Türkmenistanyň Mejlisi (Parlamenti) kanun çykaryjy häkimiýeti amala aşyrýan wekilçilikli edaradyr

TÜRKMENISTANYŇ MEJLISI
Türkmençe
Русский English
Baş sahypa
Mejlis hakynda
Mejlis barada
VII çagyrylyşynyň deputatlarynyň
sanawy
Düzümi we gurluşy
Mejlisiň komitetleri
Mejlisiň deputatlary
Kanunçylyk
Kodeksler
Kanunlar
Mejlisiň kararlary
Konstitusion kanuny
Halkara
Halkara hyzmatdaşlyk
Dostluk toparlary
Täzelikler
Habarlar
Täzelikler
Çykyşlar we makalalar
Türkmenistanyň mejlisinde alnyp barylýan işler
Türkmenistan

TÜRKMENISTANYŇ MEJLISI

Baş sahypa
Mejlis hakynda
Mejlis barada
VII çagyrylyşynyň deputatlarynyň
sanawy
Düzümi we gurluşy
Mejlisiň komitetleri
Mejlisiň deputatlary
Kanunçylyk
Kodeksler
Kanunlar
Mejlisiň kararlary
Konstitusion kanuny
Halkara
Halkara hyzmatdaşlyk
Dostluk toparlary
Täzelikler
Habarlar
Täzelikler
Çykyşlar we makalalar
Türkmenistanyň mejlisinde alnyp barylýan işler
Türkmenistan Habarlaşmak üçin
Türkmençe
Русский English
Baş sahypa / Habarlar / Täzelikler / Türkmen halkynyň Milli Lideri, Türkmenistanyň Halk Maslahatynyň Başlygy Türkiýe Respublikasynyň milli goranmak ministri bilen duşuşdy

Habarlar

Täzelikler Çykyşlar we makalalar Türkmenistanyň mejlisinde alnyp
barylýan işler
Aşgabat ş., Garaşsyzlyk şaýoly, 110
info@mejlis.gov.tm
(+9912) 21-47-92
(+9912) 92-45-60
Habarlaşmak üçin
26.06.2024

Türkmen halkynyň Milli Lideri, Türkmenistanyň Halk Maslahatynyň Başlygy Türkiýe Respublikasynyň milli goranmak ministri bilen duşuşdy

Национальный Лидер туркменского народа, Председатель Халк Маслахаты Туркменистана встретился с министром национальной обороны Турецкой Республики

The National Leader of the Turkmen people, Chairman of the Halk Maslahaty of Turkmenistan met with the Minister of National Defense of the Republic of Türkiye

Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkiýe Respublikasynyň milli goranmak ministri Ýaşar Güler bilen duşuşyk geçirdi.

Myhman duşuşmaga döredilen mümkinçilik üçin hoşallyk bildirip, Gahryman Arkadagymyza Prezident Rejep Taýyp Ärdoganyň mähirli salamyny ýetirdi hem-de Türkiýede daşary syýasatyny oňyn Bitaraplyk ýörelgeleri esasynda amala aşyrýan Türkmenistan bilen gatnaşyklaryň berkidilmegine uly ähmiýet berilýändigini belledi.

Türkmen halkynyň Milli Lideri Türkiýe Respublikasynyň ýolbaşçylaryna iň gowy arzuwlaryny beýan edip, goranmak ministriniň şu gezekki saparynyň hem-de onuň çäklerinde türkmen kärdeşleri bilen geçiriljek gepleşikleriň ikitaraplaýyn gatnaşyklaryň giňeldilmegine itergi berjekdigine ynam bildirdi.

Duşuşygyň dowamynda myhman Türkmenistanyň Halk Maslahatynyň Başlygynyň netijeli döwletara dialogy ikitaraplaýyn, köptaraplaýyn görnüşde, sebit we halkara guramalaryň, şol sanda TÜRKSOÝ-nyň çäklerinde ösdürilmegine uly goşant goşýandygyny belledi. Şunuň bilen baglylykda, Gahryman Arkadagymyz Gurbanguly Berdimuhamedowyň şu ýylyň martynda geçirilen üçünji Antalýa diplomatiýa forumyna gatnaşmagynyň ähmiýeti nygtaldy. Şunda türkmen halkynyň Milli Lideriniň häzirki zamanyň möhüm meseleleriniň deňagramly çözgüdini işläp taýýarlamak boýunça tagallalaryň birleşdirilmegine, Durnukly ösüş maksatlaryna ýetilmegine gönükdirilen möhüm başlangyçlaryna aýratyn üns çekildi.

Türkiýäniň milli goranmak ministri hormatly Prezidentimiz Serdar Berdimuhamedowyň Permany bilen, Prezident Rejep Taýyp Ärdogana Türkmenistanyň “Hormatly il ýaşulusy” diýen adyň dakylmagynyň bütin türk halky üçin aýratyn buýsançly waka bolandygyny, onuň ýurtlarymyzyň arasyndaky dost-doganlyk gatnaşyklarynyň mizemezliginiň aýdyň nyşanyna öwrülendigini belledi.

Halk Maslahatynyň Başlygy hoşniýetli sözler üçin minnetdarlyk bildirip, Türkiýe Respublikasynyň Türkmenistan üçin iň ýakyn dost-doganlyk döwlet bolup durýandygyny, ikitaraplaýyn gatnaşyklaryň uzak möhletleýin, strategik häsiýete eýedigini belledi. Şunuň bilen baglylykda, häzirki wagtda özara hyzmatdaşlygyň baý tejribesiniň toplanandygyna üns çekildi. Taryhyň synagyndan geçen, köki asyrlara uzaýan bu gatnaşyklar syýasy, ykdysady, medeni-ynsanperwer ugurlarda ileri tutulýan wezipeleriň üstünlikli amala aşyrylmagynyň berk binýadyny emele getirýär.

Gahryman Arkadagymyzyň belleýşi ýaly, Türkiýe biziň ýurdumyzyň ähmiýetli söwda-ykdysady hyzmatdaşy bolup durýar. Türkmen ykdysadyýetiniň möhüm pudaklarynda türk kompaniýalarynyň we işewürleriniň alyp barýan netijeli işleri muňa mysaldyr. Şoňa görä, Milli Liderimiz hem-de myhman bu ugurdaky hyzmatdaşlygy hil taýdan täze derejä çykarmagyň zerurdygy baradaky pikiri beýan etdiler. Ýangyç-energetika toplumy, ulag-kommunikasiýa pudagy ileri tutulýan ugurlaryň hatarynda kesgitlenildi. Bellenilişi ýaly, biziň ýurdumyzyň başlangyjy bilen durmuşa geçirilýän, tutuş sebit üçin uly ähmiýete eýe bolan iri taslamalar, şol sanda Türkmenistan — Owganystan — Pakistan — Hindistan gaz geçirijisiniň, Türkmenistan — Owganystan — Pakistan elektrik geçiriji ulgamynyň gurluşygy bilelikdäki iş üçin giň mümkinçilikleri açýar.

Söhbetdeşligiň dowamynda Gahryman Arkadagymyz Bitarap Türkmenistanyň diňe goranyş häsiýetine eýe bolan Harby doktrina esasynda parahatçylygy we asudalygy üpjün etmek boýunça toplumlaýyn işleri amala aşyrýandygyny aýtdy. Şunda Milli goşunyň maddy-enjamlaýyn binýadynyň döwrebaplaşdyrylmagyna, serkerdeleriň we esgerleriň söweşjeň taýýarlygynyň ýokarlandyrylmagyna möhüm ähmiýet berilýär.

Türkiýe goranmak senagaty babatda dünýäde öňdebaryjy döwletleriň hataryna girýär. Köp ýyllaryň dowamynda ýurtlarymyzyň arasynda harby ulgamda hyzmatdaşlyk üstünlikli ösdürilýär. Şunuň bilen baglylykda, bu ugurdaky gatnaşyklary mundan beýläk-de giňeltmegiň mümkinçilikleri ara alnyp maslahatlaşyldy. Türkmen halkynyň Milli Lideri türk tarapynyň netijeli tekliplerine seretmäge taýýardygyny tassyklady.

Duşuşygyň ahyrynda Gahryman Arkadagymyz Gurbanguly Berdimuhamedow we Türkiýe Respublikasynyň milli goranmak ministri iki döwletiň doganlyk halklarynyň bähbidine netijeli hyzmatdaşlygy giňeltmäge üýtgewsiz ygrarlydyklaryny tassykladylar.

Сегодня Национальный Лидер туркменского народа, Председатель Халк Маслахаты Туркменистана Гурбангулы Бердымухамедов встретился с министром национальной обороны Турецкой Республики Яшаром Гюлером.

Выразив искреннюю признательность за уделённое время, гость передал Герою-Аркадагу тёплые приветствия от имени Президента Реджепа Тайипа Эрдогана, отметив при этом, что в Турции придают большое значение упрочению отношений с братским Туркменистаном, реализующим внешнеполитический курс, основанный на принципах постоянного нейтралитета.

Передав ответные наилучшие пожелания высшему руководству Турецкой Республики, Национальный Лидер туркменского народа Гурбангулы Бердымухамедов выразил уверенность в том, что визит министра оборонного ведомства дружественной страны и проведённые в его рамках переговоры с туркменскими коллегами придадут импульс расширению и укреплению двусторонних связей.

В продолжение встречи гость отметил весомый вклад Председателя Халк Маслахаты Туркменистана в развитие плодотворного межгосударственного диалога как в двустороннем, так и в многостороннем формате, в рамках региональных и международных организаций, в том числе ТЮРКСОЙ. В данном контексте была подчёркнута значимость участия Героя-­Аркадага Гурбангулы Бердымухамедова в состоявшемся в марте текущего года третьем Анталийском дипломатическом форуме. При этом особый акцент был сделан на актуальности озвученных Нацио­нальным Лидером туркменского народа инициатив, направленных на объединение усилий по выработке сбалансированных решений насущных вопросов современности, достижению Целей устойчивого развития.

Яшар Гюлер также отметил, что предметом особой гордости для всего турецкого народа и ярким символом нерушимости уз дружбы и братства между нашими странами стало присвоение Президенту Реджепу Тайипу Эрдогану Указом Президента Сердара Бердымухамедова звания «Hormatly il ýaşulusy» Туркменистана.

Поблагодарив за добрые слова, Председатель Халк Маслахаты отметил, что Турецкая Республика является самым близким братским государством, взаимодействие с которым носит долгосрочный, стратегический характер. В данном контексте акцент был сделан на том, что сегодня накоплен богатый опыт двустороннего взаимодействия. Многовековые отношения, проверенные временем и имеющие глубокие исторические корни, служат прочной основой для успешного решения приоритетных задач в политической, экономической и культурно-гуманитарной сферах.

Как подчеркнул Председатель Халк Маслахаты, Турция является значимым торгово-экономическим партнёром нашей страны. Примером тому служит активная деятельность турецких компаний и бизнесменов в ключевых отраслях туркменской экономики. Учитывая огромные возможности двух стран, Национальный Лидер туркменского народа и гость высказались за необходимость вывода взаимодействия в этой сфере на качественно новый уровень.

В числе приоритетных векторов был определён топливно-энергетический комп­лекс, энергетика, транспортно-коммуникационный сектор. Как отмечалось, широкие перспективы для совместной работы открывают реализуемые по инициативе нашей страны крупнейшие и важные для всего региона проекты, в том числе строительство газопровода Туркменистан–Афганистан–Пакистан–Индия и линии электропередачи Туркменистан–Афганистан–Пакистан.

В продолжение встречи Герой-Аркадаг подчеркнул, что нейт­ральный Туркменистан на основе Военной доктрины, носящей сугубо оборонительный характер, осуществ­ляет комплексную работу по обес­печению мира и благополучия. При этом особое значение придаётся дальнейшей модернизации материально-технической базы Национальной армии, повышению уровня боевой подготовки офицеров и солдат.

Турция одно из передовых государств в сфере оборонной промышленности. На протяжении многих лет между нашими странами успешно развивается сотрудничество в военной области. В этой связи предметом обсуждения стали возможности наращивания взаимодействия в этом направлении. В данном контексте Национальный Лидер туркменского народа подтвердил готовность рассмотреть предложения турецкой стороны.

В завершение встречи Герой-Аркадаг Гурбангулы Бердымухамедов и министр национальной обороны Турции отметили неизменную приверженность двух государств наращиванию плодо­творного сотрудничества на благо двух народов.

On June 26, 2024, the National Leader of the Turkmen people, Chairman of the Halk Maslahaty of Turkmenistan Gurbanguly Berdimuhamedov met with the Minister of National Defense of the Republic of Türkiye Yashar Guler.

Expressing sincere gratitude for his time, the guest conveyed warm greetings to Hero-Arkadag on behalf of President Recep Tayyip Erdogan, noting that Türkiye attaches great importance to strengthening relations with brotherly Turkmenistan, which implements a foreign policy based on the principles of permanent neutrality.

Having conveyed his best wishes to the top leadership of the Republic of Türkiye, National Leader of the Turkmen people Gurbanguly Berdimuhamedov expressed confidence that the visit of the Minister of Defense of a friendly country and the negotiations held within its framework with Turkmen colleagues will give impetus to the expansion and strengthening of bilateral ties.

Continuing the meeting, the guest noted the significant contribution of the Chairman of the Halk Maslahaty of Turkmenistan to the development of fruitful interstate dialogue in both bilateral and multilateral formats, within the framework of regional and international organizations, including TURKSOY.

Yashar Guler also noted that the conferment of the title «Hormatly il ýaşulusy» of Turkmenistan to President Recep Tayyip Erdogan by Decree of President Serdar Berdimuhamedov was a source of special pride for the entire Turkish people and a vivid symbol of the inviolability of the bonds of friendship and brotherhood between our countries.

Thanking for the kind words, Chairman of the Halk Maslahaty noted that the Republic of Türkiye is the closest fraternal state, interaction with which is long-term and strategic.

As Chairman of the Halk Maslahaty emphasized, Türkiye is a significant trade and economic partner of our country. The fuel and energy complex, energy, transport and communications sector were identified as priority vectors.

Continuing the meeting, Hero-Arkadag emphasized that neutral Turkmenistan, based on the Military Doctrine, which is purely defensive in nature, is carrying out comprehensive work to ensure peace and prosperity.

For many years, cooperation in the military field has been successfully developing between our countries. In this regard, the subject of discussion was the possibility of increasing interaction in this direction. In this context, the National Leader of the Turkmen people confirmed his readiness to consider the proposals of the Turkish side.

At the end of the meeting, Hero-Arkadag Gurbanguly Berdimuhamedov and the Minister of National Defense of Türkiye noted the unwavering commitment of the two states to build up fruitful cooperation for the benefit of the two peoples.

MEŇZEŞ HABARLAR

Garaşsyz Türkmenistan — jebisligiň we abadançylygyň ýurdy

Mukaddes Garaşsyzlygymyzyň 33 ýyllyk baýramynyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde we hormatly Prezidentimiz Serdar Berdimuhamedowyň gatnaşmagynda geçirilen Türkmenistanyň Halk Maslahatynyň mejlisi şöhratly geçmişine aýawly garaýan we nurana geljegiň binýadyny şu günden goýýan halkymyzyň jebisligini, ruhy bitewüligini aýdyň görkezdi.

Halk Maslahatynyň öňden gelýän halk häkimiýetliliginiň milli däplerine laýyklykda geçirilen mejlisinde ýetilen taryhy sepgitlere syn berlip, döwlet durmuşynyň möhüm meseleleri ara alnyp maslahatlaşyldy we uzak möhletli geljegi nazara almak bilen, Watanymyzy has-da gülledip ösdürmäge gönükdirilen wezipeler kesgitlenildi.

Mejlisde Gahryman Arkadagymyz Türkmenistanyň agzybirligiň hem-de rowaçlyklaryň ýurduna öwrülendigini buýsanç bilen nygtady. Bu gün ykbalyny halkyň ykbaly bilen berk baglan Gündogaryň akyldar şahyry Magtymguly Pyragynyň arzuw eden zamanasy geldi. 2024-nji ýyl şahyryň doglan gününiň 300 ýyllygyna beslenýär. Merdana, gahryman ata-babalarymyz ýüzýyllyklaryň dowamynda özbaşdak, garaşsyz döwlet gurmak barada arzuw edipdirler. 33 ýyl mundan ozal Türkmenistan döwlet Garaşsyzlygyna eýe boldy. Garaşsyzlyk häzirki üstünliklerimiziň we geljekki sepgitlerimiziň sarsmaz binýadyny emele getirýär.

Ýurdumyzyň durmuş-ykdysady ösüşiň ilkinji nobatdaky wezipelerini üstünlikli çözmek üçin ägirt uly geosyýasy, ykdysady, serişde we adam mümkinçiliklerini doly derejede peýdalanmaga gönükdirilen hemmetaraplaýyn özgertmeler ugry giň halkara ykrarnama eýe boldy. Halkymyzyň irginsiz we gaýratly zähmeti esasynda ata Watanymyz Garaşsyzlyk ýyllarynda dünýäniň ösen döwletleriniň derejesine çykyp, belent sepgitlere ýetdi. Türkmenistanyň Halk Maslahatynyň mejlisindäki çykyşlarda bellenilişi ýaly, täze taryhy eýýamymyzyň gazananlary Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli dowam etdirilýän parasatly we öňdengörüjilikli syýasatyň netijesidir. Giň gerimli özgertmeler strategiýasy, ilkinji nobatda, milli ykdysadyýetimizi döwrebaplaşdyrmaga we senagatlaşdyrmaga, daşary ýurtlardan getirilýän harytlaryň ornuny tutýan eksport ugurly önümleri öndürmäge ýöriteleşen döwrebap kärhanalary döretmäge gönükdirilendir.

Strategik ugurlar bolan ýangyç-energetika, oba hojalygy, gurluşyk-senagat pudaklaryny, ulag we maglumat-aragatnaşyk düzümlerini giň gerimde ösdürmek bilen bir hatarda, ählumumy ösüşiň hereketlendiriji güýji hökmünde giňden ykrar edilýän ylym-bilim ulgamyna hem uly möçberde maýa goýulýar. Saglygy goraýyş, medeniýet, sport, umuman, milletiň ruhy we beden taýdan yzygiderli ösüşine oňyn täsirini ýetirýän ugurlar durmuş ugurly döwlet syýasatynyň wajyp bölegini emele getirýär.

Türkmen halkynyň Milli Lideri Gurbanguly Berdimuhamedow döwletli maslahatda çykyş edip, demokratik, hukuk we dünýewi döwletimizi mundan beýläk-de ösdürmek boýunça garaýyşlaryny beýan etdi. Gahryman Arkadagymyz mukaddes Garaşsyzlygymyzyň ähmiýetine aýratyn ünsi çekip, onuň mähriban halkymyzyň we eziz Watanymyzyň bütin dünýäde ykrar edilmesidigini, ähli üstünliklerimiziň, beýik ösüşlerimiziň aýdyň ýoludygyny nygtady. “Ýurdumyzyň her bir raýaty ata Watanymyza belent söýgüsi bilen ýaşaýar we yhlasly zähmet çekýär. Abadançylygyň, bagtyýarlygyň, gülläp ösüşiň hatyrasyna döwlet adama, adam bolsa döwlete gulluk edýär. Munuň özi «Döwlet adam üçindir!» diýen taglymatymyzyň esasynda alyp barýan işlerimiziň rowaçlanýandygyny görkezýär” diýip, Milli Liderimiz öz çykyşynda aýtdy.

«Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň», “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynyň”, Oba milli maksatnamasynyň, “Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynyň” hem-de beýlekileriň üstünlikli amala aşyrylmagy netijesinde, döwletimiziň ykdysady kuwwaty artyp, halkara abraýy pugtalanýar, halkymyzyň hal-ýagdaýy barha ýokarlanýar. Türkmenistanyň Halk Maslahaty döwlet ähmiýetli meseleleri çözmäge, halkymyzyň agzybirligini, jebisligini has-da berkitmäge ýakyndan gatnaşýar. Türkmenistanyň Konstitusiýasyna we döwlet gurmakda milletimiziň baý taryhy tejribesini hasaba almak bilen, umumy ykrar edilen demokratik ýörelgelere laýyklykda işleýän bu ýokary wekilçilikli edara döwürleriň hem nesilleriň arasynda mizemez baglanyşygy, möhüm jemgyýetçilik-syýasy çözgütleriň kabul edilmegine ilatyň giň gatlagynyň gatnaşmagyny üpjün etmek maksady bilen, Garaşsyz, Bitarap döwletimiziň öňden gelýän halk häkimiýetliliginiň gadymy däplerine ygrarlydygyny alamatlandyrýar.

Halk Maslahatynyň ýanynda döredilen Ýaşulular geňeşiniň işine hem uly ähmiýet berilýär. Onuň agzalary Berkarar döwletiň täze eýýamynyň Galkynyşy döwrüniň belent maksatlaryny hem-de wezipelerini düşündirmek, ösüp gelýän ýaş nesli terbiýelemek, goldamak boýunça uly işleri alyp barýarlar. Munuň özi jemgyýetimiziň jebisligini, milli bitewüligimizi berkitmäge, watansöýüji nesilleri kemala getirmäge ýardam berýär. Hut şonuň üçin-de durmuş we zähmet ýoly nusgalyk bolan parasatly ýaşulularymyza, kümüş saçly enelerimize aýratyn hormat-sarpa goýulýar.

“Beýik akyldar şahyrymyz Magtymguly Pyragynyň Garaşsyz döwlet baradaky arzuwlary bu gün doly hasyl boldy. Bize pederlerimiziň belent hem-de asylly arzuwlary hakykata öwrülen parahat, asuda, berkarar ýurtda ýaşamak we döretmek bagty miýesser etdi” diýip, Türkmenistanyň Halk Maslahatynyň Başlygy çykyşynda buýsanç bilen nygtady hem-de geljekde Watanymyzy has-da özgertjek, gözelleşdirjek giň gerimli işleriň amala aşyryljakdygyny aýtdy. Nygtalyşy ýaly, “Pähim-paýhas ummany Magtymguly Pyragy” şygary astynda geçýän şu ýylyň ýokary görkezijileri durmuşa geçirilýän içeri we daşary syýasatyň örän netijelidigini görkezýär.

Ykdysady ösüşi ýurduň durnukly öňe gitmeginiň möhüm şerti hökmünde kesgitlän Gahryman Arkadagymyz ykdysady üstünliklerimiziň halkymyzyň ýaşaýyş-durmuş derejesini has-da ýokarlandyrmaga gönükdirilendigine ünsi çekdi. Şunuň bilen baglylykda, türkmen halkynyň Milli Lideri adam başyna düşýän girdejiniň ýokary derejesini we adam maýasyny hem-de ylmy-tehnologik ösüşleri, ähli pudaklarda zähmet öndürijiliginiň ýokary bolmagyny, ykdysady özgertmeleriň işjeň depginini, dünýä bazarynda bäsdeşlige ukyply bolmagy döwletimiziň ykdysady ösüşiniň esasy aýratynlyklarynyň hatarynda görkezdi. Hormatly Arkadagymyz durmuş-ykdysady ösüşiň ylym, bilim, medeniýet bilen berk baglanyşyklydygyny aýdyp, «Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasy» esasynda bilim işini halkara ölçeglere laýyk kämilleşdirmäge badalga berlendigini belledi. Geljekde-de ýurdumyzda döwrebap bilim edaralaryny gurmagyň, ylmyň, innowasiýalaryň ileri tutulýan ugurlary boýunça tehnologiýalar merkezlerini döretmegiň maksadalaýyk boljakdygy aýdyldy.

Gahryman Arkadagymyzyň nygtaýşy ýaly, dünýäniň öňdebaryjy uniwersitetleriniň sanawyna girýän bilelikdäki ýokary okuw mekdepleri ýa-da olaryň şahamçalary açylsa, ýaşlarymyz üçinem, jemgyýetimiz üçinem uly ähmiýetli bolar. Milli Liderimiz ýaşlar barada döwlet syýasatyny amala aşyrmak boýunça öňde durýan meseleler barada durup geçip, mekdebe çenli çagalar edaralarynyň, umumybilim berýän orta mekdepleriň sanyny artdyrmagy; saglygy sebäpli mümkinçiligi çäkli çagalar bilen alnyp barylýan işleri kämilleşdirmegi, olar bilen işleýän pedagogik işgärleriň hünärini ýokarlandyrmagy; ýokary okuw mekdeplerinde ylym-bilim-önümçilik arabaglanyşygynyň kämil usulyny döretmegi möhüm wezipeleriň hatarynda kesgitledi. Şeýle hem ýaş nesli milli gymmatlyklarymyza, däp-dessurlarymyza buýsanç ruhunda, ynsanperwer kadalarymyz esasynda terbiýelemek üçin meşhur şahsyýetlerimiziň ýadygärliklerini ebedileşdirmek; müňýyllyklardan gözbaş alýan medeniýetimizi, edebiýatymyzy, şöhratly taryhymyzy täze nazaryýet esasynda düýpli öwrenmek boýunça degişli işleri alyp barmagyň zerurdygy bellenildi. Arkadag şäheriniň dünýäniň ylym-bilim merkezi hökmündäki ornuny pugtalandyryp, şäherde Türkmenistanyň gadymy, orta asyrlar, täze we iň täze taryhyny, arheologik, binagärlik ýadygärliklerini, döwletimiziň alyp barýan syýasatyny öwrenýän hem-de wagyz edýän halkara ylmy-barlag merkezini döretmegiň möhümdigine aýratyn üns çekildi.

Türkmenistanyň Halk Maslahatynyň Başlygy täze döwrüň amala aşyrylýan özgertmeleri has-da giňeldip, jemgyýetimiziň aň-bilim mümkinçiligini ýokarlandyrmagy talap edýändigini aýtdy. Ilatyň iş bilen üpjünçilik meselelerine-de uly üns berildi. Hormatly Arkadagymyz «Türkmenistanyň zähmet bazaryny 2030-njy ýyla çenli ösdürmegiň Konsepsiýasyny» kabul etmek başlangyjy bilen çykyş etdi. Bu Konsepsiýa iş üpjünçiligi boýunça halkara guramalar, daşary ýurtlar bilen hyzmatdaşlygy giňeltmekde, hususan-da, Halkara Zähmet Guramasynyň konwensiýalaryna goşulmakda möhüm ädim bolar. Maliýe bazaryny ösdürmek, telekeçiligiň täze görnüşlerini we usullaryny ornaşdyrmak hem döwrüň talabydyr. Şunuň bilen baglylykda, Milli Liderimiz ýurdumyzy ýokary depginde ösdürmegiň täze tapgyryna badalga berjek 2030-njy ýyla çenli maliýe bazaryny ösdürmegiň Strategiýasynyň, kiçi we orta telekeçiligi goldamagyň Milli maksatnamasynyň kabul edilmegini möhüm wezipeleriň hatarynda görkezdi.

Gahryman Arkadagymyz Türkmenistanyň Halk Maslahatynyň geljek ýyl geçiriljek mejlisine 2026 — 2052-nji ýyllarda ýurdumyzyň daşary ykdysady işini; döwlet-hususy hyzmatdaşlygyny; sanly ykdysadyýeti; ulag diplomatiýasyny; medeni diplomatiýasyny; ylmy-lukmançylyk diplomatiýasyny; ýokary bilimi ösdürmegiň Strategiýalarynyň; intellektual eýeçilik ulgamyny ösdürmegiň Konsepsiýasynyň; 2030-njy ýyla çenli bedenterbiýäni we sporty goldamagyň hem-de ösdürmegiň Maksatnamasynyň taslamalaryny hödürlemegi teklip etdi.

Türkmenistanyň hemişelik Bitaraplygynyň 30 ýyllygyna beslenjek, ýurdumyzyň başlangyjy bilen dünýäde «Halkara parahatçylyk we ynanyşmak ýyly» diýlip yglan edilen 2025-nji ýylda hyzmatdaşlygy hem-de özara düşünişmegi pugtalandyrmak ählumumy wezipe hökmünde kesgitlenildi. “Bitaraplyk biziň parahatçylygy we hyzmatdaşlygy ündeýän, halklary dost-doganlyga, agzybirlige çagyrýan, ynsanperwerligi wagyz edýän işlerimizi dünýä ýaýýan taglymatdyr. Bu taglymat eziz Watanymyzyň beýik geljeginiň şanyna döredýän hem gurýan merdana halkymyza täze üstünlikleri gazanmaga güýç-kuwwat berýär” diýip, Gahryman Arkadagymyz aýtdy. Bellenilişi ýaly, ýurdumyz halkara bileleşigiň jogapkärli agzasy hökmünde Bitaraplyk hukuk ýagdaýyna daýanyp, geljekde-de «Dialog — parahatçylygyň kepili» atly filosofiýa esasynda halkara gatnaşyklaryň ösüşine mynasyp goşant goşar.

Türkmen halkynyň Milli Lideri Arkadag şäherini ösdürmek, onuň ikinji tapgyryny gurmak bilen bagly işler barada aýratyn durup geçip, bu ýerde sagdyn durmuş ýörelgeleriniň berkidilmegine, senagat we önümçilik desgalarynyň ýokary ekologik talaplara laýyk gelmegine möhüm ähmiýet berilýändigini belledi. Şu ýylyň martynda döredilmeginiň üç ýyllygy bellenilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň alyp barýan işleri Watanymyzyň bagtyýar nesilleri barada edilýän aladanyň aýdyň güwäsidir. Alyp barýan işine halkara derejede ýokary baha berilýän gaznanyň serişdeleriniň hasabyna köp sanly çaganyň saglygynyň dikeldilmegi Garaşsyz döwletimiziň ynsanperwer syýasatynyň üstünliklere beslenýändigini görkezýär.

Türkmen halkynyň Milli Lideri berkarar döwletimiziň mundan beýläk-de ösdürilmeginiň we halkymyzyň bagtyýar ýaşaýşyny üpjün etmek boýunça uly wezipeleriň möhüm ähmiýetini belläp, ýurdumyzyň her bir raýatynyň Watanymyzyň abraý-mertebesine, bedew batly ösüşine dahylly her bir işe ýürekden ýapyşyp, öz mynasyp goşandyny goşjakdygyna berk ynam bildirdi. Parasatly halk pähiminde aýdylyşy ýaly, “Agzybire Taňry biýr...”.

Şeýlelikde, ýokary ruhubelentlikde geçirilen Türkmenistanyň Halk Maslahatynyň mejlisi halkymyzyň jebisliginiň, agzybirliginiň, eziz Watanymyzy ösüşiň täze sepgitlerine çykarmakda ägirt uly döredijilik mümkinçilikleriniň aýdyň güwäsi boldy.

20.11.2024

Türkmenistanyň Prezidenti iş maslahatyny geçirdi

Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda iş maslahatyny geçirdi. Onda ýurdumyzyň welaýatlarynda we oba hojalyk toplumynda alnyp barylýan işlere, Oba milli maksatnamasynyň ýerine ýetirilişi bilen baglanyşykly meselelere garaldy.

Ilki bilen, Ahal welaýatynyň häkimi S.Soltanmyradowa söz berildi. Häkim möwsümleýin oba hojalyk işleriniň barşy barada hasabat berdi.

Bellenilişi ýaly, şu günler welaýatyň babadaýhanlary tarapyndan ýetişdirilen pagta hasylyny soňky hanasyna çenli ýitgisiz ýygnap almak boýunça işler guramaçylykly dowam edýär. Şunda oba hojalyk tehnikalarynyň netijeli işledilmegine aýratyn üns berilýär. Ýygnalan hasyl kabul ediş harmanhanalarynda, pagta arassalaýjy kärhanalarda bökdençsiz kabul edilýär. Hormatly Prezidentimiziň ýurdumyzda azyk bolçulygyny döretmek baradaky tabşyryklaryny üstünlikli berjaý etmek maksady bilen, bugdaý ekilen meýdanlarda ideg işleri agrotehnikanyň kadalaryna laýyklykda ýerine ýetirilýär. Welaýatda geljek ýylyň hasyly üçin gowaça ekiljek meýdanlarda sürüm işleri meýilnama esasynda alnyp barylýar. Sebitiň çägindäki edara-kärhanalaryň, bilim, saglygy goraýyş, sport we medeniýet maksatly binalaryň, ýaşaýyş jaýlarynyň ýyladyş ulgamlarynyň bökdençsiz işledilmegini üpjün etmek boýunça zerur çäreler görülýär. Şeýle hem häkim Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilen medeni-durmuş, önümçilik maksatly desgalardaky gurluşyk işleriniň ýagdaýy barada hasabat berdi.

Hormatly Prezidentimiz Serdar Berdimuhamedow hasabaty diňläp, häkime ýetişdirilen pagta hasylyny ýitgisiz ýygnap almak, ekiş geçirilen bugdaý meýdanlarynda ideg işlerini agrotehniki möhletlerde we talabalaýyk geçirmek üçin ähli zerur çäreleri görmegi tabşyrdy. Şeýle-de döwlet Baştutanymyz Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilýän dürli maksatly desgalardaky gurluşyk işleriniň öz wagtynda ýerine ýetirilmegini gözegçilikde saklamak barada tabşyryklary berdi.

Balkan welaýatynyň häkimi H.Aşyrmyradow möwsümleýin oba hojalyk işleriniň barşy barada hasabat berdi.

Nygtalyşy ýaly, welaýatda pagta hasylyny iň soňky hanasyna çenli ýygnap almak, ýygnalan hasyly kabul ediş harmanhanalarynda, pagta arassalaýjy kärhanada bökdençsiz kabul etmek boýunça degişli işler dowam edýär. Sebitde bugdaýyň bol hasylyny ösdürip ýetişdirmek maksady bilen, ekiş geçirilen meýdanlarda gögeriş we ösüş suwuny tutmak, mineral dökünler bilen iýmitlendirmek işleri agrotehnikanyň kadalaryna laýyklykda alnyp barylýar. Gowaça ekiljek meýdanlary ekiş möwsümine taýýarlamak işleriniň çäklerinde ýerlerde sürüm geçirilýär. Welaýatyň çägindäki bilim, medeniýet, dolandyryş, jemgyýetçilik desgalarynyň, ýaşaýyş jaýlarynyň ýyladyş ulgamlaryny kadaly işletmek boýunça zerur çäreler görülýär. Şeýle hem häkim «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna» laýyklykda, şu ýyl welaýatda açylyp ulanmaga berilmegi meýilleşdirilýän medeni-durmuş, önümçilik maksatly desgalardaky gurluşyk işleri barada hasabat berdi.

Hormatly Prezidentimiz hasabaty diňläp, möwsümleýin oba hojalyk işleriniň ýokary hilli we agrotehniki möhletlerde ýerine ýetirilmegine möhüm ähmiýet berilmelidigini belledi we bu babatda häkime anyk tabşyryklary berdi. Şeýle-de döwlet Baştutanymyz Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan dürli maksatly desgalardaky gurluşyk işleriniň bellenen möhletlerde ýerine ýetirilmegini gözegçilikde saklamagy tabşyrdy.

Soňra iş maslahaty Daşoguz welaýatynyň häkimi D.Babaýewiň welaýatda möwsümleýin oba hojalyk işleriniň barşy baradaky hasabaty bilen dowam etdi.

Hasabatda bellenilişi ýaly, gowaça meýdanlaryndaky pagta hasylyny iň soňky hanasyna çenli ýitgisiz ýygnap almak boýunça zerur çäreler görülýär. Ýygym möwsüminde ulanylýan kombaýnlar we beýleki oba hojalyk tehnikalary doly güýjünde işledilýär. Ýygnalan hasyl pagta kabul ediş harmanhanalarynda bökdençsiz kabul edilýär. Bugdaý ekilen meýdanlarda ideg işleri agrotehnikanyň kadalaryna laýyklykda alnyp barylýar. Geljek ýylyň hasyly üçin gowaça ekiljek meýdanlarda sürüm işleri guramaçylykly dowam edýär. Welaýatda ýetişdirilen şaly hasylyny ýitgisiz ýygnap almak boýunça degişli işler geçirilýär. Hormatly Prezidentimiziň tabşyryklaryna laýyklykda, welaýatdaky medeni-durmuş maksatly binalaryň, ýaşaýyş jaýlarynyň ýyladyş ulgamlaryny kadaly işletmek boýunça zerur çäreler görülýär. Mundan başga-da, häkim ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna, Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan medeni-durmuş, önümçilik maksatly desgalardaky gurluşyk işleriniň barşy barada hasabat berdi.

Hormatly Prezidentimiz hasabaty diňläp, ýetişdirilen pagta hasylyny ýitgisiz ýygnap almagyň, ýygym möwsümine gatnaşýan ähli düzümleriň sazlaşykly işini üpjün etmegiň, bugdaý meýdanlaryndaky ideg işleriniň agrotehnikanyň kadalaryna laýyklykda berk berjaý edilmeginiň zerurdygyny belledi we bu babatda häkime anyk tabşyryklary berdi. Şeýle-de döwlet Baştutanymyz ýurdumyzy durmuş-ykdysady taýdan ösdürmek boýunça maksatnamalara laýyklykda, şu ýyl welaýatda açylyp ulanmaga berilmegi göz öňünde tutulýan dürli maksatly desgalardaky gurluşyk işleriniň ýokary hilli ýerine ýetirilmegini gözegçilikde saklamagy tabşyrdy.

Lebap welaýatynyň häkimi M.Annanepesow welaýatda dowam edýän möwsümleýin oba hojalyk işleri barada hasabat berdi.

Bellenilişi ýaly, welaýatda pagta hasylyny ýitgisiz ýygnap almak, kabul ediş harmanhanalarynda bökdençsiz kabul etmek we talabalaýyk saklamak boýunça degişli işler geçirilýär. Bugdaý ekilen meýdanlarda ösüş suwuny tutmak, mineral dökünler bilen iýmitlendirmek işleri ýerine ýetirilýär. Şunda oba hojalyk tehnikalary netijeli işledilýär. Welaýatda geljek ýylyň hasyly üçin gowaça ekiljek meýdanlarda sürüm işleri guramaçylykly alnyp barylýar. Sebitde ýetişdirilen şaly hasylyny ýygnap almak işleri tamamlaýjy tapgyrda alnyp barylýar. Welaýatyň çägindäki edara-kärhanalarda, medeni-durmuş maksatly binalarda, ýaşaýyş jaýlarynda ýyladyş ulgamlarynyň kadaly işledilmegini üpjün etmek boýunça görülýän çäreler barada-da habar berildi. Mundan başga-da, häkim Oba milli maksatnamasyna laýyklykda, şu ýyl welaýatda açylyp ulanmaga berilmegi meýilleşdirilýän medeni-durmuş, önümçilik maksatly desgalardaky gurluşyk işleriniň barşy barada hasabat berdi.

Hormatly Prezidentimiz hasabaty diňläp, pagta hasylynyň ýitgisiz ýygnalyp alynmagyny, bugdaý meýdanlaryndaky ideg işleriniň talabalaýyk ýerine ýetirilmegini esasy wezipeleriň hatarynda belledi we bu babatda häkime anyk tabşyryklary berdi. Şeýle hem döwlet Baştutanymyz häkime Oba milli maksatnamasyna laýyklykda, welaýatda şu ýyl üçin meýilleşdirilen işleriň bellenen möhletlerde ýerine ýetirilmegini gözegçilikde saklamagy tabşyrdy.

Mary welaýatynyň häkimi B.Orazow welaýatda möwsümleýin oba hojalyk işleriniň barşy barada hasabat berdi.

Bellenilişi ýaly, häzirki wagtda ýetişdirilen pagta hasylyny soňky hanasyna çenli ýitgisiz ýygnap almak, kabul ediş harmanhanalarynda we pagta arassalaýjy kärhanalarda bökdençsiz kabul etmek, ýygym möwsüminde ulanylýan kombaýnlary, awtoulaglary, beýleki tehnikalary netijeli işletmek boýunça zerur çäreler görülýär. Welaýatda geljek ýylyň hasyly üçin bugdaý ekilen meýdanlarda gögeriş we ösüş suwuny tutmak, mineral dökünler bilen iýmitlendirmek işleri ýerine ýetirilýär. Geljek ýylyň hasyly üçin gowaça ekiljek meýdanlary ekiş möwsümine taýýarlamak üçin sürüm, topragy mineral dökünler bilen gurplandyrmak işleri geçirilýär. Gant şugundyrynyň hasylyny ýitgisiz ýygnap almak, döwlet harmanyna tabşyrmak, bökdençsiz kabul etmek boýunça degişli işler alnyp barylýar. Welaýatyň çägindäki bilim, medeniýet, dolandyryş, jemgyýetçilik binalarynyň, ýaşaýyş jaýlarynyň ýyladyş ulgamlaryny kadaly işletmek boýunça zerur çäreler görülýär. Şeýle hem häkim “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna”, Oba milli maksatnamasyna laýyklykda, şu ýyl welaýatda açylyp ulanmaga berilmegi göz öňünde tutulýan medeni-durmuş, önümçilik maksatly desgalardaky gurluşyk işleriniň ýagdaýy barada hasabat berdi.

Döwlet Baştutanymyz hasabaty diňläp, daýhan yhlasy bilen ýetişdirilen pagta hasylyny soňky hanasyna çenli ýygnap almagyň, bugdaý meýdanlaryndaky ideg işleriniň talabalaýyk ýerine ýetirilmeginiň möhümdigini belledi we bu babatda häkime anyk tabşyryklary berdi. Şeýle-de hormatly Prezidentimiz ýurdumyzy durmuş-ykdysady taýdan ösdürmäge gönükdirilen maksatnamalara laýyklykda, welaýatda şu ýyl açylyp ulanmaga berilmegi göz öňünde tutulýan desgalardaky gurluşyk işleriniň öz wagtynda ýerine ýetirilmegini gözegçilikde saklamagy tabşyrdy.

Soňra Ministrler Kabinetiniň Başlygynyň orunbasary T.Atahallyýew ýurdumyzda möwsümleýin oba hojalyk işleriniň barşy barada hasabat berdi.

Bellenilişi ýaly, häzirki wagtda möwsümleýin oba hojalyk işleriniň çäklerinde welaýatlarda ýetişdirilen pagta hasylyny soňky hanasyna çenli ýitgisiz ýygnap almak, hasyly kabul ediş harmanhanalarynda we pagta arassalaýjy kärhanalarda bökdençsiz kabul etmek, gaýtadan işlemek boýunça zerur çäreler görülýär. Bugdaý ekilen meýdanlarda ösüş suwuny tutmak we mineral dökünler bilen iýmitlendirmek işleri alnyp barylýar. Geljek ýylyň pagta hasylynyň düýbüni tutmak maksady bilen, sürüm işleri dowam edýär. Bu ugurda oba hojalyk tehnikalary netijeli işledilýär. Daşoguz, Lebap welaýatlarynda şaly hasylyny, Mary welaýatynda bolsa gant şugundyrynyň hasylyny ýygnamak işleri dowam edýär.

Hormatly Prezidentimiz hasabaty diňläp, häzirki wagtda oba hojalyk pudagynyň öňünde durýan möhüm wezipelere ünsi çekdi we wise-premýere möwsümleýin oba hojalyk işleriniň ýokary hilli, agrotehniki möhletlerde geçirilmegini gözegçilikde saklamagy tabşyrdy.

Soňra döwlet Baştutanymyz iş maslahatyna gatnaşyjylara ýüzlenip, welaýatlarda ýetişdirilen pagta hasylyny soňky hanasyna çenli ýygnap almak üçin geçirilýän işlere berk gözegçilik etmegiň, ýygym möwsüminde kombaýnlary, beýleki tehnikalary, kabul ediş harmanhanalaryny, pagta arassalaýjy kärhanalary doly güýjünde, netijeli işletmegiň möhümdigini belledi. Döwlet Baştutanymyz bugdaý ekilen meýdanlarda ideg işleriniň geçirilişine berk gözegçilik etmegi, haşal otlara garşy göreş çäreleriniň öz wagtynda alnyp barylmagyny, bugdaý meýdanlarynda gögeriş we birinji ösüş suwuny tutmak, mineral dökünler bilen iýmitlendirmek işleriniň agrotehniki möhletlerde geçirilmegini üpjün etmegi, ekilen bugdaýdan kadaly gögeriş alynmagyna aýratyn üns bermegi tabşyrdy.

Welaýatlarda geljek ýylyň hasyly üçin gowaça ekiljek ýerlerde sürüm işleriniň talabalaýyk geçirilişini berk gözegçilikde saklamak, önüm öndürijiler bilen hyzmat ediji edara-kärhanalaryň arasynda şu ýylyň pagta, geljek ýylyň bugdaý hasyly boýunça ýerine ýetirilen işler üçin hasaplaşyklaryň öz wagtynda geçirilmegini üpjün etmek tabşyryldy. Şeýle hem hormatly Prezidentimiz Serdar Berdimuhamedow Daşoguz we Lebap welaýatlarynda şalynyň, Mary welaýatynda gant şugundyrynyň hasylyny ýitgisiz ýygnap almak, bilim, medeniýet, dolandyryş, jemgyýetçilik edaralarynyň we ýaşaýyş jaýlarynyň ýyladyş ulgamlarynyň kadaly işledilmegini üpjün etmek babatda degişli görkezmeleri berdi.

Hormatly Prezidentimiz ýurdumyzy durmuş-ykdysady taýdan ösdürmäge gönükdirilen maksatnamalarda bellenilen wezipeleriň üstünlikli ýerine ýetirilmeginiň möhümdigine ünsi çekip, “Türkmenistany 2022 — 2028-nji ýyllarda durmuş-ykdysady taýdan ösdürmegiň Maksatnamasyna”, Oba Milli maksatnamasyna laýyklykda, welaýatlarda şu ýyl meýilleşdirilen işleriň öz wagtynda ýerine ýetirilmegi üçin zerur çäreleri görmegi tabşyrdy.

Döwlet Baştutanymyz Serdar Berdimuhamedow iş maslahatyny jemläp, oňa gatnaşanlara berk jan saglyk, maşgala abadançylygyny, alyp barýan işlerinde uly üstünlikleri arzuw etdi.

18.11.2024

BOSNIÝA WE GERSEGOWINANYŇ ILÇISI YNANÇ HATYNY GOWŞURDY

 

2024-nji ýylyň 18-nji noýabrynda Türkmenistanyň Mejlisiniň Başlygy D.Gulmanowa Bosniýa we Gersegowinanyň Türkmenistanda täze bellenen Adatdan daşary we Doly ygtyýarly Ilçisi Niýaz Çardakliýandan Ynanç hatyny kabul etdi. 

Milli Parlamentiň ýolbaşçysy Türkmenistanyň hormatly Prezidenti Serdar Berdimuhamedowyň adyndan Ilçini ýokary diplomatik wezipä bellenilmegi bilen gutlady. Şeýle hem iki ýurduň arasyndaky dostlukly gatnaşyklary pugtalandyrmak boýunça alyp barjak işinde üstünlikleri arzuw etdi.

Duşuşygyň dowamynda Ilçi oňyn Bitaraplyk, deňhukuklylyk, özara bähbitli hyzmatdaşlyk ýörelgelerine esaslanýan strategiýany yzygiderli durmuşa geçirýän Türkmenistanyň içeri we daşary syýasatynyň ileri tutulýan ugurlary, milli Parlamentiň düzümi hem-de dürli ulgamlarda amala aşyrylýan özgertmeleri kanunçylyk taýdan üpjün etmek boýunça alnyp barylýan işler bilen tanyşdyryldy. 

Duşuşygyň dowamynda Bosniýa we Gersegowinanyň Ilçisi iki ýurduň bähbitlerine laýyk gelýän netijeli hyzmatdaşlygy mundan beýläk-de ösdürmek üçin ähli tagallalary etjekdigine ynandyrdy.

18.11.2024

Türkmenistanyň Mejlisinde 2025-nji ýyly döwrebap atlandyrmaga bagyşlanan maslahat geçirildi

 

         Türkmenistanyň Ministrler Kabinetiniň 2024-nji ýylyň 8-nji noýabrynda  sanly ulgam arkaly geçirilen nobatdaky mejlisinde Hormatly Prezidentimiz Serdar Berdimuhamedowyň Türkmenistanyň başlangyjy esasynda Birleşen Milletler Guramasynyň Baş Assambleýasynyň 78-nji sessiýasynyň 63-nji plenar mejlisinde «2025-nji ýyl – Halkara  parahatçylyk we ynanyşmak ýyly» atly Kararnamanyň kabul edilendigi hem-de geljek ýylda ýurdumyzda we dünýä döwletlerinde köp sanly halkara çäreleriň geçirilmeginiň meýilleşdirilýändigi bilen baglylykda, deputatlaryň bagtyýar halkymyz bilen maslahatlaşyp, täze 2025-nji ýyla at bermek hem-de nyşanyny kesgitlemek boýunça degişli teklipleri taýýarlamalydygy barada kesgitlän wezipelerini ara alyp maslahatlaşmak maksady bilen, 2024-nji ýylyň 16-njy noýabrynda Türkmenistanyň Mejlisinde maslahat geçirildi. 

Maslahata Türkmenistanyň Mejlisiniň Başlygy D.Gulmanowa, Türkmenistanyň Ministrler Kabinetiniň Başlygynyň Orunbasary, Türkmenistanyň Daşary işler ministri R.Meredow, Türkmenistanyň Halk Maslahatynyň Diwanynyň Iş dolandyryjysy, Gurbanguly Berdimuhamedow adyndaky Howandarlyga mätäç çagalara  hemaýat bermek      boýunça haýyr-sahawat gaznasynyň ýerine ýetiriji direktory, Dünýä türkmenleriniň ynsanperwer birleşiginiň Prezidentiniň orunbasary R.Bazarow, Mejlisiň deputatlary, köpçülikleýin habar beriş serişdeleriniň wekilleri  gatnaşdylar. 

Maslahatda Gahryman Arkadagymyzyň başlangyjy bilen, ýurdumyzda her ýyly döwrebap atlandyrmagyň we ýylyň nyşanyny döretmegiň indi däbe öwrülendigi, munuň özüniň bolsa Hormatly Prezidentimiz Arkadagly Gahryman Serdarymyzyň parasatly baştutanlygynda Garaşsyz, hemişelik Bitarap ýurdumyzyň parahatçylyk söýüjilikli, ynsanperwer döwlet syýasatyny we depginli ösüşlerini dünýä ýaýmakda, halkymyzyň hal-ýagdaýyny has-da gowulandyrmakda, durmuş üpjünçiligini pugtalandyrmakda, raýatlarymyzy döredijilikli zähmete ruhlandyrmakda, ýaş nesli watançylyk ruhunda terbiýelemekde möhüm ähmiýete eýedigi bellenildi. 

«Pähim-paýhas ummany Magtymguly Pyragy» ýylynda Gahryman Arkadagymyzyň başlangyçlary bilen Hormatly Prezidentimiz Arkadagly Gahryman Serdarymyzyň parasatly baştutanlygynda ykdysadyýetimizi ösdürmek boýunça kabul edilen döwlet maksatnamalaryny ýerine ýetirmek, ýurdumyzyň halkara abraýyny artdyrmak babatda guwandyryjy işler amala aşyryldy. 

Maslahatdaky çykyşlarda beýan edilişi ýaly, «Döwlet adam üçindir!», «Watan diňe halky bilen Watandyr! Döwlet diňe halky bilen döwletdir!» diýen ynsanperwer taglymatlary baş ýörelge edinýän Türkmenistan durmuş ugurly döwlet syýasatyny alyp barýar. Ýurdumyzyň ykdysady kuwwatyny artdyrmak ugrunda amala aşyrylýan maksatnamalaýyn özgertmeler, ilkinji nobatda, halkymyzyň ýaşaýyş-durmuş derejesini has-da ýokarlandyrmaga gönükdirilendir. 

Maslahatda türkmen halkynyň mukaddes Garaşsyzlygynyň, hemişelik Bitaraplygynyň taryhy gözbaşlara, gadymy hem mizemez köklere daýanýandygy, dünýäniň abadançylygyna, döwletleriň we halklaryň arasynda parahatçylygyň, dostlugyň hem-de hoşniýetli gatnaşyklaryň pugtalandyrylmagyna, adamzadyň bagtly geljegine gönükdirilen taglymat bolup durýandygy bellenildi. Türkmenistanyň umumadamzat abadançylygynyň bähbitleri üçin dünýä döwletleriniň tagallalaryny birleşdirmekde, halklaryň arasynda dost-doganlyk gatnaşyklaryny ösdürmekde BMG-niň düzüm birlikleri bilen hyzmatdaşlygynyň barha işjeň häsiýete eýe bolýandygy aýdyldy.

Gahryman Arkadagymyzyň, Hormatly Prezidentimiziň adamzadyň ösüşi, parahatçylygy bilen baglanyşykly beýik başlangyçlarynyň dünýä bileleşiginde doly goldaw tapmagy, bu ugurda Birleşen Milletler Guramasynyň Baş Assambleýasynyň ýörite Kararnamalary kabul etmegi türkmen pähim-parasadynyň gymmatynyň milli çäklerden çykyp, adamzat gymmatlygyna öwrülýändigine aýdyň şaýatlyk edýär. Ynsanperwerligiň ýokary taglymlaryna, demokratik ösüşiň, häzirki zaman hukuk jemgyýetiniň ýörelgelerine ygrarly Türkmenistan raýatsyzlygyň soňuna çykmak meselesine aýratyn ähmiýet berip, bosgunlaryň we raýatlygy bolmadyk adamlaryň hukuklaryny ýokary derejede üpjün etmek bilen, bu ugurdaky kanunçylyk binýadyny yzygiderli kämilleşdirýär. Ýurdumyzyň BMG-niň Bosgunlaryň işi baradaky Ýokary komissarynyň maksatnamasynyň Ýerine ýetiriji komitetiniň hemişelik agzalygyna Merkezi Aziýa sebitinde ilkinji saýlanan ýeke-täk döwlet bolmagy, ýakynda raýatsyzlygy aradan aýran ýurt hökmünde Türkmenistana bu guramanyň degişli güwänamasynyň gowşurylmagy hem raýatsyzlyk bilen bagly ählumumy meseläni çözmekde ýurdumyzyň goşandyna berlen ýokary baha boldy.

Maslahatda Hormatly Prezidentimiz Arkadagly Gahryman Serdarymyzyň, Gahryman Arkadagymyzyň tagallalary bilen, halkara hukugynyň kadalaryna we milli aýratynlyklarymyza esaslanýan kanunçylygy kämilleşdirmäge, şol sanda halk häkimiýetini ösdürmäge gönükdirilen konstitusion özgertmeler netijesinde döwleti dolandyrmakda, onuň gurluşyny kämilleşdirmekde türkmen halkynyň toplan baý tejribesinden, dünýäde ykrar edilen demokratik ýörelgelerden ugur alyp, halk häkimiýetiniň ýokary wekilçilikli edarasy – Türkmenistanyň  Halk Maslahatynyň döredilendigi barada aýdyldy.

Türkmenistanyň Bitaraplyk ýyllary içinde milli derejede we halkara möçberinde gazanan üstünlikleri, ýeten derejeleri halkymyzyň taryhy ösüş ýolunyň, milli döwletlilik taglymatynyň dogry saýlanyp alnandygyna güwä geçýär. Şu ýörelgeler hem türkmen döwletiniň halkara abraýyny arşa çykardy. 

Maslahatda geljek ýylda Türkmenistanyň hemişelik Bitaraplygynyň şanly 30 ýyllygynyň baýram edilýändigi, bu şanly senäniň 2025-nji ýyly has-da dabaralandyrjakdygy guwanç bilen bellenildi. 2025-nji ýylyň şygarynyň we nyşanynyň ýurdumyzyň ynsanperwer döwlet syýasatynyň, depginli ösüşleriniň, halkymyzyň bagtyýar durmuşynyň özboluşly beýanyna öwrülmelidigine üns çekildi. Bu ugurda halkymyzyň, ýaşlaryň arzuw-isleglerini nazarda tutmak bilen degişli işleri geçirmek barada öňde durýan wezipeler ara alnyp maslahatlaşyldy.

Maslahatda çykyş edenler 2025-nji ýylyň şygarynyň we nyşanynyň ýurdumyzyň döwlet berkararlygynyň, abadançylygynyň, täze eýýamda gazanýan üstünlikleriniň, jemgyýetimiziň jebisliginiň beýany bolup, eziz Watanymyzyň ýeten belent sepgitlerine halkymyzyň ýürek buýsanjyny artdyrjakdygyny aýratyn bellediler. Şeýle hem ýurdumyzyň alyp barýan nusgalyk işlerini dünýäde giňden wagyz etmek we asylly ýörelgeleri geljek nesillere ýetirmek ugrunda alnyp barylýan işleriň ähmiýetlidigi bellenildi. 

Maslahatyň ahyrynda oňa gatnaşyjylar eziz Diýarymyzy ösüşiň täze derejesine çykaran, halkymyzyň ýaşaýyş-durmuş şertleriniň yzygiderli ýokarlandyrylmagy ugrunda alada edýän Gahryman Arkadagymyza, hormatly Prezidentimiz Arkadagly Gahryman Serdarymyza tüýs ýürekden çykýan alkyş sözlerini aýtdylar. 

16.11.2024