Täzelikler

Telephone Talk between the President of Turkmenistan and the President of the Islamic Republic of Iran

Şu gün hormatly Prezidentimiz Serdar Berdimuhamedow bilen Eýran Yslam Respublikasynyň Prezidenti Seýed Ebrahim Raisiniň arasynda telefon arkaly söhbetdeşlik boldy.

Hormatly Prezidentimiz söhbetdeşlikde döwletara hyzmatdaşlygyň wajyp meselelerini ara alyp maslahatlaşmaga dörän mümkinçilige kanagatlanma bildirip, Türkmenistanyň Eýran Yslam Respublikasy bilen köpugurly gatnaşyklary yzygiderli ösdürmäge we pugtalandyrmaga aýratyn ähmiýet berýändigini nygtady. Bu gatnaşyklar birek-birege hormat goýmaga, müňýyllyklardan gözbaş alýan hoşniýetli goňşuçylyga esaslanýar.

Pursatdan peýdalanyp, Eýranyň Prezidenti özara bähbitli ikitaraplaýyn hyzmatdaşlygy pugtalandyrmaga we hemmetaraplaýyn ösdürmäge ägirt uly şahsy goşant goşan türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza mähirli salamyny ýetirmegi haýyş etdi.

Söhbetdeşligiň dowamynda iki döwletiň Baştutanlary netijeli türkmen-eýran gatnaşyklarynyň häzirki wagtda ikitaraplaýyn derejede hem-de halkara guramalaryň çäklerinde, däp bolşy ýaly, birek-birege hormat goýmak, özara ynanyşmak esasynda ösdürilýändigini kanagatlanma bilen bellediler. Soňky döwürde iki ýurduň arasyndaky syýasy-diplomatik, söwda-ykdysady we medeni-ynsanperwer ulgamlardaky hyzmatdaşlyk işjeň alnyp barlyp, hil taýdan täze many-mazmun bilen baýlaşdyrylýar.

Muňa hormatly Prezidentimiz Serdar Berdimuhamedowyň hem-de türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň dostlukly goňşy ýurda amala aşyran saparlary gönüden-göni ýardam edýär. Şol saparlaryň dowamynda gazanylan ylalaşyklary iş ýüzünde amala aşyrmak üçin iki tarap hem uly tagalla edýär. Biz bu gün birnäçe ugurlarda anyk netijeleriň gazanylýandygyny görýäris diýip, döwlet Baştutanymyz kanagatlanma bilen belledi.

Söwda-ykdysady ulgamdaky hyzmatdaşlyk türkmen-eýran gatnaşyklarynyň ileri tutulýan ugurlarynyň hatarynda görkezildi. Bu babatda Ykdysady hyzmatdaşlyk boýunça bilelikdäki türkmen-eýran hökümetara toparynyň wajyp ähmiýetiniň bardygy aýratyn bellenildi. 17-18-nji noýabrda Aşgabatda bu toparyň 17-nji mejlisi geçirildi. Şeýle hem onuň çäklerinde Eýran Yslam Respublikasynyň ýöriteleşdirilen sergisi, Türkmen-eýran işewürlik maslahaty guraldy.

Söhbetdeşligiň barşynda bellenilişi ýaly, türkmen-eýran söwda-ykdysady gatnaşyklary esasy üç ugurda işjeň alnyp barylýar. Tebigy gaz pudagy onuň esasy ugurlarynyň biridir. Şunda türkmen tebigy gazyny Eýrana we onuň çäklerinden “swap” görnüşinde üçünji ýurtlara ibermek meselesi barada bellemek bolar. Elektroenergetika pudagy-da türkmen-eýran hyzmatdaşlygynyň ileri tutulýan ugurlarynyň hatarynda durýar. Ulag ulgamy hem döwletara gatnaşyklaryň ösmeginde uly orun tutýar. Bellenilişi ýaly, ýurdumyz bu ulgamda Eýran bilen özara hereketleriň giňeldilmegine hem-de ýük gatnawlarynyň artdyrylmagyna aýratyn ähmiýet berýär. Şunuň bilen baglylykda, awtomobil ýollaryny gurmak babatda bilelikde işlemegiň oňyn tejribesiniň toplanandygy nygtaldy.

Hormatly Prezidentimiz medeni-ynsanperwer ulgamda hyzmatdaşlygyň döwletara gatnaşyklary berkitmekde, halklary ýakynlaşdyrmakda hem-de medeniýetleri özara baýlaşdyrmakda uly orun eýeleýändigini nygtap, ylym, bilim, medeniýet, sungat, sport ulgamlarynda ikitaraplaýyn hyzmatdaşlygy mundan beýläk-de pugtalandyrmaga uly mümkinçilikleriň bardygyny aýtdy. Bellenilişi ýaly, wekiliýetleriň özara saparlarynyň yzygiderli guralmagy, döredijilik duşuşyklary we maslahatlar iki dostlukly goňşy halkyň taryhy-medeni, ylmy-edebi mirasyny wagyz etmäge ýardam berýär. Şunda 2024-nji ýylda tutuş dünýäde uly sarpa goýulýan görnükli türkmen şahyry we Gündogaryň beýik akyldary Magtymguly Pyragynyň doglan gününiň 300 ýyllygynyň hormatyna guraljak bilelikdäki möhüm çärelere üns çekildi.

Telefon arkaly söhbetdeşligiň ahyrynda hormatly Prezidentimiz we Eýran Yslam Respublikasynyň Prezidenti birek-birege berk jan saglyk, jogapkärli döwlet işlerinde mundan beýläk-de üstünlikleri, iki ýurduň doganlyk halklaryna bolsa parahatçylyk, abadançylyk we rowaçlyk arzuw etdiler.

Telefon arkaly söhbetdeşlik eýran tarapynyň başlangyjy boýunça geçirildi.

Сегодня состоялся телефонный разговор между Президентом Туркменистана Сердаром Бердымухамедовым и Президентом Исламской Республики Иран Сейедом Эбрахимом Раиси.

Выразив удовлетворение возможностью в личной беседе обсудить актуальные вопросы межгосударственного сотрудничества, Президент Сердар Бердымухамедов подчеркнул, что Туркменистан придаёт большое значение последовательному наращиванию и укреплению многовекторных отношений с Исламской Республикой Иран, которые опираются на давние, уходящие своими корнями в глубь тысячелетий традиции взаимного уважения и добрососедства.

Пользуясь случаем, Президент Ирана попросил передать от своего имени тёплые слова приветствия Национальному Лидеру туркменского народа, Председателю Халк Маслахаты Туркменистана Герою-Аркадагу, внёсшему огромный личный вклад в упрочение и всестороннее развитие двустороннего сотрудничества во взаимных интересах.

В рамках беседы главы двух государств с удовлетворением констатировали, что налаженный конструктивный туркмено-иранский диалог успешно развивается сегодня как в двустороннем, так и многостороннем формате, в рамках международных организаций.

В последнее время наблюдается активная динамика взаимодействия между двумя странами в политико-дипломатической, торгово-экономической и культурно-гуманитарной сферах, которое обогащается качественно новым содержанием.

Этому напрямую содействуют и визиты, осуществлённые Президентом Сердаром Бердымухамедовым и Национальным Лидером туркменского народа, Председателем Халк Маслахаты Туркменистана Героем-Аркадагом в дружественную соседнюю страну.

– Обе стороны прилагают большие усилия для практической реализации достигнутых в ходе этих визитов договорённостей. И сегодня мы видим конкретные результаты в ряде областей взаимодействия, – с удовлетворением отметил глава Туркменского государства.

В числе ключевых приоритетов туркмено-иранских отношений было названо торгово-экономическое партнёрство.

В данной связи отмечено особое значение Межправительственной совместной туркмено-иранской комиссии по экономическому сотрудничеству, очередное, 17-е заседание которой было проведено недавно, 17–18 ноября в Ашхабаде. В его рамках также были организованы специализированная выставка Исламской Республики Иран и туркмено-иранский бизнес-форум.

Как отмечалось в ходе беседы, туркмено-иранские торгово-экономические отношения активно осуществляются в трёх основных направлениях. Газовая сфера является одним из основных направлений этого сотрудничества. Здесь следует выделить вопрос поставки туркменского природного газа в Иран и через него в третьи страны посредством системы SWAP.

В числе приоритетов туркмено-иранского партнёрства была обозначена также сфера электроэнергетики.

Большую роль в активизации межгосударственного сотрудничества играет сфера транспорта. Отмечалось, что наша страна придаёт большое значение расширению взаимодействия с Ираном в этой области и увеличению объёмов грузоперевозок в частности.

В этой связи отмечено, что накоплен позитивный опыт совместной работы в сфере строительства автодорог.

Подчеркнув, что ключевую роль в упрочении межгосударственных связей, сближении братских народов двух стран, взаимообогащении их культур играет сотрудничество в культурно-гуманитарной сфере, Президент Туркменистана отметил наличие больших перспектив для дальнейшего укрепления двусторонних связей в области науки, образования, культуры, искусства и спорта.

Как подчёркивалось, популяризации историко-культурного и научно-литературного наследия двух дружественных соседних народов напрямую способствуют регулярные обмены делегациями, творческие встречи и конференции.

Акцентировано внимание на важных совместных мероприятиях, которые будут организованы в предстоящем 2024 году в честь 300-летнего юбилея выдающегося туркменского поэта и философа Востока Махтумкули Фраги, глубоко почитаемого во всём мире.

В завершение телефонного разговора Президент Туркменистана и Президент Исламской Республики Иран пожелали друг другу крепкого здоровья и дальнейших успехов в ответственной государственной деятельности, а братским народам двух стран – мира, благополучия и процветания.

Телефонный разговор состоялся по инициативе иранской стороны.

Today, a telephone conversation took place between the President of Turkmenistan Serdar Berdimuhamedov and the President of the Islamic Republic of Iran Seyyed Ebrahim Raisi.

Expressing satisfaction with the opportunity to discuss topical issues of interstate cooperation in a personal conversation, President Serdar Berdimuhamedov emphasized that Turkmenistan attaches great importance to the consistent expansion and strengthening of multi-vector relations with the Islamic Republic of Iran, which are based on long-standing traditions of mutual respect and good neighborliness, rooted in millennia.

Taking this opportunity, the President of Iran asked to convey warm words of greetings on his behalf to the National Leader of the Turkmen people, Chairman of the Halk Maslakhaty of Turkmenistan Hero-Arkadag, who made a huge personal contribution to the strengthening and comprehensive development of bilateral cooperation in mutual interests.

During the conversation, the heads of the two states noted with satisfaction that the established constructive Turkmen-Iranian dialogue is successfully developing today both in a bilateral and multilateral format, within the framework of international organizations.

Recently, there has been active dynamics of interaction between the two countries in the political, diplomatic, trade, economic, cultural and humanitarian spheres, which is being enriched with qualitatively new content.

This is directly facilitated by the visits made by President Serdar Berdimuhamedov and the National Leader of the Turkmen people, Chairman of the Halk Maslakhaty of Turkmenistan Hero-Arkadag to a friendly neighboring country.

“Both sides are making great efforts to practically implement the agreements reached during these visits. And today we see concrete results in a number of areas of interaction,” the head of the Turkmen state noted with satisfaction.

Trade and economic partnership was named among the key priorities of Turkmen-Iranian relations.

In this regard, the special importance of the Intergovernmental Joint Turkmen-Iranian Commission on Economic Cooperation, the regular 17th meeting of which was held recently, on November 17–18 in Ashgabat, was noted. A specialized exhibition of the Islamic Republic of Iran and a Turkmen-Iranian business forum were also organized within its framework.

As noted during the conversation, Turkmen-Iranian trade and economic relations are actively carried out in three main directions. The gas sector is one of the main areas of this cooperation. Here we should highlight the issue of supplying Turkmen natural gas to Iran and through it to the third countries through the SWAP system.

The electricity sector was also identified among the priorities of the Turkmen-Iranian partnership.

The transport sector plays a major role in enhancing interstate cooperation. It was noted that our country attaches great importance to expanding cooperation with Iran in this area and increasing the volume of cargo transportation in particular.

In this regard, it was noted that positive experience of joint work in road construction has been accumulated.

Emphasizing that cooperation in the cultural and humanitarian sphere plays a key role in strengthening interstate ties, bringing the fraternal peoples of the two countries closer together, and the mutual enrichment of their cultures, the President of Turkmenistan noted the presence of great prospects for further strengthening bilateral ties in science, education, culture, art and sports.

As it was highlighted, the popularization of the historical, cultural, scientific and literary heritage of the two friendly neighboring peoples is directly facilitated by regular exchanges of delegations, creative meetings and conferences.

Attention is focused on important joint events that will be organized in the coming 2024 in honor of the 300th anniversary of the outstanding Turkmen poet and philosopher of the East Magtymguly Fraghi, deeply revered throughout the world.

At the end of the telephone talk, the President of Turkmenistan and the President of the Islamic Republic of Iran wished each other good health and further success in responsible government activities, and peace, prosperity and prosperity to the fraternal peoples of the two countries.

The telephone call was initiated by the Iranian side.

Mukaddes Garaşsyzlygymyzyň 33 ýyllyk baýramynyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde we hormatly Prezidentimiz Serdar Berdimuhamedowyň gatnaşmagynda geçirilen Türkmenistanyň Halk Maslahatynyň mejlisi şöhratly geçmişine aýawly garaýan we nurana geljegiň binýadyny şu günden goýýan halkymyzyň jebisligini, ruhy bitewüligini aýdyň görkezdi.

Halk Maslahatynyň öňden gelýän halk häkimiýetliliginiň milli däplerine laýyklykda geçirilen mejlisinde ýetilen taryhy sepgitlere syn berlip, döwlet durmuşynyň möhüm meseleleri ara alnyp maslahatlaşyldy we uzak möhletli geljegi nazara almak bilen, Watanymyzy has-da gülledip ösdürmäge gönükdirilen wezipeler kesgitlenildi.

Mejlisde Gahryman Arkadagymyz Türkmenistanyň agzybirligiň hem-de rowaçlyklaryň ýurduna öwrülendigini buýsanç bilen nygtady. Bu gün ykbalyny halkyň ykbaly bilen berk baglan Gündogaryň akyldar şahyry Magtymguly Pyragynyň arzuw eden zamanasy geldi. 2024-nji ýyl şahyryň doglan gününiň 300 ýyllygyna beslenýär. Merdana, gahryman ata-babalarymyz ýüzýyllyklaryň dowamynda özbaşdak, garaşsyz döwlet gurmak barada arzuw edipdirler. 33 ýyl mundan ozal Türkmenistan döwlet Garaşsyzlygyna eýe boldy. Garaşsyzlyk häzirki üstünliklerimiziň we geljekki sepgitlerimiziň sarsmaz binýadyny emele getirýär.

Ýurdumyzyň durmuş-ykdysady ösüşiň ilkinji nobatdaky wezipelerini üstünlikli çözmek üçin ägirt uly geosyýasy, ykdysady, serişde we adam mümkinçiliklerini doly derejede peýdalanmaga gönükdirilen hemmetaraplaýyn özgertmeler ugry giň halkara ykrarnama eýe boldy. Halkymyzyň irginsiz we gaýratly zähmeti esasynda ata Watanymyz Garaşsyzlyk ýyllarynda dünýäniň ösen döwletleriniň derejesine çykyp, belent sepgitlere ýetdi. Türkmenistanyň Halk Maslahatynyň mejlisindäki çykyşlarda bellenilişi ýaly, täze taryhy eýýamymyzyň gazananlary Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli dowam etdirilýän parasatly we öňdengörüjilikli syýasatyň netijesidir. Giň gerimli özgertmeler strategiýasy, ilkinji nobatda, milli ykdysadyýetimizi döwrebaplaşdyrmaga we senagatlaşdyrmaga, daşary ýurtlardan getirilýän harytlaryň ornuny tutýan eksport ugurly önümleri öndürmäge ýöriteleşen döwrebap kärhanalary döretmäge gönükdirilendir.

Strategik ugurlar bolan ýangyç-energetika, oba hojalygy, gurluşyk-senagat pudaklaryny, ulag we maglumat-aragatnaşyk düzümlerini giň gerimde ösdürmek bilen bir hatarda, ählumumy ösüşiň hereketlendiriji güýji hökmünde giňden ykrar edilýän ylym-bilim ulgamyna hem uly möçberde maýa goýulýar. Saglygy goraýyş, medeniýet, sport, umuman, milletiň ruhy we beden taýdan yzygiderli ösüşine oňyn täsirini ýetirýän ugurlar durmuş ugurly döwlet syýasatynyň wajyp bölegini emele getirýär.

Türkmen halkynyň Milli Lideri Gurbanguly Berdimuhamedow döwletli maslahatda çykyş edip, demokratik, hukuk we dünýewi döwletimizi mundan beýläk-de ösdürmek boýunça garaýyşlaryny beýan etdi. Gahryman Arkadagymyz mukaddes Garaşsyzlygymyzyň ähmiýetine aýratyn ünsi çekip, onuň mähriban halkymyzyň we eziz Watanymyzyň bütin dünýäde ykrar edilmesidigini, ähli üstünliklerimiziň, beýik ösüşlerimiziň aýdyň ýoludygyny nygtady. “Ýurdumyzyň her bir raýaty ata Watanymyza belent söýgüsi bilen ýaşaýar we yhlasly zähmet çekýär. Abadançylygyň, bagtyýarlygyň, gülläp ösüşiň hatyrasyna döwlet adama, adam bolsa döwlete gulluk edýär. Munuň özi «Döwlet adam üçindir!» diýen taglymatymyzyň esasynda alyp barýan işlerimiziň rowaçlanýandygyny görkezýär” diýip, Milli Liderimiz öz çykyşynda aýtdy.

«Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň», “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynyň”, Oba milli maksatnamasynyň, “Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynyň” hem-de beýlekileriň üstünlikli amala aşyrylmagy netijesinde, döwletimiziň ykdysady kuwwaty artyp, halkara abraýy pugtalanýar, halkymyzyň hal-ýagdaýy barha ýokarlanýar. Türkmenistanyň Halk Maslahaty döwlet ähmiýetli meseleleri çözmäge, halkymyzyň agzybirligini, jebisligini has-da berkitmäge ýakyndan gatnaşýar. Türkmenistanyň Konstitusiýasyna we döwlet gurmakda milletimiziň baý taryhy tejribesini hasaba almak bilen, umumy ykrar edilen demokratik ýörelgelere laýyklykda işleýän bu ýokary wekilçilikli edara döwürleriň hem nesilleriň arasynda mizemez baglanyşygy, möhüm jemgyýetçilik-syýasy çözgütleriň kabul edilmegine ilatyň giň gatlagynyň gatnaşmagyny üpjün etmek maksady bilen, Garaşsyz, Bitarap döwletimiziň öňden gelýän halk häkimiýetliliginiň gadymy däplerine ygrarlydygyny alamatlandyrýar.

Halk Maslahatynyň ýanynda döredilen Ýaşulular geňeşiniň işine hem uly ähmiýet berilýär. Onuň agzalary Berkarar döwletiň täze eýýamynyň Galkynyşy döwrüniň belent maksatlaryny hem-de wezipelerini düşündirmek, ösüp gelýän ýaş nesli terbiýelemek, goldamak boýunça uly işleri alyp barýarlar. Munuň özi jemgyýetimiziň jebisligini, milli bitewüligimizi berkitmäge, watansöýüji nesilleri kemala getirmäge ýardam berýär. Hut şonuň üçin-de durmuş we zähmet ýoly nusgalyk bolan parasatly ýaşulularymyza, kümüş saçly enelerimize aýratyn hormat-sarpa goýulýar.

“Beýik akyldar şahyrymyz Magtymguly Pyragynyň Garaşsyz döwlet baradaky arzuwlary bu gün doly hasyl boldy. Bize pederlerimiziň belent hem-de asylly arzuwlary hakykata öwrülen parahat, asuda, berkarar ýurtda ýaşamak we döretmek bagty miýesser etdi” diýip, Türkmenistanyň Halk Maslahatynyň Başlygy çykyşynda buýsanç bilen nygtady hem-de geljekde Watanymyzy has-da özgertjek, gözelleşdirjek giň gerimli işleriň amala aşyryljakdygyny aýtdy. Nygtalyşy ýaly, “Pähim-paýhas ummany Magtymguly Pyragy” şygary astynda geçýän şu ýylyň ýokary görkezijileri durmuşa geçirilýän içeri we daşary syýasatyň örän netijelidigini görkezýär.

Ykdysady ösüşi ýurduň durnukly öňe gitmeginiň möhüm şerti hökmünde kesgitlän Gahryman Arkadagymyz ykdysady üstünliklerimiziň halkymyzyň ýaşaýyş-durmuş derejesini has-da ýokarlandyrmaga gönükdirilendigine ünsi çekdi. Şunuň bilen baglylykda, türkmen halkynyň Milli Lideri adam başyna düşýän girdejiniň ýokary derejesini we adam maýasyny hem-de ylmy-tehnologik ösüşleri, ähli pudaklarda zähmet öndürijiliginiň ýokary bolmagyny, ykdysady özgertmeleriň işjeň depginini, dünýä bazarynda bäsdeşlige ukyply bolmagy döwletimiziň ykdysady ösüşiniň esasy aýratynlyklarynyň hatarynda görkezdi. Hormatly Arkadagymyz durmuş-ykdysady ösüşiň ylym, bilim, medeniýet bilen berk baglanyşyklydygyny aýdyp, «Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasy» esasynda bilim işini halkara ölçeglere laýyk kämilleşdirmäge badalga berlendigini belledi. Geljekde-de ýurdumyzda döwrebap bilim edaralaryny gurmagyň, ylmyň, innowasiýalaryň ileri tutulýan ugurlary boýunça tehnologiýalar merkezlerini döretmegiň maksadalaýyk boljakdygy aýdyldy.

Gahryman Arkadagymyzyň nygtaýşy ýaly, dünýäniň öňdebaryjy uniwersitetleriniň sanawyna girýän bilelikdäki ýokary okuw mekdepleri ýa-da olaryň şahamçalary açylsa, ýaşlarymyz üçinem, jemgyýetimiz üçinem uly ähmiýetli bolar. Milli Liderimiz ýaşlar barada döwlet syýasatyny amala aşyrmak boýunça öňde durýan meseleler barada durup geçip, mekdebe çenli çagalar edaralarynyň, umumybilim berýän orta mekdepleriň sanyny artdyrmagy; saglygy sebäpli mümkinçiligi çäkli çagalar bilen alnyp barylýan işleri kämilleşdirmegi, olar bilen işleýän pedagogik işgärleriň hünärini ýokarlandyrmagy; ýokary okuw mekdeplerinde ylym-bilim-önümçilik arabaglanyşygynyň kämil usulyny döretmegi möhüm wezipeleriň hatarynda kesgitledi. Şeýle hem ýaş nesli milli gymmatlyklarymyza, däp-dessurlarymyza buýsanç ruhunda, ynsanperwer kadalarymyz esasynda terbiýelemek üçin meşhur şahsyýetlerimiziň ýadygärliklerini ebedileşdirmek; müňýyllyklardan gözbaş alýan medeniýetimizi, edebiýatymyzy, şöhratly taryhymyzy täze nazaryýet esasynda düýpli öwrenmek boýunça degişli işleri alyp barmagyň zerurdygy bellenildi. Arkadag şäheriniň dünýäniň ylym-bilim merkezi hökmündäki ornuny pugtalandyryp, şäherde Türkmenistanyň gadymy, orta asyrlar, täze we iň täze taryhyny, arheologik, binagärlik ýadygärliklerini, döwletimiziň alyp barýan syýasatyny öwrenýän hem-de wagyz edýän halkara ylmy-barlag merkezini döretmegiň möhümdigine aýratyn üns çekildi.

Türkmenistanyň Halk Maslahatynyň Başlygy täze döwrüň amala aşyrylýan özgertmeleri has-da giňeldip, jemgyýetimiziň aň-bilim mümkinçiligini ýokarlandyrmagy talap edýändigini aýtdy. Ilatyň iş bilen üpjünçilik meselelerine-de uly üns berildi. Hormatly Arkadagymyz «Türkmenistanyň zähmet bazaryny 2030-njy ýyla çenli ösdürmegiň Konsepsiýasyny» kabul etmek başlangyjy bilen çykyş etdi. Bu Konsepsiýa iş üpjünçiligi boýunça halkara guramalar, daşary ýurtlar bilen hyzmatdaşlygy giňeltmekde, hususan-da, Halkara Zähmet Guramasynyň konwensiýalaryna goşulmakda möhüm ädim bolar. Maliýe bazaryny ösdürmek, telekeçiligiň täze görnüşlerini we usullaryny ornaşdyrmak hem döwrüň talabydyr. Şunuň bilen baglylykda, Milli Liderimiz ýurdumyzy ýokary depginde ösdürmegiň täze tapgyryna badalga berjek 2030-njy ýyla çenli maliýe bazaryny ösdürmegiň Strategiýasynyň, kiçi we orta telekeçiligi goldamagyň Milli maksatnamasynyň kabul edilmegini möhüm wezipeleriň hatarynda görkezdi.

Gahryman Arkadagymyz Türkmenistanyň Halk Maslahatynyň geljek ýyl geçiriljek mejlisine 2026 — 2052-nji ýyllarda ýurdumyzyň daşary ykdysady işini; döwlet-hususy hyzmatdaşlygyny; sanly ykdysadyýeti; ulag diplomatiýasyny; medeni diplomatiýasyny; ylmy-lukmançylyk diplomatiýasyny; ýokary bilimi ösdürmegiň Strategiýalarynyň; intellektual eýeçilik ulgamyny ösdürmegiň Konsepsiýasynyň; 2030-njy ýyla çenli bedenterbiýäni we sporty goldamagyň hem-de ösdürmegiň Maksatnamasynyň taslamalaryny hödürlemegi teklip etdi.

Türkmenistanyň hemişelik Bitaraplygynyň 30 ýyllygyna beslenjek, ýurdumyzyň başlangyjy bilen dünýäde «Halkara parahatçylyk we ynanyşmak ýyly» diýlip yglan edilen 2025-nji ýylda hyzmatdaşlygy hem-de özara düşünişmegi pugtalandyrmak ählumumy wezipe hökmünde kesgitlenildi. “Bitaraplyk biziň parahatçylygy we hyzmatdaşlygy ündeýän, halklary dost-doganlyga, agzybirlige çagyrýan, ynsanperwerligi wagyz edýän işlerimizi dünýä ýaýýan taglymatdyr. Bu taglymat eziz Watanymyzyň beýik geljeginiň şanyna döredýän hem gurýan merdana halkymyza täze üstünlikleri gazanmaga güýç-kuwwat berýär” diýip, Gahryman Arkadagymyz aýtdy. Bellenilişi ýaly, ýurdumyz halkara bileleşigiň jogapkärli agzasy hökmünde Bitaraplyk hukuk ýagdaýyna daýanyp, geljekde-de «Dialog — parahatçylygyň kepili» atly filosofiýa esasynda halkara gatnaşyklaryň ösüşine mynasyp goşant goşar.

Türkmen halkynyň Milli Lideri Arkadag şäherini ösdürmek, onuň ikinji tapgyryny gurmak bilen bagly işler barada aýratyn durup geçip, bu ýerde sagdyn durmuş ýörelgeleriniň berkidilmegine, senagat we önümçilik desgalarynyň ýokary ekologik talaplara laýyk gelmegine möhüm ähmiýet berilýändigini belledi. Şu ýylyň martynda döredilmeginiň üç ýyllygy bellenilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan işleri Watanymyzyň bagtyýar nesilleri barada edilýän aladanyň aýdyň güwäsidir. Alyp barýan işine halkara derejede ýokary baha berilýän gaznanyň serişdeleriniň hasabyna köp sanly çaganyň saglygynyň dikeldilmegi Garaşsyz döwletimiziň ynsanperwer syýasatynyň üstünliklere beslenýändigini görkezýär.

Türkmen halkynyň Milli Lideri berkarar döwletimiziň mundan beýläk-de ösdürilmeginiň we halkymyzyň bagtyýar ýaşaýşyny üpjün etmek boýunça uly wezipeleriň möhüm ähmiýetini belläp, ýurdumyzyň her bir raýatynyň Watanymyzyň abraý-mertebesine, bedew batly ösüşine dahylly her bir işe ýürekden ýapyşyp, öz mynasyp goşandyny goşjakdygyna berk ynam bildirdi. Parasatly halk pähiminde aýdylyşy ýaly, “Agzybire Taňry biýr...”.

Şeýlelikde, ýokary ruhubelentlikde geçirilen Türkmenistanyň Halk Maslahatynyň mejlisi halkymyzyň jebisliginiň, agzybirliginiň, eziz Watanymyzy ösüşiň täze sepgitlerine çykarmakda ägirt uly döredijilik mümkinçilikleriniň aýdyň güwäsi boldy.

Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda iş maslahatyny geçirdi. Onda ýurdumyzyň welaýatlarynda we oba hojalyk toplumynda alnyp barylýan işlere, Oba milli maksatnamasynyň ýerine ýetirilişi bilen baglanyşykly meselelere garaldy.

Ilki bilen, Ahal welaýatynyň häkimi S.Soltanmyradowa söz berildi. Häkim möwsümleýin oba hojalyk işleriniň barşy barada hasabat berdi.

Bellenilişi ýaly, şu günler welaýatyň babadaýhanlary tarapyndan ýetişdirilen pagta hasylyny soňky hanasyna çenli ýitgisiz ýygnap almak boýunça işler guramaçylykly dowam edýär. Şunda oba hojalyk tehnikalarynyň netijeli işledilmegine aýratyn üns berilýär. Ýygnalan hasyl kabul ediş harmanhanalarynda, pagta arassalaýjy kärhanalarda bökdençsiz kabul edilýär. Hormatly Prezidentimiziň ýurdumyzda azyk bolçulygyny döretmek baradaky tabşyryklaryny üstünlikli berjaý etmek maksady bilen, bugdaý ekilen meýdanlarda ideg işleri agrotehnikanyň kadalaryna laýyklykda ýerine ýetirilýär. Welaýatda geljek ýylyň hasyly üçin gowaça ekiljek meýdanlarda sürüm işleri meýilnama esasynda alnyp barylýar. Sebitiň çägindäki edara-kärhanalaryň, bilim, saglygy goraýyş, sport we medeniýet maksatly binalaryň, ýaşaýyş jaýlarynyň ýyladyş ulgamlarynyň bökdençsiz işledilmegini üpjün etmek boýunça zerur çäreler görülýär. Şeýle hem häkim Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilen medeni-durmuş, önümçilik maksatly desgalardaky gurluşyk işleriniň ýagdaýy barada hasabat berdi.

Hormatly Prezidentimiz Serdar Berdimuhamedow hasabaty diňläp, häkime ýetişdirilen pagta hasylyny ýitgisiz ýygnap almak, ekiş geçirilen bugdaý meýdanlarynda ideg işlerini agrotehniki möhletlerde we talabalaýyk geçirmek üçin ähli zerur çäreleri görmegi tabşyrdy. Şeýle-de döwlet Baştutanymyz Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilýän dürli maksatly desgalardaky gurluşyk işleriniň öz wagtynda ýerine ýetirilmegini gözegçilikde saklamak barada tabşyryklary berdi.

Balkan welaýatynyň häkimi H.Aşyrmyradow möwsümleýin oba hojalyk işleriniň barşy barada hasabat berdi.

Nygtalyşy ýaly, welaýatda pagta hasylyny iň soňky hanasyna çenli ýygnap almak, ýygnalan hasyly kabul ediş harmanhanalarynda, pagta arassalaýjy kärhanada bökdençsiz kabul etmek boýunça degişli işler dowam edýär. Sebitde bugdaýyň bol hasylyny ösdürip ýetişdirmek maksady bilen, ekiş geçirilen meýdanlarda gögeriş we ösüş suwuny tutmak, mineral dökünler bilen iýmitlendirmek işleri agrotehnikanyň kadalaryna laýyklykda alnyp barylýar. Gowaça ekiljek meýdanlary ekiş möwsümine taýýarlamak işleriniň çäklerinde ýerlerde sürüm geçirilýär. Welaýatyň çägindäki bilim, medeniýet, dolandyryş, jemgyýetçilik desgalarynyň, ýaşaýyş jaýlarynyň ýyladyş ulgamlaryny kadaly işletmek boýunça zerur çäreler görülýär. Şeýle hem häkim «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna» laýyklykda, şu ýyl welaýatda açylyp ulanmaga berilmegi meýilleşdirilýän medeni-durmuş, önümçilik maksatly desgalardaky gurluşyk işleri barada hasabat berdi.

Hormatly Prezidentimiz hasabaty diňläp, möwsümleýin oba hojalyk işleriniň ýokary hilli we agrotehniki möhletlerde ýerine ýetirilmegine möhüm ähmiýet berilmelidigini belledi we bu babatda häkime anyk tabşyryklary berdi. Şeýle-de döwlet Baştutanymyz Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan dürli maksatly desgalardaky gurluşyk işleriniň bellenen möhletlerde ýerine ýetirilmegini gözegçilikde saklamagy tabşyrdy.

Soňra iş maslahaty Daşoguz welaýatynyň häkimi D.Babaýewiň welaýatda möwsümleýin oba hojalyk işleriniň barşy baradaky hasabaty bilen dowam etdi.

Hasabatda bellenilişi ýaly, gowaça meýdanlaryndaky pagta hasylyny iň soňky hanasyna çenli ýitgisiz ýygnap almak boýunça zerur çäreler görülýär. Ýygym möwsüminde ulanylýan kombaýnlar we beýleki oba hojalyk tehnikalary doly güýjünde işledilýär. Ýygnalan hasyl pagta kabul ediş harmanhanalarynda bökdençsiz kabul edilýär. Bugdaý ekilen meýdanlarda ideg işleri agrotehnikanyň kadalaryna laýyklykda alnyp barylýar. Geljek ýylyň hasyly üçin gowaça ekiljek meýdanlarda sürüm işleri guramaçylykly dowam edýär. Welaýatda ýetişdirilen şaly hasylyny ýitgisiz ýygnap almak boýunça degişli işler geçirilýär. Hormatly Prezidentimiziň tabşyryklaryna laýyklykda, welaýatdaky medeni-durmuş maksatly binalaryň, ýaşaýyş jaýlarynyň ýyladyş ulgamlaryny kadaly işletmek boýunça zerur çäreler görülýär. Mundan başga-da, häkim ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna, Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan medeni-durmuş, önümçilik maksatly desgalardaky gurluşyk işleriniň barşy barada hasabat berdi.

Hormatly Prezidentimiz hasabaty diňläp, ýetişdirilen pagta hasylyny ýitgisiz ýygnap almagyň, ýygym möwsümine gatnaşýan ähli düzümleriň sazlaşykly işini üpjün etmegiň, bugdaý meýdanlaryndaky ideg işleriniň agrotehnikanyň kadalaryna laýyklykda berk berjaý edilmeginiň zerurdygyny belledi we bu babatda häkime anyk tabşyryklary berdi. Şeýle-de döwlet Baştutanymyz ýurdumyzy durmuş-ykdysady taýdan ösdürmek boýunça maksatnamalara laýyklykda, şu ýyl welaýatda açylyp ulanmaga berilmegi göz öňünde tutulýan dürli maksatly desgalardaky gurluşyk işleriniň ýokary hilli ýerine ýetirilmegini gözegçilikde saklamagy tabşyrdy.

Lebap welaýatynyň häkimi M.Annanepesow welaýatda dowam edýän möwsümleýin oba hojalyk işleri barada hasabat berdi.

Bellenilişi ýaly, welaýatda pagta hasylyny ýitgisiz ýygnap almak, kabul ediş harmanhanalarynda bökdençsiz kabul etmek we talabalaýyk saklamak boýunça degişli işler geçirilýär. Bugdaý ekilen meýdanlarda ösüş suwuny tutmak, mineral dökünler bilen iýmitlendirmek işleri ýerine ýetirilýär. Şunda oba hojalyk tehnikalary netijeli işledilýär. Welaýatda geljek ýylyň hasyly üçin gowaça ekiljek meýdanlarda sürüm işleri guramaçylykly alnyp barylýar. Sebitde ýetişdirilen şaly hasylyny ýygnap almak işleri tamamlaýjy tapgyrda alnyp barylýar. Welaýatyň çägindäki edara-kärhanalarda, medeni-durmuş maksatly binalarda, ýaşaýyş jaýlarynda ýyladyş ulgamlarynyň kadaly işledilmegini üpjün etmek boýunça görülýän çäreler barada-da habar berildi. Mundan başga-da, häkim Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilýän medeni-durmuş, önümçilik maksatly desgalardaky gurluşyk işleriniň barşy barada hasabat berdi.

Hormatly Prezidentimiz hasabaty diňläp, pagta hasylynyň ýitgisiz ýygnalyp alynmagyny, bugdaý meýdanlaryndaky ideg işleriniň talabalaýyk ýerine ýetirilmegini esasy wezipeleriň hatarynda belledi we bu babatda häkime anyk tabşyryklary berdi. Şeýle hem döwlet Baştutanymyz häkime Oba milli maksatnamasyna laýyklykda, welaýatda şu ýyl üçin meýilleşdirilen işleriň bellenen möhletlerde ýerine ýetirilmegini gözegçilikde saklamagy tabşyrdy.

Mary welaýatynyň häkimi B.Orazow welaýatda möwsümleýin oba hojalyk işleriniň barşy barada hasabat berdi.

Bellenilişi ýaly, häzirki wagtda ýetişdirilen pagta hasylyny soňky hanasyna çenli ýitgisiz ýygnap almak, kabul ediş harmanhanalarynda we pagta arassalaýjy kärhanalarda bökdençsiz kabul etmek, ýygym möwsüminde ulanylýan kombaýnlary, awtoulaglary, beýleki tehnikalary netijeli işletmek boýunça zerur çäreler görülýär. Welaýatda geljek ýylyň hasyly üçin bugdaý ekilen meýdanlarda gögeriş we ösüş suwuny tutmak, mineral dökünler bilen iýmitlendirmek işleri ýerine ýetirilýär. Geljek ýylyň hasyly üçin gowaça ekiljek meýdanlary ekiş möwsümine taýýarlamak üçin sürüm, topragy mineral dökünler bilen gurplandyrmak işleri geçirilýär. Gant şugundyrynyň hasylyny ýitgisiz ýygnap almak, döwlet harmanyna tabşyrmak, bökdençsiz kabul etmek boýunça degişli işler alnyp barylýar. Welaýatyň çägindäki bilim, medeniýet, dolandyryş, jemgyýetçilik binalarynyň, ýaşaýyş jaýlarynyň ýyladyş ulgamlaryny kadaly işletmek boýunça zerur çäreler görülýär. Şeýle hem häkim “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna”, Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan medeni-durmuş, önümçilik maksatly desgalardaky gurluşyk işleriniň ýagdaýy barada hasabat berdi.

Döwlet Baştutanymyz hasabaty diňläp, daýhan yhlasy bilen ýetişdirilen pagta hasylyny soňky hanasyna çenli ýygnap almagyň, bugdaý meýdanlaryndaky ideg işleriniň talabalaýyk ýerine ýetirilmeginiň möhümdigini belledi we bu babatda häkime anyk tabşyryklary berdi. Şeýle-de hormatly Prezidentimiz ýurdumyzy durmuş-ykdysady taýdan ösdürmäge gönükdirilen maksatnamalara laýyklykda, welaýatda şu ýyl açylyp ulanmaga berilmegi göz öňünde tutulýan desgalardaky gurluşyk işleriniň öz wagtynda ýerine ýetirilmegini gözegçilikde saklamagy tabşyrdy.

Soňra Ministrler Kabinetiniň Başlygynyň orunbasary T.Atahallyýew ýurdumyzda möwsümleýin oba hojalyk işleriniň barşy barada hasabat berdi.

Bellenilişi ýaly, häzirki wagtda möwsümleýin oba hojalyk işleriniň çäklerinde welaýatlarda ýetişdirilen pagta hasylyny soňky hanasyna çenli ýitgisiz ýygnap almak, hasyly kabul ediş harmanhanalarynda we pagta arassalaýjy kärhanalarda bökdençsiz kabul etmek, gaýtadan işlemek boýunça zerur çäreler görülýär. Bugdaý ekilen meýdanlarda ösüş suwuny tutmak we mineral dökünler bilen iýmitlendirmek işleri alnyp barylýar. Geljek ýylyň pagta hasylynyň düýbüni tutmak maksady bilen, sürüm işleri dowam edýär. Bu ugurda oba hojalyk tehnikalary netijeli işledilýär. Daşoguz, Lebap welaýatlarynda şaly hasylyny, Mary welaýatynda bolsa gant şugundyrynyň hasylyny ýygnamak işleri dowam edýär.

Hormatly Prezidentimiz hasabaty diňläp, häzirki wagtda oba hojalyk pudagynyň öňünde durýan möhüm wezipelere ünsi çekdi we wise-premýere möwsümleýin oba hojalyk işleriniň ýokary hilli, agrotehniki möhletlerde geçirilmegini gözegçilikde saklamagy tabşyrdy.

Soňra döwlet Baştutanymyz iş maslahatyna gatnaşyjylara ýüzlenip, welaýatlarda ýetişdirilen pagta hasylyny soňky hanasyna çenli ýygnap almak üçin geçirilýän işlere berk gözegçilik etmegiň, ýygym möwsüminde kombaýnlary, beýleki tehnikalary, kabul ediş harmanhanalaryny, pagta arassalaýjy kärhanalary doly güýjünde, netijeli işletmegiň möhümdigini belledi. Döwlet Baştutanymyz bugdaý ekilen meýdanlarda ideg işleriniň geçirilişine berk gözegçilik etmegi, haşal otlara garşy göreş çäreleriniň öz wagtynda alnyp barylmagyny, bugdaý meýdanlarynda gögeriş we birinji ösüş suwuny tutmak, mineral dökünler bilen iýmitlendirmek işleriniň agrotehniki möhletlerde geçirilmegini üpjün etmegi, ekilen bugdaýdan kadaly gögeriş alynmagyna aýratyn üns bermegi tabşyrdy.

Welaýatlarda geljek ýylyň hasyly üçin gowaça ekiljek ýerlerde sürüm işleriniň talabalaýyk geçirilişini berk gözegçilikde saklamak, önüm öndürijiler bilen hyzmat ediji edara-kärhanalaryň arasynda şu ýylyň pagta, geljek ýylyň bugdaý hasyly boýunça ýerine ýetirilen işler üçin hasaplaşyklaryň öz wagtynda geçirilmegini üpjün etmek tabşyryldy. Şeýle hem hormatly Prezidentimiz Serdar Berdimuhamedow Daşoguz we Lebap welaýatlarynda şalynyň, Mary welaýatynda gant şugundyrynyň hasylyny ýitgisiz ýygnap almak, bilim, medeniýet, dolandyryş, jemgyýetçilik edaralarynyň we ýaşaýyş jaýlarynyň ýyladyş ulgamlarynyň kadaly işledilmegini üpjün etmek babatda degişli görkezmeleri berdi.

Hormatly Prezidentimiz ýurdumyzy durmuş-ykdysady taýdan ösdürmäge gönükdirilen maksatnamalarda bellenilen wezipeleriň üstünlikli ýerine ýetirilmeginiň möhümdigine ünsi çekip, “Türkmenistany 2022 — 2028-nji ýyllarda durmuş-ykdysady taýdan ösdürmegiň Maksatnamasyna”, Oba Milli maksatnamasyna laýyklykda, welaýatlarda şu ýyl meýilleşdirilen işleriň öz wagtynda ýerine ýetirilmegi üçin zerur çäreleri görmegi tabşyrdy.

Döwlet Baştutanymyz Serdar Berdimuhamedow iş maslahatyny jemläp, oňa gatnaşanlara berk jan saglyk, maşgala abadançylygyny, alyp barýan işlerinde uly üstünlikleri arzuw etdi.

TÜRKMENISTANYŇ MEJLISI

Habarlar

Türkmenistanyň Prezidenti bilen Eýran Yslam Respublikasynyň Prezidentiniň arasynda telefon arkaly söhbetdeşlik

Телефонный разговор между Президентом Туркменистана и Президентом Исламской Республики Иран

Telephone Talk between the President of Turkmenistan and the President of the Islamic Republic of Iran

MEŇZEŞ HABARLAR

Garaşsyz Türkmenistan — jebisligiň we abadançylygyň ýurdy

Türkmenistanyň Prezidenti iş maslahatyny geçirdi

BOSNIÝA WE GERSEGOWINANYŇ ILÇISI YNANÇ HATYNY GOWŞURDY

Türkmenistanyň Mejlisinde 2025-nji ýyly döwrebap atlandyrmaga bagyşlanan maslahat geçirildi