Täzelikler

Заседание Совета глав правительств Содружества Независимых Государств

Şu gün paýtagtymyzda Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi geçirildi.

Bitarap Türkmenistan GDA-nyň assosirlenen agzasy hökmünde Arkalaşygyň ýurtlary bilen deňhukukly we netijeli hyzmatdaşlyga ygrarlydyr. Munuň özi türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başyny başlan we häzirki wagtda hormatly Prezidentimiz Serdar Berdimuhamedowyň baştutanlygynda üstünlikli durmuşa geçirilýän ýurdumyzyň daşary syýasatynyň ileri tutulýan ugurlaryna laýyk gelýär. Türkmenistan GDA agza döwletler bilen gatnaşyklary taryhyň dowamynda kemala gelen dostlugyň, hoşniýetli goňşuçylygyň esasynda gurap, köpugurly hyzmatdaşlyk meselelerinde işjeň orny eýeleýär we onuň uly mümkinçiliklerinden netijeli peýdalanmak boýunça anyk başlangyçlary öňe sürýär.

Türkmenistanyň 2026-njy ýylda GDA-da başlyklyk etmeginiň çäklerinde dürli geňeşleriň, komissiýalaryň mejlisleri, beýleki duşuşyklardyr çäreler geçirilýär. Ýurdumyz bu möhüm wezipä jogapkärli çemeleşmek bilen, öňde goýlan wezipeleri bilelikde çözmäge hemmetaraplaýyn ýardam bermäge çalyşýar. Şu maksat bilen, döwletara hyzmatdaşlygyň esasy ugurlaryny öz içine alýan degişli Konsepsiýa işlenip taýýarlanyldy. Şeýlelikde, syýasy babatda sebit howpsuzlygyny we özara ynanyşmak ýagdaýyny pugtalandyrmaga, Bitaraplyk ýörelgelerini ilerletmäge, parahatçylyk dialogynyň, özara düşünişmegiň meýdançasy hökmünde GDA-nyň ornuny pugtalandyrmak üçin diplomatik gurallardan netijeli peýdalanmaga aýratyn üns berildi. Ýurdumyz halkara hukugy goramak boýunça tagallalary utgaşdyrmak ugrunda çykyş edip, hyzmatdaş döwletlere BMG-niň çäklerinde ylalaşykly diplomatik ugry işläp taýýarlamagy teklip edýär.

Türkmenistan söwda-ykdysady ulgamda hyzmatdaşlygy ösdürmek boýunça başlangyçlary ilerletmäge çalyşýar. Şunuň bilen bir hatarda, innowasiýa babatda özara gatnaşyklara aýratyn üns berilýär. Häzirki wagtda ol ählumumy giňişlikde bäsdeşlige ukyplylygyň wajyp şerti bolup durýar.

Ynsanperwer ulgam, şol sanda bilim, ylym, medeniýet, syýahatçylyk, sport, ýaşlar babatda alyşmalar, köpçülikleýin habar beriş serişdeleri Türkmenistanyň GDA-da başlyklyk etmeginiň ileri tutulýan ugurlary hökmünde kesgitlenildi. Saglygy goraýyş ulgamy hem tagallalary birleşdirmegiň möhüm ugurlarynyň biridir. Mälim bolşy ýaly, 2026-njy ýyl Garaşsyz Döwletleriň Arkalaşygynda “Saglygy goramagyň ýyly” diýlip yglan edildi. Türkmenistan bu ulgamda daşary ýurtly hyzmatdaşlar, şol sanda GDA ýurtlary bilen netijeli gatnaşyk edýär. Konsepsiýada ekologiýa we daşky gurşawy goramak, ekologiýa taýdan arassa tehnologiýalary ornaşdyrmak, “ýaşyl” ykdysadyýete geçmek ýaly ugurlarda hyzmatdaşlygy pugtalandyrmak meseleleri öz beýanyny tapdy. Şeýlelikde, bu resminama köpugurly döwletara hyzmatdaşlygy mundan beýläk-de ösdürmäge, häzirki döwrüň ýagdaýlaryny we geljegi nazara alyp, ony täze many-mazmun bilen baýlaşdyrmaga gönükdirilendir.

Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisine gatnaşmak üçin Arkalaşygyň ýurtlarynyň wekiliýetleri Aşgabada geldiler. Geňeşiň mejlisi paýtagtymyzdaky “Garagum” myhmanhanasynda geçirildi. Bu ýerde daşary ýurtly myhmanlary kabul etmek hem-de iri halkara çäreleri guramak üçin ähli şertler göz öňünde tutuldy. Hormatly Prezidentimiz Serdar Berdimuhamedowyň tabşyrygy boýunça Türkmenistanyň wekiliýetine Ministrler Kabinetiniň Başlygynyň orunbasary H.Geldimyradow ýolbaşçylyk etdi.

Türkmenistanyň wekiliýetiniň ýolbaşçysy çäkli düzümde başlanan mejlise gatnaşyjylara ýüzlenip, döwlet Baştutanymyzyň mähirli salamyny we üstünlikli işlemek baradaky arzuwlaryny ýetirdi. GDA-nyň çäklerinde hyzmatdaşlygyň ileri tutulýan ugurlaryny ara alyp maslahatlaşmak üçin Aşgabada gelmek baradaky çakylygy kabul edendikleri üçin ýygnananlara tüýs ýürekden hoşallyk beýan edildi. Şunda Türkmenistanyň umumy abadançylygyň bähbitlerine laýyk gelýän döwletara hyzmatdaşlygy pugtalandyrmaga çalyşýandygy tassyklanyldy.

Bellenilişi ýaly, Garaşsyz Döwletleriň Arkalaşygy ykdysady ösüşiň durnuklylygyny, halklarymyzyň rowaçlygyny üpjün etmekde ýurtlarymyzy umumy bähbitler arkaly birleşdirýän möhüm meýdança bolup durýar. Türkmenistan GDA-da başlyklyk etmeginiň çäklerinde üstaşyr ulag arabaglanyşygyny ösdürmek, energetika, senagat hyzmatdaşlygy, sanly özgertmeler, azyk howpsuzlygy, suw-ekologiýa gün tertibi ýaly ugurlarda tagallalary utgaşdyrmak ugrunda çykyş edýär.

Soňra Garaşsyz Döwletleriň Arkalaşygynyň Baş sekretary Sergeý Lebedewe söz berildi. Ol mejlisiň gün tertibi boýunça degişli maglumat bilen çykyş etdi. Gün tertibi tassyklanandan soňra, GDA-nyň çäklerinde hyzmatdaşlyk etmegiň möhüm meseleleri, hususan-da, özara bähbitli söwda-ykdysady gatnaşyklaryň geljegi barada gyzyklanma bildirilip pikir alşyldy. Şunuň bilen baglylykda, ykdysadyýetiň dürli pudaklarynda netijeli gatnaşyklary giňeltmek, özara haryt dolanyşygynyň möçberini artdyrmak hem-de ony diwersifikasiýalaşdyrmak üçin uly kuwwatyň bardygy bellenildi. Şunda bu ugurdaky hyzmatdaşlygy utgaşdyrýan, Arkalaşygyň çäklerinde gazanylan ylalaşyklaryň we şertnamalaryň, GDA-nyň döwlet Baştutanlarynyň Geňeşiniň hem-de Hökümet Baştutanlarynyň Geňeşiniň degişli çözgütleriniň amala aşyrylmagyny üpjün edýän ýerine ýetiriji gurama hökmünde GDA-nyň ykdysady Geňeşine möhüm orun degişlidir.

Türkmenistan öz tarapyndan geljegi nazara almak bilen, bu ulgamda netijeli gatnaşyklary ösdürmäge uly üns berýär. Gahryman Arkadagymyzyň başlangyjy esasynda 2019-njy ýylyň oktýabrynda Aşgabatda geçirilen GDA-nyň sammitiniň netijeleri boýunça kabul edilen Arkalaşyga gatnaşyjy döwletleriň strategik ykdysady hyzmatdaşlygy hakynda Jarnama munuň aýdyň mysalydyr. Bu resminama GDA-nyň 2030-njy ýyla çenli döwür üçin ykdysady ösüş Strategiýasynyň esasyny düzdi. Onuň kabul edilmegi döwletara hyzmatdaşlygyň gün tertibini täze many-mazmun bilen baýlaşdyrdy.

Türkmenistan GDA döwletleriniň ulag-kommunikasiýa, logistika we infrastruktura mümkinçilikleriniň doly derejede açylmagyna uly ähmiýet berip, bu ugurda yzygiderli çäreleri görýär. Ýurdumyz durnukly Ýewraziýa ulag-logistika geçelgelerini döretmek ugrunda çykyş edýär. Şunuň bilen baglylykda, Türkmenbaşy Halkara deňiz portunyň, Merkezi Aziýanyň we Hazar sebitiniň demir ýol ugurlarynyň mümkinçiliklerini birleşdirmegiň, GDA döwletleriniň arasynda multimodal gatnawlaryny mundan beýläk-de ösdürmegiň zerurdygy äşgärdir. Bu babatda Arkalaşygyň ulag ýollaryny Demirgazyk — Günorta, Gündogar — Günbatar ugurlary boýunça halkara geçelgeler bilen sazlaşdyrmak, ulag hyzmatlarynyň hilini hem-de elýeterliligini ýokarlandyrmak aýratyn ähmiýete eýe bolýar.

Türkmenistan ägirt uly energetika kuwwatyna eýe bolmak bilen, bu ulgamda, şol sanda energiýa serişdelerini ibermekde gatnaşyklary pugtalandyryp, elektroenergetika infrastrukturasyny ösdürmäge, energiýa babatda netijeli tehnologiýalara, gaýtadan dikeldilýän energiýa ulgamynda bilelikdäki taslamalara aýratyn üns berýär. Ýurdumyz GDA-da başlyklyk etmeginiň çäklerinde hyzmatdaşlygyň ykdysady ugry babatda özara söwdany, maýa goýum, işewürler işjeňligini höweslendirmegi we ösdürmegi ileri tutulýan wezipeleriň hatarynda kesgitleýär. Türkmenistan ekologiýa, howa, azyk howpsuzlygyny üpjün etmek meselelerini çözmäge jogapkärli çemeleşip, suw tygşytlaýjy tehnologiýalar, tebigatdan rejeli peýdalanmak, obasenagat kooperasiýasy, ekologiýa ugurly taslamalar ulgamynda özara gatnaşyklary giňeltmek ugrunda çykyş edýär.

Soňra mejlis öz işini giňişleýin düzümde dowam etdi. Mejlisiň öňüsyrasynda wekiliýetleriň ýolbaşçylary GDA-nyň Hökümet Baştutanlarynyň Geňeşiniň mejlisiniň resmi banneriniň, Arkalaşyga agza ýurtlaryň Döwlet baýdaklarynyň hem-de GDA-nyň baýdagynyň öňünde bilelikde surata düşdüler.

Mejlisiň dowamynda döwletara hyzmatdaşlygyň ileri tutulýan meseleleri boýunça netijeli pikir alyşmalar boldy. Türkmen tarapy özara bähbitli ykdysady hyzmatdaşlygy pugtalandyrmaga, ulag arabaglanyşygyny giňeltmäge, sanly tehnologiýalary ösdürmäge, senagat integrasiýasynyň döwrebap gurallaryny döretmäge aýratyn üns berdi. Bellenilişi ýaly, häzirki zaman şertlerinde özara bähbitlilige, birek-biregiň bähbitlerine hormat goýmaga, uzak möhletli strategik garaýyşlara esaslanýan hyzmatdaşlygyň durnukly gurallaryny döretmäge ylalaşykly çemeleşmeler zerur bolup durýar. Şunuň bilen baglylykda, Türkmenistanyň ulag we logistikany, bu ulgamlarda, söwda ulgamynda sanly çözgütleri ösdürmegi hyzmatdaşlygyň geljegi uly ugurlarynyň hatarynda kesgitleýändigi aýdyldy.

Şeýle-de maslahat-sergi işi, senagat toplumynyň pudaklarynda sanly özgertmeler ýaly birnäçe ugurlarda hyzmatdaşlygyň geljegi ara alnyp maslahatlaşyldy.

Türkmenistan innowasion ösüş ýoluna düşüp, ykdysadyýeti, şol sanda senagat, ulag pudaklaryny sanly özgertmek boýunça yzygiderli ädimleri ädýär. Häzirki zaman şertlerinde sanly we intellektual tehnologiýalaryň ornaşdyrylmagy senagat taýdan ösüşiň, pudaklary döwrebaplaşdyrmagyň, önümçiligiň netijeliligini, hilini we çeýeligini ýokarlandyrmagyň, netijede, önümleriň bäsdeşlige ukyplylygyny berkitmegiň möhüm şertidir. Söwda, ulag-logistika ulgamlarynda sanly çözgütleriň ulanylmagy harytlary ibermegiň logistika binýadyny pugtalandyrmaga mümkinçilik berýär. Munuň özi eksport-import amallaryny, tutuşlygyna söwda işlerini ýeňilleşdirýär. “Türkmenistanda sanly ykdysadyýeti ösdürmegiň 2026 — 2028-nji ýyllar üçin Konsepsiýasynyň” we degişli Döwlet maksatnamasynyň kabul edilmegi ýurdumyzda sanly ulgama geçmek işiniň täze tapgyryny alamatlandyrdy. Olar hormatly Prezidentimiz Serdar Berdimuhamedowyň Kararlary bilen tassyklanyldy. Türkmenistan bu ugurda döwletara hyzmatdaşlygy işjeňleşdirmek meselelerine jogapkärli çemeleşip, senagat kooperasiýasyny giňeltmegiň, energetika, himiýa we dokma senagaty, dag-magdan toplumy, gurluşyk serişdelerini öndürmek ýaly ulgamlarda we beýleki birnäçe pudaklarda wajyp taslamalary durmuşa geçirmegiň geljeginiň uludygyny belleýär.

Türkmenistan tarapyndan 2027-nji ýylda Belarus Respublikasynyň Minsk şäheriniň, 2028-nji ýylda Gazagystan Respublikasynyň Karaganda şäheriniň “GDA-nyň ýaşlar paýtagty” diýlip yglan edilmegi hakyndaky çözgüt goldanyldy. Şunda Türkmenistanyň ynsanperwer we ýaşlar babatdaky hyzmatdaşlyga Arkalaşygyň döwletleriniň hem-de olaryň halklarynyň arasyndaky özara düşünişmegiň, uzak möhletli gatnaşyklaryň möhüm şerti hökmünde garaýandygy aýdyldy.

Mejlisiň gün tertibiniň çäklerinde degişli guramaçylyk meselelerine hem garaldy. Mejlis tamamlanandan soňra, jemleýji resminamalara gol çekmek dabarasy boldy. Şolaryň hatarynda 2027-nji ýylda Minsk şäherini (Belarus Respublikasy), 2028-nji ýylda Karaganda şäherini (Gazagystan Respublikasy) “GDA-nyň ýaşlar paýtagty” diýip yglan etmek hakynda Çözgüt bar.

Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisiniň netijeleri metbugat maslahatynda beýan edildi. Bellenilişi ýaly, mejlisde GDA-nyň çäklerinde hyzmatdaşlygyň giň meseleleri gyzyklanma bildirilip ara alnyp maslahatlaşyldy. Şunda mejlisiň ýokary guramaçylyk derejesi hem-de onuň netijeli häsiýete eýe bolandygy nygtaldy. Gün tertibine girizilen meseleleriň ählisi boýunça degişli çözgütler kabul edildi, resminamalaryň birnäçesine gol çekildi. Mejlisiň netijeleriniň Arkalaşyga gatnaşyjy döwletleriň arasynda özara bähbitli hyzmatdaşlygy mundan beýläk-de okgunly ösdürmäge ýardam etjekdigine ynam bildirildi. Şu mejlisi guramaga beren goldawy hem-de bilelikde üstünlikli işlemek babatda döredilen ajaýyp şertler üçin hormatly Prezidentimiz Serdar Berdimuhamedowyň we türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň adyna tüýs ýürekden hoşallyk beýan edildi. Mejlis ýokary derejede, işjeň we açyk dialog ýagdaýynda geçdi.

Şeýlelikde, “Garaşsyz, baky Bitarap Türkmenistan — bedew batly at-myradyň mekany” ýylynda Aşgabatda geçirilen Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi döwletimiziň GDA-nyň çäklerinde ikitaraplaýyn we köptaraplaýyn hyzmatdaşlyga, netijeli halkara gatnaşyklara ygrarlydygyny, şeýle hem Arkalaşyga gatnaşyjy ýurtlaryň ählumumy abadançylygyň, durnukly ösüşiň bähbitlerine laýyk gelýän giň gerimli hyzmatdaşlygy mundan beýläk-de işjeňleşdirmäge çalyşýandyklaryny tassyklady.

Сегодня в туркменской столице состоялось заседание Совета глав правительств Содружества Независимых Государств.

Являясь ассоциированным членом СНГ, нейтральный Туркменистан привержен равноправному конструктивному партнёрству со странами Содружества в двустороннем и многостороннем форматах, что отвечает приоритетам внешнеполитического курса Отчизны, инициированного Национальным Лидером туркменского народа, Председателем Халк Маслахаты Героем-Аркадагом и ныне успешно реализуемого под руководством Президента Сердара Бердымухамедова. Выстраивая отношения с государствами-участниками СНГ на прочной основе дружбы и добрососедства, исторически сложившихся связей, наша страна занимает активную позицию в вопросах разнопланового взаимодействия, выдвигая конкретные инициативы по оптимальной реализации его солидного потенциала.

В рамках председательства Туркменистана в СНГ в 2026 году проводятся заседания различных советов, комиссий, другие встречи и мероприятия. Наша страна со всей ответственностью воспринимает эту важную миссию, стремясь всецело содействовать успешному совместному решению поставленных задач. С этой целью разработана соответствующая Концепция, охватывающая ключевые векторы межгосударственного сотрудничества.

Так, в политическом измерении сделан акцент на укреплении региональной безопасности и взаимного доверия, продвижении принципов нейтралитета, активизации дипломатических механизмов в целях упрочения роли СНГ как площадки мирного диалога и взаимопонимания. Выступая за консолидацию усилий по защите международного права, наша страна предлагает государствам-партнёрам разработать согласованную дипломатическую линию в рамках ООН.

Туркменистан также нацелен на продвижение инициатив по наращиванию сотрудничества в торгово-экономической сфере. Наряду с этим особое внимание уделяется инновационному взаимодействию, которое сегодня является неотъемлемым фактором конкурентоспособности на глобальной арене.

Одним из приоритетов председательства Туркменистана в СНГ определено гуманитарное измерение, включая образование, науку, культуру, туризм, спорт, молодёжные обмены, СМИ. Важным направлением сложения усилий также обозначена сфера здравоохранения. Как известно, 2026 год объявлен в Содружестве Независимых Государств «Годом охраны здоровья». Туркменистан эффективно взаимодействует в данной области с зарубежными партнёрами, в том числе со странами СНГ.

Вместе с тем в Концепции нашли отражение вопросы укрепления сотрудничества в таких актуальных направлениях, как экология и охрана окружающей среды, внедрение экологически чистых технологий и переход к «зелёной» экономике. Таким образом, данный документ нацелен на дальнейшее поступательное развитие многовекторного межгосударственного партнёрства, придание ему нового наполнения с учётом современных реалий и перспектив.

Для участия в очередном заседании Совета глав правительств Содружества Независимых Государств в Ашхабад прибыли представительные делегации стран-членов СНГ.

Местом проведения заседания СГП СНГ стал столичный отель «Garagum», где предусмотрены все условия, как для приёма зарубежных гостей, так и для организации крупных международных мероприятий. По поручению Президента Сердара Бердымухамедова делегацию Туркменистана возглавил заместитель Председателя Кабинета Министров Х.Гелдимырадов.

Обращаясь к участникам заседания, начавшегося в узком составе, руководитель делегации Туркменистана передал слова приветствия и пожелания успешной работы от имени Президента Сердара Бердымухамедова.

В адрес собравшихся была выражена искренняя признательность за принятое приглашение посетить Ашхабад для обсуждения приоритетных направлений сотрудничества в формате СНГ. При этом была подтверждена нацеленность Туркменистана на укрепление и расширение межгосударственного партнёрства, отвечающего интересам общего благополучия.

Как отмечалось, Содружество Независимых Государств является значимой региональной площадкой, объединяющей наши страны общими интересами в обеспечении стабильности и устойчивости экономического развития, процветания наших народов. В контексте своего председательства в СНГ Туркменистан выступает за сосредоточение усилий на таких направлениях, как транспортно-транзитная взаимосвязанность, энергетическое и промышленное партнёрство, цифровая трансформация экономики, продовольственная устойчивость и водно-экологическая повестка.

Далее слово было предоставлено Генеральному секретарю Содружества Независимых Государств Сергею Лебедеву, который выступил с соответствующей информацией по повестке дня заседания и его регламенту. После их утверждения состоялся заинтересованный обмен мнениями по актуальным вопросам сотрудничества в рамках СНГ, в частности, о перспективах взаимовыгодного торгово-экономического партнёрства.

В данном контексте отмечалось наличие солидного потенциала и возможностей для расширения продуктивных связей в различных отраслях экономики, увеличения объёмов взаимного товарооборота и его диверсификации. Значимая роль в этом принадлежит Экономическому совету СНГ как основному исполнительному органу, координирующему сотрудничество в данном направлении, обеспечивающему выполнение достигнутых соглашений и договоров в рамках Содружества, соответствующих решений Совета глав государств и Совета глав правительств СНГ.

Со своей стороны, Туркменистан уделяет большое внимание интенсификации эффективного взаимодействия в данной сфере с проекцией на будущее. Подтверждением тому является инициированная Героем-Аркадагом Декларация о стратегическом экономическом сотрудничестве государств-участников Содружества, которая была принята по итогам Саммита СНГ, состоявшегося в Ашхабаде в октябре 2019 года. Этот концептуальный документ лёг в основу Стратегии экономического развития СНГ на период до 2030 года, принятие которой придало новую содержательную повестку всему ходу межгосударственного партнёрства.

Туркменистан также придаёт большое значение максимальному раскрытию транспортно-коммуникационного, логистического и инфраструктурного потенциала государств СНГ, инициируя систематические шаги в данном направлении. Наша страна последовательно выступает за формирование устойчивых евразийских транспортных и логистических коридоров. В этой связи востребованными являются объединение возможностей Международного морского порта Туркменбаши, железнодорожных маршрутов Центральной Азии и Каспийского региона, а также дальнейшее развитие мультимодальных перевозок между государствами СНГ. Здесь особое значение приобретают сопряжение транспортных артерий Содружества с международными коридорами по направлениям Север–Юг и Восток–Запад, повышение качества и доступности транспортных услуг.

Располагая внушительным энергетическим потенциалом и выступая за укрепление взаимодействия в данной сфере, в том числе в области поставок энергоносителей, Туркменистан также акцентирует внимание на развитии электроэнергетической инфраструктуры, энергоэффективных технологий, совместных проектов по линии возобновляемой энергетики. В аспекте экономической составляющей сотрудничества наша страна в рамках своего председательства в СНГ ставит в ряду приоритетных задач стимулирование и наращивание взаимной торговли, инвестиционной и деловой активности.

Туркменистан также самым серьёзным и ответственным образом подходит к решению вопросов экологической и климатической проблематики, обеспечения продовольственной безопасности, выступая за расширение взаимодействия в области водосберегающих технологий, рационального природопользования, агропромышленной кооперации и экологически ориентированных проектов.

Далее заседание продолжилось в расширенном составе. Его предварило совместное фотографирование глав делегаций на фоне официального баннера заседания СГП СНГ, Государственных флагов стран-членов Содружества и Флага СНГ.

В ходе заседания состоялся конструктивный обмен мнениями по приоритетным вопросам межгосударственного партнёрства. Туркменской стороной особое внимание было уделено укреплению взаимовыгодного экономического сотрудничества, расширению транспортной связанности, развитию цифровых технологий и формированию современных механизмов промышленной кооперации.

Констатировалось, что в современных условиях особенно востребованы согласованные подходы к формированию устойчивых механизмов партнёрства, основанных на прагматизме, взаимной выгоде, уважении интересов друг друга и долгосрочном стратегическом видении.

В данной связи отмечалось, что в числе наиболее важных и перспективных направлений сотрудничества Туркменистан выделяет транспорт и логистику, развитие цифровых решений в данных областях и в сфере торговли.

Обсуждались также перспективы партнёрства по линии конгрессно-выставочной деятельности, цифровой трансформации отраслей индустриального комплекса. Состоялся обмен мнениями по вопросам взаимодействия в ряде других направлений.

Встав на путь инновационного развития, Туркменистан предпринимает последовательные шаги по цифровой трансформации экономики, в том числе промышленного и транспортного секторов. В современных реалиях внедрение цифровых и интеллектуальных технологий – ключевой фактор индустриального роста, модернизации отраслей, повышения эффективности, качества и гибкости производства и, как следствие, конкурентоспособности продукции. Использование цифровых решений и платформ в сферах торговли, транспорта и логистики позволяет оптимизировать цепочки поставок товаров, что существенно упрощает экспортно-импортные операции и в целом торговые процедуры. Новый этап процесса цифровизации в нашей стране ознаменовало принятие Концепции развития цифровой экономики в Туркменистане на 2026–2028 годы и соответствующей Государственной программы, которые были утверждены Постановлениями Президента Сердара Бердымухамедова.

Демонстрируя инициативный подход к вопросам активизации межгосударственного сотрудничества в данном направлении, в том числе по линии подготовки высококвалифицированных профильных специалистов, Туркменистан также отмечает перспективность расширения промышленной кооперации, включая проекты в таких сферах, как энергетика, химическая и текстильная индустрия, горно-металлургический комплекс, производство строительных материалов, ряд других отраслей.

Кроме того, со стороны Туркменистана была выражена поддержка решения об объявлении Молодёжной столицей СНГ в 2027 году города Минск Республики Беларусь и в 2028 году – города Караганда Республики Казахстан. При этом отмечалось, что наша страна рассматривает гуманитарное и молодёжное сотрудничество как важный фактор укрепления дружбы, взаимопонимания и долгосрочных связей между государствами и народами Содружества.

В рамках повестки дня заседания также были рассмотрены соответствующие организационные вопросы.

По завершении заседания состоялась церемония подписания итоговых документов, в числе которых – Решение об объявлении Молодёжной столицей СНГ города Минск (Республика Беларусь) в 2027 году и города Караганда (Республика Казахстан) в 2028 году.

Итоги заседания Совета глав правительств Содружества Независимых Государств были озвучены на пресс-конференции. Как сообщалось, состоялось заинтересованное обсуждение широкого спектра вопросов сотрудничества в формате СНГ. При этом подчёркивались высокий организационный уровень заседания и его результативность. По всем вопросам, вынесенным на повестку дня, приняты соответствующие решения, подписан ряд документов. Была выражена уверенность, что итоги заседания будут способствовать дальнейшему развитию разнопланового взаимовыгодного партнёрства, интеграционных процессов на пространстве Содружества.

В адрес Президента Сердара Бердымухамедова и Национального Лидера туркменского народа, Председателя Халк Маслахаты Туркменистана Героя-Аркадага была выражена глубокая признательность за проявленное внимание и оказанное содействие в организации нынешнего заседания, которое прошло на высоком уровне, в деловом ключе, в атмосфере открытого конструктивного диалога, за создание необходимых условий для успешной совместной работы.

Таким образом, проведённое в Ашхабаде в году «Независимый нейтральный Туркменистан – родина целеустремлённых крылатых скакунов» заседание Совета глав правительств Содружества Независимых Государств вновь наглядно продемонстрировало приверженность Отчизны двустороннему и многостороннему сотрудничеству в формате СНГ и в целом конструктивному международному взаимодействию, а также подтвердило нацеленность стран-участниц на дальнейшую активизацию плодотворного партнёрства, отвечающего интересам общего благополучия и устойчивого развития.

В рамках повестки дня заседания также были рассмотрены соответствующие организационные вопросы.

Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi.

Ilki bilen, Ministrler Kabinetiniň Başlygynyň orunbasary H.Geldimyradow Türkmenistanyň 2027-nji ýyl üçin Döwlet býujetini işläp düzmek boýunça alnyp barylýan işler barada hasabat berdi.

Bellenilişi ýaly, geljek ýyl üçin Döwlet býujetiniň, Türkmenistany durmuş-ykdysady taýdan ösdürmegiň esasy ugurlarynyň we maýa goýum Maksatnamasynyň taslamalaryny öz wagtynda işläp düzmek maksady bilen, Türkmenistanyň 2027-nji ýyl üçin Döwlet býujetini düzmek hakynda Türkmenistanyň Prezidentiniň Kararynyň taslamasy taýýarlanyldy. Bu taslamada Döwlet býujetini düzmek üçin ministrlikler, pudaklaýyn dolandyryş edaralary, häkimlikler tarapyndan berilmäge degişli hasabatlary hem-de maglumatlary taýýarlamagyň tertibi we möhletleri anyk kesgitlenildi. Geljek ýylyň Döwlet býujeti, maliýe-ykdysady görkezijileri düzülende Türkmenistanyň Prezidentiniň degişli maksatnamasyndan, hakyky mümkinçiliklerden, degişli hasaplama görkezijilerinden ugur almak göz öňünde tutulýar.

Geljek ýylda ýurdumyzyň makroykdysady ýagdaýyny, jemi içerki önümiň ösüş depginini, maliýe, pul-karz ulgamyny durnukly saklamak, ykdysadyýetiň pudaklaryny depginli ösdürmegi we giň gerimli özgertmeleri dowam etdirmek, maýa goýumlaryň esasy bölegini täze önümçiliklere gönükdirmek bilen, olaryň netijeliligini artdyrmak, pudaklara sanly ulgamy, täze tehnologiýalary ornaşdyrmagy dowam etdirmek, amatly işewürlik gurşawyny döretmek, ilatymyzyň ýaşaýyş-durmuş derejesini mundan beýläk-de ýokarlandyrmak babatda çäreleri durmuşa geçirmek maksat edinilýär. Şunuň bilen baglylykda, wise-premýer döwlet Baştutanymyzyň garamagyna degişli resminamanyň taslamasyny hödürledi.

Hormatly Prezidentimiz hasabaty diňläp, ýurdumyzy durmuş-ykdysady taýdan ösdürmek boýunça netijeli işleriň amala aşyrylýandygyny belledi. Döwlet Baştutanymyz bu işleri geljek ýylda hem dowam etdirmek maksady bilen, Türkmenistanyň 2027-nji ýyl üçin Döwlet býujetini düzmek hakynda Karara gol çekdi we wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary G.Agajanow Hazar deňziniň türkmen böleginde ýerleşýän ygtyýarlandyrylan deňiz toplumlaryny özleşdirmek boýunça alnyp barylýan işler barada hasabat berdi. Bellenilişi ýaly, ýurdumyzyň ykdysadyýetine daşary ýurt maýa goýumlaryny işjeň çekmek babatda döredilen hukuk, ykdysady şertler hem-de oňyn maýa goýum gurşawy esasynda iri daşary ýurt kompaniýalary bilen nebitgaz pudagynda netijeli hyzmatdaşlyk alnyp barylýar. Hususan-da, Hazar deňziniň türkmen böleginde ýerleşýän ygtyýarlandyrylan deňiz toplumlaryny özleşdirmek babatda giň gerimli işler amala aşyrylýar we möhüm ähmiýetli taslamalar durmuşa geçirilýär. Şunuň bilen baglylykda, wise-premýer döwlet Baştutanymyzyň garamagyna degişli teklibi hödürledi.

Hormatly Prezidentimiz hasabaty diňläp, Hazar deňziniň türkmen bölegindäki nebitgaz ýataklarynyň özleşdirilmeginiň uglewodorod gorlaryny artdyrmaga, daşary ýurt maýa goýumlaryny çekmäge ýardam berýändigini aýtdy. Döwlet Baştutanymyz bu ugurda daşary ýurtly hyzmatdaşlar bilen işleri dowam etdirmek baradaky teklibi goldap, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary T.Atahallyýew oba hojalyk pudagynda we welaýatlarda möwsümleýin işleriň alnyp barlyşy barada hasabat berdi.

Nygtalyşy ýaly, häzirki wagtda gowaça ekilen meýdanlarda hatarara bejergi, otag etmek we ýekelemek, mineral dökünler bilen iýmitlendirmek, ösüş suwuny tutmak işleri alnyp barylýar. Daşoguz welaýatynda şaly ekmek işleri geçirilýär, Lebap welaýatynda şaly ekmek möwsümine taýýarlyk görülýär. Welaýatlarda ýeralmanyň, gök-bakja önümleriniň öndürilýän möçberini artdyrmak hem-de bu önümler bilen ilatymyzy ýeterlik möçberde üpjün etmek maksady bilen, ekerançylyk meýdanlarynda ýazlyk ekinlere agrotehnikanyň kadalaryna laýyklykda ideg etmek, hasyly ýygnap almak işleri alnyp barylýar.

Wise-premýer ýetişdirilen bugdaýyň bol hasylyny gysga wagtda ýygnap almak maksady bilen, hormatly Prezidentimize ussat daýhanlaryň, tejribeli hünärmenleriň, alymlaryň we mehanizatorlaryň gatnaşmagynda welaýatlarda tejribe maslahatlaryny geçirmegiň, il içinde hormatlanylýan ýaşulularyň gatnaşmagynda galla oragyna başlamagyň senesini belläp, oňa ak pata bermegi baradaky haýyş bilen ýüzlendi.

Döwlet Baştutanymyz hasabaty diňläp, ýurdumyzyň oba hojalyk pudagyny toplumlaýyn ösdürmegi, pudagyň maddy-enjamlaýyn binýadyny berkitmegi hemişe üns merkezinde saklamagyň möhümdigini aýtdy. Şeýle hem wise-premýere welaýatlaryň gowaça ekilen meýdanlarynda agrotehniki kadalara laýyklykda ideg etmek işlerini dowam etdirmek tabşyryldy.

Hormatly Prezidentimiz Ministrler Kabinetiniň agzalaryna ýüzlenip, şu ýyl ýurdumyzyň welaýatlarynda gallanyň bol hasylynyň ösdürilip ýetişdirilendigini aýtdy. Şunuň bilen baglylykda, döwlet Baştutanymyz ýurdumyzyň Ahal, Lebap, Mary welaýatlarynda 3-nji iýunda, Balkan we Daşoguz welaýatlarynda bolsa 10-njy iýunda galla oragyna başlamaga ak pata berdi hem-de hormatly ýaşululardan galla oragyna «bismilla» bilen başlap bermeklerini haýyş etdi. Arkadagly Gahryman Serdarymyz zähmetsöýer gallaçy daýhanlara, ähli oba hojalyk işgärlerine alyp barýan işlerinde uly üstünlikleri arzuw etdi.

Ministrler Kabinetiniň Başlygynyň orunbasary B.Annamämmedow Aşgabat şäheriniň Büzmeýin etrabynda umumybilim berýän mekdepleri, çagalar bagyny we saglyk öýüni gurmak boýunça alnyp barylýan işler barada hasabat berdi.

Bellenilişi ýaly, Türkmenistanyň Prezidentiniň degişli maksatnamasynda bellenen wezipeleri üstünlikli durmuşa geçirmek maksady bilen, şu etrabyň “Bagyr” ýaşaýyş toplumynda 2 sany her biri 720 orunlyk umumybilim berýän mekdebi, 320 orunlyk çagalar bagyny hem-de saglyk öýüni gurmak boýunça degişli çäreler görülýär. Gurulmagy meýilleşdirilýän mekdeplerde we çagalar bagynda ýaş nesliň döwrebap bilim-terbiýe almagy üçin ähli oňaýly şertler dörediler. Ýurdumyzyň saglygy goraýyş ulgamyny mundan beýläk-de ösdürmek, onuň maddy-enjamlaýyn binýadyny pugtalandyrmak maksady bilen, guruljak saglyk öýüni häzirki zaman lukmançylyk serişdeleri we kämil enjamlar bilen üpjün etmek göz öňünde tutulýar. Şunuň bilen baglylykda, wise-premýer döwlet Baştutanymyzyň garamagyna degişli teklibi hödürledi.

Hormatly Prezidentimiz hasabaty diňläp, ýurdumyzy, şol sanda Aşgabat şäherini durmuş-ykdysady taýdan ösdürmek boýunça bellenen wezipeleriň üstünlikli durmuşa geçirilýändigini nygtady. Döwlet Baştutanymyz paýtagtymyzyň binagärlik-şähergurluşyk keşbini has-da gözelleşdirmek maksady bilen, Aşgabat şäheriniň Büzmeýin etrabynda umumybilim berýän mekdepleri, çagalar bagyny we saglyk öýüni gurmak hakynda Karara gol çekip, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary N.Atagulyýew Türkmen halysynyň baýramy mynasybetli geçiriljek dabaralara görülýän taýýarlyk barada hasabat berdi.

Bellenilişi ýaly, şanly sene mynasybetli haly we haly önümleriniň sergisini hem-de Türkmen halyşynaslarynyň bütindünýä jemgyýetiniň XXVI mejlisini geçirmek meýilleşdirilýär. Serginiň çäginde Türkmen halysynyň milli muzeýinde ýurdumyzda milli halyçylyk sungatyny ösdürmekde uly hyzmatlary bitiren halyçy zenanlara «Türkmenistanyň at gazanan halyçysy» atly döwlet sylagyny dabaraly ýagdaýda gowşurmak göz öňünde tutulýar. Türkmen halyşynaslarynyň bütindünýä jemgyýetiniň mejlisine birnäçe döwletden belli halyşynaslaryň, türkmen halysynyň muşdaklarynyň, alymlaryň hem-de ussat hünärmenleriň, halyçylyk bilen meşgullanýan wekilleriň gatnaşmagyna garaşylýar. Şeýle-de paýtagtymyzda «Arşyň nepisligi», «Janly rowaýat» atly maslahatlaryň geçirilmegi meýilleşdirilýär.

Döwlet Baştutanymyz hasabaty diňläp, ýurdumyzda halyçylyk sungatyny ösdürmäge we kämilleşdirmäge uly üns berilýändigini belledi. Hormatly Prezidentimiz wise-premýere Türkmen halysynyň baýramy mynasybetli çäreleri, haly önümleriniň sergisini hem-de türkmen halyşynaslarynyň bütindünýä jemgyýetiniň mejlisine gowy taýýarlyk görmegi we olary ýokary derejede geçirmegi tabşyrdy.

Ministrler Kabinetiniň Başlygynyň orunbasary B.Seýidowa 2026-njy ýylyň iýun aýynda geçiriljek esasy çäreleriň Tertibi barada hasabat berdi.

Bellenilişi ýaly, iýun aýynyň dowamynda 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip yglan edilmegi, mukaddes Garaşsyzlygymyzyň 35 ýyllyk baýramy, Çagalary goramagyň halkara güni, Bütindünýä welosiped güni, Daşky gurşawy goramagyň bütindünýä güni, Ylymlar güni, Medeniýet we sungat işgärleriniň hem-de Magtymguly Pyragynyň şygryýet güni mynasybetli dürli çäreleriň, dabaralaryň, aýdym-sazly medeni çäreleriň, sergileriň, sport ýaryşlarynyň, bäsleşikleriň geçirilmegi göz öňünde tutulýar. Paýtagtymyzda Azerbaýjan Respublikasynyň Türkmenistandaky Medeniýet günleri, birnäçe halkara maslahatlar we olimpiadalar, sergiler geçiriler.

«Çalsana, bagşy!» bäsleşiginiň Daşoguz, Lebap we Mary welaýatlary boýunça jemleýji tapgyrlarynyň, «Talyp joşguny — 2026» atly döredijilik festiwalynyň jemleýji tapgyrynyň, Balkan welaýatynda Medeniýet hepdeliginiň, Medeniýet we sungat işgärleriniň hem-de Magtymguly Pyragynyň şygryýet güni mynasybetli aýdym-sazly dabaraly çäreleriň geçirilmegi göz öňünde tutulýar. Arkadag şäheriniň baýramçylyk meýdançasynda Arkadag şäheriniň 3 ýyllygy mynasybetli aýdym-sazly baýramçylyk dabarasy guralar. Şunuň bilen baglylykda, wise-premýer döwlet Baştutanymyzyň garamagyna degişli teklibi hödürledi.

Hormatly Prezidentimiz hasabaty diňläp, ýurdumyzda şu ýylyň iýun aýynda Çagalary goramagyň halkara güni, Bütindünýä welosiped güni, Daşky gurşawy goramagyň bütindünýä güni, Ylymlar güni, Medeniýet we sungat işgärleriniň hem-de Magtymguly Pyragynyň şygryýet güni mynasybetli geçiriljek çärelere gowy taýýarlyk görmegiň we olary ýokary derejede geçirmegiň möhümdigine ünsi çekip, wise-premýere degişli tabşyryklary berdi.

Ministrler Kabinetiniň Başlygynyň orunbasary B.Mämmedow Bütindünýä welosiped güni mynasybetli ýurdumyzda bedenterbiýe-sport we sagdyn durmuş çärelerini geçirmek boýunça alnyp barylýan taýýarlyk işleri barada hasabat berdi. Bellenilişi ýaly, 3-nji iýunda paýtagtymyzda köpçülikleýin welosipedli ýörişi guramak göz öňünde tutulýar. Şanly sene mynasybetli 30-njy maý — 3-nji iýun aralygynda welaýatlarda, Aşgabat we Arkadag şäherlerinde welosipedli ýörişleri, sport ýaryşlaryny, ylmy-amaly maslahatlary, wagyz-nesihat we beýleki çäreleri geçirmek meýilleşdirilýär. Şunuň bilen baglylykda, wise-premýer hormatly Prezidentimiziň garamagyna degişli teklibi hödürledi.

Arkadagly Gahryman Serdarymyz hasabaty diňläp, Bütindünýä welosiped gününiň sagdyn we bagtyýar durmuşy giňden beýan edýän halkara sport baýramydygyny belledi. Döwlet Baştutanymyz wise-premýere ýurdumyzda bu sene mynasybetli bedenterbiýe-sport çärelerini guramaçylykly geçirmegi tabşyrdy.

Soňra wise-premýer hasabatyny dowam edip, “Türkmenistanda ýokanç däl keselleriň öňüni almak we garşysyna göreşmek boýunça 2026 — 2030-njy ýyllar üçin Milli strategiýany” tassyklamak hakynda Türkmenistanyň Prezidentiniň Kararynyň taslamasy barada aýtdy.

Bellenilişi ýaly, häzirki döwürde hormatly Prezidentimiziň taýsyz tagallalary bilen döwletimiziň iň gymmatly baýlygy bolan ynsan saglygyny goramakda, keselleriň öňüni almakda, olary ýok etmekde, saglygy goraýyş we derman senagaty pudagyny dünýä derejesinde ösdürmekde giň gerimli işler amala aşyrylýar. Hususan-da, bu ugurda Milli strategiýanyň hem-de ony amala aşyrmak boýunça ýerine ýetirilmeli çäreleriň meýilnamasynyň taslamalary işlenip taýýarlanyldy. Şunuň bilen baglylykda, döwlet Baştutanymyzyň garamagyna degişli resminamanyň taslamasy hödürlenildi.

Hormatly Prezidentimiz adamlaryň ömür dowamlylygyny uzaltmak, sagdyn durmuş ýörelgelerini wagyz-nesihat etmek boýunça alnyp barylýan işleri dowam etdirmegiň wajypdygyny nygtady. Döwlet Baştutanymyz raýatlaryň sagdynlygyny gazanmak, ilat arasynda ýokanç däl keselleriň öňüni almak we olaryň garşysyna göreşmek maksady bilen taýýarlanan resminama gol çekip, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary, daşary işler ministri R.Meredow Birleşen Milletler Guramasynyň Baş Assambleýasy tarapyndan kabul edilen täze Kararnama barada hasabat berdi.

Bellenilişi ýaly, Gahryman Arkadagymyzyň başlangyjy bilen ýurdumyz birnäçe ýyllaryň dowamynda halkara ähmiýetli başlangyçlary öňe sürüp gelýär we olar dünýä jemgyýetçiligi tarapyndan yzygiderli goldaw tapýar. Hormatly Prezidentimiz bu ýoly ýokary derejede dowam etdirmek bilen, ählumumy parahatçylygy we howpsuzlygy berkitmek, durnukly ösüş işini ösdürmek, ynsanperwer hyzmatdaşlygy giňeltmek hem-de halkara hyzmatdaşlygy dürli ugurlar boýunça ilerletmek bilen bagly meseleler boýunça başlangyçlary öňe sürýär. Birleşen Milletler Guramasy bu ugurlar boýunça birnäçe Kararnamany kabul etdi.

Şu ýylyň 20-nji maýynda BMG-niň Baş Assambleýasynyň 80-nji sessiýasynyň 82-nji plenar mejlisinde Türkmenistanyň başlangyjy bilen hödürlenen «Halkara parahatçylygy, howpsuzlygy we durnukly ösüş işini goldamakda hem-de berkitmekde bitaraplyk syýasatynyň orny we ähmiýeti» atly Kararnama biragyzdan kabul edildi. Wise-premýer, daşary işler ministri hormatly Prezidentimizi bu halkara ähmiýetli waka bilen tüýs ýürekden gutlap, berk jan-saglyk, uzak ömür, alyp barýan işlerinde mundan beýläk-de uly üstünlikleri arzuw etdi.

Döwlet Baştutanymyz Ministrler Kabinetiniň agzalaryna ýüzlenip, Gahryman Arkadagymyzyň başlangyjy esasynda Bitarap Watanymyzyň ählumumy parahatçylygy üpjün etmek ugrunda edýän tagallalarynyň üstünlikli dowam etdirilýändigini belledi.

“Birleşen Milletler Guramasynyň Baş Assambleýasynyň 80-nji sessiýasynyň 82-nji plenar mejlisinde ýurdumyzyň başlangyjy bilen «Halkara parahatçylygy, howpsuzlygy we durnukly ösüş işini goldamakda hem-de berkitmekde bitaraplyk syýasatynyň orny we ähmiýeti» atly Kararnama biragyzdan kabul edildi. Birleşen Milletler Guramasyna agza ýurtlaryň köpüsiniň bu Kararnamany goldamagy, köp sanly ýurtlaryň oňa awtordaş bolup çykyş etmegi biziň üçin uly abraýdyr” diýip, döwlet Baştutanymyz aýtdy. Hormatly Prezidentimiz geljekde hem BMG bilen netijeli hyzmatdaşlygy ösdürmek boýunça alnyp barylýan işleriň dowam etdiriljekdigini belläp, mejlise gatnaşyjylaryň ählisini gelip gowşan hoş habar — möhüm ähmiýetli Kararnamanyň kabul edilmegi bilen tüýs ýürekden gutlady.

Soňra Ministrler Kabinetiniň Başlygynyň orunbasary, daşary işler ministri hasabatyny dowam edip, Türkmenistanyň Bütindünýä Söwda Guramasy bilen alyp barýan hyzmatdaşlygy barada hasabat berdi.

Bellenilişi ýaly, Gahryman Arkadagymyzyň başlangyçlarynyň esasynda Türkmenistan bilen Bütindünýä Söwda Guramasynyň arasyndaky gatnaşyklar täze many-mazmuna eýe boldy. Dünýä ykdysadyýetine çalt depginler bilen goşulyşmak, bazar gatnaşyklaryny halkara hukuga laýyklykda ýola goýmak maksady bilen, 2013-nji ýylda Türkmenistanyň bu gurama agza bolmagy bilen bagly meseleleri öwrenmek boýunça Hökümet topary döredildi. Bu topar tarapyndan Bütindünýä Söwda Guramasy bilen hyzmatdaşlygyň milli bähbitlerimize laýyk gelýän ähli ugurlary içgin seljerilip, guramanyň agzasy bolmak üçin talap edilýän köptaraplaýyn söwda ylalaşyklary we beýleki kadalaşdyryjy hukuk namalary düýpli öwrenildi. Bu ugurda alnyp barylýan işlere täzeden itergi bermek babatda Türkmenistanyň daşary söwda düzgüni barada Ähtnamany işläp düzmek maksady bilen iş topary döredildi. Şeýle hem Maliýe we ykdysadyýet ministrliginde bu gurama bilen hyzmatdaşlyk bölümi açyldy.

Häzirki wagtda BSG bilen alnyp barylýan gatnaşyklary işjeňleşdirmek üçin birnäçe teklip taýýarlanyldy. Hususan-da, Türkmenistanyň daşary söwda düzgüni barada Ähtnamanyň gutarnykly görnüşini ara alyp maslahatlaşmak üçin degişli iş toparynyň nobatdaky mejlisini şu ýylyň 10-njy iýunynda geçirmek teklip edilýär. Ýurdumyzyň Bütindünýä Söwda Guramasyna agza bolmagy bilen bagly bu guramanyň çäklerinde döredilen Türkmenistan boýunça iş toparyna başlyklyk etmek üçin doly ygtyýarly agza ýurtlaryň arasyndan birini kesgitlemek zerur bolup durýar. Şunuň bilen baglylykda, bu ugurda BSG bilen bilelikde Ýewropa, Aziýa — Ýuwaş umman sebitlerinden bolan ýurtlaryň arasyndan saýlamak we kesgitlemek boýunça degişli işleri geçirmäge başlamak baradaky teklip beýan edildi.

Türkmenistanyň Bütindünýä Söwda Guramasyna agza bolmagy bilen bagly gepleşikleri alyp barjak Milli gepleşik toparyny döretmek zerur bolup durýar. Şunuň bilen baglylykda, Milli gepleşik toparynyň düzümini kesgitlemek we tassyklamak, Bütindünýä Söwda Guramasy bilen bilelikde bu toparyň wekillerini degişli taýýarlyk okuwlaryna we gurama tarapyndan geçirilýän mejlisleriň işine synçy hökmünde gatnaşdyrmak boýunça iş meýilnamasyny taýýarlamak teklip edildi.

Hormatly Prezidentimiz ýurdumyzyň halkara guramalar, şol sanda Bütindünýä Söwda Guramasy bilen hyzmatdaşlygy ösdürmäge uly ähmiýet berýändigini, ony giňeltmek üçin uly mümkinçilikleriň bardygyny belledi. Şunuň bilen baglylykda, döwlet Baştutanymyz wise-premýer, daşary işler ministrine Bütindünýä Söwda Guramasy bilen netijeli hyzmatdaşlygy ilerletmek boýunça işleri dowam etdirmegi tabşyrdy.

Ministrler Kabinetiniň Başlygynyň orunbasary B.Annaýew ýurdumyzyň demir ýol ulagy pudagynyň maddy-tehniki binýadyny berkitmek boýunça alnyp barylýan işler barada hasabat berdi. Bellenilişi ýaly, häzirki wagtda bu pudaga halkara ülňülere laýyk gelýän täze tehnikalar ornaşdyrylýar, ilatymyza ýokary hilli we medeniýetli hyzmat etmek boýunça zerur işler geçirilýär. Ulanylýan ýolagçy wagonlarynda düýpli abatlaýyş işlerini ýerine ýetirmek boýunça degişli çäreler görülýär. Şunda öňdebaryjy daşary ýurt kompaniýalary bilen netijeli hyzmatdaşlyk edilýär. Şunuň bilen baglylykda, wise-premýer döwlet Baştutanymyzyň garamagyna degişli teklibi hödürledi.

Hormatly Prezidentimiz hasabaty diňläp, ýurdumyzyň demir ýol ulagy pudagynyň maddy-tehniki binýadyny berkitmek, ilatymyza ýokary hilli hyzmat etmek boýunça netijeli işleriň alnyp barylýandygyny belledi. Döwlet Baştutanymyz «Demirýollary» açyk görnüşli paýdarlar jemgyýetiniň ýolagçy wagonlaryny abatlamak boýunça taýýarlanylan teklibi makullap, wise-premýere degişli işleri geçirmegi tabşyrdy.

Soňra Arkadagly Gahryman Serdarymyz Ministrler Kabinetiniň agzalaryna ýüzlenip, 25-nji maýda Aşgabat şäheriniň gününiň hem-de uçurymlaryň «Soňky jaň» dabarasynyň giňden bellenip geçiljekdigini aýtdy. Şeýle hem döwlet Baştutanymyz ýurdumyzda üç günläp, ýagny 27-28-29-njy maýda Gurban baýramynyň belleniljekdigini aýtdy we şunuň bilen baglylykda, Gurban baýramyny bellemek hakynda Permana gol çekdi. “Gurbanlyk günlerinde beriljek sadakalar kabul bolsun!” diýip, hormatly Prezidentimiz aýtdy. Pursatdan peýdalanyp, döwlet Baştutanymyz mejlise gatnaşyjylary we mähriban halkymyzy Aşgabat şäheriniň güni, «Soňky jaň» dabarasy, Gurban baýramy bilen tüýs ýürekden gutlady.

Mejlise gatnaşyjylar hem döwlet Baştutanymyzy we Gahryman Arkadagymyzy bu şanly seneler mynasybetli tüýs ýürekden gutladylar.

Mejlisde döwlet durmuşyna degişli başga-da birnäçe möhüm meselelere seredildi we olar boýunça degişli çözgütler kabul edildi.

Hormatly Prezidentimiz Serdar Berdimuhamedow Ministrler Kabinetiniň sanly ulgam arkaly geçirilen mejlisini jemläp, oňa gatnaşanlara berk jan saglyk, maşgala abadançylygyny, berkarar Watanymyzyň gülläp ösmegi ugrunda alyp barýan işlerinde uly üstünlikleri arzuw etdi.

TÜRKMENISTANYŇ MEJLISI

Habarlar

Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi

Заседание Совета глав правительств Содружества Независимых Государств

Заседание Совета глав правительств Содружества Независимых Государств

MEŇZEŞ HABARLAR

Türkmenistanyň Ministrler Kabinetiniň mejlisi

Türkmenistanyň Prezidenti GDA-nyň Baş sekretaryny kabul etdi

Türkmenistanyň Prezidenti Azerbaýjan Respublikasynyň Premýer-ministrini kabul etdi

Türkmenistanyň Prezidenti Belarus Respublikasynyň Premýer-ministrini kabul etdi