirilýän desgalaryň şekil taslamalary bilen tanyşdy.

Gün-günden gözelleşýän Arkadag şäheriniň keşbinde häzirki zamanyň ösen tejribesi, binagärligiň döwrebap usullary öz beýanyny tapýar. Onuň ikinji tapgyrynda ýaýbaňlandyrylan işler hem batly depginde dowam edýär. Degişli düzümler bu ýerde lukmançylyk klasteriniň önümçilik kärhanalarynyň gurluşyklaryny çaltlandyrmak ugrunda bilelikde tagalla edýärler.

Ir bilen häzirki zamanyň ösen tehnologiýalary bilen milli binagärlik ýörelgeleriniň utgaşdyrylmagynda bina edilen Arkadag şäherine gelende, Gahryman Arkadagymyza ikinji tapgyryň möhüm desgasy bolan lukmançylyk klasteriniň önümçilik kärhanalarynyň şekil taslamalary we olaryň ýerleşjek ýerleriniň çyzgylary görkezildi.

Mälim bolşy ýaly, Ýaponiýanyň “Toyo Engineering Corporation”, “Mitsubishi”, “Kawasaki Heavy Industries, Ltd.”, “Sumitomo Corporation”, “Komatsu”, «ITOCHU Corporation», şeýle hem Koreýa Respublikasynyň «Daewoo Engineering & Construction Co., Ltd.», “Hyundai Engineering Co. Ltd.” ýaly meşhur kompaniýalary ýurdumyzda birnäçe gurluşyklary amala aşyrdylar we iri möçberli bilelikdäki taslamalaryň durmuşa geçirilmegine gatnaşdylar. Munuň özi hormatly Prezidentimiziň tagallalary esasynda dünýäniň belli kompaniýalary bilen degişli ugurlar boýunça netijeli hyzmatdaşlyk edilýändiginiň güwäsidir.

Arkadag şäheriniň gurluşygynyň ikinji tapgyrynda alnyp barylýan işleriň depginini ýokarlandyrmagy maksat edinýän bu gezekki duşuşyga-da ýurdumyzyň öňden gelýän hyzmatdaşlary bolan Ýaponiýanyň «Sumitomo Heavy Industries, Ltd.», «Sumitomo Heavy Industries Plastics Machinery» we Koreýa Respublikasynyň «EM Korea Co., Ltd.», «Korea Meditech Co. Ltd.» ýaly kompaniýalarynyň ýolbaşçylary, Türkmenbaşydaky nebiti gaýtadan işleýän zawodlar toplumynyň, Gyýanlydaky polimer zawodynyň, ýurdumyzyň Saglygy goraýyş we derman senagaty ministrliginiň, lukmançylyk klasteriniň gurluşygyna, önümçilik kärhanalarynyň enjamlaşdyrylyşyna gatnaşýan “Garagum” hojalyk jemgyýetiniň ýolbaşçylary, Türkmenistanyň Ýaponiýadaky we Koreýa Respublikasyndaky ilçileri gatnaşdylar. Bu ýerde Arkadag şäheriniň lukmançylyk klasteriniň önümçilik kärhanalarynda ulanylýan ýerli çig mallaryň we olardan alynýan önümleriň hiline, ekologik derejesine berlen laýyklyk güwänamalarynyň görnüşleri, himiýa senagatyna degişli önümleriň ynsan saglygyna ýetirýän täsiriniň barlaglaryna degişli güwänamalar görkezildi. Aýratyn-da, klasteriň ISO standartlaryna laýyk gelýän güwänamalaryna möhüm orun berildi.

Milli Liderimiz geljekde lukmançylykda ulanyljak serişdeleri öndürmekden başlap, olary sarp etmäge çenli alnyp baryljak işlerde arassa, ekologik talaplara laýyk gelýän ýerli çig mallaryň ulanylmalydygyna, ondan alynjak önümiň ýokary hilli bolmalydygyna, içerki bazarlarymyzy doly üpjün etmelidigine we galan böleginiň eksporta gönükdirilmelidigine ýolbaşçylaryň ünsüni çekdi. Şoňa görä, Gahryman Arkadagymyz şäheriň gurluşygynyň ikinji tapgyrynda ulanylýan serişdeleriň hilini we berkligini aýratyn gözegçilikde saklamalydygyny belledi. Şunda gurluşyklaryň depgininiň ýokarlandyrylmagyna, işleriň häzirki zaman talaplaryna we dünýäniň ösen tejribesine laýyk gelmegine aýratyn ähmiýet berilmelidir.

Halk Maslahatynyň Başlygy şu gün täze şäherde hormatly Prezidentimiziň degişli Kararyna laýyklykda, lukmançylyk klasteriniň önümçilik kärhanalarynyň gurluşygyna badalga berilmegine bir ýyl bolýandygyny aýtdy. Munuň özi “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda”, «Türkmenistanyň durmuş-ykdysady ösüşiniň 2030-njy ýyla çenli Milli maksatnamasynda» kesgitlenen wezipeleriň üstünlikli ýerine ýetirilmegi ugrunda edilýän tagallalaryň aýdyň netijesidir. Şunda ýerli çig mallaryň esasynda ýola goýulýan önümçilikleriň halkara görkezijilere gabat gelmegi möhüm talap hökmünde kesgitlenendir diýip, hormatly Arkadagymyz aýtdy we bu babatda degişli ýolbaşçylara öz maslahatlaryny berdi.

Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow şäheriň gurluşygynyň ikinji tapgyrynda alnyp barylýan işleriň ýagdaýy, aýratyn-da, lukmançylyk klasteriniň desgalarynda önümçiligi meýilleşdirilýän dürli görnüşli harytlary öndürmekde ulanylýan ýerli çig mallaryň ISO standartlaryna alnan laýyklyk güwänamalary we olaryň hil derejesi barada giňişleýin maglumat berdi. Milli Liderimiz degişli komitetiň bu ugurdaky işleriň göwnejaý alnyp barylmagyny hemişe gözegçilikde saklamalydygyny, her bir öndürilýän we öndüriljek önümiň hil barlagyny geçmelidigini, döwrebap enjamlaryň işleýiş ukybyny seljermelidigini aýtdy.

Soňra “Türkmennebit” döwlet konserniniň Türkmenbaşydaky nebiti gaýtadan işleýän zawodlar toplumynyň we Gyýanlydaky polimer zawodynyň ýolbaşçylary degişli düzümlerde alnyp barylýan işleriň ýagdaýy, önümçilik kärhanalarynyň işini talabalaýyk guramak, ekologik taýdan arassa, ýokary hilli çig mal serişdeleriniň öndürilýän möçberini artdyrmak boýunça edilýän tagallalar barada maglumat berdiler. Milli Liderimiz senagat toplumlarynyň ýolbaşçylaryna ýüzlenip, önümleriň hilinden başlap, onuň mukdarynyň, esasan-da, görnüşleriniň artdyrylmalydygyny aýratyn nygtady.

Bu ýerde Ýaponiýanyň we Koreýa Respublikasynyň dünýä belli kompaniýalarynyň ýolbaşçylary Arkadag şäheriniň lukmançylyk klasteriniň önümçilik kärhanalaryny enjamlaşdyrmak wezipesiniň ynanylandygy we döwlet tarapyndan ähli zerur goldawlaryň berilýändigi üçin hormatly Prezidentimize hem-de Gahryman Arkadagymyza hoşallyklaryny beýan etdiler. Bellenilişi ýaly, ähli meýilleşdirilen işler ýokary hil derejesinde, kesgitlenen möhletlerde berjaý ediler.

Türkmenistanyň Halk Maslahatynyň Başlygy bu ugurda alnyp barylýan işleriň häzirki zaman talaplaryna laýyk derejede ýola goýulmalydygyny, oňa yzygiderli gözegçiligiň üpjün edilmelidigini belläp, işleriň öz wagtynda ýerine ýetirilip, görkezilen möhletinde tamamlanylmalydygyna ünsi çekdi. Gahryman Arkadagymyz bu ýerde öndürilýän önümleriň saglygy goraýyş ulgamynda işjeň peýdalanylýandygyny, olaryň ekologik taýdan arassadygyny nygtady. Şunda kärhanalarda ornaşdyryljak enjamlaryň önümçilik derejesiniň ýokary halkara görkezijilere laýyk gelmegi hökmany talap hökmünde kesgitlenendir.

Ýaponiýanyň we Koreýa Respublikasynyň kompaniýalarynyň Arkadag şäheriniň lukmançylyk klasteriniň önümçilik kärhanalarynda oturdyljak enjamlaryň yzygiderli getirilmegi ugrunda zerur tagalla edýändikleri barada aýdyldy. Enjamlaryň hil derejesine, öndürijilik ukybyna degişli gözegçilik ýola goýuldy. Şeýle hem kompaniýalaryň ýolbaşçylary bu ýerde Merkezi Aziýa sebitinde ilkinji gezek ornaşdyrylýan enjamlaryň hiliniň ýokary halkara görkezijilere doly laýyk gelýändigini aýdyp, olaryň önümçiliginiň sazlaşykly alnyp baryljakdygyna ynandyrdylar.

Türkmen halkynyň Milli Lideri lukmançylyk klasteriniň ynsan saglygy üçin ähmiýetli, dünýäniň saglygy goraýyş edaralary üçin zerur hasaplanýan serişdeleriniň hil derejesiniň ýokary bolmagynda möhüm orny eýelejek enjamlaryň bökdençsiz getirilmegi bilen bagly meseleleriň gözegçilikde saklanmalydygyny belläp, bu babatda degişli ýolbaşçylara maslahatlaryny berdi. Nygtalyşy ýaly, Arkadag şäheriniň lukmançylyk klasteriniň önümçilik kärhanalarynda öndürilýän önümleri, hususan-da, lukmançylyk lybaslary, sargylar, erginler, derman serişdeleri we beýleki önümler ýurdumyzyň saglygy goraýyş edaralary üçin zerur bolup durýar. Olar ilatyň saglygyny goramakda uly mümkinçiliklere eýedir. Şeýle-de bu önümler dünýä bazarlarynda uly islegden peýdalanýar. Gahryman Arkadagymyzyň tagallalary, hormatly Prezidentimiziň ýardamy bilen geljekde bu önümleriň möçberidir görnüşleri has-da artdyrylar. Häzirki döwürde bu harytlary halkara bazarlarda “Türkmenistanda öndürildi” diýen ýazgy bilen görmek örän guwandyryjydyr.

Gahryman Arkadagymyz alnyp barylýan gurluşyk işlerini çaltlandyrmagyň, Arkadag şäheriniň senagat taýdan sazlaşykly ösüşini ýola goýmagyň möhüm talap bolup durýandygyny, bu işlerde ýolbaşçylara uly ynam bildirilýändigini aýtdy.

Mälim bolşy ýaly, geçen ýyl Arkadagly Gahryman Serdarymyzyň «Merkezi Aziýa — Ýaponiýa» dialogynyň birinji sammitine gatnaşmak üçin Ýaponiýa iş saparyny amala aşyryp, onuň çäklerinde birnäçe ýokary derejedäki gepleşikleri geçirmegi Türkmenistan bilen Ýaponiýanyň arasyndaky hyzmatdaşlygyň täze sahypasyny açdy. Häzirki wagtda bu hyzmatdaşlyk güýçli depginde ösdürilýär. Şeýle-de geljekde «Merkezi Aziýa — Koreýa Respublikasy» formatyndaky duşuşyklaryň geçirilmegi meýilleşdirilýär. Bu hem ozal gazanylan ylalaşyklara täze itergi berer. Gahryman Arkadagymyz Türkmenistanyň Ýaponiýadaky we Koreýa Respublikasyndaky ilçihanalarynyň ýolbaşçylarynyň ünsüni ýurtlarymyzyň arasyndaky dostlukly gatnaşyklary yzygiderli ösdürmek ugrunda zerur tagallalaryň edilmelidigi baradaky meselä çekip, kompaniýalaryň Diýarymyzda alyp barýan işlerini utgaşdyryp, bu ugurda zerur çäreleri görmek babatda birnäçe maslahatlaryny berdi.

Arkadag şäheriniň häkimi G.Mämmedowa täze şäherdäki umumybilim berýän mekdebi döwrebaplaşdyryp, ony daşary ýurt dillerini öwredýän ýöriteleşdirilen mekdebe öwürmek boýunça meýilleşdirilen işler barada maglumat berdi.

Milli Liderimiz bu çözgüdi oňlap, ýöriteleşdirilen mekdebiň ähli düzümleriniň ýokary derejede enjamlaşdyrylmagy, lingafon otaglarynyň we beýleki okuw otaglarynyň ýokary halkara görkezijilere laýyk gelmegi bilen baglanyşykly meselelere aýratyn ähmiýet berilmelidigini belledi. Şunda dünýäniň ösen tejribesiniň, häzirki zaman ylmynyň gazananlarynyň özleşdirilmegi möhüm wezipedir. Hormatly Arkadagymyz bu mekdebiň ýaşlary bakalawr, magistratura ýaly ugurlara gönükdirmäge ýöriteleşdirilen bilim ojagy bolmalydygyny nygtady. «Ony tamamlan okuwçylar öz islän hünäriniň eýesi bolmakda uly mümkinçiliklere eýe bolarlar. Munuň özi türkmen ýaşlarynyň dil öwrenmegi, dünýä ylmyna çuňňur aralaşmagy bilen bagly meseleleriň oňyn çözülmegine täsirini ýetirer. Şu maksat bilen, mekdebiň binasynyň ösen talaplara laýyklykda döwrebaplaşdyrylmagyna hemmetaraplaýyn we örän jogapkärçilikli çemeleşilmelidir» diýip, alym Arkadagymyz belledi we bu babatda maslahatlaryny berdi.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bu ýere ýygnananlary täze ýyl bilen gutlap, hemmelere kesgitlenen wezipeleri abraý bilen ýerine ýetirmekde uly üstünlikleri arzuw etdi we bu ýerden ugrady.

Сегодня Национальный Лидер туркменского народа, Председатель Халк Маслахаты Туркменистана Гурбангулы Бердымухамедов совершил рабочую поездку в город Аркадаг, признанный ярким образцом национального архитектурного искусства, где созданы все условия для комфортного проживания населения, в ходе которой ознакомился с темпами строительства второй очереди нового города и проектами планируемых к возведению объектов.

Город Аркадаг, преображаясь день ото дня, воплощает в себе современные технологии и передовой опыт в области архитектуры. Работа в рамках второй очереди застройки нового города ведётся быстрыми темпами. Прилагаются совместные усилия соответствующих ведомств для ускорения строительства промышленных предприятий медицинского кластера.

Утром Национальный Лидер туркменского народа, Председатель Халк Маслахаты Туркменистана прибыл в город Аркадаг, гармонично сочетающий в себе цифровые технологии и традиции национального зодчества.

Здесь Герою-Аркадагу были продемонстрированы проекты промышленных предприятий медицинского кластера – важной составляющей второй очереди строительства нового города, а также схемы их расположения.

Всемирно известные компании, в частности, «Toyo Engineering», «Mitsubishi», «Kawasaki Heavy Industries», «Sumitomo», «Komatsu», «ITOCHU Corporation» (Япония), «Daewoo Engineering & Construction Co., Ltd.» и «Hyundai Engineering Co., Ltd.» (Республика Корея), принимали участие в реализации в нашей стране сов­местных крупных проектов, в том числе строительных. Подобная позитивная динамика сотрудничества с ведущими зарубежными компаниями – очередное свидетельство его конструктивного характера в различных областях благодаря деятельной поддержке главы государства, а также значимой роли международного взаи­модействия в последовательном развитии Отчизны.

Во встрече по вопросам ускорения темпов работ в рамках второй очереди застройки города Аркадаг приняли участие руководители всемирно известных компаний, в том числе японских «Sumitomo Heavy Industries, Ltd», «Sumitomo Heavy Industries Plastics Machinery», корейских «EM Korea Co.,Ltd», «Korea Meditech Co.,Ltd», а также Туркменбашинского комплекса нефтеперерабатывающих заводов, полимерного завода в Киянлы, Министерства здравоохранения и медицинской промышленности страны, хозяйственного общества «Garagum», участвующего в строительстве медицинского кластера и оснащении его производственных предприя­тий, и главы посольств Туркменистана в Японии и Респуб­лике Корея.

Здесь были представлены сертификаты соответствия качества и экологичности местного сырья, используемого на производственных мощностях медицинского кластера города Аркадаг, и продукции, получаемой из него, а также сертификаты, касающиеся исследований воздействия продукции химической промышленности на здоровье человека.

Особое место занимают сертификаты соответствия стандартам ISO медицинского кластера города Аркадаг.

Герой-Аркадаг подчеркнул, что в будущем на всех этапах производства следует использовать собственное природное сырьё, соответствующее экологическим требованиям; во-вторых, получаемая из него продукция должна быть высокого качества; в-третьих, необходимо полностью обеспечить ею внутренний рынок, а излишки экспортировать.

Придавая этим вопросам большое значение, Национальный Лидер туркменского народа отметил, что качество и прочность материалов, используемых при возведении объектов в рамках второй очереди нового города, должны строго контролироваться. В этой связи следует уделять особое внимание ускорению темпов строительства и соответствию проводимых работ требованиям современности и передовой мировой практике.

Подчеркнув, что сегодня исполняется год со дня начала возведения производственных предприятий медицинского кластера в новом городе согласно Постановлению Президента Туркменистана, Герой-Аркадаг продолжил, что это наглядный результат усилий, прилагаемых для успешной реализации задач, определённых в Программе «Возрождение новой эпохи могущественного государства: Национальная программа социально-экономического развития Туркменистана в 2022–2052 годах» и Национальной программе социально-экономического развития Туркменистана до 2030 года.

Важным требованием является соответствие основанного на местном сырье производства международным стандартам, сказал Герой-Аркадаг, дав конкретные рекомендации ряду руководителей.

Председатель Государственного комитета по строительству города Аркадаг при Президенте Туркменистана Д.Оразов проинформировал о реализации второй очереди застройки нового города, а также о сертификатах соответствия стандартам ISO качества местного сырья, используе­мого при производстве различных видов продукции, запланированной к выпуску на предприятиях медицинского кластера нового города.

Национальный Лидер туркменского народа подчеркнул, что работы должны осуществляться надлежащим образом под постоянным контролем Государственного комитета по строительству города Аркадаг, вся продукция должна проходить контроль качества, необходимо проверять исправность оборудования.

Затем руководители Туркменбашинского комплекса нефтеперерабатывающих заводов Государственного концерна «Türkmennebit» и полимерного завода в Киянлы Государственного концерна «Türkmenhimiýa» доложили о положении дел в соответствующих структурах и предпринимаемых усилиях по надлежащей организации работы предприятий и увеличению объёмов экологически чистого и высококачественного сырья.

Обращаясь к руководителям промышленных комплексов, Герой-Аркадаг подчеркнул необходимость повышения качества продукции, увеличения её объёмов и ассортимента.

Главы всемирно известных компаний из Японии и Республики Корея выразили признательность Президенту Туркменистана и Герою-Аркадагу за доверие и поддержку на государственном уровне, в частности, в вопросах оснащения производственных предприя­тий медицинского кластера города Аркадаг. Участники встречи подчеркнули, что все поставленные перед ними задачи будут выполнены качественно и в установленные сроки.

Работу следует проводить свое­временно и в соответствии с требованиями времени, регулярно осуществлять контроль в этом направлении, сказал Герой-Аркадаг, сделав акцент на важности координации деятельности соответствующих структур.

Подчеркнув, что производимая продукция предназначена для использования в системе здравоохранения, Герой-Аркадаг уделил особое внимание её экологичности. При этом обязательным требованием является соответствие устанавливае­мого на производственных объектах оборудования международным стандартам.

Как отмечалось, японские и корейские компании делают всё необходимое в целях обеспечения регулярных поставок оборудования для предприятий медицинского кластера в городе Аркадаг. В то же время ведётся контроль за его качеством и производительностью. Главы зарубежных компаний также подчеркнули, что качество оборудования, внедряемого здесь впервые в Центральноазиатском регионе, полностью соответствует международным стандартам, и заверили, что его производство будет организовано надлежащим образом.

Герой-Аркадаг сделал акцент на необходимости контроля за бесперебойными поставками оборудования и дал рекомендации соответствующим руководителям.

Отмечалось, что продукция, производимая на предприятиях медицинского кластера города Аркадаг, в частности, медицинские халаты, бинты, растворы, лекарственные препараты и др., обеспечивает потребности учреждений здравоохранения страны для оказания помощи и охраны здоровья населения. Она также пользуется большим спросом за рубежом. Благодаря усилиям Героя-Аркадага и поддержке Президента Туркменистана объёмы и ассортимент этой продукции планируется увеличивать.

Отрадно, что сегодня продукцию с маркой «Сделано в Туркменистане» можно увидеть на мировых рынках.

Отметив необходимость ускорения ведущихся здесь строительных работ, Герой-Аркадаг подчеркнул важность комплексного промышленного развития нового города и выразил уверенность в успешном выполнении стоящих задач.

Следует подчеркнуть, что состоявшийся в прошлом году рабочий визит Аркадаглы Героя Сердара в Японию для участия в первом Саммите диалога «Центральная Азия–Япония» и проведение переговоров высокого уровня в его рамках открыли новую страницу в туркмено-японском сотрудничестве, которое в настоящее время развивается быстрыми темпами. Ведущаяся сегодня работа является ярким тому подтверждением.

В будущем также планируются встречи в формате «Центральная Азия–Респуб­лика Корея», что придаст новый импульс ранее достигнутым соглашениям.

Обратившись к главам посольств Туркменистана в Японии и Респуб­лике Корея, Герой-Аркадаг подчеркнул важность активизации дружественных межгосударственных отношений и дал ряд рекомендаций по координации дея­тельности компаний в нашей стране и проведению работы в этом направлении.

Хяким города Аркадаг Г.Мамме­дова проинформировала о планах модернизации общеобразовательной школы в новом городе и по её преобразованию в специализированную, с углублённым изучением иностранных языков.

Герой-Аркадаг одобрил это решение и отметил, что особое внимание следует уделить оснащению специализированной школы, а также обеспечению соответствия языковых классов и других учебных помещений международным стандартам. В данной связи важной задачей является активное освоение мирового опыта и достижений современной науки. Национальный Лидер туркменского народа подчеркнул, что в этом учебном заведении особый акцент следует сделать на подготовке молодых людей к обучению в бакалавриате и магистратуре. Его выпускники будут иметь все возможности для того, чтобы стать профессионалами в выбранной специальности.

Это положительно повлияет на решение вопросов языковой подготовки турк­менской молодёжи и приобщение её к достижениям мировой науки. В данной связи следует комплексно и ответственно подойти к модернизации школьного здания в соответствии с требованиями современности, подчеркнул Герой-Аркадаг и дал ценные рекомендации.

Поздравив всех с Новым годом и пожелав больших успехов в выполнении поставленных задач, Национальный Лидер туркменского народа, Председатель Халк Маслахаты Туркменистана Гурбангулы Бердымухамедов отбыл с места события.

Today, the National Leader of the Turkmen people, Chairman of the Halk Maslahaty of Turkmenistan, Gurbanguly Berdimuhamedov, made a working visit to the city of Arkadag, recognized as a vivid example of national architectural art and combining all conditions for comfortable living. During the visit, he familiarized himself with the progress of construction of the second phase of the new city and with the designs of facilities planned for construction.

Here, Hero Arkadag was shown design drawings of industrial enterprises of the medical cluster—an important component of the second phase of development of the city of Arkadag—as well as the sites designated for their construction.

As is known, world-renowned companies, including “Toyo Engineering”, “Mitsubishi”, “Kawasaki Heavy Industries”, “Sumitomo”, “Komatsu”, and “ITOCHU Corporation” (Japan), as well as “Daewoo Engineering & Construction Co., Ltd.,” and “Hyundai Engineering Co. Ltd.” (Republic of Korea), have taken part in the implementation of major joint projects in our country, including construction projects.

A meeting devoted to issues of accelerating the pace of work within the framework of the second phase of development of the city of Arkadag was attended by heads of world-famous companies, including the Japanese companies “Sumitomo Heavy Industries LTD” and “Sumitomo Heavy Industries Plastics Machinery”; the Korean companies “EM Korea Co. LTD and Korea Meditech Co. LTD”; as well as representatives of the Turkmenbashi Oil Refinery Complex, the Kiyanly Polymer Plant, the Ministry of Health and Medical Industry of the country, the economic society “Garagum,” which is involved in the construction of the medical cluster and the equipping of production facilities, and the heads of the embassies of Turkmenistan in Japan and the Republic of Korea.

Here, certificates of conformity confirming the quality and environmental friendliness of local raw materials used at the production enterprises of the medical cluster of the city of Arkadag, as well as of the products manufactured from them, were presented, along with certificates of studies on the impact of chemical industry products on human health.

Special attention was given to certificates of conformity to ISO standards of the medical cluster of the city of Arkadag.

It was noted that Japanese and Korean companies are making great efforts to ensure regular supplies of equipment for the production facilities of the medical cluster in the city of Arkadag. At the same time, control has been established over its quality and performance. Leaders of foreign companies also emphasized that the quality of the equipment being introduced here for the first time in the Central Asian region fully meets international standards and assured that its production would be organized in an appropriate manner.

MEŇZEŞ HABARLAR

Türkmenistanyň Ministrler Kabinetiniň mejlisi

Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. “Garaşsyz, baky Bitarap Türkmenistan — bedew batly at-myradyň mekany” ýylynda ilkinji gezek geçirilýän mejlisde döwlet durmuşyna degişli birnäçe meselelere garaldy.

Ilki bilen, döwlet Baştutanymyz Mejlisiň Başlygy D.Gulmanowa söz berdi.

Milli parlamentiň ýolbaşçysy ýurdumyzyň hukuk binýadyny berkitmek boýunça ýerine ýetirilýän işler barada maglumat berdi. Bellenilişi ýaly, häzirki wagtda Mejlisde döredilen iş toparlarynda ýurdumyzda adam hukuklaryny we azatlyklaryny goramak, migrasiýa babatdaky meseleleri kämilleşdirmek, balyk tutmak we suwuň biologik serişdelerini gorap saklamak, döwletimizi durmuş-ykdysady taýdan mundan beýläk-de ösdürmek, halkymyzyň ýaşaýyş-durmuş derejesini ýokarlandyrmak bilen baglanyşykly hereket edýän kanunçylyk namalaryny döwrüň talaplaryna laýyklykda döwrebaplaşdyrmak boýunça degişli işler geçirilýär. Şunuň bilen bir hatarda, Mejlisiň wekilleriniň BMG-niň Ösüş maksatnamasynyň, Ýewropada Howpsuzlyk we Hyzmatdaşlyk Guramasynyň ýurdumyzyň degişli döwlet edaralary bilen bilelikde geçiren iş duşuşyklaryna gatnaşandyklary, Gyrgyz Respublikasyna we Özbegistan Respublikasyna iş saparlaryny amala aşyrandyklary barada aýdyldy.

Hormatly Prezidentimiz döwrüň talabyna laýyk gelýän täze kanun taslamalaryny işläp taýýarlamagy möhüm wezipeleriň hatarynda belläp, bu ugurda alnyp barylýan işleri dowam etdirmegiň möhümdigini aýtdy.

Ministrler Kabinetiniň Başlygynyň orunbasary H.Geldimyradow ykdysadyýet, maliýe we bank toplumynyň 2026-njy ýyl üçin iş meýilnamalarynyň taslamalary barada hasabat berdi.

Nygtalyşy ýaly, meýilnamalarda Türkmenistanda makroykdysady durnuklylygy, ýurdumyzyň we sebitleriň durmuş-ykdysady taýdan depginli ösüşini üpjün etmek, maýa goýum syýasatyny kämilleşdirmek, amatly maýa goýum, işewürlik gurşawyny döretmek, sanly ulgamy we döwrebap sanly tehnologiýalary giňden ornaşdyrmagy dowam etdirmek, pudaklaryň maliýe-ykdysady ýagdaýyny, önümçilik kuwwatlyklarynyň ulanylyşyny seljermek, Döwlet býujetiniň üstünlikli ýerine ýetirilmegini gazanmak, ýurdumyzyň maliýe-ykdysady, býujet-salgyt, pul-karz syýasatlary esasynda işleriň amala aşyrylmagyny guramak, zähmet gatnaşyklaryny, ilatyň iş üpjünçiligini, durmuş taýdan goraglylygyny gowulandyrmak, bank we ätiýaçlandyryş hyzmatlaryny, standartlaşdyryş ulgamyny ösdürmek, milli statistika edaralarynyň işini döwrebaplaşdyrmak, halkara maliýe guramalary bilen hyzmatdaşlygy dowam etdirmek, daşary ykdysady işi kämilleşdirmek, döwlet emlägini we maliýe serişdelerini netijeli dolandyrmak boýunça işleri guramak, ykdysadyýeti pul serişdeleri bilen kadaly üpjün etmek we zerurlyga laýyklykda karz bermek, ulgama öňdebaryjy halkara tejribäni ornaşdyrmak, kanunçylyk binýadyny, ykdysadyýeti düzgünleşdirmegiň gurallaryny kämilleşdirmek boýunça çäreler göz öňünde tutulýar. Şunuň bilen bir hatarda, wise-premýer ykdysadyýet, maliýe we bank toplumyna degişli ministrlikleriň, pudaklaýyn dolandyryş edaralarynyň sanly tehnologiýalary ösdürmek boýunça 2026-njy ýylda ýerine ýetirmeli işleriniň meýilnamalarynyň taslamalary barada hasabat berdi.

Hormatly Prezidentimiz hasabaty diňläp, ýurdumyzyň durmuş-ykdysady ösüşini, pudaklaryň maliýe-ykdysady ýagdaýyny seljermegi dowam etdirmegiň, Döwlet býujetiniň üstünlikli ýerine ýetirilişini gözegçilikde saklamagyň möhümdigini belledi we ykdysadyýet, maliýe, bank toplumynyň 2026-njy ýyl üçin iş meýilnamalaryny makullap, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary B.Amanow nebitgaz toplumyna degişli pudaklaýyn dolandyryş edaralarynyň 2026-njy ýyl üçin iş meýilnamalarynyň taslamalary barada hasabat berdi.

Bellenilişi ýaly, iş meýilnamalaryna laýyklykda, “Türkmengaz” we “Türkmennebit” döwlet konsernleri tarapyndan nebitgaz känlerini çuňňur özleşdirmek, tebigy we ugurdaş gazy, nebiti, gaz kondensatyny çykarmak, suwuklandyrylan gazy öndürmek, türkmen tebigy gazyny dünýä bazarlaryna eksport etmek, nebiti çuňňur gaýtadan işlemek, nebit önümlerini içerki sarp edijilere we daşarky bazarlara ibermek, “Türkmengeologiýa” döwlet korporasiýasy tarapyndan nebite we tebigy gaza baý bolan gurluşlary, gaty magdanlary, ýerasty suwlary gözlemek we ýüze çykarmak, sanly ulgamy ösdürmek, ylmyň soňky gazananlaryny, innowasion tehnologiýalary önümçilige giňden ornaşdyrmak wezipeleri göz öňünde tutuldy. Şeýle hem “Galkynyş” gaz käniniň nobatdaky tapgyrlaryny özleşdirmek işlerine girişmek, Türkmenistan — Owganystan — Pakistan — Hindistan gaz geçirijisiniň möhüm bölegi bolan Arkadagyň ak ýoly bilen Serhetabat — Hyrat gaz geçirijisiniň gurluşygyny üstünlikli ýerine ýetirmek meýilnamada iň möhüm wezipeleriň hatarynda kesgitlenildi.

Döwlet Baştutanymyz hasabaty diňläp, ýurdumyzda nebitiň we tebigy gazyň çykarylyşyny artdyrmak, toplumyň kärhanalarynyň önümçilik kuwwatyny netijeli peýdalanmak boýunça işleri dowam etdirmegiň zerurdygyny belledi hem-de nebitgaz toplumynyň 2026-njy ýyl üçin iş meýilnamalaryny makullap, wise-premýere bu ugurda degişli işleri geçirmegi tabşyrdy.

Ministrler Kabinetiniň Başlygynyň orunbasary T.Atahallyýew oba hojalyk toplumynyň 2026-njy ýyl üçin iş meýilnamalarynyň taslamalary barada hasabat berdi.

Nygtalyşy ýaly, meýilnamanyň taslamasynda oba hojalyk toplumyna degişli ministrlikleriň we pudaklaýyn dolandyryş edaralarynyň öňünde durýan wezipeleri üstünlikli durmuşa geçirmek bilen bagly işler, hususan-da, oba hojalygyny, weterinariýa işini ösdürmek, ýer serişdelerinden rejeli peýdalanmak, oba hojalyk ekinleriniň täze görnüşlerini döretmek, olary önümçilige ornaşdyrmak, daşky gurşawy gorap saklamak, ekologik abadançylygy üpjün etmek, ýurdumyzy bagy-bossanlyga öwürmek, suw hojalygyny ösdürmek we onuň maddy-enjamlaýyn binýadyny has-da pugtalandyrmak, suw serişdelerini netijeli peýdalanmak, pagta we ýüpek senagatyny ösdürmek, senagat kärhanalaryny olary gaýtadan işlemekden alynýan önümler bilen üpjün etmek, galla senagatyny ösdürmek, ilaty galla önümleri bilen üpjün etmek, oba hojalyk pudagynyň maddy-enjamlaýyn binýadyny has-da pugtalandyrmak we oba hojalyk önümlerini öndürijilere tehniki hyzmatlary ýerine ýetirmek, azyk senagatyny ösdürmek, ýurdumyzda azyk önümleriniň bolçulygyny döretmek, maldarçylygy we guşçulygy ösdürmek, mallaryň, guşlaryň baş sanyny artdyrmak, maldarçylyk we guşçulyk önümlerini öndürmek, ilaty bu önümler bilen üpjün etmek, atçylygy we atçylyk sportuny ösdürmek, ahalteke bedewleriniň baş sanyny artdyrmak, olaryň dünýädäki şan-şöhratyny has-da belende galdyrmak bilen baglanyşykly wezipeler göz öňünde tutuldy.

Döwlet Baştutanymyz hasabaty diňläp, oba hojalyk pudagyny toplumlaýyn ösdürmegi, onuň maddy-enjamlaýyn binýadyny pugtalandyrmagy dowam etdirmegiň, önümçilikleriň möçberini artdyrmak we hilini gowulandyrmak meselelerini hemişe üns merkezinde saklamagyň möhümdigini belledi hem-de oba hojalyk pudagy boýunça 2026-njy ýyl üçin iş meýilnamalaryny makullap, wise-premýere bu ugurda degişli işleri geçirmegi tabşyrdy.

Ministrler Kabinetiniň Başlygynyň orunbasary B.Annamämmedow gurluşyk we senagat toplumy tarapyndan taýýarlanylan 2026-njy ýyl üçin iş meýilnamalarynyň taslamalary barada hasabat berdi.

Meýilnamalara laýyklykda, ýurdumyzda gurluşygy dowam edýän medeni-durmuş, önümçilik maksatly binalarda we desgalarda alnyp barylýan işleriň hiline gözegçilik etmek, gurluşyklary, milli ykdysadyýetimiziň pudaklaryny gurluşyk serişdeleri bilen üpjün etmek, täze, döwrebap ugurdaş kärhanalary gurmak, ozal bar bolanlarynyň durkuny täzelemek, elektroenergetika pudagynyň maddy-enjamlaýyn binýadyny has-da pugtalandyrmak, önümçilige döwrebap tehnologiýalary ornaşdyrmak, himiýa we gurluşyk senagaty pudaklarynyň eksport mümkinçiliklerini artdyrmak, önümleriň täze görnüşlerini öndürmek, hereket edýän kärhanalary taslama kuwwatyna çykarmak, awtomobil ýollaryny we köprüleri döwrebaplaşdyrmak, täzelerini gurmak boýunça işleri dowam etdirmek, Aşgabat şäherinde medeni-durmuş we önümçilik maksatly binalardyr desgalaryň, inženerçilik ulgamlarynyň, awtomobil ýollarynyň gurluşygyny alyp barmak göz öňünde tutulýar.

Hormatly Prezidentimiz hasabaty diňläp, gurluşyk pudagynda göz öňünde tutulan işleri talabalaýyk ýerine ýetirmegiň, gurluşyk önümleriniň öndürilişiniň möçberini yzygiderli artdyrmagyň, energetika pudagynyň maddy-enjamlaýyn binýadyny has-da kämilleşdirmegiň, täze awtomobil ýollaryny gurmak, durkuny täzelemek işlerini gözegçilikde saklamagyň zerurdygyny belledi. Döwlet Baştutanymyz gurluşyk we senagat toplumynyň hem-de Aşgabat şäheriniň häkimliginiň 2026-njy ýyl üçin iş meýilnamalaryny makullap, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary N.Atagulyýew söwda toplumy boýunça 2026-njy ýyl üçin iş meýilnamalarynyň taslamalary barada hasabat berdi.

Bellenilişi ýaly, meýilnamalarda içerki bazarda halkyň sarp edýän harytlarynyň bolçulygyny, bahalarynyň durnukly derejesini mundan beýläk-de üpjün etmek, söwda ulgamyny döwrüň talaplaryna laýyklykda kämilleşdirmek, sanly ykdysadyýeti we elektron söwdany ösdürmek boýunça alnyp barylýan işleri dowam etdirmek, dokma senagatynyň kärhanalarynyň önümçilik kuwwatlyklaryny has doly we netijeli ulanmak, öndürilýän önümleriň görnüşlerini, möçberini artdyrmak, hilini ýokarlandyrmak, türkmen halkynyň ruhy we medeni mirasy bolan milli halyçylyk sungatyny ösdürmek hem-de geljek nesillere ýetirmek, Döwlet haryt-çig mal biržasynda elektron söwdalary geçirmegiň döwrebap usullaryny ornaşdyrmak, Söwda-senagat edarasynyň sergileri we maslahatlary guramak boýunça işini häzirki zaman tehnologiýalary esasynda kämilleşdirmek, hususy pudagy ösdürmek boýunça çäreleri amala aşyrmak bilen, importyň ornuny tutýan we eksporta gönükdirilen önümleriň önümçiligini artdyrmak, daşary ýurtlar bilen söwda-ykdysady gatnaşyklary ösdürmek, milli harytlarymyzyň dünýä bazarlaryndaky ornuny giňeltmek boýunça çäreler göz öňünde tutulýar.

Döwlet Baştutanymyz hasabaty diňläp, söwda toplumynyň öňünde durýan wezipeleri üstünlikli durmuşa geçirmegi, içerki bazarlarda halkyň sarp edýän harytlarynyň bolçulygyny döretmek, dokma senagatynyň kärhanalarynyň önümçilik kuwwatyny doly we netijeli peýdalanmak boýunça işleri yzygiderli dowam etdirmegi tabşyrdy. Hormatly Prezidentimiz söwda toplumy boýunça 2026-njy ýyl üçin iş meýilnamalaryny makullap, bu ugurda degişli işleri geçirmegi tabşyrdy.

Ministrler Kabinetiniň Başlygynyň orunbasary B.Seýidowa medeniýet ulgamyna degişli ministrligiň we pudaklaýyn dolandyryş edaralarynyň şu ýyl üçin iş meýilnamalarynyň taslamalary barada hasabat berdi.

Iş meýilnamalarynda Türkmenistanyň Garaşsyzlygynyň şanly 35 ýyllygy, 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” ýyly diýlip yglan edilmegi mynasybetli dürli çäreleri geçirmek, döredijilik bäsleşiklerini yglan etmek, halkara medeni hyzmatdaşlygy, şol sanda syýahatçylygy mundan beýläk-de ösdürmek, maddy we maddy däl medeni mirasymyzy öwrenmek, giňden wagyz etmek, taryhy-medeni ýadygärliklerde rejeleýiş, dikeldiş işlerini alyp barmak we ylmy taýdan öwrenmek, edara-kärhanalaryň maddy-enjamlaýyn binýadyny berkitmek, işgärleriň hünär derejesini ýokarlandyrmak, muzeýleriň, kitaphanalaryň, medeniýet ugurly okuw mekdepleriniň işini kämilleşdirmek, dünýä ülňülerine laýyk gelýän täze tehnologiýalary önümçilige ornaşdyrmak, teatrlarda döwrüň ruhuny beýan edýän eserleriň sahnalaşdyrylmagyny, halkymyza ýokary derejeli medeni hyzmatlaryň guralmagyny gazanmak boýunça degişli işler göz öňünde tutulýar. Şeýle hem döwlet maksatnamalaryndan, sanly ykdysadyýeti ösdürmegiň Konsepsiýasyndan gelip çykýan wezipeleri ýerine ýetirmek, köptaraplaýyn we milli hödürnamalary ÝUNESKO-nyň abraýly sanawlaryna girizmek boýunça işleri dowam etdirmek, Oguz han adyndaky “Türkmenfilm” birleşigi tarapyndan dürli filmleri surata düşürmek, ýurdumyzda gazanylýan üstünlikleri köpçülikleýin habar beriş serişdelerinde giňden şöhlelendirmek meýilleşdirilýär.

Hormatly Prezidentimiz hasabaty diňläp, medeniýet ulgamynyň işini döwrüň talaplaryna laýyk guramagyň, medeni mirasymyzy öwrenmek, taryhy-medeni ýadygärlikleri dikeltmek işlerini dowam etdirmegiň zerurdygyny belledi. Şunuň bilen baglylykda, döwlet Baştutanymyz medeniýet ulgamynyň 2026-njy ýyl üçin iş meýilnamalaryny makullap, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary B.Orazdurdyýewa gözegçilik edýän ulgamlarynyň 2026-njy ýyl üçin taýýarlanylan iş meýilnamalarynyň taslamalary barada hasabat berdi.

Meýilnamalarda ylymly-bilimli nesli terbiýelemäge, okuw maksatnamalaryny kämilleşdirmäge, okuw kitaplaryny mazmun taýdan baýlaşdyrmaga, bilim ulgamynyň maddy-enjamlaýyn binýadyny pugtalandyrmaga gönükdirilen özgertmeleri dowam etdirmek, “Saglyk” Döwlet maksatnamasyna laýyklykda, bejeriş-öňüni alyş edaralarynda keselleriň öňüni almagyň we bejermegiň öňdebaryjy usullaryny ornaşdyrmak, bedenterbiýäni, sporty, Olimpiýa hereketini ösdürmek, ýurdumyzda düýpli we amaly ylymlary, innowasion senagaty ösdürmek, zehinli ýaşlary ýokary tehnologiýalar, ylym ulgamlaryna çekmek bilen, dünýä ölçeglerine laýyk gelýän, netijeli önümçilik we ylmy işleri alyp barýan hünärmenleriň, alymlaryň neslini kemala getirmek, ýurdumyzyň ýeten belent sepgitlerini, halkara abraýyny, ösüşlerini, milli medeni mirasymyzy wagyz etmek boýunça wezipeler we beýleki çäreler göz öňünde tutulýar.

Hormatly Prezidentimiz hasabaty diňläp, ylymly-bilimli nesli terbiýelemäge, bilim ulgamynyň maddy-enjamlaýyn binýadyny berkitmäge aýratyn üns bermegiň, saglygy goraýyş ulgamynyň işini kämilleşdirmek we sporty ösdürmek işlerini gözegçilikde saklamagyň zerurdygyny belledi hem-de ylym, bilim, saglygy goraýyş, sport ulgamlarynyň, jemgyýetçilik guramalarynyň 2026-njy ýyl üçin iş meýilnamalaryny makullap, wise-premýere bu ugurda degişli işleri geçirmegi tabşyrdy.

Soňra Ministrler Kabinetiniň Başlygynyň orunbasary, daşary işler ministri R.Meredow Türkmenistanyň Daşary işler ministrliginiň 2026-njy ýyl üçin iş meýilnamasynyň taslamasy barada hasabat berdi.

Bellenilişi ýaly, meýilnama “Bitarap Türkmenistanyň daşary syýasat ugrunyň 2022 — 2028-nji ýyllar üçin Konsepsiýasyna” hem-de hormatly Prezidentimiziň geçen ýylyň 6-njy dekabrynda Türkmenistanyň daşary ýurtlardaky ilçileriniň we konsullarynyň gatnaşmagynda geçirilen Ministrler Kabinetiniň giňişleýin mejlisinde beren tabşyryklaryna laýyklykda işlenip düzüldi. Oňa laýyklykda, syýasy-diplomatik, söwda-ykdysady, medeni-ynsanperwer we beýleki çäreleri amala aşyrmak arkaly Türkmenistanyň dürli ýurtlar bilen gatnaşyklaryny berkitmek üçin zerur işleri alyp barmak göz öňünde tutulýar. Bu ugurdaky çäreleriň çäklerinde Türkmenistanyň Prezidentiniň Birleşen Milletler Guramasynyň Baş Assambleýasynyň sessiýalarynda, şol sanda onuň 80-nji sessiýasynda öňe süren halkara başlangyçlaryny amala aşyrmak boýunça zerur işleri geçirmek we utgaşdyrmak wezipesi öňde goýulýar.

Şeýle hem meýilnamada ýurdumyzyň halkara maliýe-ykdysady düzümler bilen alyp barýan işlerini pugtalandyrmak, gatnaşyklary ilerletmek boýunça çäreler meýilleşdirilýär. Onda Bütindünýä Söwda Guramasy, Ykdysady hyzmatdaşlyk we ösüş guramasy, Halkara energetika agentligi, Energiýanyň gaýtadan dikeldilýän çeşmeleri boýunça halkara agentlik ýaly ykdysady guramalar bilen gatnaşyklary ösdürmek boýunça çäreler hem bar. Mundan başga-da, Birleşen Milletler Guramasynyň Söwda we ösüş boýunça konferensiýasy, Aziýa — Ýuwaş umman sebiti boýunça Ykdysady we Durmuş komissiýasy, Ýewropa ykdysady komissiýasy bilen bilelikde amala aşyryljak çäreler barada nygtalýar.

Döwlet Baştutanymyz hasabaty diňläp, Garaşsyz döwletimiziň oňyn Bitaraplyk hukuk ýagdaýyna eýermek bilen, dünýäde ählumumy abadançylyga gönükdirilen daşary syýasaty alyp barýandygyny aýtdy. Hormatly Prezidentimiz ýurdumyzyň dünýä döwletleri we halkara guramalar bilen ýola goýlan gatnaşyklaryny ösdürmegi mundan beýläk-de dowam etdirmegiň möhümdigini belläp, Daşary işler ministrliginiň 2026-njy ýyl üçin iş meýilnamasyny makullady hem-de wise-premýer, daşary işler ministrine bu ugurda degişli işleri geçirmegi tabşyrdy.

Ministrler Kabinetiniň Başlygynyň orunbasary M.Çakyýew gözegçilik edýän toplumynyň degişli pudaklaýyn dolandyryş edaralary tarapyndan 2026-njy ýylda ýerine ýetirilmeli işleriň meýilnamalarynyň taslamalary barada hasabat berdi.

Bellenilişi ýaly, meýilnamalarda ýurdumyzda ulanmaga berlen ulag infrastrukturasyny sebitiň üstaşyr mümkinçilikleri bilen netijeli utgaşdyrmak arkaly ýük dolanyşygyny artdyrmak, toplumyň işine sanly ulgamy ornaşdyrmagy dowam etdirmek, maýa goýumlar üçin amatly şertleri döretmek, halkara hyzmatdaşlygy ösdürmek ileri tutulýan wezipeler hökmünde kesgitlenildi. Şeýle hem 2026-njy ýylda döwrebap demir ýol menzillerini, deňiz gämilerini, önümçilik we durmuş ähmiýetli desgalary gurmak, teplowozlardyr wagonlary abatlamak ýaly maýa goýum taslamalaryny durmuşa geçirmek meýilleşdirilýär.

Hormatly Prezidentimiz hasabaty diňläp, wise-premýere ulag we aragatnaşyk toplumynyň işini döwrüň talabyna laýyk guramak üçin degişli işleri alyp barmagy tabşyrdy. Şeýle hem döwlet Baştutanymyz halkara ulag geçelgeleriniň işini ösdürmegiň, üstaşyr gatnawlar üçin amatly şertleri döretmek we olaryň sanyny artdyrmak boýunça alnyp barylýan işleri dowam etdirmegiň, aragatnaşyk ulgamynyň işini yzygiderli kämilleşdirmegiň möhümdigini belläp, ulag-aragatnaşyk toplumynyň 2026-njy ýyl üçin iş meýilnamalaryny makullady hem-de bu ugurda degişli işleri geçirmegi tabşyrdy.

Mejlisde döwlet durmuşyna degişli başga-da birnäçe möhüm meselelere seredildi we olar boýunça degişli çözgütler kabul edildi.

Hormatly Prezidentimiz Serdar Berdimuhamedow Ministrler Kabinetiniň sanly ulgam arkaly geçirilen mejlisini jemläp, oňa gatnaşanlara berk jan saglyk, maşgala abadançylygyny, berkarar Watanymyzyň gülläp ösmegi ugrunda alyp barýan işlerinde uly üstünlikleri arzuw etdi.

09.01.2026

Türkmenistanyň Prezidenti iş maslahatyny geçirdi

Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda iş maslahatyny geçirdi. Onda ýurdumyzyň oba hojalyk toplumynda we welaýatlarda alnyp barylýan işler bilen baglanyşykly meselelere garaldy.

Ilki bilen, Ahal welaýatynyň häkimi T.Nurmyradowa söz berildi. Ol welaýatda möwsümleýin oba hojalyk işleriniň barşy barada hasabat berdi.

Bellenilişi ýaly, häzirki wagtda bugdaý ekilen meýdanlarda mineral dökünler bilen iýmitlendirmek işleri alnyp barylýar. Gowaça ekişine taýýarlyk görmegiň çäklerinde sürüm, tekizleýiş, topragy mineral dökünler bilen gurplandyrmak işleri dowam etdirilýär. Daýhanlary ýokary hilli tohumlar bilen üpjün etmek üçin gowaça tohumyny taýýarlamak, ekişde ulanyljak oba hojalyk tehnikalaryny abatlamak, talabalaýyk saklamak babatda zerur çäreler görülýär. Şeýle hem häkim welaýatyň çägindäki medeni-durmuş maksatly binalaryň ýyladyş ulgamlaryny kadaly işletmek, ilaty elektrik energiýasy, tebigy gaz we agyz suwy bilen bökdençsiz üpjün etmek boýunça alnyp barylýan işler, şu ýyl welaýatda açylyp ulanmaga berilmegi meýilleşdirilýän desgalardaky gurluşyk işleriniň ýagdaýy barada hasabat berdi.

Hormatly Prezidentimiz hasabaty diňläp, oba hojalygynda dowam edýän möwsümleýin işleriň agrotehnikanyň kadalaryna laýyklykda ýerine ýetirilmeginiň, ýazky ekiş möwsümine talabalaýyk taýýarlyk görmegiň möhüm ähmiýetini belledi we bu babatda häkime degişli tabşyryklary berdi. Şeýle-de döwlet Baştutanymyz welaýatda şu ýyl üçin meýilleşdirilen işleriň ýokary hilli, öz wagtynda ýerine ýetirilmegini gözegçilikde saklamagy tabşyrdy.

Soňra Balkan welaýatynyň häkimi H.Aşyrmyradow welaýatyň ekerançylyk meýdanlarynda alnyp barylýan oba hojalyk işleri barada hasabat berdi.

Nygtalyşy ýaly, şu günler sebitiň bugdaý ekilen meýdanlarynda degişli ideg işleri, hususan-da, mineral dökünler bilen iýmitlendirmek işleri ýerine ýetirilýär. Gowaça ekiljek meýdanlarda sürüm we tekizleýiş, ýazky ekiş möwsüminde ulanyljak tehnikalary, pagta öndürijiler üçin gowaça tohumyny taýýarlamak işleri alnyp barylýar. Şeýle-de häkim welaýatyň çägindäki ýaşaýyş jaýlarynyň, jemgyýetçilik binalarynyň ýyladyş ulgamlaryny kadaly işletmek, ilaty elektrik energiýasy, tebigy gaz we agyz suwy bilen üpjün etmek boýunça görülýän çäreler, şu ýyl welaýatda açylyp ulanmaga berilmegi meýilleşdirilýän desgalardaky gurluşyklaryň barşy barada hasabat berdi.

Döwlet Baştutanymyz hasabaty diňläp, agrotehnikanyň kadalarynyň berk berjaý edilmeginiň durnukly ösýän oba hojalygynyň binýady bolup durýandygyny belledi we häkime welaýatda oba hojalyk işleriniň talabalaýyk alnyp barylmagyny yzygiderli gözegçilikde saklamagy tabşyrdy. Şunuň bilen birlikde, hormatly Prezidentimiz ýurdumyzy durmuş-ykdysady taýdan ösdürmäge gönükdirilen maksatnamalarda göz öňünde tutulan wezipeleriň üstünlikli durmuşa geçirilmeginiň zerur talap bolup durýandygyna ünsi çekip, bu babatda degişli görkezmeleri berdi.

Daşoguz welaýatynyň häkimi D.Babaýew welaýatda möwsümleýin oba hojalyk işleriniň barşy barada hasabat berdi.

Hasabatda bellenilişi ýaly, şu ýylyň hasyly üçin gowaça ekişine taýýarlyk görmegiň çäklerinde meýdanlarda sürüm, tekizleýiş, mineral dökünler bilen gurplandyrmak işleri utgaşykly alnyp barylýar. Ýokary hilli gowaça tohumyny, ekişde ulanyljak oba hojalyk tehnikalaryny we gurallary möwsüme taýýarlamak babatda zerur çäreler görülýär. Mundan başga-da, gyş paslynyň dowam edýän günlerinde welaýatyň çägindäki ýaşaýyş jaýlarynyň, medeni-durmuş maksatly binalaryň ýyladyş ulgamlaryny kadaly işletmek, ilaty elektrik energiýasy, tebigy gaz we agyz suwy bilen bökdençsiz üpjün etmek boýunça görülýän çäreler, şu ýyl sebitde açylyp ulanmaga berilmegi meýilleşdirilýän desgalardaky gurluşyk işleriniň ýagdaýy hakynda hasabat berildi.

Hormatly Prezidentimiz hasabaty diňläp, oba hojalyk önümçiliginiň ähli tapgyrlarynda toplumlaýyn çemeleşmäniň üpjün edilmeginiň ekinlerden bol hasyl almaga ýardam berýändigini belledi we häzirki wagtda welaýatda dowam edýän agrotehniki çäreleriň ýokary hilli ýerine ýetirilmegini gözegçilikde saklamagy tabşyrdy. Döwlet Baştutanymyz ýurdumyzy durmuş-ykdysady taýdan ösdürmäge gönükdirilen maksatnamalara laýyklykda, şu ýyl welaýatda açylyp ulanmaga berilmegi göz öňünde tutulýan desgalardaky gurluşyk işleriniň öz wagtynda ýerine ýetirilmegini gözegçilikde saklamak barada-da tabşyryklary berdi.

Lebap welaýatynyň häkimi D.Genjiýew sebitde dowam edýän möwsümleýin oba hojalyk işleri barada hasabat berdi.

Bellenilişi ýaly, hormatly Prezidentimiziň oba hojalyk pudagyny yzygiderli ösdürmek, ekinleriň hasyllylygyny ýokarlandyrmak babatda öňde goýan wezipelerinden ugur alnyp, welaýatda möwsümleýin oba hojalyk işleri dowam edýär. Bu işleriň çäklerinde bugdaý ekilen meýdanlarda degişli ideg işleri agrotehnikanyň kadalaryna laýyklykda alnyp barylýar. Gowaça ekiljek meýdanlarda sürüm, tekizleýiş, çil çekmek, ýuwuş suwuny tutmak, topragy mineral dökünler bilen gurplandyrmak işleri ýerine ýetirilýär. Ýazky ekiş möwsüminde we ideg işlerinde ulanyljak oba hojalyk tehnikalaryny taýýarlamak ugrunda degişli çäreler görülýär. Şeýle-de häkim gyş paslynyň dowam edýän günlerinde welaýatyň çägindäki ýaşaýyş jaýlarynyň, edara-kärhanalaryň, medeni-durmuş maksatly binalaryň ýyladyş ulgamlaryny talabalaýyk işletmek, ilaty elektrik energiýasy, tebigy gaz we agyz suwy bilen bökdençsiz üpjün etmek boýunça görülýän çäreler, «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna», Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilýän desgalardaky gurluşyk işleriniň barşy barada hasabat berdi.

Hormatly Prezidentimiz hasabaty diňläp, agrotehniki çäreleriň talabalaýyk geçirilmeginiň ekinlerden ýokary hasyl almak bilen bir hatarda, ýer-suw serişdelerinden hem netijeli peýdalanmaga mümkinçilik berýändigini belledi we häkime degişli tabşyryklary berdi. Mundan başga-da, ýurdumyzy durmuş-ykdysady taýdan ösdürmek boýunça maksatnamalara laýyklykda, welaýatda ýerine ýetirilýän işleri gözegçilikde saklamak babatda degişli görkezmeler berildi.

Mary welaýatynyň häkimi D.Annaberdiýew welaýatda möwsümleýin oba hojalyk işleriniň barşy barada hasabat berdi.

Nygtalyşy ýaly, sebitde bugdaýyň bol hasylyny ösdürip ýetişdirmek üçin ekin meýdanlarynda agrotehnikanyň kadalaryna laýyklykda mineral dökünler bilen iýmitlendirmek, ösüş suwuny tutmak işleri alnyp barylýar. Gowaça ekiljek meýdanlarda sürüm we tekizleýiş işleri ýerine ýetirilýär. Pagta öndürijileri ýokary hilli gowaça tohumy bilen üpjün etmek, ýazky oba hojalyk işlerinde ulanyljak tehnikalary möwsüme doly taýýar etmek boýunça zerur işler alnyp barylýar. Welaýatda ösdürilip ýetişdirilen gant şugundyrynyň hasylyny ýitgisiz ýygnap almak, ony gaýtadan işlemek babatda zerur çäreler görülýär. Mundan başga-da, häkim welaýatdaky ýaşaýyş jaýlarynyň, mekdepleriň, çagalar baglarynyň ýyladyş ulgamlaryny kadaly işletmek, ilaty elektrik energiýasy, tebigy gaz we agyz suwy bilen bökdençsiz üpjün etmek boýunça alnyp barylýan işler, Oba milli maksatnamasyny durmuşa geçirmegiň çäklerinde welaýatda dowam edýän gurluşyk işleriniň ýagdaýy barada hasabat berdi.

Hormatly Prezidentimiz hasabaty diňläp, häzirki wagtda oba hojalygynda dowam edýän jogapkärli möwsümiň agrotehniki möhletlerde geçirilmeginiň zerurdygyny aýtdy we welaýatyň ekerançylyk meýdanlarynda alnyp barylýan işleri gözegçilikde saklamagy tabşyrdy. Şeýle hem döwlet Baştutanymyz Oba milli maksatnamasyna laýyklykda, welaýatda şu ýyl üçin meýilleşdirilen işleriň talabalaýyk, öz wagtynda ýerine ýetirilmegini üpjün etmek barada tabşyryklary berdi.

Soňra Ministrler Kabinetiniň Başlygynyň orunbasary T.Atahallyýew “Garaşsyz, baky Bitarap Türkmenistan — bedew batly at-myradyň mekany” diýlip yglan edilen täze ýylda ýurdumyzda möwsümleýin oba hojalyk işleriniň barşy barada hasabat berdi.

Bellenilişi ýaly, bugdaý ekilen meýdanlarda agrotehnikanyň kadalaryna laýyklykda ideg etmek, hususan-da, mineral dökünler bilen iýmitlendirmek işleri alnyp barylýar. Şunda oba hojalyk tehnikalarynyň netijeli işledilmegine aýratyn üns berilýär. Gowaça ekişine taýýarlyk görmegiň çäklerinde sürüm, tekizleýiş, topragy mineral dökünler bilen gurplandyrmak işleri dowam edýär. Ekiş möwsüminde pagta öndürijileri ýokary hilli gowaça tohumy bilen üpjün etmek üçin ähli zerur işler alnyp barylýar. Ýazky ekişde ulanyljak oba hojalyk tehnikalaryny möwsüme taýýarlamak we talabalaýyk saklamak boýunça hem zerur çäreler görülýär.

Hormatly Prezidentimiz hasabaty diňläp, ýurdumyzda azyk bolçulygyny üpjün edýän oba hojalyk pudagynyň milli ykdysadyýetimizdäki strategik ornuna ünsi çekdi we wise-premýere pudagy mundan beýläk-de döwrüň talabyna laýyklykda ösdürmek boýunça alnyp barylýan işleri dowam etdirmegi tabşyrdy.

Soňra döwlet Baştutanymyz iş maslahatyna gatnaşyjylara ýüzlenip, möwsümleýin oba hojalyk işlerine ýene-de bir gezek ünsi çekdi hem-de welaýatlaryň bugdaý meýdanlarynda ideg işlerini talabalaýyk geçirmegiň, gowaça ekiljek ýerlerde sürüm we tekizleýiş işlerini agrotehniki kadalara laýyk ýerine ýetirmegiň, pagta öndürijileri ýokary hilli gowaça tohumlary bilen ýeterlik möçberde üpjün etmegiň, ýaz ekişinde ulanyljak oba hojalyk tehnikalaryny möwsüme talabalaýyk taýýarlamagyň möhümdigini belledi.

Arkadagly Gahryman Serdarymyz welaýatlarda pagta we bugdaý öndürijiler bilen hyzmat ediji edara-kärhanalaryň arasynda 2024-2025-nji ýyllaryň pagta, 2025-2026-njy ýyllaryň bugdaý hasyly üçin ýerine ýetirilen işler boýunça hasaplaşyklaryň geçirilişini berk gözegçilikde saklamagy, Mary welaýatynda ýetişdirilen gant şugundyrynyň hasylyny öz wagtynda ýygnap almak boýunça zerur çäreleri görmegi, welaýatlarda ýaşaýyş jaýlarynyň, mekdepleriň, çagalar baglarynyň ýyladyş ulgamlarynyň kadaly işleýşini hem-de ilatyň elektrik energiýasy, tebigy gaz we agyz suwy bilen üpjünçiligini aýratyn gözegçilikde saklamagy, şu ýyl welaýatda açylyp ulanmaga berilmegi meýilleşdirilýän medeni-durmuş, önümçilik maksatly desgalarda gurluşyk işleriniň barşyna berk gözegçilik etmegi tabşyrdy.

Hormatly Prezidentimiz Serdar Berdimuhamedow iş maslahatyny jemläp, oňa gatnaşanlara berk jan saglyk, maşgala abadançylygyny, alyp barýan işlerinde uly üstünlikleri arzuw etdi.

05.01.2026

Türkmenistanyň Prezidenti Serdar Berdimuhamedowyň türkmen halkyna Täze ýyl gutlagy

Eziz watandaşlar!

2025-nji ýyl — Halkara parahatçylyk we ynanyşmak ýyly tamamlanyp barýar. Ýene az salymdan täze — 2026-njy ýyly garşylarys.

2026-njy ýyl — Gündogar müçenamasy boýunça ýylky, ýagny bedew ýyly. Türkmen halky öz arzuwlaryny, belent maksatlaryny ahalteke bedewleri bilen baglanyşdyrýar. Ahalteke bedewi biziň buýsanjymyzdyr, şöhratymyzdyr.

2025-nji ýyl Garaşsyz Watanymyzyň täze taryhynda halkymyzyň durmuşyny üstünliklere beslän ýyllaryň biri boldy. Bu ýyl türkmen halkynyň Milli Lideri Gahryman Arkadagymyzyň döwletli tutumlary, taryhy başlangyçlary has-da rowaçlandy. Ýurdumyzy gülledip ösdürmäge, halkymyzyň ýaşaýyş-durmuş derejesini has-da ýokarlandyrmaga gönükdirilen maksatnamalar üstünlikli durmuşa geçirildi.

Berkarar döwletimizi durmuş-ykdysady taýdan ösdürmek maksady bilen, täze etraplar döredildi. Diýarymyzyň ähli ýerlerinde döwrebap mekdepler, çagalar baglary, saglygy goraýyş, sport desgalary, medeniýet edaralary, önümçilik binalary, başga-da köp sanly desgalar ulanmaga berildi. Bagtyýar maşgalalaryň müňlerçesi täze jaýly bolmak bagtyna eýe boldy.

Ýangyç-energetika toplumyna degişli iri taslamalar durmuşa geçirildi. Türkmenbaşydaky nebiti gaýtadan işleýän zawodlar toplumynyň nebit we nebit önümleri guýulýan gämi duralgasy işe girizildi. Gahryman Arkadagymyzyň gatnaşmagynda Türkmenistan — Owganystan — Pakistan — Hindistan gaz geçirijisiniň esasy tapgyry bolan Arkadagyň ak ýoly bilen Serhetabat — Hyrat gaz geçirijisiniň Owganystanyň Hyrat welaýatyna barýan böleginiň gurluşygyna badalga berildi.

Ahal welaýatynyň Bäherden etrabynda Bäherden keramiki önümler kärhanasy, paýtagtymyzda çüýşe önümlerini öndürýän kärhana, Balkan welaýatynyň Esenguly etrabynda agyz suw arassalaýjy desga, Garabogazköl aýlagynyň üstünden geçýän awtomobil köprüsi ulanmaga berildi. Lebap welaýatynyň Türkmenabat şäherindäki himiýa zawodynda mineral dökünleri öndürýän toplumyň, Balkan welaýatynyň Türkmenbaşy etrabynda karbamid öndürýän toplumyň gurluşygyna badalga berildi. Türkmenbaşy — Garabogaz — Gazagystan serhedi awtomobil ýolunyň gurluşygyna hem girişildi. Şeýle hem Aşgabat şäherinde «Güneşli» çagalar we ýetginjekler merkeziniň gurluşygyna badalga berildi.

Şu ýyl ýurdumyzyň Ahal welaýatynyň Ak bugdaý etrabynda Döwletli mekan, Kaka etrabynda Bagtly zamana atly täze, döwrebap obalar açylyp ulanmaga berildi. Daşoguz welaýatynyň Köneürgenç etrabynda häzirki zaman Bitaraplyk şäherçesi dabaraly ýagdaýda açyldy. Arkadag şäheriniň ikinji tapgyrynyň gurluşygy dowam etdirildi. Ýurdumyzda döwrebap obalaryň, häzirki zaman ýaşaýyş jaýlarynyň gurluşygy hem dowam edýär. Bularyň ählisi «Watan diňe halky bilen Watandyr! Döwlet diňe halky bilen döwletdir!» diýen şygarymyzyň üstünlikli durmuşa geçirilýändigini görkezýär.

Eziz watandaşlar!

Oba hojalyk pudagynda geçirýän özgertmelerimiz hem rowaçlyklara beslenýär. Edermen daýhanlarymyz Watan harmanyna 1 million 400 müň tonnadan gowrak ýokary hilli bugdaý hasylyny tabşyryp, şertnamalaýyn borçnamany üstünlikli ýerine ýetirdiler. Ýygnalan bol galla hasyly mähriban halkymyzyň, berkarar Watanymyzyň baýlygydyr, saçaklarymyzyň rysgal-berekedidir. Geljekde hem oba zähmetkeşlerini ykdysady taýdan höweslendirmek, pudagyň maddy-enjamlaýyn binýadyny berkitmek boýunça netijeli çäreleri durmuşa geçireris.

Ýurdumyzyň nebitgaz, ulag-aragatnaşyk we söwda toplumlarynda hem köp işler amala aşyrylýar. Bu toplumlar berkarar döwletimiziň gazanýan ösüşlerine mynasyp goşant goşýarlar.

Eziz watandaşlar!

Halkymyzyň saglygy, abadan we bagtyýar durmuşy biziň alyp barýan döwlet syýasatymyzyň möhüm ugry bolup durýar. Tamamlanyp barýan ýylda Aşgabat şäherinde köpugurly hassahananyň, Ahal welaýatynyň Tejen şäherinde köpugurly hassahananyň, şeýle hem Daşoguz welaýatynyň Daşoguz şäherinde Enäniň we çaganyň saglygyny goraýyş merkeziniň gurluşygyna badalga berildi. Ynsan saglygyny goramak boýunça alyp barýan işlerimizi geljekde hem dowam etdireris.

Ylym we bilim ulgamlarynda hem netijeli özgertmeler durmuşa geçirildi. Türkmenistanyň Döwlet energetika institutynyň döwrebap okuw binalar toplumy, Halkara senagatçylar we telekeçiler uniwersitetiniň binalar toplumy we başga-da köp sanly bilim maksatly desgalar açylyp ulanmaga berildi.

Ýaş nesillerimizi sport bilen meşgullanmaga giňden çekmek, ýurdumyzyň halkara sport abraýyny has-da belende götermek ugrunda hem uly işleri alyp barýarys. Şu ýyl «Galkynyş» milli at üstündäki oýunlar topary Monte-Karlo halkara festiwalynda baş baýraga mynasyp boldy. «Arkadag» futbol topary hem halkara ýaryşda ýeňiş gazanyp, ýurdumyzyň halkara sport abraýyny has-da artdyrdy. Türgenlerimiz dünýä derejesindäki ýaryşlarda üstünlikli çykyş edip, baýrakly orunlara mynasyp boldular. Biz geljekde hem ýurdumyzda sporty ösdürmek boýunça alyp barýan işlerimizi dowam etdireris.

Hormatly adamlar!

Biz milli medeniýetimizi ösdürmek, mirasymyzy gorap saklamak, wagyz etmek boýunça hem giň gerimli işleri alyp barýarys. Halkara parahatçylyk we ynanyşmak ýylynda Aşgabat şäheri ÝUNESKO-nyň öwreniji şäherleriniň bütindünýä toruna girizildi. Şeýle hem türkmen alabaý itlerini ösdürip ýetişdirmek däpleri ÝUNESKO-nyň Adamzadyň maddy däl medeni mirasynyň sanawyna girizildi. Geçip barýan ýylda halkara derejede dürli medeni çäreler, Medeniýet günleri yzygiderli geçirildi. Geljek ýyl Medeniýet hepdeligini Balkan welaýatynda ýokary derejede geçireris.

Eziz watandaşlar!

Şu ýyl ýurdumyzyň başlangyjy bilen Birleşen Milletler Guramasynyň Baş Assambleýasy tarapyndan «Türkmenistanyň hemişelik Bitaraplygy» atly Kararnama biragyzdan kabul edildi. Munuň özi Bitaraplyk syýasatymyzyň mynasyp dowam etdirilýändigini ýene-de bir gezek görkezdi.

Halkara parahatçylyk we ynanyşmak ýyly hem-de ýurdumyzyň hemişelik Bitaraplygynyň 30 ýyllygy mynasybetli halkara derejede köp sanly çäreler geçirildi. «Awaza» milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty ýokary derejede geçirildi. Bu ugurda Birleşen Milletler Guramasynyň Baş Assambleýasy tarapyndan «Awaza syýasy Jarnamasy» atly Kararnama biragyzdan kabul edildi. Şeýle hem ýurdumyzyň başlangyjy bilen Birleşen Milletler Guramasynyň Baş Assambleýasy tarapyndan «Birleşen Milletler Guramasynyň Durnukly ulag boýunça onýyllygy (2026 — 2035-nji ýyllar)» hem-de «Durnukly ösüşi üpjün etmekde ygtybarly we durnukly energiýa birikmesiniň esasy orny» atly Kararnamalar biragyzdan kabul edildi.

«Awaza» milli syýahatçylyk zolagynda geçirilen «Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygy ösdürmek» atly halkara maslahat hem möhüm ähmiýete eýe boldy. Halkara maslahatyň jemi boýunça jemleýji resminama kabul edildi. Halkara Bitaraplyk güni mynasybetli geçirilen halkara forum şanly ýylyň iň esasy wakasyna öwrüldi. Ýokary derejede geçirilen halkara forum boýunça Aşgabat Jarnamasy kabul edildi. Bu forum parahatçylyk söýüji döwlet hökmünde ýurdumyzyň abraýyny has-da belende göterdi.

Hormatly adamlar!

Ata Watanymyzy mundan beýläk-de ösdürmek maksady bilen, biz ýetip gelen 2026-njy ýyla «Garaşsyz, baky Bitarap Türkmenistan — bedew batly at-myradyň mekany» ýyly diýip at berdik. Hoşniýetli arzuw-umytlar bilen garşy alýan täze ýylymyzda mukaddes Garaşsyzlygymyzyň şanly 35 ýyllygyny belläp geçeris. Watanymyzy bagtyýarlygyň we rowaçlygyň mekanyna öwürmek ugrunda yhlas bilen zähmet çekeris.

Eziz watandaşlar!

Ýene az salymdan täze — 2026-njy ýyly garşy alarys. Şu pursatda siziň ähliňize berk jan saglygyny we täze üstünlikleri arzuw edýärin.

Täze ýyl abadançylygyň, rysgal-berekediň ýyly bolsun! Maşgala ojaklaryňyza agzybirlik, döwletlilik ýar bolsun!

Täze ýyl rowaçlyk, bagt getirsin!

Täze ýyl bedew bady bilen ähliňizi maksat-myrada ýetirsin!

Täze — 2026-njy ýylyňyz gutly bolsun!

01.01.2026

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti!

Sizi ata Watanymyzda beýik ösüşler, belent maksatlar bilen ruhubelentlikde garşy alynýan täze, 2026-njy ýyl — «Garaşsyz, baky Bitarap Türkmenistan — bedew batly at-myradyň mekany» ýyly mynasybetli türkmen halkynyň hem-de Türkmenistanyň Halk Maslahatynyň adyndan tüýs ýürekden gutlaýaryn. Siziň janyňyzyň sag, ömrüňiziň uzak bolmagyny, bedew bady bilen öňe barýan eziz Watanymyzyň bagtyýar geljegi ugrunda alyp barýan tutumly işleriňiziň hemişe rowaçlyklara beslenmegini arzuw edýärin.

Hormatly Prezidentimiz!

Halkara parahatçylyk we ynanyşmak ýyly Garaşsyz, hemişelik Bitarap Türkmenistanyň taryhynda aýratyn many-mazmuna eýe boldy. Eziz Watanymyzyň hemişelik Bitaraplygynyň şanly 30 ýyllyk toýunyň giňden bellenip geçilmegi ýurdumyzyň halkara derejedäki at-abraýynyň dabaralanmasy bolup, her bir türkmeniň watançylyk ruhuny belende göterdi. Siziň baştutanlygyňyzda Türkmenistan parahatçylyk söýüjilik, hoşniýetli goňşuçylyk we özara bähbitli hyzmatdaşlyk ýörelgelerine ygrarlydygyny ýene bir gezek dünýä äşgär etdi. BMG-niň, abraýly halkara guramalaryň çäklerinde öňe sürülýän başlangyçlar, şol sanda Türkmenistanyň hemişelik Bitaraplygy hakyndaky Kararnamanyň üçünji gezek kabul edilmegi parahatçylyk döredijilikli syýasatymyzyň dünýä jemgyýetçiligi tarapyndan ykrar edilýändiginiň aýdyň beýany boldy. BMG-niň Baş Assambleýasy tarapyndan 2025-nji ýylyň «Halkara parahatçylyk we ynanyşmak ýyly» diýlip yglan edilmegi hem bu hakykaty doly tassyklaýar.

Şanly ýylda, hormatly Prezidentimiz, Siziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly täze kitabyňyzyň halkymyza gowuşmagy Halkara Bitaraplyk gününi, Türkmenistanyň hemişelik Bitaraplygynyň şanly 30 ýyllygyny has-da dabaralandyrdy.

Siziň baştutanlygyňyzda şu ýyl «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň, «Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygy ösdürmek» atly halkara maslahatyň üstünlikli geçirilmegi, Halkara Bitaraplyk gününe bagyşlanyp geçirilen ýokary derejeli halkara forumyň jemleri Türkmenistanyň dünýä jemgyýetçiligindäki abraýyny has-da artdyrdy, döwletimiziň parahatçylyk söýüjilikli taglymatyny ýene-de bir gezek äleme ýaýdy. Şeýle hem ak mermerli Aşgabat şäheriniň ÝUNESKO-nyň öwreniji şäherleriniň bütindünýä toruna, «Türkmen alabaý itlerini ösdürip ýetişdirmek däpleri» atly hödürnamanyň bolsa ÝUNESKO-nyň Adamzadyň maddy däl medeni mirasynyň sanawyna girizilmegi baş şäherimizi ösdürmek boýunça alnyp barylýan işleriň, milli medeni gymmatlyklarymyzyň dünýä derejesinde ykrar edilýändigini görkezýän taryhy wakalar boldy.

Belent mertebeli Prezidentimiz!

Siziň «Watan diňe halky bilen Watandyr! Döwlet diňe halky bilen döwletdir!» diýen baş ýörelgäňizden ugur alyp, ata Watanymyzyň has-da gülläp ösmegi, şan-şöhratynyň arşa göterilmegi, halkymyzyň eşretli durmuşda ýaşamagy babatda durmuşa geçirýän beýik işleriňiz ulus-ilimizde giň goldaw tapýar. Siz şanly ýylyň ahyrky günlerinde türkmen sportunyň halkara abraýyny belende galdyran, halkara bilim bäsleşiklerinde gazanan ýeňişleri bilen Watanymyza mynasyp wekilçilik eden ýaşlary sarpalap, olaryň sylag-serpaýyny ýetirdiňiz.

Siziň alyp barýan durmuş syýasatyňyzyň netijesinde welaýatlarymyz, Aşgabat we Arkadag şäherleri durnukly ösdürilýär. Ýurdumyzyň taryhyndaky ilkinji «akylly» şäher bolan Arkadag şäheri abadan hem-de bagtyýar durmuşymyzyň aýdyň nyşanydyr. Häzirki wagtda «Arkadag şäherini 2024 — 2052-nji ýyllarda ösdürmegiň Konsepsiýasy» esasynda bu şäherdäki işler üstünlikli dowam etdirilýär. Siziň taýsyz tagallalaryňyz bilen şu ýyl Döwletli mekan, Bagtly zamana atly täze, döwrebap obalaryň, Bitaraplyk şäherçesiniň, şeýle hem durmuş we senagat maksatly binalaryň, desgalaryň açylyp ulanmaga berilmegi mähriban halkymyzyň abadançylygy üçin durmuşa geçirilýän işleriň üstünliklere beslenýändigini görkezýär.

Täze ýylda hem eziz Watanymyzyň Siziň baştutanlygyňyzda durnukly ösüş ýolunda ynamly öňe gitjekdigine, halkymyzyň ýaşaýyş-durmuş derejesini ýokarlandyrmak, ykdysady kuwwatymyzy pugtalandyrmak, ýaş nesilleriň bagtyýar geljegini üpjün etmek boýunça beýik maksatlaryň üstünlikli durmuşa geçiriljekdigine berk ynanýaryn.

Hormatly Prezidentimiz!

Sizi täze, 2026-njy ýyl — «Garaşsyz, baky Bitarap Türkmenistan — bedew batly at-myradyň mekany» ýyly mynasybetli türkmen halkynyň hem-de Türkmenistanyň Halk Maslahatynyň adyndan ýene-de bir gezek tüýs ýürekden gutlaýaryn.

Siziň janyňyz sag, ömrüňiz uzak, il-ýurt bähbitli, umumadamzat ähmiýetli tagallalaryňyz mundan beýläk-de rowaç bolsun! Goý, uly ruhubelentlik bilen garşy alýan ýylymyz Garaşsyz, hemişelik Bitarap Türkmenistanyň ösüşleriniň täze sahypasyny açsyn, halkymyza abadançylyk, döwletimize rowaçlyk getirsin! Täze ýylyňyz mübärek bolsun!

Sizi hormatlamak bilen,

Türkmen halkynyň Milli Lideri,
Türkmenistanyň Halk Maslahatynyň Başlygy,
Gahryman Arkadag Gurbanguly Berdimuhamedow.

31.12.2025