Täzelikler

Рабочая поездка Национального Лидера туркменского народа, Председателя Халк Маслахаты Туркменистана в город Аркадаг

Şu gün türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine iş saparyny amala aşyryp, bu ýerde önümçilik desgalarynyň gurluşygy boýunça alnyp barylýan işleriň barşy bilen tanyşdy hem-de degişli ýolbaşçylaryň gatnaşmagynda iş maslahatyny geçirdi.

Gahryman Arkadagymyzyň başyny başlan asylly işleriniň hormatly Prezidentimiziň baştutanlygynda üstünlikli dowam etdirilmegi netijesinde ýurdumyzda giň möçberli özgertmeler amala aşyrylýar. Munuň özi, Diýarymyzyň ähli künjeklerinde bolşy ýaly, Arkadag şäheriniň durmuş-ykdysady taýdan ösüşinde hem öz beýanyny tapýar.

Täze şäheriň lukmançylyk klasterine degişli önümçilik desgalarynda öndürilmegi meýilleşdirilýän lukmançylyk serişdeleriniň, saglygy goraýyş enjamlarynyň görnüşleri, olary taýýarlamakda ulanylmagy göz öňünde tutulýan ýerli çig mal serişdeleri barada Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow hasabat berdi. Görkezilýän şekil taslamalarynyň hatarynda lukmançylyk serişdeleriniň görnüşleri, ýokary ekologik talaplara laýyk gelýän pamyklar, saglygy goraýyş ulgamynda giňden ulanylýan dokalmadyk matadan taýýarlanan bir gezeklik agyz-burun örtükleri, başgaplar, halatlar, ýorgan-düşek daşlyklary, aýakgap örtükleri, hassahanalar üçin zerur bolan dürli enjamlaryň görnüşleri bar. Şeýle hem ýurdumyzyň Saglygy goraýyş we derman senagaty ministrligine, şol sanda Arkadag şäheriniň lukmançylyk edaralaryna zerur bolan saglygy goraýyş enjamlarynyň we serişdeleriň her ýylda zerur hasaplanýan möçberleri baradaky maglumatlar diňlenildi.

Milli Liderimiz täze şäheriň gurluşygynyň ikinji tapgyrynda meýilleşdirilen önümçilik toplumlarynda öndüriljek serişdeleriň ýokary halkara ülňülere we häzirki zamanyň ekologik talaplaryna doly laýyk gelmelidigini belledi. Munuň üçin döwrebap usullaryň, täzeçil tehnologiýalaryň ulanylmagy, dünýäniň ösen tejribesiniň özleşdirilmegi wajypdyr. Şunuň bilen baglylykda, bu ugurda halkara hyzmatdaşlygyň ýola goýulmagy işleriň netijeli bolmagynda ähmiýetlidir.

Nygtalyşy ýaly, hormatly Prezidentimiz Serdar Berdimuhamedowyň tabşyrygyna laýyklykda, ýurdumyzyň wekilçilikli toparynyň agzalary Ýewropanyň birnäçe ýurtlarynda, Türkiýe Respublikasynda, Hytaý Halk Respublikasynda iş saparlarynda bolup, Arkadag şäherinde gurulmagy meýilleşdirilýän önümçilik desgalarynyň, aýratyn-da, saglygy goraýyş ulgamyna degişli kärhanalaryň gurluşygy boýunça tejribe alyşdylar hem-de bu ugurda iň kämil tejribeleri içgin öwrendiler.

Lukman Arkadagymyz ähli ugurlarda bolşy ýaly, saglygy goraýyş ulgamynda-da daşary ýurtly hyzmatdaşlar bilen geňeşmeleriň geçirilmeginiň, olaryň dowamynda ýurdumyzyň çäginde bar bolan çig mallaryň ekologik we ýaramlylyk derejesi, ýokary ekologik talaplara laýyk gelýän suw çeşmelerini önümçilik maksady bilen ulanmagyň mümkinçilikleri boýunça pikir alyşmalaryň guralmagynyň wajypdygyna ünsi çekdi. Munuň özi Arkadag şäherinde döredilýän lukmançylyk klasteriniň önümçilik toplumlarynyň işiniň netijeli häsiýete eýe bolmagyny üpjün eder.

Türkmen halkynyň Milli Lideri täze şäheriň önümçilik düzümlerinde taýýarlanyljak serişdeleriň we enjamlaryň hil derejesine, ekologik ýagdaýyna möhüm ähmiýet berilmelidigini, bu ugurda dünýäniň öňdebaryjy usullarynyň netijeli ulanylmalydygyny belledi we bu babatda degişli ýolbaşçylara birnäçe anyk görkezmeleri berdi.

Soňra Gahryman Arkadagymyz bu ýerde Ministrler Kabinetiniň Başlygynyň käbir orunbasarlarynyň, Türkmenistanyň Prezidentiniň nebitgaz meseleleri boýunça geňeşçisi A.Begliýewiň, Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazowyň, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň wise-prezidenti R.Bazarowyň hem-de köpçülikleýin habar beriş serişdeleriniň ýolbaşçylarynyň gatnaşmagynda iş maslahatyny geçirdi.

Milli Liderimiziň başlangyjy hem-de yzygiderli tagallalary netijesinde binýat bolan Arkadag şäheri «akylly» şäher bolmak bilen, döwrebap ýaşaýyş toplumyny, durmuş maksatly desgalary özünde jemleýär. Täze şäherde ilatyň bagtyýar ýaşaýşynyň, sagdynlygynyň we döredijilikli zähmetiniň üpjün edilmegi babatda giň möçberli işler amala aşyrylýar. Munuň özi «Döwlet adam üçindir!», “Watan diňe halky bilen Watandyr! Döwlet diňe halky bilen döwletdir!” diýen ýörelgeleriň barha rowaçlanýandygynyň aýdyň beýanydyr.

Ministrler Kabinetiniň Başlygynyň orunbasary N.Amannepesow gözegçilik edýän düzümlerinde alnyp barylýan işleriň ýagdaýy baradaky hasabatynda ýurdumyzda “Arkadag Medisina Klasteri Menejment” kärhanasynyň döredilip, onda saglygy goraýyş ulgamynda gündelik ulanylýan bir gezeklik lukmançylyk serişdeleriniň, agyz-burun örtükleriniň we beýlekileriň öndürilýändigi hakynda habar berdi. Munuň özi lukmançylyk edaralarynda zerur bolan serişdeleriň ýerli çig mallardan öndürilýän möçberiniň artmagynda we saglygy goraýyş edaralarynyň degişli serişdelere bolan isleginiň kanagatlandyrylmagynda ähmiýetlidir.

Lukman Arkadagymyz başy başlanan işiň üstünlikli dowam etdirilmelidigini, şunda degişli ministrlikler we pudaklaýyn dolandyryş edaralary bilen bilelikde bu önümleri ulanmak, sarp etmek boýunça gollanmalary, düzgünnamalary taýýarlamak hem-de degişli usulyýet işini ýola goýmak babatda birnäçe görkezmeleri berdi. Şeýle-de ýurdumyz boýunça sarp ediljek bu önümleriň zerur bolan mukdary barada maglumatlar taýýarlanylmalydyr.

Häzirki döwürde Diýarymyzyň ýangyç-energetika toplumynyň kärhanalarynda işlenip taýýarlanylýan polipropilenleriň hil we ekologik derejesiniň dünýäde ýokary baha mynasyp bolýandygyny aýdyp, Türkmenistanyň Prezidentiniň nebitgaz meseleleri boýunça geňeşçisi A.Begliýew polipropilen we polietilen önümlerinden taýýarlanylýan hem-de lukmançylyk edaralarynda gündelik ulanylýan sanjym enjamlaryny peýdalanmak babatda örän uly geljegiň bardygyny belledi.

Gahryman Arkadagymyz lukmançylyk serişdelerini öndürmekde zerur bolan çig mallaryň üpjünçiliginiň, ýerli polipropilen çig malyndan halkara talaplara laýyk gelýän lukmançylyk polipropilenini öndürmek boýunça degişli işleriň geçirilmeginiň, önümçiligi meýilleşdirilýän çig mallar we önümler babatda standartlaryň kabul edilmeginiň zerurdygyna ünsi çekdi. Şunda ISO halkara güwänamalarynyň alynmagy boýunça işler amala aşyrylmalydyr.

Ministrler Kabinetiniň Başlygynyň orunbasary B.Annamämmedow gözegçilik edýän düzümlerinde alnyp barylýan işleriň ýagdaýy, şol sanda “Türkmenhimiýa” döwlet konserniniň edara-kärhanalarynda we duz ýataklarynda ýerine ýetirilýän ylmy işler, olaryň netijelerini önümçilige ornaşdyrmak babatda edilýän tagallalar barada hasabat berdi.

Halk Maslahatynyň Başlygy “Türkmenhimiýa” döwlet konserniniň Gyýanlydaky polimer zawodynda abatlaýyş işleri geçirilende, halkara talaplara laýyk gelýän lukmançylyk polipropileniniň önümçiligini ýola goýmak, ýurdumyzyň duz ýataklarynda, konserne degişli kärhanalarda halkara görkezijilere laýyk gelýän lukmançylyk duzuny almak boýunça netijeli işleri geçirmegi tabşyrdy. Şunda ulanylýan çig mallara degişli standartlaryň kabul edilmegi we olara halkara güwänamalaryň alynmagy boýunça zerur tagallalar edilmelidir.

Ministrler Kabinetiniň Başlygynyň orunbasary H.Geldimyradow häzirki döwürde degişli düzümler bilen bilelikde lukmançylyk önümlerini satyn almak üçin maliýe meselelerini işjeň öwrenmek, olaryň zerur bolan möçberini kesgitlemek ugrunda işleriň amala aşyrylýandygy barada hasabat berdi.

Gahryman Arkadagymyz öndürilýän önümlere degişli standartlaryň berilmegini we güwänamalaşdyrylmagyny üpjün etmek, önümçiligi meýilleşdirilýän çig mallara we önümlere degişli standartlaryň, olara güwänamalaryň, şol sanda ISO halkara güwänamalarynyň alynmagy boýunça işleri düzgünleşdirmek babatda birnäçe görkezmeleri berdi. Bu baradaky gürrüňi dowam edip, türkmen halkynyň Milli Lideri “Arkadag Medisina Klasteri Menejment” kärhanasynyň önümlerine Maliýe we ykdysadyýet ministrliginde “satyş markasyny” resmileşdirmek we degişli patentleri bermek boýunça zerur çäreleri görmegi tabşyrdy. Şunda Saglygy goraýyş we derman senagaty ministrligine, beýleki ministrliklere, pudaklaýyn dolandyryş edaralaryna ýylyň dowamynda zerur bolan önümleri satyn almak babatda maliýeleşdirmegiň çeşmeleri kesgitlenilmelidir.

Soňra Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow täze şäheriň gurluşygynyň ikinji tapgyrynda meýilleşdirilen önümçilik desgalarynyň bina edilmegi, oňa gatnaşýan ýerli gurluşyk kärhanalarynyň sanawyny kesgitlemek boýunça alnyp barylýan işler barada hasabat berdi.

Lukman Arkadagymyz hasabaty diňläp, ýerli çig mal serişdelerini ýokary derejede gaýtadan işläp, olardan ekologik taýdan arassa, ýokary hil görkezijilerine laýyk gelýän önümleriň öndürilmegi ugrunda zerur tagallalaryň edilmelidigini belledi. Munuň özi ýurdumyzy senagatlaşdyrmak, halkymyzyň iş bilen üpjünçiligini gowulandyrmak, şol bir wagtyň özünde gündelik durmuşda zerur bolan önümleriň önümçiligini, hyzmatlar ulgamyny ýola goýmak boýunça maksatnamanyň üstünlikli amala aşyrylmagyny üpjün eder.

Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň wise-prezidenti R.Bazarow Arkadag şäherinde alnyp barylýan işleriň, aýratyn-da, lukmançylyk klasterine degişli desgalaryň gurluşygynyň ähmiýeti barada aýdyp, bu çäreleriň ynsanperwer ýörelgeleri esasy ugur edinýän gaznanyň işiniň ilerlemegine oňyn täsirini ýetirjekdigini belledi.

Häzirki döwürde ýurdumyzda, şol sanda Arkadag şäherinde sagdyn durmuş ýörelgeleriniň berkidilmegine, senagat we önümçilik desgalarynyň ýokary ekologik talaplara laýyk gelmegine möhüm ähmiýet berilýändigini nygtap, Gahryman Arkadagymyz bu işleriň milli ykdysadyýetimizi senagatlaşdyrmak bilen bir hatarda, önümçilik kuwwatlyklaryny ýokary ekologik derejä laýyk getirmek meseleleriniň hem ünsden düşürilmeýändigini aýtdy.

Türkmenistanyň Halk Maslahatynyň Başlygy Gurbanguly Berdimuhamedowyň tagallasy bilen işlenip taýýarlanylan “Saglyk” Döwlet maksatnamasyna laýyklykda, ýurdumyzyň çäginde bar bolan dermanlyk ösümlikleriň ekologik derejesi, olaryň dermanlyk häsiýetleri ylmy esasda öwrenilýär. Bu bolsa ýerli çig mallardan saglygy goraýyş ulgamynda zerur bolan derman serişdelerini öndürmek üçin giň mümkinçilikleri açýar.

Täze şäherde dünýäniň öňdebaryjy tejribesiniň, häzirki zamanyň täzeçil tehnologiýalarynyň ulanylmagyna zerur üns berilýändigini belläp, hormatly Arkadagymyz bu ugurda öňde goýlan wezipeleriň yzygiderli we üstünlikli ýerine ýetirilmeginiň esasynda iň döwrebap “akylly” şäheriň kemala gelendigini aýtdy. Arkadag şäheriniň gurluşygynyň ikinji tapgyrynda bina ediljek önümçilik kuwwatlyklarynyň, lukmançylyk klasterine degişli desgalaryň gurluşygy, olarda ýola goýulmagy meýilleşdirilýän önümçilikler bilen bir hatarda, olaryň enjamlaşdyrylyş we üpjünçilik derejesi baradaky maglumatlar köpçülikleýin habar beriş serişdelerinde giňden beýan edilmelidir. Munuň özi dünýä jemgyýetçiligini ýurdumyzda ynsan saglygynyň berkidilmegine, ykdysadyýetimiziň eksport kuwwatynyň artmagyna gönükdirilen giň möçberli işler bilen tanyşdyrmakda ähmiýetlidir. Bu işde ýurdumyzyň köpçülikleýin habar beriş serişdeleri işjeňlik görkezmelidir.

Türkmen topragynyň çig mal we ekologik taýdan arassa çeşme suwlaryndan taýýarlanylýan derman serişdeleriniň möçberini artdyrmak üçin ähli zerur mümkinçilikleriň bardygyny belläp, Gahryman Arkadagymyz bu önümleriň içerki sarp edijileri doly üpjün etmek bilen bir hatarda, olaryň eksport mümkinçilikleriniň hem artjakdygyna ynam bildirdi.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow öňde durýan wezipeleri üstünlikli durmuşa geçirmek babatda degişli düzümler bilen bilelikde sazlaşykly işleriň alnyp barylmalydygyny belläp, hemmelere üstünlik arzuw etdi we bu ýerden ugrady.

Сегодня Национальный Лидер туркменского народа, Председатель Халк Маслахаты Туркменистана, Почётный старейшина Гурбангулы Бердымухамедов совершил рабочую поездку в город Аркадаг, где ознакомился с ходом строительства производственных мощностей и провёл рабочее совещание с соответствующими руководителями.

В результате успешного продолжения благородных начинаний Героя-Аркадага в настоящее время под мудрым руководством Президента Сердара Бердымухамедова осуществляются широкомасштабные реформы для достижения великих целей. Всё это находит отражение в социально-экономическом развитии всех уголков страны, в том числе города Аркадаг.

Председатель Государственного комитета по строительству города Аркадаг при Президенте Туркменистана Д.Оразов отчитался о разновидностях медицинских препаратов и средств, планируемых к производству на промышленных объектах, относящихся к сфере здравоохранения этого города, местном сырье, которое намечено использовать в их производстве.

Герою-Аркадагу были представлены различные медицинские средства, в том числе вата, соответствующая высоким экологическим требованиям, широко применяемые одноразовые маски из нетканого материала, халаты, постельные принадлежности, бахилы и другие медпринадлежности.

Также была озвучена информация о ежегодно необходимом объёме медицинского оборудования и препаратов для Министерства здравоохранения и медицинской промышленности Туркменистана, в том числе для медучреждений города Аркадаг.

Герой-Аркадаг отметил, что препараты, которые будут производиться на профильном предприятии, планируемом к возведению в рамках второй очереди строительства нового города, должны соответствовать высоким международным стандартам и современным экологическим нормам. Подчёркивалась важность применения в работе инновационных методов, новейших технологий и передового мирового опыта. В данной связи налаживание международного сотрудничества имеет большое значение для соответствия выполняемых работ требованиям времени.

Как отмечалось, согласно поручению Президента Сердара Бердымухамедова представители Туркменистана побывали с рабочими командировками в разных странах Европы, в Турецкой Республике и Китайской Народной Республике, где обменялись опытом в области строительства производственных объектов, особенно предприятий, относящихся к сфере здравоохранения, глубоко изучили лучший мировой опыт.

Врач Аркадаг заострил внимание на важности проведения совещаний с иностранными партнёрами, в том числе по всем направлениям, в ходе которых осуществляется обмен мнениями об экологическом уровне и пригодности имеющегося на территории страны сырья, о возможностях использования водных ресурсов в производственных целях. Это обеспечит эффективную деятельность производственных комплексов создаваемого в городе Аркадаг медицинского кластера.

Национальный Лидер туркменского народа, Председатель Халк Маслахаты отметил, что следует придавать большое значение качеству и экологической составляющей оборудования и препаратов, которые будут изготавливаться в производственных структурах нового города, и в этой работе необходимо в полном объёме применять мировой передовой опыт, адресовав в этой связи соответствующим руководителям ряд поручений.

Далее Герой-Аркадаг провёл рабочее совещание с участием некоторых заместителей Председателя Кабинета Министров, советника Президента Туркменистана по нефтегазовым вопросам А.Беглиева, Председателя Государственного комитета по строительству города Аркадаг при Президенте Туркменистана Д.Оразова, вице-президента Благотворительного фонда по оказанию помощи нуждающимся в опеке детям имени Гурбангулы Бердымухамедова Р.Базарова и руководителей средств массовой информации.

Город Аркадаг, строительство которого инициировано и ведётся под пристальным вниманием Национального Лидера туркменского народа, будучи «умным» городом, включает современный жилой комплекс и объекты социального назначения. Здесь осуществляются широкомасштабные работы для обеспечения счастливой жизни, здоровья и творческой деятельности нашего народа. Это яркое свидетельство успешной реализации главных принципов политики Туркменистана «Государство – для человека!», «Родина является Родиной только с народом! Государство является государством только с народом!»

Заместитель Председателя Кабинета Министров Н.Аманнепесов отчитался о работе курируемых им структур, о созданном предприятии «Arkadag Medisina Klasteri Menejment», на котором будут производиться повседневно используемые в сфере здравоохранения одноразовые спецсредства, в том числе медицинские маски и др. Это имеет важное значение в деле увеличения объёмов производства из местного сырья препаратов, необходимых для удовлетворения в них потребностей медицинских учреждений.

Врач Аркадаг дал ряд поручений, касающихся успешного продолжения начатой работы, а также подготовки пособий и положений по совместному использованию министерствами и отраслевыми органами управления произведённой продукции и налаживанию соответствующей методической деятельности. Кроме того, нужно подготовить сведения о необходимом объёме данной продукции в целом по стране.

Отметив, что в настоящее время в мире высоко ценится качество и экологический уровень полипропиленов, производимых на отечественных предприятиях топливно-энергетического комплекса, советник Президента Туркменистана по нефтегазовым вопросам А.Беглиев подчеркнул, что в стране в перспективе возможно использование инъекционного оборудования, выпускаемого из полипропилена и полиэтилена, повседневно востребованного в медучреждениях.

Герой-Аркадаг заострил внимание на важности поставок сырья, необходимого для выпуска изделий медицинского назначения, надлежащих мер по налаживанию производства медицинского полипропилена из местного сырья согласно международным требованиям, а также для принятия стандартов качества на сырьё и продукцию, планируемые к производству. Должны быть предприняты соответствующие шаги для получения международных сертификатов ISO.

Заместитель Председателя Кабинета Министров Б.Аннамаммедов отчитался об осуществляемой работе в подведомственных структурах, в том числе об исследованиях учёных и усилиях по внедрению научных достижений в деятельность учреждений и производственных предприятий Государственного концерна «Türkmenhimiýa» и в разработку соляных месторождений.

В рамках ремонтных работ на заводе полимеров в Киянлы Государственного концерна «Türkmenhimiýa» Герой-Аркадаг поручил наладить производство медицинского полипропилена с учётом международных требований и предпринять эффективные меры для получения медицинской соли, соответствующей мировым стандартам, на соляных месторождениях страны и на предприятиях концерна. Следует приложить все усилия для принятия стандартов на используемое сырьё и получения на него международных сертификатов.

Далее заместитель Председателя Кабинета Министров Х.Гелдимырадов доложил о проведении совместно с соответствующими ведомствами мероприятий в области активной проработки финансовых вопросов закупки медицинских изделий, а также по определению их необходимого количества.

В целях обеспечения соответствия выпускаемой в стране продукции мировым стандартам Герой-Аркадаг дал ряд поручений по регулированию, стандартизации сырья и продукции, планируемой к производству, а также по их сертификации, в том числе по получению международных сертификатов ISO.

В продолжение Национальный Лидер туркменского народа дал поручения, касающиеся оформления торговой марки в Министерстве финансов и экономики на продукцию компании «Arkadag Medisina Klasteri Menejment» и выдачи соответствующих патентов. В связи с этим Министерству здравоохранения и медицинской промышленности, другим министерствам и ведомственным учреждениям следует определить источники финансирования закупок необходимой в течение года продукции.

Затем Председатель Государственного комитета по строительству города Аркадаг при Президенте Туркменистана Д.Оразов доложил о возведении промышленных объектов, запланированных в рамках второй очереди застройки нового города, и представил перечень задействованных местных строительных компаний.

Заслушав отчёт, врач Аркадаг подчеркнул, что следует предпринять меры для переработки на высоком уровне имеющегося сырья, изготовления из него экологически чистой и высококачественной продукции. Это обеспечит успешную реализацию программы, направленной на индустриализацию страны, позволит повысить уровень занятости населения и в то же время наладить систему обслуживания и производства необходимой для повседневной жизни продукции.

Вице-президент Благотворительного фонда по оказанию помощи нуждающимся в опеке детям имени Гурбангулы Бердымухамедова Р.Базаров, говоря о важности проводимых работ в городе Аркадаг, особенно строительства объектов медицинского кластера, отметил, что это также будет способствовать эффективности деятельности Фонда, основанной на принципах гуманизма.

Подчеркнув, что в настоящее время в стране, в том числе в городе Аркадаг, придаётся большое значение укреплению в обществе здорового образа жизни, соответствию промышленных объектов высоким экологическим требованиям, Герой-Аркадаг отметил, что наряду с индустриализацией национальной экономики вопросы соответствия производственных мощностей экологическим нормам должны находиться под неослабным вниманием.

Согласно Государственной программе «Saglyk», разработанной Национальным Лидером туркменского народа, Председателем Халк Маслахаты Туркменистана Гурбангулы Бердымухамедовым, на научной основе изучаются экологический уровень существующих на территории страны лекарственных растений, их целебные свойства. Это открывает широкие возможности для производства необходимых для системы здравоохранения лекарственных средств из местного сырья.

Отметив, что в новом городе особое внимание придаётся использованию передового мирового опыта и инновационных технологий, Герой-Аркадаг подчеркнул, что современный «умный» город появился благодаря последовательной и успешной реализации поставленных задач в данном направлении. В связи с этим следует широко освещать деятельность, осуществляемую на территории города Аркадаг, особенно ход строительства объектов медицинского кластера и планируемые к налаживанию производства.

Помимо качества проводимых работ на возведении промышленных объектов в рамках второй очереди застройки города Аркадаг, в частности, медицинских учреждений, в СМИ должна быть отражена информация об их оснащении и уровне снабжения. Это важно для ознакомления мирового сообщества с масштабной деятельностью, направленной на укрепление здоровья населения нашей страны, повышение экспортного потенциала национальной экономики. В данной работе отечественные средства массовой информации должны демонстрировать активность.

Отметив, что в Туркменистане имеются все возможности для увеличения объёмов производства лекарственных препаратов из сырья и экологически чистой родниковой воды, Герой-Аркадаг выразил уверенность, что данная продукция будет в полном объёме обеспечивать туркменистанцев наряду с возможностью увеличения её экспортного потенциала.

Национальный Лидер туркменского народа, Председатель Халк Маслахаты Туркменистана Гурбангулы Бердымухамедов отметил необходимость совместной работы с соответствующими организациями для успешного достижения поставленных целей и, пожелав всем успехов в решении задач в данном направлении, отбыл с места события.

Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onuň gün tertibine döwlet durmuşynyň birnäçe meseleleri girizildi.

Ilki bilen, Mejlisiň Başlygy D.Gulmanowa çykyş edip, döwlet durmuşynyň dürli ulgamlaryny kanunçylyk taýdan üpjün etmek boýunça alnyp barylýan işler barada maglumat berdi. Hususan-da, häzirki wagtda ministrlikleriň we pudaklaýyn dolandyryş edaralarynyň wekilleri bilen bilelikde hereket edýän kanunlary seljermek, kanun taslamalaryny taýýarlamak boýunça işleriň dowam etdirilýändigi bellenildi. Şeýle hem Türkmenistanyň Halk Maslahatynyň nobatdaky mejlisine taýýarlyk görmek baradaky guramaçylyk toparynyň mejlisiniň geçirilendigi aýdyldy. Onda Halk Maslahatynyň mejlisiniň geçiriljek senesini bellemek, guramaçylyk toparyny döretmek we onuň düzümini tassyklamak, forumyň gün tertibini we deslapky maksatnamasyny, degişli resminamalary taýýarlamak, welaýatlaryň, etraplaryň, şäherleriň halk maslahatlarynyň işine guramaçylyk-usulyýet taýdan ýardam bermek bilen baglanyşykly beýleki meseleler ara alnyp maslahatlaşyldy.

BMG-niň Çagalar gaznasynyň Türkmenistandaky wekili bilen duşuşygyň geçirilendigi hakynda habar berildi. Bellenilişi ýaly, Mejlisiň deputatlary Türkmenistanda daşary söwda düzgüni barada Ähtnamany taýýarlamak bilen bagly meseleler boýunça iş duşuşygyna, ÝHHG-niň Aşgabatdaky merkezi tarapyndan guralan okuw maslahatyna, ýurdumyzy durmuş-ykdysady taýdan ösdürmegiň Maksatnamasyndan gelip çykýan wezipeleriň, “Pähim-paýhas ummany Magtymguly Pyragy” ýylynyň syýasy-jemgyýetçilik ähmiýetini wagyz etmek, kabul edilen kanunlaryň many-mazmunyny ilata düşündirmek boýunça dürli çärelere gatnaşdylar.

Hormatly Prezidentimiz häzirki döwrüň talaplaryna laýyk gelýän täze kanun taslamalaryny işläp taýýarlamagyň möhüm wezipeleriň biri bolup durýandygyny belledi we bu ugurda alnyp barylýan işleri netijeli dowam etdirmegiň möhümdigine ünsi çekdi.

Ministrler Kabinetiniň Başlygynyň orunbasary H.Geldimyradow Garaşsyz Döwletleriň Arkalaşygyna gatnaşyjy döwletleriň Zähmet, iş üpjünçilik we ilaty durmuş taýdan goramak boýunça maslahat beriş geňeşiniň 37-nji mejlisiniň guramaçylyk meseleleri barada hasabat berdi.

Bellenilişi ýaly, 2017-nji ýylyň oktýabrynda geçirilen GDA-nyň sammitinde Gahryman Arkadagymyzyň başlangyjy esasynda Arkalaşyga gatnaşyjy döwletleriň strategik ykdysady hyzmatdaşlygy hakynda Jarnama işlenip taýýarlanyldy we 2019-njy ýylyň oktýabrynda Aşgabatda geçirilen GDA-nyň döwlet Baştutanlarynyň Geňeşiniň mejlisinde biragyzdan kabul edildi. Bu Jarnamada GDA gatnaşyjy döwletleriň işiniň ileri tutulýan ugurlarynyň hatarynda zähmet, iş bilen üpjünçilik we ilaty durmuş taýdan goramak ulgamlarynda hyzmatdaşlygy giňeltmek hem göz öňünde tutuldy. Şunuň bilen baglylykda, GDA-nyň ykdysady ulgamda hereket edýän pudaklaýyn hyzmatdaşlyk edaralary bilen gatnaşyklary has-da işjeňleşdirmek boýunça degişli işleriň alnyp barylýandygy aýdyldy.

Wise-premýer şu ýylyň 14-nji iýunynda sanly ulgam arkaly GDA gatnaşyjy döwletleriň ygtyýarly edaralarynyň, GDA-nyň Ýerine ýetiriji komitetiniň we degişli edaralarynyň wekilleriniň gatnaşmagynda geçirilen duşuşygyň netijeleri barada hasabat berip, hormatly Prezidentimiziň garamagyna maslahat beriş geňeşiniň nobatdaky mejlisini Aşgabat şäherinde şu ýylyň oktýabrynda geçirmek baradaky teklibi hödürledi.

Döwlet Baştutanymyz hasabaty diňläp, ýurdumyzyň Garaşsyz Döwletleriň Arkalaşygyna agza ýurtlar bilen söwda-ykdysady we medeni-ynsanperwer ugurlarda hyzmatdaşlygy yzygiderli berkidýändigini belledi. Şeýle hem bu guramanyň pudaklaýyn edaralary bilen gatnaşyklar giňeldilýär diýip, hormatly Prezidentimiz aýtdy we wise-premýere Aşgabat şäherinde geçiriljek Garaşsyz Döwletleriň Arkalaşygyna gatnaşyjy döwletleriň Zähmet, iş üpjünçilik we ilaty durmuş taýdan goramak boýunça maslahat beriş geňeşiniň nobatdaky mejlisine gowy taýýarlyk görmegi we ony ýokary derejede geçirmegi tabşyrdy.

Ministrler Kabinetiniň Başlygynyň orunbasary B.Amanow “Türkmengaz” döwlet konserniniň “Galkynyş” gaz käninde goşmaça gazylmagy göz öňünde tutulýan gaz guýularynyň gurluşygyny zerur bolan serişdeler bilen üpjün etmek boýunça alnyp barylýan işler barada hasabat berdi. Bellenilişi ýaly, “Galkynyş” gaz käni türkmen tebigy gazyny goňşy we sebit döwletlerine bökdençsiz ibermekde çig mal çeşmesi bolup hyzmat edýär. Käni özleşdirmegiň birinji tapgyrynda önüm berýän gaz guýularynyň goşmaça guýularyny burawlamak, önümçilige girizmek meýilleşdirilýär. Şunuň bilen baglylykda, olaryň uzak wagtlap bökdençsiz we ygtybarly işlemegini üpjün etmek zerur bolup durýar.

Hormatly Prezidentimiz Serdar Berdimuhamedow hasabaty diňläp, «Galkynyş» gaz käninde goşmaça gazylmagy göz öňünde tutulýan gaz guýularynyň buraw işlerini ýerine ýetirmek üçin zerur bolan enjamlary we serişdeleri satyn almak boýunça teklibi goldaýandygyny aýtdy hem-de wise-premýere bu babatda birnäçe tabşyryklary berdi.

Ministrler Kabinetiniň Başlygynyň orunbasary T.Atahallyýew oba hojalyk toplumynda, ýurdumyzyň welaýatlarynda möwsümleýin oba hojalyk işleriniň geçirilişi barada hasabat berdi.

Bellenilişi ýaly, häzirki wagtda welaýatlaryň gowaça ekilen meýdanlarynda hatarara bejergi, gowaçanyň ujuny çyrpmak, mineral dökünler bilen iýmitlendirmek, ösüş suwuny tutmak işleri alnyp barylýar. Şunuň bilen birlikde, pagta kabul ediş harmanhanalaryny, oba hojalyk tehnikalaryny möwsüme taýýarlamak boýunça işler dowam edýär. Geljek ýylda bugdaýyň bol hasylyny ösdürip ýetişdirmek maksady bilen, ekiş geçiriljek meýdanlarda sürüm, tekizlemek işleri, bugdaý tohumlaryny, ekişde ulanyljak tehnikalary, ekijileri möwsüme taýýarlamak işleri geçirilýär. Daşoguz hem-de Lebap welaýatlarynyň şaly ekilen meýdanlarynda mineral dökünler bilen iýmitlendirmek, ösüş suwuny tutmak işleri ýerine ýetirilýär. Welaýatlaryň maldarçylyk hojalyklarynda mallary talabalaýyk idetmek, olaryň baş sanyny artdyrmak, ot-iýmleriň ätiýaçlyk gorlaryny döretmek boýunça degişli çäreler görülýär. Ekerançylyk meýdanlarynyň suw üpjünçiligini, ýerleriň melioratiw ýagdaýyny gowulandyrmak, suw serişdelerini tygşytly we netijeli peýdalanmak maksady bilen, suwaryş, şor suw akabalaryny arassalamak boýunça işler geçirilýär.

Hormatly Prezidentimiz hasabaty diňläp, oba hojalyk pudagyny toplumlaýyn ösdürmegi we onuň işini kämilleşdirmegi dowam etdirmegiň wajypdygyny belledi. Şunuň bilen baglylykda, döwlet Baştutanymyz gowaça ekilen meýdanlarda ideg işlerini agrotehniki kadalara laýyk geçirmegi, pagta arassalaýjy kärhanalary, kabul ediş nokatlaryny, pagta hasylyny daşamakda ulanyljak awtoulaglary möwsüme talabalaýyk taýýarlamagy tabşyrdy. Hormatly Prezidentimiz geljek ýylyň bugdaý hasylynyň düýbüni tutmak, ýerleri ekiş möwsümine taýýarlamak boýunça degişli işleri geçirmegiň möhümdigine ünsi çekip, ýokary hilli bugdaý tohumyny, ekişde ulanyljak oba hojalyk tehnikalaryny taýýarlamaga möhüm ähmiýet bermegiň wajypdygyny nygtady. Wise-premýere beýleki möwsümleýin oba hojalyk ekinleriniň bol hasylyny ýetişdirmek işlerini hem talabalaýyk alyp barmak tabşyryldy.

Ministrler Kabinetiniň Başlygynyň orunbasary B.Annamämmedow gözegçilik edýän ulgamlarynda alnyp barylýan işleri kämilleşdirmek boýunça görülýän çäreler barada hasabat berdi.

Bellenilişi ýaly, häzirki wagtda ýurdumyzyň beýleki pudaklary bilen bir hatarda, gurluşyk pudagynda-da düýpli özgertmeler amala aşyrylýar. Önümçilige öňdebaryjy tehnologiýalar giňden ornaşdyrylýar. Şunuň bilen baglylykda, döwlet Baştutanymyzyň garamagyna gurluşykda milli çykdajy-ölçeg binýadyny işläp taýýarlamak we nyrh emele getirmek ulgamyny kämilleşdirmek boýunça işleri maliýeleşdirmegiň Tertibi esasynda binýady işläp taýýarlamak üçin degişli Kararyň taslamasy hödürlenildi.

Hormatly Prezidentimiz hasabaty diňläp, ýurdumyzda alnyp barylýan gurluşyk-gurnama, durkuny täzelemek, düýpli abatlaýyş işleriniň bahalaryny döwrüň talabyna laýyklykda işläp düzmegiň möhüm wezipeleriň biri bolup durýandygyny belledi. Döwlet Baştutanymyz Türkmenistanda gurluşykda nyrh emele getirmegiň döwlet maglumat ulgamyny döretmek maksady bilen, degişli Karara gol çekip, resminamany wise-premýere sanly ulgam arkaly iberdi we birnäçe tabşyryklary berdi.

Ministrler Kabinetiniň Başlygynyň orunbasary B.Atdaýew awgust aýynda “Kids Ekspo: ähli zat çagalar üçin” atly halkara sergi ýarmarkasyny geçirmäge görülýän taýýarlyk barada hasabat berdi.

Bellenilişi ýaly, sergi ýarmarkasynda ýurdumyzyň we daşary ýurtlaryň öňdebaryjy haryt öndürijileriniň çagalar, okuwçylar, talyplar üçin harytlaryny, ýokary hilli, ekologik taýdan arassa önümleri, okuw esbaplaryny, elektron harytlary hödürlemek göz öňünde tutulýar. Şunuň bilen birlikde, pudakda iş alyp barýan kompaniýalaryň tejribe alyşmagy, çagalar üçin ussatlyk sapaklarynyň, bäsleşikleriň guralmagy, meşhur Modalar öýleriniň çagalar üçin täze lybaslarynyň dabaraly görkezilişini guramak meýilleşdirilýär.

Döwlet Baştutanymyz hasabaty diňläp, 19-njy awgustda paýtagtymyzda geçiriljek sergi ýarmarkasyna Türkmenistanyň we daşary ýurtlaryň öňdebaryjy haryt öndürijileriniň gatnaşmagyny üpjün etmegiň zerurdygyny belläp, wise-premýere bu halkara sergini guramaçylykly geçirmäge gowy taýýarlyk görmegi tabşyrdy.

Ministrler Kabinetiniň Başlygynyň orunbasary M.Mämmedowa şu ýylyň awgust aýynda geçiriljek esasy çäreleriň Tertibi barada hasabat berdi.

Bellenilişi ýaly, 2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegi mynasybetli dürli maslahatlary, «tegelek stol», döredijilik duşuşyklaryny, wagyz-nesihat çärelerini, sergileri, aýdym-sazly dabaralary geçirmek göz öňünde tutulýar. Şeýle hem ozal yglan edilen döredijilik bäsleşikleriniň jemi jemlener. Tomusky dynç alyş möwsüminde çagalaryň, ýetginjekleriň arasynda medeni-köpçülikleýin çäreleri, döredijilik, zehin bäsleşiklerini, sport ýaryşlaryny geçirmek meýilleşdirilýär. Awgust aýynda «Awaza» milli syýahatçylyk zolagynda «Awaza — dostluk mekany» atly medeni-köpçülik, sport çärelerini, Hazar deňziniň güni mynasybetli maslahaty guramak göz öňünde tutulýar. «Ýaňlan, Diýarym!» telebäsleşiginiň welaýatlar boýunça jemleýji tapgyrlary, Aşgabat şäherinde «Çalsana, bagşy!» bäsleşiginiň jemleýji tapgyry hem geljek aýyň esasy çäreleriniň hatarynda görkezildi.

Hormatly Prezidentimiz hasabaty diňläp, «Pähim-paýhas ummany Magtymguly Pyragy» ýylynda Watanymyzda beýik ösüşlerimizi beýan edýän birnäçe dabaraly çäreleriň geçirilýändigini belledi. Şunuň bilen baglylykda, wise-premýere awgust aýyndaky çäreleri ýokary guramaçylyk derejesinde geçirmek tabşyryldy.

Ministrler Kabinetiniň Başlygynyň orunbasary B.Orazdurdyýewa Türkmenistanyň Garaşsyzlygynyň 33 ýyllyk baýramy mynasybetli geçirilýän zehinli çagalaryň “Garaşsyzlygyň merjen däneleri” bäsleşiginiň döwlet tapgyryna görülýän taýýarlyk işleri barada hasabat berdi.

Döwlet Baştutanymyzyň “Edebiýat, medeniýet we sungat işgärleriniň, höwesjeň aýdymçy ýaşlaryň hem-de zehinli çagalaryň arasynda Türkmenistanyň Prezidentiniň “Türkmeniň Altyn asyry” baýragyny almak ugrundaky bäsleşigi yglan etmek hakynda” Kararyna laýyklykda, zehinli çagalaryň arasynda yglan edilen “Garaşsyzlygyň merjen däneleri” bäsleşiginiň döwlet tapgyryny şu ýylyň sentýabrynda geçirmek meýilleşdirilýär. Türkmenistanyň Bilim we Medeniýet ministrlikleriniň guramagynda bäsleşigiň etrap, şäher, welaýat tapgyrlary guramaçylykly geçirilip, olara 1011 çagadan ybarat bolan 64 sany döredijilik topary, ýaşajyk aýdymçylar gatnaşdylar. Bäsleşigiň tapgyrlarynda eziz Watanymyzy, ajaýyp döwrümizi wasp edýän aýdym-sazlary ýokary ussatlyk bilen ýerine ýetirmekde tapawutlanan çagalaryň 21-si, çagalar tans, aýdym-saz we halk döredijilik toparlarynyň 13-si saýlanylyp alyndy hem-de jemi 361 çaga döwlet tapgyryna gatnaşmaga hukuk gazandy. Bäsleşigiň jemleýji tapgyryny şu ýylyň 6-njy sentýabrynda Ahal welaýatynyň Ak bugdaý etrabynyň “Nowruz ýaýlasyndaky” “Türkmeniň ak öýi” binasynda geçirmek meýilleşdirilýär.

Hormatly Prezidentimiz hasabaty diňläp, milli medeniýetimizi, sungatymyzy ösdürmek, ýaş nesillerimizde sungata bolan söýgini döretmek, olaryň tebigy zehinlerini ýüze çykarmak we kämilleşdirmek maksady bilen, ýurdumyzda aýdym-saz, döredijilik bäsleşikleriniň yzygiderli geçirilýändigini belledi. Döwlet Baştutanymyz zehinli çagalaryň «Garaşsyzlygyň merjen däneleri» bäsleşiginiň döwlet tapgyryny geçirmek bilen bagly teklibi goldap, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary, daşary işler ministri R.Meredow Türkmenistanyň wekiliýetiniň şu hepdede Pakistan Yslam Respublikasyna amala aşyran gulluk iş saparynyň netijeleri barada hasabat berdi.

Günorta Aziýa döwletleri bilen gatnaşyklary ösdürmek ýurdumyzyň daşary syýasatynyň ileri tutulýan ugurlarynyň biri bolup durýar. Şolaryň hatarynda Pakistan Yslam Respublikasy hem bar. Bu ýurt bilen gatnaşyklar däp bolan dostlukly häsiýete eýedir. Özara bähbitli ikitaraplaýyn hyzmatdaşlygy pugtalandyrmak maksady bilen, saparyň çäklerinde Yslamabatda birnäçe gepleşikler we maslahatlaşmalar geçirildi. Şunuň bilen baglylykda, Türkmenistanyň wekiliýetiniň Pakistan Yslam Respublikasynyň Prezidenti Asif Ali Zardari tarapyndan kabul edilendigi bellenildi. Duşuşygyň dowamynda syýasy-diplomatik, söwda-ykdysady, medeni-ynsanperwer ulgamlarda döwletara gatnaşyklary ösdürmegiň meselelerine garaldy.

Ýurdumyzyň wekiliýetiniň Pakistanyň Premýer-ministri Şahbaz Şarif bilen duşuşygynyň çäklerinde türkmen-pakistan hyzmatdaşlygynyň esasy ugurlary ara alnyp maslahatlaşyldy. Şunda giň gerimli bilelikdäki taslamalaryň — Türkmenistan — Owganystan — Pakistan — Hindistan gaz geçirijisiniň, Türkmenistan — Owganystan — Pakistan ugry boýunça elektrik geçirijisiniň we optiki-süýümli aragatnaşyk ulgamynyň gurluşygy bilen bagly taslamalaryň durmuşa geçirilişine aýratyn üns çekildi.

Saparyň dowamynda daşary işler ministrleriniň derejesinde ikitaraplaýyn syýasy geňeşmeler geçirildi. Bellenilişi ýaly, Türkmenistan bilen Pakistan halkara we sebit guramalarynyň çäklerinde netijeli hyzmatdaşlyk edip, öňe sürülýän başlangyçlarydyr teklipleri özara goldaýarlar. Şunuň bilen baglylykda, Türkmenistanyň Ählumumy howpsuzlyk strategiýasyny işläp taýýarlamak barada öňe süren başlangyjyny durmuşa geçirmek boýunça tagallalary birleşdirmäge degişli mesele ara alnyp maslahatlaşyldy. Şeýle-de Birleşen Milletler Guramasynyň, Yslam Hyzmatdaşlyk Guramasynyň, Ykdysady Hyzmatdaşlyk Guramasynyň we beýleki abraýly guramalaryň çäklerinde hyzmatdaşlygy mundan beýläk-de pugtalandyrmak boýunça bilelikde iş alyp barmak hakynda ylalaşyldy. Gepleşikleriň çäklerinde halkara we sebit gün tertibiniň möhüm meseleleri boýunça pikir alşyldy. Ikitaraplaýyn gatnaşyklaryň şertnama-hukuk binýadyny berkitmek baradaky meselä garaldy.

Ykdysady hyzmatdaşlyk boýunça bilelikdäki türkmen-pakistan hökümetara toparynyň ýolbaşçylarynyň duşuşygynda toparyň işiniň netijeliligini ýokarlandyrmak boýunça birnäçe teklipler beýan edildi. Saparyň çäklerinde Türkmenistanyň wekiliýetiniň we Pakistan Yslam Respublikasynyň nebit ministriniň arasynda gepleşikler guraldy. Onuň dowamynda ýangyç-energetika pudagynda netijeli hyzmatdaşlygy ösdürmegiň geljegi gyzyklanma bildirilip ara alnyp maslahatlaşyldy. TOPH gaz geçirijisiniň gurluşygyny durmuşa geçirmäge aýratyn üns çekildi. Şunuň bilen baglylykda, ýakyn wagtda degişli gepleşikleri geçirmek barada ylalaşyldy. Şeýle hem Türkmenistandan Pakistana suwuklandyrylan gazy, gazhimiýa, nebithimiýa önümlerini ibermek meseleleri ara alnyp maslahatlaşyldy.

Pakistanyň Hökümetiniň haýyşy boýunça ýurdumyzyň wekiliýeti “Frontier Works Organization” guramasy we “National Logistics Corporation” kompaniýasynyň ýolbaşçylary bilen duşuşyklary geçirdi. Olarda bu düzümleriň işleýän ugurlarynda hyzmatdaşlygy ýola goýmagyň hem-de giňeltmegiň mümkinçilikleri ara alnyp maslahatlaşyldy. Hususan-da, “National Logistics Corporation” kompaniýasy türkmen tarapy bilen Hytaý — Pakistan — Owganystan — Türkmenistan, soňra Merkezi Aziýa we Hazar sebiti ýurtlaryna awtomobil ýük daşamalary boýunça bilelikde iş alyp barmaga taýýardygyny beýan etdi.

Saparyň dowamynda dostlukly ýurduň beýleki döwlet edaralarynyň ýolbaşçylary bilen hem duşuşyklar geçirildi. Gepleşikleriň netijeleri esasynda syýasy-diplomatik hyzmatdaşlygy pugtalandyrmak, parlamentara gatnaşyklary höweslendirmek, daşary syýasat edaralarynyň ugry boýunça yzygiderli duşuşyklary geçirmek tejribesini dowam etdirmek boýunça teklipler taýýarlanyldy. Syýasy-diplomatik gatnaşyklarda ýokary döwlet we hökümet derejesindäki saparlardyr gepleşiklere möhüm orun berilýär.

Ikitaraplaýyn söwda-ykdysady gatnaşyklary giňeltmek maksady bilen, orta möhletli hyzmatdaşlygy ösdürmegiň Maksatnamasyny işläp taýýarlamak we kabul etmek, bilelikdäki hökümetara toparyň mejlisleriniň azyndan iki ýyldan bir gezek guralmagyny ýola goýmak, onuň mejlislerine işewürler toparlarynyň, ylmy edaralaryň we beýleki gyzyklanma bildirýän taraplaryň wekillerini gatnaşdyrmak, kabul edilen çözgütleriň ýerine ýetirilişine gözegçilik guralyny döretmek teklip edilýär. Şunuň bilen bir hatarda, energetika ulgamynda, hususan-da, gaz pudagynda hyzmatdaşlygy işjeňleşdirmek boýunça teklipler beýan edildi. Durmuş ulgamynda gatnaşyklar barada aýdylanda, türkmen diplomatlaryny Pakistanyň Diplomatik akademiýasy tarapyndan guralýan okuwlara ibermek, Döwletmämmet Azady adyndaky Türkmen milli dünýä dilleri institutynda urdu dili bölümini açmak meselelerini öwrenmek teklip edilýär.

Hormatly Prezidentimiz Serdar Berdimuhamedow hasabaty diňläp, türkmen-pakistan gatnaşyklarynyň ýokary depginde ösdürilýändigini kanagatlanma bilen belledi. Döwlet Baştutanymyz syýasy, ykdysady, medeni-ynsanperwer ugurlar boýunça ikitaraplaýyn hyzmatdaşlygy ösdürmäge degişli geçirilen gepleşikleriň iki döwletiň arasyndaky gatnaşyklary mundan beýläk-de berkitmäge ýardam berjekdigini nygtap, hödürlenen teklipleri goldady we wise-premýer, daşary işler ministrine degişli tabşyryklary berdi.

Hormatly Prezidentimiz mejlisi dowam edip, Türkmenistanyň ýakyn hyzmatdaş döwletleriniň biriniň hem Eýran Yslam Respublikasy bolup durýandygyny belledi. Biziň ýurtlarymyz dost-doganlyk gatnaşyklaryny alyp barýarlar. Şunuň bilen baglylykda, döwlet Baştutanymyz 30-njy iýulda Eýran Yslam Respublikasynyň täze saýlanan Prezidentiniň resmi wezipä girişmek dabarasyna gatnaşmak üçin wise-premýer, daşary işler ministri, Ykdysady hyzmatdaşlyk boýunça türkmen-eýran toparynyň türkmen tarapynyň başlygy R.Meredowy Eýran Yslam Respublikasynyň Tähran şäherine gulluk iş saparyna ibermek hakynda Buýruga gol çekdi.

Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew ýurdumyzda sanly ykdysadyýeti ösdürmek, hünärmenleri taýýarlamak, daşary ýurtlardan getirilýän harytlaryň ornuny tutýan önümleri öndürýän önümçilikleri döretmek boýunça alnyp barylýan işler barada hasabat berdi.

“Türkmenistanda sanly ykdysadyýeti ösdürmegiň 2021 — 2025-nji ýyllar üçin Döwlet maksatnamasyny” amala aşyrmak boýunça ýerine ýetirilmeli çäreleriň meýilnamasyna laýyklykda, milli programma önümlerini döretmek we enjamlary öndürmek işlerinde kiçi we orta telekeçiligi goldamak göz öňünde tutulýar. Bellenilişi ýaly, “Tehno Merkez” ýapyk görnüşli paýdarlar jemgyýeti tarapyndan ýurdumyzda dürli görnüşli serwer, maglumat saklaýjy we kiberhowplardan goraýjy enjamlaryň önümçiligini ýola goýmagyň maksadalaýykdygy öwrenildi. Şunuň bilen birlikde, geljekde serwer enjamlaryna abatlaýyş, tehniki goldaw bermek işlerini hem-de “akylly” şäher, “akylly” öý ulgamlary üçin zerur bolan enjamlaryň önümçiligini ýola goýmak göz öňünde tutulýar. Munuň özi goşmaça iş orunlaryny döreder, işgärleriň hünär derejesini ýokarlandyrar. Şunuň bilen baglylykda, döwlet Baştutanymyzyň garamagyna degişli teklip hödürlenildi.

Hormatly Prezidentimiz hasabaty diňläp, ýurdumyzda sanly ykdysadyýeti ösdürmäge uly üns berilýändigini, daşary ýurtlardan getirilýän harytlaryň ornuny tutýan önümçilikleri ýola goýmakda maksatnamalaýyn işleriň durmuşa geçirilýändigini nygtady. Döwlet Baştutanymyz ýurdumyzda serwer, maglumat saklaýjy we kiberhowplardan goraýjy enjamlaryň önümçiligini ýola goýmak baradaky teklibi goldap, agentligiň ýolbaşçysyna bu ugurda degişli işleri geçirmegi tabşyrdy.

Hormatly Prezidentimiz Serdar Berdimuhamedow Ministrler Kabinetiniň sanly ulgam arkaly geçirilen mejlisini jemläp, oňa gatnaşanlara berk jan saglyk, maşgala abadançylygyny, berkarar Watanymyzyň gülläp ösmegi ugrunda alyp barýan işlerinde uly üstünlikleri arzuw etdi.

TÜRKMENISTANYŇ MEJLISI

Habarlar

Türkmen halkynyň Milli Lideri, Türkmenistanyň Halk Maslahatynyň Başlygynyň Arkadag şäherine iş sapary

Рабочая поездка Национального Лидера туркменского народа, Председателя Халк Маслахаты Туркменистана в город Аркадаг

Рабочая поездка Национального Лидера туркменского народа, Председателя Халк Маслахаты Туркменистана в город Аркадаг

MEŇZEŞ HABARLAR

Türkmenistanyň Ministrler Kabinetiniň mejlisi

Türkmenistanyň Prezidenti Germaniýa Federatiw Respublikasynyň Adatdan daşary we Doly ygtyýarly ilçisini kabul etdi

TÜRKMENISTANYŇ MEJLISINDE BIRLEŞEN MILLETLER GURAMASYNYŇ ÇAGALAR GAZNASYNYŇ TÜRKMENISTANDAKY WEKILHANASYNYŇ ÝOLBAŞÇYSY BILEN DUŞUŞYK GEÇIRILDI

Türkmenistanyň Prezidenti sanly ulgam arkaly iş maslahatyny geçirdi