Täzelikler

The President of Turkmenistan received the Chairman of the Cabinet of Ministers of the Kyrgyz Republic

Şu gün hormatly Prezidentimiz Serdar Berdimuhamedow Garaşsyz Döwletleriň Arkalaşygynyň Hökümet Baştutanlarynyň Geňeşiniň nobatdaky mejlisine gatnaşmak üçin ýurdumyza gelen Gyrgyz Respublikasynyň Ministrler Kabinetiniň Başlygy, Gyrgyz Respublikasynyň Prezidentiniň Diwanynyň ýolbaşçysy Akylbek Žaparowy kabul etdi.

Myhman wagt tapyp kabul edendigi üçin tüýs ýürekden hoşallyk bildirip, döwlet Baştutanymyza we Gahryman Arkadagymyza Gyrgyz Respublikasynyň Prezidenti Sadyr Žaparowyň mähirli salamyny, Türkmenistanyň halkyna abadançylyk, rowaçlyk baradaky arzuwlaryny ýetirdi.

Hormatly Prezidentimiz dostlukly Gyrgyz Respublikasynyň Ministrler Kabinetiniň Başlygyny myhmansöýer türkmen topragynda mähirli mübärekläp, doganlyk ýurduň Baştutanyna iň gowy arzuwlaryny beýan etdi. Hormatly Prezidentimiz Akylbek Žaparowyň GDA-nyň Hökümet Baştutanlarynyň Geňeşiniň mejlisine gatnaşmagyny aýratyn belläp, bu çäräniň türkmen-gyrgyz hyzmatdaşlygyny ikitaraplaýyn we köptaraplaýyn görnüşde mundan beýläk-de giňeltmäge ýardam berjekdigine ynam bildirdi. Duşuşygyň dowamynda umumy ruhy, medeni, taryhy gymmatlyklary bolan Türkmenistanyň hem-de Gyrgyz Respublikasynyň ýakyn goňşy, ygtybarly hyzmatdaş bolmak bilen, döwletara gatnaşyklaryň ösdürilmegine möhüm ähmiýet berýändikleri tassyklanyldy.

Hormatly Prezidentimiz we myhman ikitaraplaýyn gatnaşyklar barada aýdyp, taraplaryň berk syýasy erkiniň, özara ynanyşmagynyň iki döwletiň arasyndaky hyzmatdaşlygy mundan beýläk-de ösdürmek üçin berk binýat bolup durýandygyny kanagatlanma bilen bellediler. Nygtalyşy ýaly, ýurtlarymyz ikitaraplaýyn syýasy dialogy üstünlikli alyp barmak bilen çäklenmän, şol bir wagtyň özünde halkara guramalaryň, ilkinji nobatda, BMG-niň, GDA-nyň çäklerinde hem işjeň hyzmatdaşlyk edýärler. Iki döwlet birek-biregiň netijeli başlangyçlaryny goldaýarlar, goňşy ýurtlar bilen köpugurly dialogyň giňeldilmegi, hoşniýetli goňşuçylyk gatnaşyklarynyň pugtalandyrylmagy ugrunda çykyş edýärler.

Söwda-ykdysady gatnaşyklaryň türkmen-gyrgyz hyzmatdaşlygynyň ileri tutulýan ugurlarynyň biridigi nygtaldy. Özara haryt dolanyşygynyň möçberi ýylsaýyn artýar. Şunuň bilen baglylykda, bu ösüş depginini saklamagyň, täze mümkinçilikleri açmagyň zerurdygy bellenildi. Şunda Söwda-ykdysady, ylmy-tehniki we ynsanperwer hyzmatdaşlyk boýunça bilelikdäki hökümetara topara möhüm orun degişlidir. Bu toparyň işi dürli pudaklarda, şol sanda işewür düzümleriň ugry boýunça netijeli hyzmatdaşlygy işjeňleşdirmäge ýardam bermäge gönükdirilendir. Mundan başga-da, hyzmatdaşlygyň ägirt uly mümkinçiliklerini açmak, hususan-da, söwda, ýangyç-energetika, ulag-aragatnaşyk pudaklarynda iri taslamalary durmuşa geçirmek üçin ähli gurallary doly derejede ulanmagyň wajypdygyna üns çekildi.

Medeni-ynsanperwer ulgamdaky hyzmatdaşlyga hem ähmiýetli orun degişlidir. Munuň özi iki ýurduň halklaryny ýakynlaşdyrmaga ýardam berýär. Şunuň bilen baglylykda, ylym, bilim, sport, syýahatçylyk ulgamlarynda bilelikde işlemek üçin uly mümkinçilikleriň bardygy nygtaldy.

Gyrgyz Respublikasynyň Ministrler Kabinetiniň Başlygy şu ýyl beýik türkmen şahyry Magtymguly Pyragynyň doglan gününiň 300 ýyllygynyň diňe bir Türkmenistanda däl, eýsem, halkara derejede-de giňden bellenilýändigini aýdyp, ýakynda açylan “Magtymguly Pyragy” medeni-seýilgäh toplumynda dünýä edebiýatynda öçmejek yz galdyran şahsyýetler bilen bir hatarda, gyrgyz ýazyjysy Çingiz Aýtmatowyň heýkeliniň hem orun almagynyň gyrgyz halkyny çäksiz buýsandyrandygyny belledi.

Duşuşygyň ahyrynda hormatly Prezidentimiz Serdar Berdimuhamedow we Gyrgyz Respublikasynyň Ministrler Kabinetiniň Başlygy Akylbek Žaparow birek-birege iň gowy arzuwlaryny beýan edip, däp bolan döwletara hyzmatdaşlygyň özara bähbitlilik esasynda mundan beýläk-de üstünlikli ösdüriljekdigine ynam bildirdiler.

Сегодня Президент Сердар Бердымухамедов принял Председателя Кабинета Министров, руководителя Администрации Президента Кыргызской Республики Акылбека Жапарова, прибывшего в нашу страну для участия в очередном заседании Совета глав правительств Содружества Независимых Государств.

Выразив искреннюю признательность за уделённое время, гость передал главе государства, а также Национальному Лидеру туркменского народа Герою-Аркадагу тёплые слова приветствия от Президента Кыргызской Республики Садыра Жапарова, адресовавшего пожелания благополучия и процветания всем туркменистанцам.

Сердечно приветствуя Председателя Кабинета Министров Кыргызстана на гостеприимной туркменской земле, глава Туркменистана передал ответные наилучшие пожелания высшему руководству братской страны. При этом особо отмечалось участие Акылбека Жапарова в заседании Совета глав правительств СНГ. Была выражена уверенность, что данное мероприятие будет способствовать дальнейшему расширению туркмено-кыргызского сотрудничества как в двустороннем, так и в многостороннем формате.

В ходе встречи подчёркивалось, что, являясь близкими соседями и надёжными партнёрами, которых объединяют общие духовные, культурные и исторические ценности, Туркменистан и Кыргызская Республика придают важное значение перспективам наращивания межгосударственных связей на различных уровнях.

Касаясь темы двустороннего сотрудничества, Президент Сердар Бердымухамедов и его гость с удовлетворением констатировали, что твёрдая политическая воля и приверженность обеих сторон к доверительному сотрудничеству служат прочной базой для дальнейшего развития отношений между двумя государствами.

Как отмечалось, наши страны не только успешно поддерживают двусторонний политический диалог, но в то же время активно сотрудничают в рамках международных организаций, в первую очередь ООН и СНГ. Туркменистан и Кыргызстан поддерживают конструктивные инициативы друг друга и выступают за расширение многопланового диалога со странами-соседями, укрепление исконных традиций добрососедства.

Наряду с этим подчёркивалось, что одним из приоритетных направлений туркмено-кыргызских контактов является активизация торгово-экономических связей. Объём взаимного товарооборота с каждым годом увеличивается, в связи с чем отмечалась необходимость поддерживать эту динамику и искать новые возможности для дальнейшего роста. В данном контексте подчёркивалась значимая роль совместной Межправительственной комиссии по торгово-экономическому, научно-техническому и гуманитарному сотрудничеству, призванной способствовать активизации продуктивных контактов в различных отраслях, в том числе по линии деловых структур.

Кроме того, акцент был сделан на необходимости использования всех возможных механизмов для раскрытия огромного потенциала в развитии двустороннего партнёрства, особенно в реализации крупных проектов в области торговли, топливно-энергетического комплекса, транспорта и связи.

Не менее значимое место в отношениях между обеими странами отводится взаимодействию в культурно-гуманитарной сфере, которое служит сближению двух народов. В этой связи была высказана убеждённость в наличии больших возможностей для совместной деятельности в области науки, образования, спорта и туризма.

Отметив, что в текущем году 300-летие великого туркменского поэта Махтумкули Фраги широко отмечается не только в Туркменистане, но и на международном уровне, Председатель Кабинета Министров Кыргызской Республики подчеркнул, что установление в недавно открывшемся культурно-парковом комплексе «Magtymguly Pyragy» памятника кыргызскому писателю Чингизу Айтматову, наравне с другими выдающимися личностями, оставившими неизгладимый след в мировой литературе, вызывает безграничную гордость у народа Кыргызстана.

В завершение встречи Президент Туркменистана Сердар Бердымухамедов и Председатель Кабинета Министров Кыргызской Республики Акылбек Жапаров обменялись наилучшими пожеланиями, выразив уверенность, что традиционно дружественное межгосударственное сотрудничество будет и впредь успешно развиваться на взаимовыгодной основе.

On May 24, 2024, President of Turkmenistan Serdar Berdimuhamedov received the Chairman of the Cabinet of Ministers, Head of the Administration of the President of the Kyrgyz Republic Akylbek Japarov, who arrived in our country to participate in the regular meeting of the Council of Heads of Government of the Commonwealth of Independent States.

Expressing sincere gratitude for his time, the guest conveyed warm words of greetings from the President of the Kyrgyz Republic Sadyr Japarov, who addressed wishes of well-being and prosperity to all Turkmen people, to the head of state, as well as the National Leader of the Turkmen people, Chairman of the Halk Maslahaty of Turkmenistan.

Cordially welcoming the Chairman of the Cabinet of Ministers of Kyrgyzstan to the hospitable Turkmen soil, the head of Turkmenistan conveyed his best wishes to the top leadership of the fraternal country. At the same time, the participation of Akylbek Japarov in the meeting of the Council of Heads of Government of the CIS was especially noted. Confidence was expressed that this event will contribute to the further expansion of Turkmen-Kyrgyz cooperation in both bilateral and multilateral formats.

During the meeting, it was emphasized that, being close neighbors and reliable partners united by common spiritual, cultural and historical values, Turkmenistan and the Kyrgyz Republic attach great importance to the prospects for building up interstate ties at various levels.

Touching upon the topic of bilateral cooperation, the President of Turkmenistan Serdar Berdimuhamedov and his guest noted with satisfaction that the strong political will and commitment of both parties to trusting cooperation serve as a solid basis for the further development of relations between the two states.

As noted, our countries not only successfully maintain a bilateral political dialogue, but at the same time actively cooperate within the framework of international organizations.

Along with this, it was emphasized that one of the priority areas of Turkmen-Kyrgyz contacts is the activation of trade and economic ties. In this context, the significant role of the joint Intergovernmental Commission on Trade, Economic, Scientific, Technical and Humanitarian Cooperation was emphasized.

At the end of the meeting, the President of Turkmenistan Serdar Berdimuhamedov and the Chairman of the Cabinet of Ministers of the Kyrgyz Republic Akylbek Japarov exchanged best wishes, expressing confidence that traditionally friendly interstate cooperation will continue to develop successfully on a mutually beneficial basis.

Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan möwsümleýin işleriň barşy bilen bagly meselelere garaldy.

Ilki bilen, Ahal welaýatynyň häkimi R.Hojagulyýewe söz berildi.

Ol welaýatda möwsümleýin oba hojalyk işleriniň barşy barada hasabat berdi.

Bellenilişi ýaly, şu günler sebitde galla oragy dowam edýär. Orak möwsümini guramaçylykly geçirmek üçin zerur çäreler görülýär. Geljek ýylyň hasyly üçin bugdaý tohumy taýýarlanylýar. Galla oragyndan boşan meýdanlarda sürüm işleri alnyp barylýar. Ýygnalan hasylyň kabul ediş nokatlaryndan ammarlara we elewatorlara wagtynda, ýitgisiz daşalmagy üçin tehnikalaryň netijeli işledilmegine aýratyn üns berilýär. Welaýatyň gowaça meýdanlarynda ideg işleri agrotehnikanyň kadalaryna laýyklykda dowam edýär. Ýeralmanyň we beýleki gök-bakja ekinleriniň ýetişdirilen hasylyny ýygnap almak bilen bir hatarda, bu ekinleriň güýzki ekişine taýýarlyk görmek işleri utgaşykly geçirilýär. Şeýle-de häkim Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilýän medeni-durmuş we önümçilik maksatly desgalardaky gurluşyk işleriniň ýagdaýy barada hasabat berdi.

Hormatly Prezidentimiz hasabaty diňläp, ýetişdirilen bugdaý hasylynyň ýitgisiz, gysga möhletde ýygnalyp alynmagynyň, gowaça ideg işleriniň agrotehniki möhletlerde, talabalaýyk ýerine ýetirilmeginiň möhümdigini belledi we bu babatda häkime birnäçe anyk tabşyryklary berdi. Şeýle hem döwlet Baştutanymyz şu ýyl welaýatda açylyp ulanmaga berilmegi meýilleşdirilýän dürli maksatly desgalardaky gurluşyk işleriniň ýokary hilli bolmagyny gözegçilikde saklamagy häkime tabşyrdy.

Soňra Balkan welaýatynyň häkimi H.Aşyrmyradow welaýatdaky möwsümleýin oba hojalyk işleri barada hasabat berdi.

Hasabatda bellenilişi ýaly, daýhan yhlasy bilen ýetişdirilen bugdaý hasylyny gysga wagtda ýygnap almak, hasyly kabul ediş nokatlarynda bökdençsiz kabul etmek, ammarlara we elewatorlara daşamak, bugdaýdan boşan meýdanlary sürmek, geljek ýylyň hasyly üçin ýokary hilli bugdaý tohumyny taýýarlamak boýunça degişli işler geçirilýär. Gowaça ekilen meýdanlarda hatarara bejergi, mineral dökünler bilen iýmitlendirmek, ösüş suwuny tutmak işleri dowam edýär. Welaýatyň ekerançylyk meýdanlarynda ýeralmanyň, beýleki gök-bakja ekinleriniň hasylyny ýygnap almak hem-de ilata ýetirmek boýunça işler ýola goýulýar. Şunuň bilen birlikde, bu ekinleriň güýzki ekişine taýýarlyk işleri alnyp barylýar. Şeýle-de häkim ýurdumyzy 2022 — 2028-nji ýyllarda durmuş ykdysady taýdan ösdürmegiň Maksatnamasyna laýyklykda, şu ýyl welaýatda açylyp ulanmaga berilmegi meýilleşdirilýän medeni-durmuş, önümçilik maksatly desgalardaky gurluşyk işleriniň alnyp barlyşy barada hasabat berdi.

Döwlet Baştutanymyz hasabaty diňläp, gallaçy daýhanlarymyzyň tutanýerli zähmeti bilen ýetişdirilen bugdaý hasylyny gysga möhletde we ýitgisiz ýygnap almak, gowaça ideg işlerini talabalaýyk, agrotehniki möhletlerde geçirmek üçin ähli zerur çäreleriň görülmelidigini belläp, bu babatda häkime anyk tabşyryklary berdi. Şeýle hem hormatly Prezidentimiz şu ýyl welaýatda açylyp ulanmaga berilmegi göz öňünde tutulýan dürli maksatly desgalardaky gurluşyk işleriniň bellenen möhletlerde ýerine ýetirilmegini gözegçilikde saklamagy tabşyrdy.

Sanly ulgam arkaly geçirilýän iş maslahaty Daşoguz welaýatynyň häkimi S.Soltanmyradowyň welaýatda möwsümleýin oba hojalyk işleriniň barşy baradaky hasabaty bilen dowam etdi.

Bellenilişi ýaly, ýetişdirilen bugdaýyň bol hasylyny gysga wagtda ýitgisiz ýygnap almak maksady bilen, däne ýygýan kombaýnlar, bugdaý daşaýan awtoulaglar sazlaşykly işledilýär, gündelik ýygnalýan hasyl galla kabul ediş nokatlarynda bökdençsiz kabul edilýär hem-de elewatorlara, ammarlara daşalýar. Geljek ýylyň hasyly üçin bugdaý tohumyny taýýarlamak, orakdan boşan meýdanlary sürmek işlerine girişildi. Welaýatyň gowaça ekilen meýdanlarynda hatarara bejergi, mineral dökünler bilen iýmitlendirmek, ösüş suwuny tutmak işleri agrotehnikanyň kadalaryna laýyklykda ýerine ýetirilýär. Bu işlerde oba hojalyk tehnikalary doly güýjünde işledilýär. Ýeralmanyň, azyklyk gök-bakja ekinleriniň ýurdumyzda öndürilýän möçberini has-da artdyrmak babatda öňde goýlan wezipelerden ugur alnyp, häzirki wagtda welaýatda bu ekinleriň ýetişdirilen hasylyny ýygnap almak, şu ýylyň güýz möwsüminde olaryň ekilmeli ýerlerini agrotehnikanyň talaplaryna laýyklykda taýýarlamak boýunça işler geçirilýär. Welaýatyň şaly ekilen meýdanlarynda ideg etmek, mineral dökünler bilen iýmitlendirmek işleri dowam edýär. Şeýle hem häkim Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan medeni-durmuş, önümçilik maksatly desgalardaky gurluşyk işleriniň ýagdaýy barada hasabat berdi.

Hormatly Prezidentimiz hasabaty diňläp, häzirki wagtda oba hojalygynda ýaýbaňlandyrylan möwsümleýin işlere ünsi çekdi hem-de galla oragynyň ýokary guramaçylyk derejesinde geçirilmegi, welaýatyň gowaça, şaly ekilen meýdanlarynda ideg işleriniň agrotehnikanyň kadalaryna laýyklykda ýerine ýetirilmegi babatda häkime birnäçe anyk tabşyryklary berdi. Şeýle-de döwlet Baştutanymyz welaýatda şu ýyl açylyp ulanmaga berilmegi meýilleşdirilen dürli maksatly desgalardaky gurluşyk işleriniň ýokary hiliniň üpjün edilmegini gözegçilikde saklamagy tabşyrdy.

Soňra Lebap welaýatynyň häkimi Ş.Amangeldiýew welaýatda möwsümleýin oba hojalyk işleriniň barşy barada hasabat berdi.

Bellenilişi ýaly, sebitde ýetişdirilen bugdaý hasylyny ýygnap almak, orakdan boşan meýdanlary sürmek, indiki ekiş möwsümine taýýarlamak işleri dowam edýär. Ýygnalan hasyly galla kabul ediş nokatlaryndan elewatorlara we ammarlara ýitgisiz daşamak, geljek ýylyň hasyly üçin bugdaý tohumyny taýýarlamak boýunça degişli işler alnyp barylýar. Welaýatyň gowaça ekilen meýdanlarynda agrotehnikanyň kadalaryna laýyklykda hatarara bejergi, otag etmek, mineral dökünler bilen iýmitlendirmek, ösüş suwuny tutmak işleri ýerine ýetirilýär. Bu işlerde ulanylýan oba hojalyk tehnikalary bökdençsiz ulanylýar. Ýazlyk gök-bakja ekinleriniň ýetişdirilen hasylyny ýygnap almak, olaryň güýzki ekişine taýýarlyk görmek işleri dowam edýär. Welaýatyň şaly ekilen meýdanlarynda agrotehnikanyň kadalaryna laýyklykda ideg işleri geçirilýär. Şeýle-de häkim ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna, «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna» laýyklykda, şu ýyl welaýatda açylyp ulanmaga berilmegi meýilleşdirilýän medeni-durmuş we önümçilik maksatly desgalardaky gurluşyk işleriniň barşy barada hasabat berdi.

Hormatly Prezidentimiz Serdar Berdimuhamedow hasabaty diňläp, ýetişdirilen bugdaý hasylynyň öz wagtynda ýygnalyp alynmagyny, welaýatyň gowaça, şaly ekilen meýdanlaryndaky ideg işleriniň agrotehnikanyň kadalaryny berk berjaý etmek arkaly geçirilmegini ileri tutulýan wezipeleriň hatarynda kesgitledi we bu babatda häkime birnäçe görkezmeleri berdi. Döwlet Baştutanymyz şu ýyl welaýatda açylyp ulanylmaga berilmegi meýilleşdirilýän dürli maksatly desgalardaky gurluşyk işleriniň ýokary hilli, öz wagtynda ýerine ýetirilmegini gözegçilikde saklamagy hem tabşyrdy.

Soňra Mary welaýatynyň häkimi B.Orazow welaýatda möwsümleýin oba hojalyk işleriniň barşy barada hasabat berdi.

Bellenilişi ýaly, ýetişdirilen bugdaý hasylyny gysga wagtda we ýitgisiz ýygnap almak, tabşyrylan hasyl üçin hasaplaşyklary öz wagtynda geçirmek, bugdaý oragyndan boşan meýdanlary sürmek, geljek ýylyň hasyly üçin bugdaý tohumyny taýýarlamak, ýygnalan hasyly elewatorlara, ammarlara bökdençsiz daşamak boýunça degişli işler alnyp barylýar. Welaýatyň gowaça meýdanlarynda hatarara bejergi, mineral dökünler bilen iýmitlendirmek, ösüş suwuny tutmak işleri dowam edýär. Ýeralmanyň we beýleki gök-bakja ekinleriniň ýetişdirilen hasylyny ýygnap almak, bu ekinleriň güýzki ekişine taýýarlyk görmek babatda zerur çäreler görülýär. Şeýle-de häkim “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna”, Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan medeni-durmuş, önümçilik maksatly desgalardaky gurluşyk işleriniň ýagdaýy barada hasabat berdi.

Döwlet Baştutanymyz hasabaty diňläp, häzirki wagtda oba hojalygynda dowam edýän jogapkärli möwsümi ýokary guramaçylyk derejesinde geçirmek üçin ähli zerur çäreleriň görülmelidigini belledi we bugdaý hasylynyň gysga möhletde, ýitgisiz ýygnalyp alynmagyny, welaýatyň ekerançylyk meýdanlaryndaky degişli ideg işleriniň agrotehnikanyň kadalaryny berk berjaý etmek arkaly ýerine ýetirilmegini üpjün etmegi häkime tabşyrdy. Şeýle-de hormatly Prezidentimiz ýurdumyzy durmuş-ykdysady taýdan ösdürmäge gönükdirilen maksatnamalara laýyklykda, şu ýyl welaýatda açylyp ulanmaga berilmegi meýilleşdirilen dürli maksatly desgalardaky gurluşyk işleriniň hilini gözegçilikde saklamagy tabşyrdy.

Ministrler Kabinetiniň Başlygynyň orunbasary T.Atahallyýew ýurdumyzda möwsümleýin oba hojalyk işleriniň barşy barada hasabat berdi.

Bellenilişi ýaly, hormatly Prezidentimiziň hemaýat-goldawlary esasynda ýurdumyzda ösdürilip ýetişdirilen bugdaý hasylyny ýitgisiz ýygnap almak, ony galla kabul ediş kärhanalarynda bökdençsiz kabul etmek, ammarlara, elewatorlara daşamak, önüm öndürijiler bilen döwlete tabşyrylan hasyl üçin hasaplaşyklary öz wagtynda geçirmek, galla oragyndan boşan meýdanlary indiki ekiş möwsümine taýýarlamak boýunça degişli işler alnyp barylýar. Diýarymyzyň gowaça meýdanlarynda pagtaçy daýhanlarymyz tarapyndan hatarara bejergi, mineral dökünler bilen iýmitlendirmek, ösüş suwuny tutmak işleri geçirilýär. Welaýatlaryň ekerançylyk meýdanlarynda ösdürilip ýetişdirilen ýeralmanyň, beýleki gök-bakja ekinleriniň hasylyny ýygnap almak, bu önümler bilen bazarlarymyzy bolelin üpjün etmek, şu ýylyň güýz paslynda azyklyk oba hojalyk ekinleriniň ekiljek ýerlerini ekiş möwsümine taýýarlamak boýunça degişli işler alnyp barylýar. Şunuň bilen birlikde, Daşoguz, Lebap welaýatlarynyň şaly ekilen meýdanlarynda ideg işleri dowam edýär.

Hormatly Prezidentimiz hasabaty diňläp, oba hojalyk pudagynyň milli ykdysadyýetimizdäki ähmiýetli ornuny belledi hem-de häzirki wagtda bu pudagyň öňünde durýan möhüm wezipelere ünsi çekdi. Döwlet Baştutanymyz dowam edýän galla oragynyň ýokary guramaçylyk derejesinde geçirilmeginiň, ýurdumyzyň gowaça meýdanlaryndaky ideg işleriniň agrotehniki möhletlerde, talabalaýyk ýerine ýetirilmeginiň zerurdygyny aýdyp, wise-premýere birnäçe anyk tabşyryklary berdi. Hormatly Prezidentimiz iş maslahatyna gatnaşyjylara ýüzlenip, möwsümleýin oba hojalyk işleriniň wajyp ähmiýetine ýene-de bir gezek ünsi çekdi we bu ugurda alnyp barylýan işleriň ýokary hilli ýerine ýetirilmegini gözegçilikde saklamagy tabşyrdy.

Döwlet Baştutanymyz sanly ulgam arkaly geçirilen iş maslahatyny jemläp, oňa gatnaşanlara işlerinde üstünlikleri arzuw etdi.

TÜRKMENISTANYŇ MEJLISI

Habarlar

Türkmenistanyň Prezidenti Gyrgyz Respublikasynyň Ministrler Kabinetiniň Başlygyny kabul etdi

Президент Туркменистана принял Председателя Кабинета Министров Кыргызской Республики

The President of Turkmenistan received the Chairman of the Cabinet of Ministers of the Kyrgyz Republic

MEŇZEŞ HABARLAR

Türkmenistanyň Prezidenti sanly ulgam arkaly iş maslahatyny geçirdi

NIKARAGUA RESPUBLIKASYNYŇ ILÇISI YNANÇ HATYNY GOWŞURDY

Türkmenistanyň Mejlisiniň wekilleri ÝHHG PA-nyň Ýaş parlamentariler torunyň mejlisine gatnaşdylar

Ýewropada Howpsuzlyk we Hyzmatdaşlyk Guramasynyň Prezidenti bilen duşuşyk geçirildi